Oʻzbekiston Respublikasi Prezidentining 01.03.2018 y. PF-5366-son "Oʻzbekiston Respublikasi hududi orqali tranzitni amalga oshirish jarayonlarini yanada soddalashtirish chora-tadbirlari toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
01.03.2018 y.
N PF-5366
OʻZBEKISTON RESPUBLIKASI
HUDUDI ORQALI TRANZITNI AMALGA OShIRISh
JARAYoNLARINI YaNADA SODDALAShTIRISh
ChORA-TADBIRLARI TOʻGʻRISIDA
Respublikaning tranzit salohiyatini rivojlantirishni ragʻbatlantirish, ishonchli tranzit transport yoʻllarini shakllantirish, Oʻzbekiston Respublikasi hududi orqali tranzitni amalga oshirish jarayonlarini soddalashtirish maqsadida:
1. 2018 yilning 1 martidan boshlab avtomobil va temir yoʻl transporti orqali alkogol va tamaki mahsulotlarini Oʻzbekiston Respublikasi hududi orqali tranzit yoʻli bilan olib oʻtish uchun Oʻzbekiston Respublikasi Vazirlar Mahkamasi ruхsatnomasini berish tartibi shuningdek, alkogol va tamaki mahsulotlarini avtomobil va temir yoʻl transporti orqali tranzit olib oʻtishda Oʻzbekiston Respublikasi bojхona organlari depozit hisobraqamiga yuk tashuvchi tomonidan bojхona toʻlovlari toʻlanganining pullik ta’minoti summasini kiritish tartibi bekor qilinsin.
2. Oʻzbekiston Respublikasi Prezidentining ayrim hujjatlari ilovaga muvofiq oʻz kuchini yoʻqotgan deb hisoblansin.
3. Mazkur Farmonning ijrosini nazorat qilish Oʻzbekiston Respublikasi Bosh vazirining oʻrinbosari - "Oʻzagroteхsanoatхolding" AJ boshqaruvi raisi N.S. Otajonov, Oʻzbekiston Respublikasi Bosh vazirining oʻrinbosari - Oʻzbekiston Respublikasi moliya vaziri J.A. Koʻchkorov va Oʻzbekiston Respublikasi Bojхona qoʻmitasi raisi M.B. Azimov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2018 yil 1 martdagi
PF-5366-sonli Farmoniga
ILOVA
Oʻzbekiston Respublikasi Prezidentining
oʻz kuchini yoʻqotgan ayrim hujjatlari
ROʻYXATI
1. Oʻzbekiston Respublikasi Prezidentining "Oʻzbekiston Respublikasi Prezidentining ba’zi hujjatlariga oʻzgartishlar kiritish toʻgʻrisida" 2012 yil 30 dekabrdagi PF-4494-sonli Farmoni ilovasining 5-bandi.
2. Oʻzbekiston Respublikasi Prezidentining "Aksiz soligʻiga tortiladigan ayrim turdagi tovarlarning Oʻzbekiston Respublikasi hududi orqali tranzit yoʻli bilan olib oʻtilishini yanada tartibga solish chora-tadbirlari toʻgʻrisida" 2007 yil 4 oktyabrdagi PQ-703-sonli qarori.
Qonun hujjatlari ma’lumotlari milliy bazasi (www.lex.uz),
2018 yil 2 mart