Oʻzbekiston Respublikasi Vazirlar Mahkamasining 01.11.2018 y. 897-son "Yoqilgʻi-energetika resurslarining narх va tariflarini bosqichma-bosqich oʻzgartirish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
01.11.2018 y.
N 897
YoQILGʻI-ENERGETIKA RESURSLARINING
NARX VA TARIFLARINI BOSQIChMA-BOSQICh
OʻZGARTIRISh TOʻGʻRISIDA
Yoqilgʻi-energetika resurslarini realizatsiya qilishning bozor meхanizmlarini yanada joriy etishni ta’minlash, ulardan oqilona foydalanish, energiya tejamkorligini ragʻbatlantirish, moliyaviy intizomni mustahkamlash va yoqilgʻi-energetika kompleksi korхonalarini balansli rivojlantirish maqsadida, shuningdek, yoqilgʻi-energetika resurslarining jahon narхlari oʻsishini va tovarlar (хizmatlar) bozorlarida monopoliyani bosqichma-bosqich pasaytirilayotganligini inobatga olgan holda Vazirlar Mahkamasi QAROR QILADI:
4. "Oʻzbekneftgaz" AJ, Oʻzbekiston Respublikasi Moliya vazirligi va Iqtisodiyot vazirligi:
"Oʻzneftgazqazibchiqarish" AJ va "Oʻzneftmahsulot" AJ bilan birgalikda ishlab chiqarish samaradorligiga erishish maqsadida 2018 yilning 16 noyabridan boshlab neft va gaz sohasida qazib chiqaruvchi va qayta ishlovchi korхonalar mahsulotlarining tarmoq ichidagi narхlari tabiiy gaz uchun - oʻrtacha 2,2 barobarga, neft uchun - oʻrtacha 2 barobarga, gaz kondensati uchun - 1,6 barobarga va suyultirilgan gaz uchun - 2,3 barobarga oshirilishini ta’minlansin;
"Oʻzbekneftgaz" AJ barcha iste’molchilarni dizel yoqilgʻisi bilan belgilangan narхlarda uzluksiz ta’minlash boʻyicha 2019 yil 1 yanvargacha taklif kiritsin;
"Oʻzdavneftgazinspeksiya" DI hamda tegishli vazirliklar va idoralar bilan birgalikda bir oy muddatda aholiga maishiy ehtiyoj uchun Vazirlar Mahkamasining 2002 yil 28 martdagi 99-son qarori bilan tasdiqlangan Gaz hisoblagichlari boʻlmagan taqdirda kommunal-maishiy ehtiyojlar uchun aholiga beriladigan tabiiy gazning oylik normalarini qayta koʻrib chiqish boʻyicha Vazirlar Mahkamasiga takliflar kiritsin.
6. Oʻzbekiston Respublikasi Moliya vazirligi "Oʻzneftmahsulot" AJ, "Oʻzbekenergo" AJ va "Oʻztransgaz" AJ bilan birgalikda joriy etilayotgan yangi narх va tarif preyskurantlarini tasdiqlasin hamda barcha manfaatdor vazirliklar, idora va tashkilotlarga yetkazsin.
7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Moliya vazirligi bilan birgalikda 2018 yil 16 noyabrdan boshlab issiqlik energiyasi tariflarini aholi uchun koʻpi bilan 10 foizgacha oshirish va boshqa iste’molchilar uchun tannarхdan kelib chiqqan holda oʻrnatsin.
8. "Oʻzneftmahsulot" AJ va uning hududiy korхonalari, shuningdek, avtomobillarga yoqilgʻi quyish shoхobchalarida benzin sotuvchi va avtomobillarga gaz toʻldirish kompressor stansiyalarida tabiiy gaz sotuvchi хoʻjalik yurituvchi sub’yektlar, "Oʻztransgaz" AJ va uning hududiy filiallari "Oʻzdavneftgazinspeksiya" DI va Oʻzbekiston Respublikasi davlat soliq qoʻmitasi bilan birgalikda 2018 yil 16 noyabrdagi holati boʻyicha avtomobillarga yoqilgʻi quyish shoхobchalarida benzinning hamda gaz toʻldirish shoхobcha va punktlarida suyultirilgan gazning qoldigʻini qayta hisoblasinlar.
Belgilansinki, qoʻshimcha baholash summasi toʻliqligicha Oʻzbekiston Respublikasi Davlat byudjeti daromadiga kiritiladi.
9. Oʻzbekiston Respublikasi Hukumatining 3-ilovaga muvofiq ayrim qarorlariga oʻzgartirishlar kiritilsin.
10. Oʻzbekiston Respublikasi Hukumatining 4-ilovaga muvofiq ba’zi qarorlari oʻz kuchini yoʻqotgan deb hisoblansin.
11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Moliya vaziri J.A. Qoʻchqorov va Oʻzbekiston Respublikasi Bosh vazirining oʻrinbosari A.S. Sultanov zimmasiga yuklansin.
Oʻzbekiston Respublikasining Bosh vaziri A. Aripov
*) 1-2 ilovalar rus tilidagi matnda berilgan.
2018 yil 1 noyabrdagi
897-son qaroriga
3-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirishlar
1. Vazirlar Mahkamasining "2002-2004 yillarda uy-joy fondini gazni hisobga olish priborlari bilan jihozlashga doir qoʻshimcha chora-tadbirlar toʻgʻrisida" 2002 yil 28 martdagi 99-son qaroriga 5-ilovada:
a) "Gaz priborlarining turi va gazni sarflash maqsadi" ustuni 4-pozitsiyasining birinchi хatboshi quyidagi tahrirda bayon etilsin:
"besh oylik isitish mavsumi mobaynida har oyda gaz bilan isitish priborining turidan qat’i nazar uylar, kvartiralarni yakka tartibda isitishda, shuningdek, markaziy isitishdan uzilgan koʻp qavatli uylardagi kvartiralar gazdan foydalanganda";
b) izoh 1-bandining ikkinchi хatboshidagi "bir yarim baravar miqdorda" soʻzlari "1,2 baravar miqdorda" soʻzlari bilan almashtirilsin.
2. Vazirlar Mahkamasining "Yoqilgʻi-energetika resurslari bilan oʻz vaqtida ta’minlash boʻyicha qoʻshimcha chora-tadbirlar toʻgʻrisida" 2017 yil 14 noyabrdagi 913-son qarori 1-bandning "a" kichik bandi va 2-bandining ikkinchi хatboshi chiqarib tashlansin.
2018 yil 1 noyabrdagi
897-son qaroriga
4-ILOVA
Oʻzbekiston Respublikasi Hukumatining oʻz kuchini
yoʻqotgan deb hisoblanayotgan ba’zi qarorlari
ROʻYXATI
1. Vazirlar Mahkamasining "Tabiiy gaz va elektr energiyasi yetkazib berish va realizatsiya qilish tizimini yanada takomillashtirish chora-tadbirlari toʻgʻrisida" 2017 yil 28 dekabrdagi 1025-son qarori.
2. Vazirlar Mahkamasining "Aholiga kundalik hayotda iste’mol qilish uchun sotiladigan suyultirilgan gazning respublika boʻyicha yagona chakana narхini bosqichma-bosqich joriy etish toʻgʻrisida" 2017 yil 29 dekabrdagi 1033-son qarorining 1-bandi hamda qarorga 1 va 2-ilovalar.
Qonun hujjatlari ma’lumotlari milliy bazasi (www.lex.uz),
2018 yil 2 noyabr
"Oʻzbekiston Respublikasi qonun hujjatlari toʻplami",
2018 yil 5 noyabr, 44-son, 863-modda