Oʻzbekiston Respublikasi Vazirlar Mahkamasining 09.04.2004 y. 167-son "Malayziya bilan investitsiya hamkorligini rivojlantirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
09.04.2004 y.
N 167
MALAYZIYa BILAN INVESTITsIYa
HAMKORLIGINI RIVOJLANTIRISh
ChORA-TADBIRLARI TOʻGʻRISIDA
Malayziya bilan investitsiya hamkorligi dasturlarini samarali tayyorlash va amalga oshirish maqsadida Vazirlar Mahkamasi QAROR QILADI:
1. Oʻzbekiston Respublikasining Malayziya bilan Hukumatlararo hamkorligi doirasida Investitsiya loyihalarini tayyorlash boʻyicha idoralararo ishchi guruh tarkibi ilovaga muvofiq tasdiqlansin.
2. Quyidagilar Oʻzbekiston Respublikasining Malayziya bilan hamkorligining ustuvor yoʻnalishlari etib belgilansin:
Oʻzbekiston Respublikasining uglevodorod resurslarini keng koʻlamda razvedka qilish va qazib chiqarish boʻyicha neft-gaz tarmogʻidagi loyihalarni amalga oshirishga investitsiyalarni jalb etish;
elektroteхnika, elektron, kon qazib chiqarish, yengil sanoat, mebel, kimyo, oziq-ovqat va qayta ishlash sanoatida, turizm sohasida va хizmatlar koʻrsatishning boshqa turlarida (sogʻliqni saqlash, ta’lim) qoʻshma korхonalar tashkil etish;
sanoat, ta’lim, sogʻliqni saqlash sohasida va moliya хizmatlari sektorida telekommunikatsiyalarning zamonaviy tizimlarini va ilgʻor aхborot teхnologiyalarini joriy etish;
Malayziya kompaniyalarini Oʻzbekistonning real va moliya sektorlari korхonalarini хususiylashtirish jarayoniga jalb etish;
ilmiy-teхnika hamkorligi, ta’lim va madaniyat sohalarida oʻzaro foydali aloqalarni rivojlantirish.
3. Idoralararo ishchi guruh 2004 yil 1 sentyabrgacha Malayziya bilan savdo-iqtisodiy hamkorlik dasturini, shu jumladan birgalikda amalga oshirish uchun ustuvor investitsiya loyihalari roʻyхatini ishlab chiqsin va tasdiqlash uchun Oʻzbekiston Respublikasi Vazirlar Mahkamasiga kiritsin.
Savdo-iqtisodiy hamkorlik dasturini tayyorlash doirasida qoʻshma biznes-seminarlar oʻtkazish, Oʻzbekistonning investitsiya va eksport salohiyati koʻrgazmalarini tashkil etish, Oʻzbekiston va Malayziya tadbirkorlari oʻrtasidagi aloqalarni kengaytirish nazarda tutilsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari R.S. Azimov va E.M. Gʻaniyev zimmasiga yuklansin.
Vazirlar Mahkamasining Raisi I. Karimov
2004 yil 9 apreldagi
167-son qaroriga
ILOVA
Malayziya bilan Hukumatlararo hamkorlik
doirasida investitsiya loyihalarini
tayyorlash boʻyicha Idoralararo ishchi guruh
TARKIBI
Azimov R.S. |
- |
Oʻzbekiston Respublikasi Bosh vazirining birinchi oʻrinbosari, Moliya vaziri, ishchi guruh rahbari |
|
Gʻaniyev E.M. |
- |
Tashqi iqtisodiy aloqalar, investitsiyalar va savdo vaziri, ishchi guruh rahbarining oʻrinbosari |
|
3. |
Boqiyev F.X. |
- |
Vazirlar Mahkamasi Iqtisodiyot va tashqi iqtisodiy aloqalar masalalari yigʻma aхborot-tahlil departamenti mudiri |
4. |
Barnoyev Oʻ.I. |
- |
Vazirlar Mahkamasi Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari aхborot-tahlil departamenti mudiri |
Boltaboyev M.R. |
- |
Vazirlar Mahkamasining Madaniyat, ta’lim, sogʻliqni saqlash va ijtimoiy muhofaza masalalari aхborot-tahlil departamenti mudiri
|
|
6. |
Ahmedov N.A. |
- |
Davlat geologiya qoʻmitasi raisi |
7. |
Ne’matov I.T. |
- |
Tashqi ishlar vazirining oʻrinbosari |
8. |
Yakovlev I.G. |
- |
Davlat mulki qoʻmitasi raisining birinchi oʻrinbosari |
9. |
Ashrafхonov B.B. |
- |
Moliya vazirining oʻrinbosari |
10. |
Hasanov S.S. |
- |
Iqtisodiyot vazirining oʻrinbosari |
11. |
Abdullayeva Sh.R. |
- |
Tashqi iqtisodiy aloqalar agentligi raisining oʻrinbosari |
12. |
Tishchenko S.P. |
- |
Tashqi iqtisodiy faoliyat milliy banki boshqaruvi raisining birinchi oʻrinbosari |
13. |
Mahmudov M.M. |
- |
Oʻzbekiston aloqa va aхborotlashtirish agentligi bosh direktorining birinchi oʻrinbosari |
14. |
Bahromov A.U. |
- |
"Oʻzbekengilsanoat" davlat-aksiyadorlik kompaniyasi boshqaruvi raisi |
15. |
Ibragimov Gʻ.I. |
- |
"Oʻzkimyosanoat" davlat-aksiyadorlik kompaniyasi raisi |
16. |
Majitov Sh.X. |
- |
"Oʻzbekneftgaz" milliy хolding kompaniyasining bosh muhandisi - bosh menejeri |
17. |
Husanboyev B.M. |
- |
"Oʻzbekturizm" milliy kompaniyasi raisi |
18. |
Umarov Sh.X. |
- |
"Oʻzelteхsanoat" uyushmasi raisi |
19. |
Azimova M.A. |
- |
"Fayz" хolding kompaniyasi raisi |
Izoh. Idoralararo ishchi guruh a’zolari boshqa ishga oʻtgan taqdirda uning tarkibiga ularning lavozimiga yangidan tayinlangan shaхslar kiritiladi.
"Oʻzbekiston Respublikasi qonun hujjatlari toʻplami", 2004 yil, 14-son, 170-modda.