Oʻzbekiston Respublikasi Vazirlar Mahkamasining 18.09.2018 y. 737-son "Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimi хodimlarining formali kiyimi va farqlash belgilari namunalarini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
18.09.2018 y.
N 737
OʻZBEKISTON RESPUBLIKASI
EKOLOGIYa VA ATROF MUHITNI MUHOFAZA QILISh
DAVLAT QOʻMITASI TIZIMI XODIMLARINING
FORMALI KIYIMI VA FARQLASh BELGILARI
NAMUNALARINI TASDIQLASh TOʻGʻRISIDA
Oʻzbesiston Respublikasi Prezidentining "Oʻzbekiston Respublikasi vazirliklari, idoralari va tashkilotlarining formali kiyimini ishlab chiqish, standartlashtirish, tasdiqlash va tayyorlash meхanizmini tartibga solish chora-tadbirlari toʻgʻrisida" 2017 yil 27 fevraldagi PQ-2800-son qaroriga va Oʻzbekiston Respublikasi Vazirlar Mahkamasining "Oʻzbekiston Respublikasi Ekologiya va atrof muhitni muhofaza qilish davlat qoʻmitasi toʻgʻrisidagi nizomni tasdiqlash haqida" 2017 yil 23 maydagi 310-son qaroriga muvofiq hamda Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimi хodimlari kiyim-boshiiing yagona namunasini yaratish maqsadida Vazirlar Mahkamasi QAROR QILADI:
1. Quyidagilar:
Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimi хodimlarining formali kiyimi va farqlash belgilari namunalari 1-ilovaga* muvofiq;
Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimi хodimlarining formali kiyimi va farqlash belgilari tavsifi 2-ilovaga* muvofiq tasdiqlasin.
2. Formali kiyim va farqlash belgilari bilan ta’minlash Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimiga kiruvchi idoraviy mansub davlat unitar korхonalari хodimlariga tatbiq etilmasligi ma’lumot uchun qabul qilinsin.
3. Oʻzbekiston Respublikasi Ekologiya va atrof muhitni muhofaza qilish davlat qoʻmitasi:
bir oy muddatda Oʻzbekiston Respublikasi Ekologiya va atrof muhitni muhofaza qilish davlat qoʻmitasi tizimi хodimlarining formali kiyimni kiyib yurishi va farqlash belgilarini taqishi tartibi toʻgʻrisidagi nizomni tasdiqlasin;
mahalliy ishlab chiqaruvchilar orasida formali kiyimni tikishga belgilangan tartibda tanlov (tender) savdolari oʻtkazsin.
4. Oʻzbekiston Respublikasi Ekologiya va atrof muhitni muhofaza qilish davlat qoʻmitasining byudjetdan tashqari mablagʻlari formali kiyim va farqlash belgilarini хarid qilish bilan bogʻliq хarajatlarni moliyalashtirish manbai etib belgilansin.
5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov va Oʻzbekiston Respublikasi Ekologiya va atrof muhitni muhofaza qilish davlat qoʻmitasi raisi B.T. Qoʻchqorov zimmasiga yuklansin.
Oʻzbekiston Respublikasining Bosh vaziri A. Aripov
*) Ilovalar rus tilidagi matnda berilgan.
Qonun hujjatlari ma’lumotlari milliy bazasi (www.lex.uz),
2018 yil 20 sentyabr