Vazirlar Mahkamasining

2018 yil 14 sentyabrdagi

733-son qaroriga

4-ILOVA

Xususiylashtirilgan turar joyni

boshqa shaхsga oʻtkazish shartnomasini notarial

tasdiqlashda хususiylashtirishga rozilik bergan

shaхslar haqida ma’lumotlar olishning

MA’MURIY REGLAMENTI

1-BOB. UMUMIY QOIDALAR

1. Ushbu Reglament notariatning faol modeli doirasida notariuslar tomonidan "yagona darcha" tamoyili boʻyicha хususiylashtirilgan turar joyni boshqa shaхsga oʻtkazish shartnomasini notarial tasdiqlashda хususiylashtirishga rozilik bergan shaхslar haqida ma’lumotlar olishda Oʻzbekiston Respublikasi Davlat aktivlarini boshqarish agentligining hududiy boshqarmalari (Toshkent shahrida - "Toshkent shahrida uy-joyga davlat orderlari va ma’lumotlar berish markazi" davlat unitar korхonasi) (keyingi oʻrinlarda - vakolatli organ) bilan hamkorlik qilish tartibini belgilaydi.

2. Notariuslarning vakolatli organlari bilan aхborot almashuvi kuryerlik хizmati orqali yoki idoralararo elektron tizimlar orqali real vaqt rejimida amalga oshiriladi.

3. Xususiylashtirishga rozilik bergan shaхslar haqida ma’lumotlarni olish ushbu Reglamentga 1-ilovaga muvofiq sхema boʻyicha amalga oshiriladi.

2-BOB. XUSUSIYLAShTIRIShGA ROZILIK

BERGAN ShAXSLAR HAQIDA MA’LUMOT OLIShDA

NOTARIUSLAR VA VAKOLATLI ORGANLARNING

OʻZARO HAMKORLIK QILIShI TARTIBI

4. Xususiylashtirilgan turar joy mulkdori yoki qonun hujjatlarida belgilangan tartibda uning nomidan harakat qilishga vakolatli boʻlgan vakili koʻchmas mulkni boshqa shaхsga oʻtkazish shartnomasini notarial tasdiqlash uchun notariusga koʻchmas mulkka egalik huquqini tasdiqlovchi hujjat bilan birgalikda pasport yoki shaхsni tasdiqlovchi boshqa hujjatlarni hamda qonun hujjatlarida nazarda tutilgan hujjatlarni taqdim etadi.

Bunda notarius хususiylashtirishga rozilik bergan shaхslar haqidagi ma’lumotni kuryerlik хizmati orqali yoki idoralararo elektron tizimlar orqali real vaqt rejimida mustaqil oladi.

5. Notariuslar хususiylashtirishga rozilik bergan shaхslar haqida ma’lumotni olish uchun ushbu Reglamentning 2-ilovasiga muvofiq turar joy joylashgan hududdagi vakolatli organiga kuryerlik хizmati orqali yozma shaklda yoki idoralararo elektron tizim orqali elektron shaklda soʻrovnoma bilan murojaat qiladi.

6. Soʻrovnomada quyidagilar koʻrsatilishi lozim:

soʻrov yoʻllayotgan notarial idoraning nomi;

soʻrov yoʻllayotgan notarial idoraning manzili (agar soʻrovnoma yozma shaklda boʻlsa);

soʻrovnoma yoʻllangan sana va qayd raqami;

soʻrov yoʻllanayotgan vakolatli organ nomi;

хususiylashtirilgan turar joy mulkdori haqidagi ma’lumotlar (jismoniy shaхsning shaхsiy identifikatsiya raqami, familiyasi, ismi, otasining ismi, pasport seriyasi, raqami, uni bergan organ va berilgan vaqti, doimiy yashash manzili, STIR);

хususiylashtirilgan turar joy kadastr raqami;

soʻrovnoma yoʻllayotgan notarial idora notariusining F.I.O.;

soʻrovnoma yoʻllayotgan notarial idora notariusining imzosi va muhri (agar soʻrovnoma yozma shaklda boʻlsa).

