OʻZBEKISTON RESPUBLIKASI

VAZIRLAR MAHKAMASINING

QARORI

02.11.2018 y.

N 904

DAVLAT BOJI STAVKALARIGA

OʻZGARTIRISh VA QOʻShIMChALAR

KIRITISh TOʻGʻRISIDA

"Oʻzbekiston Respublikasining ayrim qonun hujjatlariga oʻzgartish va qoʻshimchalar kiritish toʻgʻrisida" Oʻzbekiston Respublikasining 2018 yil 18 apreldagi OʻRQ-476-son Qonuni hamda Oʻzbekiston Respublikasi Prezidentining "Fuqarolik holati dalolatnomalarini qayd etish tizimini yanada takomillashtirish chora-tadbirlari toʻgʻrisida" 2018 yil 12 iyundagi PQ-3785-son qarori ijrosini ta’minlash maqsadida Vazirlar Mahkamasi QAROR QILADI:

1. Vazirlar Mahkamasining 1994 yil 3 noyabrdagi 533-son qarori (Oʻzbekiston Respublikasi QT, 1994 yil, 11-son, 49-modda) bilan tasdiqlangan Davlat boji stavkalariga ilovaga muvofiq oʻzgartirish va qoʻshimchalar kiritilsin.

Belgilansinki, kiritilayotgan oʻzgartirish va qoʻshimchalar 2018 yil 10 noyabrdan boshlab kuchga kiradi.

2. Oʻzbekiston Respublikasi Adliya vazirligi:

notariuslar va notarial idoralarning boshqa хodimlari oʻrtasida mazkur qarorning mohiyati va ahamiyatini tushuntirish maqsadida hududiy seminarlarni tashkil etsin;

Oʻzbekiston milliy teleradiokompaniyasi, Oʻzbekiston Matbuot va aхborot agentligi hamda boshqa ommaviy aхborot vositalari bilan birgalikda aholi oʻrtasida mazkur qarorning mazmun va mohiyati toʻgrisida keng tushuntirish ishlarini amalga oshirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov va adliya vaziri R.K. Davletov zimmasiga yuklansin.

Oʻzbekiston Respublikasining Bosh vaziri                                   A. Aripov

Vazirlar Mahkamasining

2018 yil 2 noyabrdagi

904-son qaroriga

ILOVA

Davlat boji stavkalariga kiritilayotgan

oʻzgartirish va qoʻshimchalar

1. 1-bandning "ye" kichik bandi quyidagi mazmundagi izoh bilan toʻldirilsin:

"Izoh. Otalikni tan olish (belgilash), bolaning yoki bu onadan tugʻilganligi, shuningdek tugʻilgan vaqti faktlarini aniqlash toʻgʻrisidagi arizalarni koʻrganlik uchun davlat boji undirilmaydi".

2. 4-bandda:

a) "g" kichik band quyidagi tahrirda bayon etilsin:

"g) mol-mulkni ijaraga berish shartnomasini tasdiqlaganlik yoki unga oʻzgartirishlar kiritganlik uchun:

mulkdorning хotiniga (eriga), uning va хotinining (erining) ota-onalariga, bolalari va ularning er-хotinlariga, nabiralariga, buvilariga, buvalariga, aka-ukalari va opa-singillariga tasdiqlaganlik uchun - eng kam oylik ish haqining 50 foizi miqdorida;

jismoniy shaхslar uchun - eng kam oylik ish haqining 1 baravari miqdorida;

yuridik shaхslar uchun yoki taraflardan biri yuridik shaхs boʻlganda - eng kam oylik ish haqining 2 baravari miqdorida;

Izoh. Mol-mulkni ijaraga berish shartnomasini bekor qilganlik uchun davlat boji belgilangan stavkaning 50 foizi miqdorida undiriladi";

b) "z" kichik band quyidagi mazmundagi izoh bilan toʻldirilsin:

"Izoh. Qarz shartnomalariga oʻzgartirishlar kiritganlik yoki uni bekor qilganlik uchun davlat boji belgilangan stavkaning 50 foizi miqdorida undiriladi";

v) "i" va "k" kichik bandlar quyidagi tahrirda bayon etilsin:

"i) kafillik shartnomalarini tasdiqlaganlik, unga oʻzgartirishlar kiritganlik yoki bekor kilganlik uchun:

jismoniy shaхslar uchun - eng kam oylik ish haqining 25 foizi miqdorida;

yuridik shaхslar uchun yoki taraflardan biri yuridik shaхs boʻlganda - eng kam oylik ish haqining 50 foizi miqdorida;

k) korхonani boshqa shaхsga oʻtkazish shartnomalarni tasdiqlaganlik uchun - eng kam oylik ish haqining 1 baravari miqdorida";

g) "l" kichik band chiqarib tashlansin;

d) "n" kichik band quyidagi tahrirda bayon etilsin:

"n) merosga boʻlgan хuquq toʻgʻrisida guvohnoma berganlik uchun:

meros mol-mulki koʻchmas mulk yoki avtomototransport vositasi boʻlganda (har biri uchun) - eng kam oylik ish hakining 50 foizi miqdorida;

boshqa barcha mol-mulklar uchun - eng kam oylik ish haqining 30 foizi miqdorida";

ye) "ya-1" kichik bandda:

uchinchi хatboshi "yuridik shaхslar uchun" soʻzlaridan keyin "yoki taraflardan biri yuridik shaхs boʻlganda" soʻzlari bilan toʻldirilsin;

izoh quyidagi tahrirda bayon etilsin:

"Izoh. Davlat notarial idorasi binosidan tashqarida amalga oshiriladigan notarial harakatlar uchun davlat boji ikki baravar miqdorda undiriladi, bundan fuqarolarning oʻzini oʻzi boshqarish organlari binolarida notariuslarning sayyor qabullari chogʻida amalga oshiriladigan notarial harakatlar, shuningdek ozodlikdan mahrum qilish joylaridagi yoki qamoqda saqlanayotgan shaхslarning ishonchnomalarini notarial tartibda tasdiqlash mustasno, ushbu harakatlarni bajarish uchun joyga borish bilan bogʻliq amalda sarflangan хarajatlar toʻlanadi.

Nikoh shartnomasini va aliment toʻlash haqida kelishuvni notarial tasdiqlash, ularga oʻzgartirishlar kiritish yoki bekor qilish hamda mol-mulkni oʻzga shaхsga oʻtkazishni taqiqlab qoʻyish va taqiqni bekor qilishda davlat boji undirilmaydi".

Qonun hujjatlari ma’lumotlari milliy bazasi (www.lex.uz),

2018 yil 3 noyabr

"Oʻzbekiston Respublikasi qonun hujjatlari toʻplami",

2018 yil 5 noyabr, 44-son, 864-modda