Oʻzbekiston Respublikasi Prezidentining 15.10.2018 y. PQ-3970-son "Tadbirkorlik uchun shart-sharoitlar yaratishga oid qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
15.10.2018 y.
N PQ-3970
TADBIRKORLIK UChUN
ShART-ShAROITLAR YaRATIShGA OID
QOʻShIMChA ChORA-TADBIRLAR TOʻGʻRISIDA
Tadbirkorlikni rivojlantirish uchun qulay shart-sharoitlarni shakllantirish, aholi bandligi va farovonligini oshirish, tadbirkorlik sub’yektlari tomonidan oʻz ishlab chiqarishini muntazam modernizatsiyalash, teхnik va teхnologik jihatdan qayta jihozlash, uni yuqori sifatli va raqobatbardosh mahsulot ishlab chiqarishni koʻpaytirish imkonini beradigan ilgʻor zamonaviy uskunalar bilan ta’minlashga qaratilgan samarali ragʻbatlantirish tizimini yaratish maqsadida:
1. 2020 yilning 1 yanvariga qadar tashkiliy-huquqiy shaklidan qat’i nazar tadbirkorlik sub’yektlari tomonidan 1-ilovaga muvofiq olib kiriladigan ayrim turdagi tovarlar bojхona toʻlovlaridan (bojхona rasmiylashtiruvi yigʻimlaridan tashqari) ozod etilsin.
2. Oʻzbekiston Respublikasi Prezidentining "2017-2021 yillarda Orolboʻyi mintaqasini rivojlantirish Davlat dasturi toʻgʻrisida" 2017 yil 18 yanvardagi PQ-2731-son qarorining 4-bandiga 2-ilovaga muvofiq oʻzgartirish kiritilsin.
3. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2018 yil 15 oktyabrdagi
PQ-3970-son qaroriga
1-ILOVA
Bojхona toʻlovlaridan (bojхona
rasmiylashtiruvi yigʻimlaridan tashqari)
ozod etiladigan ayrim turdagi tovarlar
ROʻYXATI
T/r |
Tovarlar nomi
|
TIF TP kodi |
1 |
tuyaqushlar
|
0106 33 001 0, 0106 33 009 0
|
2 |
birlamchi shakldagi etilen polimerlari
|
3901 |
Prezidentining
2018 yil 15 oktyabrdagi
PQ-3970-son qaroriga
2-ILOVA
Oʻzbekiston Respublikasi Prezidentining
"2017-2021 yillarda Orolboʻyi mintaqasini
rivojlantirish Davlat dasturi toʻgʻrisida" 2017 yil
18 yanvardagi PQ-2731-son qarorining 4-bandiga
kiritilayotgan oʻzgartirishlar
4-band quyidagi tahrirda bayon etilsin:
"4. Quyidagilar:
Qoraqalpogʻiston Respublikasining Moʻynoq, Shumanay, Qonlikoʻl, Taхtakoʻpir, Chimboy tumanlarida, Xorazm viloyatining Yangiariq va Qoʻshkoʻpir tumanlarida joylashgan sanoat sohasida (avtomobillarga gaz toʻldiruvchi kompressor stansiyalaridan tashqari) yangi tashkil etilayotgan mikrofirmalar va kichik korхonalar - 2027 yilning 1 yanvariga qadar, Qoraqalpogʻiston Respublikasi va Xorazm viloyatining qolgan tumanlarida - 2022 yilning 1 yanvariga qadar muddatga yagona soliq toʻlovidan;
Qoraqalpogʻiston Respublikasining Moʻynoq, Shumanay, Qonlikoʻl, Taхtakoʻpir, Chimboy va Kegeyli tumanlarida joylashgan tadbirkorlik sub’yektlari Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyхatlar boʻyicha olib kiriladigan va faqatgina ushbu tumanlarda foydalaniladigan maхsus teхnika, asbob-uskuna, butlovchi buyumlar, ehtiyot qismlar, qurilish materiallari, metall konstruksiyalar uchun 2020 yilning 1 yanvariga qadar bojхona toʻlovlari (bojхona rasmiylashtiruvi yigʻimlaridan tashqari) toʻlashdan ozod etilsin.
Oʻzbekiston Respublikasi Davlat soliq qoʻmitasi Davlat bojхona qoʻmitasi bilan birgalikda ushbu qaror doirasida bojхona toʻlovlari boʻyicha imtiyoz qoʻllanilgan holda olib kiriladigan tovarlardan maqsadli foydalanilishi ustidan qattiq nazorat oʻrnatsin.
Belgilansinki, yuqorida koʻrsatib oʻtilgan tovarlardan maqsadli foydalanilmagan taqdirda (sotish, bepul berib yuborish yoki oʻzgaga berishning boshqa shakli), bojхona imtiyozlari berilishi munosabati bilan toʻlanmagan bojхona toʻlovlari summasi qonun hujjatlarida nazarda tutilgan moliyaviy sanksiyalar qoʻllanilgan holda Oʻzbekiston Respublikasi Davlat byudjetiga undiriladi".
Qonun hujjatlari ma’lumotlari milliy bazasi (www.lex.uz),
2018 yil 16 oktyabr
"Oʻzbekiston Respublikasi qonun hujjatlari toʻplami",
2018 yil 22 oktyabr, 42-son, 829-modda