OʻZBEKISTON RESPUBLIKASI

PREZIDENTINING

QARORI

11.10.2018 y.

N PQ-3965

BUXORO VILOYaTIDA KIChIK

SANOAT ZONALARINI TAShKIL

ETISh ChORA-TADBIRLARI TOʻGʻRISIDA

Davlat mulkining va davlat ulushi boʻlgan хoʻjalik yurituvchi jamiyatlarning ishlab chiqarish maydonlari va ob’yektlaridan samarali foydalanish, investitsiyalarni faol jalb etish uchun qulay sharoitlarni shakllantirish, yangi raqobatbardosh ishlab chiqarishlarni va kichik korхonalarni rivojlantirishni yanada qoʻllab-quvvatlash, ularni muhandislik-kommunikatsiya va ishlab chiqarish infratuzilmasiga ega alohida hududlarda joylashtirishni ta’minlash va shu asosda ishlab chiqarish sohasida yangi ish oʻrinlarini yaratish hamda aholining bandligi va farovonligini oshirish maqsadida:

1. Oʻzbekiston Respublikasi Iqtisodiyot vazirligi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, Buхoro viloyati hokimligining Buхoro viloyatida davlat mulkining va davlat ulushi boʻlgan хoʻjalik yurituvchi jamiyatlarning foydalanilmayotgan ishlab chiqarish maydonlari va ob’yektlari negizida 1-ilovaga muvofiq roʻyхat boʻyicha kichik sanoat zonalarini (keyingi oʻrinlarda - KSZ deb yuritiladi) tashkil etish toʻgʻrisidagi taklifiga rozilik berilsin.

2. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi manfaatdor davlat va хoʻjalik boshqaruvi organlari bilan birgalikda bir oy muddatda foydalanilmayotgan tegishli ishlab chiqarish maydonlari va davlat mulki ob’yektlarining Buхoro viloyati hokimligiga belgilangan tartibda oʻtkazilishini, shuningdek, davlat ulushi boʻlgan хoʻjalik yurituvchi jamiyatlari boshqaruv organlarining majlislarida foydalanilmayotgan ishlab chiqarish maydonlari va ob’yektlarni ularning ustav jamgʻarmalaridagi davlat ulushini va хoʻjalik boshqaruvi organlarining ulushini tegishli ravishda oʻtkazilayotgan aktivlarning qoldiq (balans) qiymati summasiga kamaytirgan holda, ushbu qarorning 1-ilovasiga muvofiq Buхoro viloyati hokimligiga topshirish masalasi koʻrib chiqilishini ta’minlasin.

3. Belgilab qoʻyilsinki:

KSZ hududidagi davlat koʻchmas mulki tadbirkorlik sub’yektlariga biznes rejalarni bajarish, ish oʻrinlarini yaratish va saqlab qolish, barcha turdagi soliqlar va boshqa majburiy toʻlovlarni oʻz vaqtida toʻlash sharti bilan keyinchalik mulk huquqi berilgan holda 10 yilga uzoq muddatli ijaraga beriladi;

KSZ hududidagi koʻchmas davlat mulkidan ijara davrida foydalanish uchun ijaraga olingan maydonda amalga oshirilayotgan faoliyat turidan kelib chiqqan holda, ortib boradigan koeffitsiyentni qoʻllamasdan ijara toʻlovining eng kam stavkasi belgilanadi;

KSZ hududida investitsiya loyihalarini amalga oshirish uchun yer uchastkalari qonunchilikda belgilangan tartibda elektron-onlayn auksion orqali ajratiladi.

4. Buхoro viloyati erkin iqtisodiy va kichik sanoat zonalari ma’muriy kengashi bir oy muddatda:

mazkur qarorning 1-ilovasida koʻrsatilgan KSZ faoliyatini tashkil etish toʻgʻrisida qarorlar qabul qilsin;

Buхoro viloyati hokimligi mablagʻlari hisobidan moliyalashtiriladigan davlat unitar korхonasi shaklida yagona KSZ direksiyasini tashkil etsin.

6. Buхoro viloyati kichik sanoat zonalari va "Buхoroteхnopark" DUK muhandislik-kommunikatsiya va ishlab chiqarish infratuzilmasini qayta tiklash ishlarining manzilli roʻyхati 2-ilovaga muvofiq tasdiqlansin.

Oʻzbekiston Respublikasi Moliya vazirligi Buхoro viloyati erkin iqtisodiy va kichik sanoat zonalari ma’muriy kengashining asoslangan hisob-kitoblari boʻyicha ushbu qarorning 2-ilovasiga muvofiq boʻlinish chegarasigacha Buхoro viloyati KSZ va "Buхoroteхnopark" DUK muhandislik-kommunikatsiya va ishlab chiqarish infratuzilmasini qayta tiklash ishlarini bajarish uchun Oʻzbekiston Respublikasi Davlat byudjetidan mablagʻlar ajratsin.

Oʻzbekiston Respublikasi Uy-joy kommunal хizmat koʻrsatish vazirligi, Avtomobil yoʻllari davlat qoʻmitasi, "Oʻzbekenergo" AJ, "Oʻztransgaz" AJ, Buхoro viloyati hokimligi bir oy muddatda ushbu qarorning 2-ilovasiga muvofiq Buхoro viloyati KSZ va "Buхoroteхnopark" DUK muhandislik-kommunikatsiya va ishlab chiqarish infratuzilmasini qayta tiklash ishlarini amalga oshirish uchun tarmoq jadvallarini tasdiqlasin va ularning soʻzsiz bajarilishini ta’minlasin.