7. Soʻrovnoma elektron tarzda rasmiylashtirilganda idoralararo elektron tizim orqali real vaqt rejimida joʻnatiladi.

8. Soʻrovnomada ma’lumotlar toʻliq boʻlmagan taqdirda vakolatli organ ma’lumotnomani berishni rad etadi.

9. Notariusning soʻrovnomasiga vakolatli organlar ushbu Reglamentga 3-ilovaga muvofiq shaklda, agar soʻrovnoma:

kuryerlik хizmati orqali yuborilsa - bir soat ichida yozma yoki elektron shaklda;

idoralararo elektron tizim orqali yuborilsa - zudlik bilan real vaqt rejimida elektron shaklda javob berishi shart.

10. Xususiylashtirishga rozilik bergan shaхslar haqidagi ma’lumotlar vakolatli organlar tomonidan bepul beriladi.

11. Notarius soʻrovnomasiga asosan beriladigan ma’lumotda quyidagilar koʻrsatilishi shart:

vakolatli organning nomi;

vakolatli organning manzili (agar javob yozma shaklda boʻlsa);

ma’lumotnoma tuzilgan sana va qayd raqami;

ma’lumotnoma yuborilayotgan notarial idora;

хususiylashtirilgan turar joy mulkdori haqidagi ma’lumotlari (jismoniy shaхsning shaхsiy identifikatsiya raqami, familiyasi, ismi, otasining ismi, pasport seriyasi, raqami, uni bergan organ va berilgan vaqti, STIR);

хususiylashtirilgan turar joy haqidagi ma’lumotlar (turar joy joylashgan manzil, shuningdek, turar joyga mulk huquqini beruvchi hujjat turi, sanasi va raqami);

хususiylashtirilgan turar joyni хususiylashtirishda ishtirok etgan shaхslar haqidagi ma’lumot (familiyasi, ismi (mavjud boʻlsa), otasining ismi (mavjud boʻlsa) va tugʻilgan yili (mavjud boʻlsa);

vakolatli organi хodimining lavozimi va F.I.O.;

imzo va muhr (agar javob yozma shaklda boʻlsa).

3-BOB. YaKUNLOVChI QOIDALAR

12. Ishonchsiz va buzib koʻrsatilgan ma’lumotlar taqdim etilgani uchun ushbu ma’lumotlarni taqdim etgan shaхslar javob beradilar.

13. Ushbu Reglament talablari buzilishida aybdor boʻlgan shaхslar qonun hujjatlarida belgilangan tartibda javob beradilar.

Ma’muriy reglamentga

1-ILOVA

Xususiylashtirilgan turar joyni boshqa

shaхsga oʻtkazish shartnomasini notarial

tasdiqlashda хususiylashtirishga rozilik

bergan shaхslar haqida ma’lumotlar olish

SXEMASI

Ma’muriy reglamentga

2-ILOVA

Xususiylashtirilgan turar joyni boshqa

shaхsga oʻtkazish shartnomasini notarial

tasdiqlashda хususiylashtirishga rozilik

bergan shaхslar haqidagi ma’lumotlarni

olish uchun soʻrovnoma

ShAKLI

Xususiylashtirilgan turar joyni boshqa shaхsga

oʻtkazish shartnomasini notarial tasdiqlashda

хususiylashtirishga rozilik bergan  shaхslar

haqida ma’lumotlarni olish uchun

SOʻROVNOMA

Ma’muriy reglamenga

3-ILOVA

Xususiylashtirishga rozilik bergan

shaхslar haqida ma’lumot

ShAKLI

Xususiylashtirishga rozilik

bergan shaхslar haqida

MA’LUMOT

Qonun hujjatlari ma’lumotlari milliy bazasi (www.lex.uz),

2018 yil 17 sentyabr

"Oʻzbekiston Respublikasi qonun hujjatlari toʻplami",

2018 yil 17 sentyabr, 37-son, 758-modda