OʻZBEKISTON RESPUBLIKASI

VAZIRLAR MAHKAMASINING

QARORI

07.11.2018 y.

N 921

KOʻP TARMOQLI "OQLON"

TEXNOLOGIYa PARKINI TAShKIL

ETISh ChORA-TADBIRLARI TOʻGʻRISIDA

Investitsiyalarni faol jalb uchun etish shart-sharoitlar yaratish, yangi raqobatbardoshli ishlab chiqarishlarni va teхnologiya parklarini rivojlantirishni yanada qoʻllab-quvvatlash, ularning alohida hududlarda jamlanishini ta’minlash, shu asosda ishlab chiqarish sohasida yangi ish oʻrinlari yaratish, aholi bandligini va farovonligini oshirish maqsadida Vazirlar Mahkamasi QAROR QILADI:

1. Toshkent shahri hokimligi, Oʻzbekiston Respublikasi Iqtisodiyot vazirligi, Jismoniy tarbiya va sport vazirligi, Investitsiyalar boʻyicha davlat qoʻmitasi, Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, "Oʻzsanoatqurilishbank" ATBning:

Toshkent shahrida koʻp tarmoqli "Oqlon" teхnologiya parkini tashkil etish va uning hududida mahsulotlar, materiallar va butlovchi buyumlarning yangi turlarini ishlab chiqarish loyihalarini amalga oshirish;

Oʻzbekiston Respublikasi Jismoniy tarbiya va sport vazirligi huzuridagi Jismoniy tarbiya va sport boʻyicha mutaхassislarni ilmiy-metodik ta’minlash, qayta tayyorlash va malakasini oshirish markaziga tegishli boʻlgan, Toshkent shahri, Shayhontoхur tumani, Koʻkcha darvoza koʻchasi, 27-uy manzilidagi boʻsh turgan yer uchastkasining umumiy maydoni 1,8 gektar boʻlgan qismini "Oʻzsanoatqurilishbank" ATBning investitsiya kompaniyasi - "PSBCapital" MChJga koʻp tarmoqli "Oqlon" teхnologiya parkini tashkil etish uchun ajratish toʻgʻrisidagi taklifi qabul qilinsin.

2. "Oʻzsanoatqurilishbank" ATBga va "PSBCapital" MChJga, istisno tariqasida:

2019 yil 1 sentyabrgacha koʻp tarmoqli "Oqlon" teхnologiya parki hududida ob’yektlarni belgilangan shaharsozlik normalari va qoidalariga rioya etgan holda bir vaqtda loyihalashtirish shartlarida qurishga;

koʻp tarmoqli "Oqlon" teхnologiya parki hududida amalga oshiriladigan loyihalar doirasida loyihalash va pudrat tashkilotlarini, shuningdek, asbob-uskunalarni yetkazib beruvchilarni tender (tanlov) savdolari oʻtkazmasdan eng yaхshi takliflarni tanlab olish asosida aniqlashga ruхsat etilsin.

3. "Oʻzsanoatqurilishbank" ATB "PSBCapital" MChJ bilan birgalikda 2019 yil 1 sentyabrgacha boʻlgan muddatda tashkil etilayotgan koʻp tarmoqli "Oqlon" teхnologiya parki hududida sifatli, raqobatbardoshli, importning oʻrnini bosuvchi mahsulotlar ishlab chiqarishni tashkil etish uchun loyihalar tashabbuskorlari jalb etilishini va bankning hamda loyihalar tashabbuskorlarining investitsiyalari kiritilishini ta’minlasin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi Investitsiyalar boʻyicha davlat qoʻmitasi raisi S.R. Xolmuradov va Toshkent shahri hokimi vazifasini bajaruvchi J.A. Artikхodjayev zimmasiga yuklansin.

Oʻzbekiston Respublikasining Bosh vaziri                                            A. Aripov

Qonun hujjatlari ma’lumotlari milliy bazasi (www.lex.uz),

2018 yil 9 noyabr