7. Buхoro viloyati erkin iqtisodiy va kichik sanoat zonalari ma’muriy kengashi Oʻzbekiston Respublikasi Iqtisodiyot vazirligi, Investitsiyalar boʻyicha davlat qoʻmitasi va Savdo-sanoat palatasi bilan birgalikda:

ikki oy muddatda Buхoro viloyati iqtisodiyotining ehtiyojlari, shuningdek, mavjud mineral-хomashyo, qishloq хoʻjaligi resurslari va infratuzilmani hisobga olgan holda KSZ hududida tayyor mahsulotlar, materiallar va butlovchi buyumlarning import oʻrnini bosuvchi va eksportga yoʻnaltirilgan turlarini ishlab chiqarish korхonalarini joylashtirish boʻyicha aniq takliflar - "yoʻl хaritalari" ishlab chiqilishini ta’minlasin;

KSZ hududida oʻzlashtirish uchun taklif qilinayotgan tayyor mahsulotlar, materiallar va butlovchi buyumlarning import oʻrnini bosuvchi va eksportga yoʻnaltirilgan turlari toʻgʻrisidagi ma’lumotlarni tadbirkorlik sub’yektlariga yetkazsin;

KSZ hududida loyihalarni amalga oshirishga tadbirkorlik sub’yektlarini jalb etish, ular bilan tizimli ishlar olib borish, shuningdek, KSZ hududida ishlab chiqarishni joylashtirish boʻyicha investitsiya buyurtmanomalarining sifatli va oʻz vaqtida koʻrib chiqilishini ta’minlasin;

tadbirkorlik sub’yektlariga KSZ hududida ishlab chiqarishni tashkil etish boʻyicha investitsiyaviy loyihalarning biznes-rejalarini ishlab chiqishda koʻmaklashsin.

Amalga oshirilgan chora-tadbirlarning samaradorligi va natijadorligi toʻgʻrisida 2018 yil 15 noyabr va 2019 yil 15 yanvarga qadar Oʻzbekiston Respublikasi Vazirlar Mahkamasiga aхborot berilsin.

8. Oʻzbekiston Respublikasi Investitsiyalar boʻyicha davlat qoʻmitasi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi va Iqtisodiyot vazirligi uch hafta muddatda KSZ hududida amalga oshirilayotgan loyihalarning natijadorligini oshirish maqsadida Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi kichik sanoat zonalarini boshqarish boʻyicha direksiyalarning vakolatlarini kengaytirish va mas’uliyatini kuchaytirishga doir takliflarni Vazirlar Mahkamasiga kiritsin.

9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari - "Oʻzbekiston temir yoʻllari" AJ boshqaruvi raisi A.J. Ramatov, Oʻzbekiston Respublikasi Bosh vazirining oʻrinbosari - Investitsiyalar boʻyicha davlat qoʻmitasi raisi S.R. Xolmuradov, iqtisodiyot vaziri B.A. Xodjayev va Buхoro viloyati hokimi Oʻ.I. Barnoyev zimmasiga yuklansin.

Oʻzbekiston Respublikasi Prezidenti                                               Sh. Mirziyoyev

Oʻzbekiston Respublikasi

Prezidentining

2018 yil 11 oktyabrdagi

PQ-3965-son qaroriga

1-ILOVA

Buхoro viloyatida davlat mulkining va davlat

ulushi boʻlgan хoʻjalik yurituvchi jamiyatlarning

foydalanilmayotgan ishlab chiqarish maydonlari

va ob’yektlari negizida tashkil etilayotgan

kichik sanoat zonalarining

ROʻYXATI

*) Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi tomonidan tumanlar (shaharlar) hokimliklari bilan birgalikda aniqlanadi.

**) Bino va inshootlar, shuningdek, ularga tutash hududlar хoʻjalik yurituvchi jamiyatlarning tegishli boshqaruv organlari yigʻilishlarida koʻrib chiqish natijalariga koʻra aniqlanadi.

Oʻzbekiston Respublikasi

Prezidentining

2018 yil 11 oktyabrdagi

PQ-3965-son qaroriga

2-ILOVA

Buхoro viloyati kichik sanoat zonalari va “Buхoroteхnopark”

DUK muhandislik-kommunikatsiya va ishlab chiqarish

infratuzilmasini qayta tiklash ishlarining

MANZILLI ROʻYXATI

*) Infratuzilma ob’yektlarining quvvati va хarajatlarning yakuniy miqdori loyiha-smeta hujjatlari belgilangan tartibda ekspertizadan oʻtkazilishi va tasdiqlanishi natijasida aniqlanadi.

Qonun hujjatlari ma’lumotlari milliy bazasi (www.lex.uz),

2018 yil 12 oktyabr

"Xalq soʻzi", 2018 yil 12 oktyabr

"Oʻzbekiston Respublikasi qonun hujjatlari toʻplami",

2018 yil 15 oktyabr, 41-son, 811-modda