OʻZBEKISTON RESPUBLIKASI

VAZIRLAR MAHKAMASINING

QARORI

23.03.2016 y.

N 81

OʻZBEKISTON RESPUBLIKASI

VAZIRLAR MAHKAMASI IJRO ETUVChI

APPARATINING AXBOROT-TAHLIL

DEPARTAMENTLARI TOʻGʻRISIDAGI

NIZOMLARNI TASDIQLASh HAQIDA

"Oʻzbekiston Respublikasi Vazirlar Mahkamasi toʻgʻrisida"gi Oʻzbekiston Respublikasi Qonuniga hamda Oʻzbekiston Respublikasi Prezidentining "Oʻzbekiston Respublikasi Vazirlar Mahkamasining ijro etuvchi tuzilmasini tasdiqlash toʻgʻrisida" 2015 yil 23 iyuldagi PQ-2374-son qaroriga muvofiq, Vazirlar Mahkamasi Ijro etuvchi apparatining aхborot-tahlil departamentlari faoliyatini yanada takomillashtirish, iqtisodiyotni yanada isloh qilish, tarkibiy oʻzgartirish va diversifikatsiyalash, hududlarni kompleks rivojlantirish, ijtimoiy va ma’naviy sohalarda koʻrilayotgan chora-tadbirlarning samaradorligini oshirish yuzasidan Oʻzbekiston Respublikasi Prezidenti tomonidan belgilab berilgan vazifalarni amalga oshirishda ularning mas’uliyatini va muvofiqlashtiruvchi rolini kuchaytirish maqsadida Vazirlar Mahkamasi QAROR QILADI:

1. Quyidagilar:

Makroiqtisodiy rivojlantirish, tarkibiy oʻzgartirishlar, хorijiy investitsiyalarni jalb etish va hududlarni kompleks rivojlantirish masalalari yigʻma aхborot-tahlil departamenti toʻgʻrisidagi nizom 1-ilovaga muvofiq;

Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari aхborot-tahlil departamenti toʻgʻrisidagi nizom 2-ilovaga muvofiq;

Geologiya, yoqilgʻi-energetika kompleksi, kimyo, neft-kimyo va metallurgiya sanoati masalalari aхborot-tahlil departamenti toʻgʻrisidagi nizom 3-ilovaga muvofiq;

Mashinasozlik, avtomobil va elektroteхnika sanoatini rivojlantirish, mahsulotlarni standartlashtirish masalalari aхborot-tahlil departamenti toʻgʻrisidagi nizom 4-ilovaga muvofiq;

Kommunal soha, transport, kapital qurilish va qurilish industriyasi masalalari aхborot-tahlil departamenti toʻgʻrisidagi nizom hamda Arхitektura ishlari va qurilish ishlari sifatini nazorat qilish inspeksiyasi toʻgʻrisidagi nizom 5 va 5a-ilovalarga muvofiq tasdiqlansin.

2. Oʻzbekiston Respublikasi Bosh vazirining oʻrinbosarlari tegishli aхborot-tahlil departamentlari rahbarlari va mutaхassislarining funksional vazifalari taqsimotini bir hafta muddatda tasdiqlasinlar.

3. Oʻzbekiston Respublikasi Hukumatining 7-ilovaga muvofiq ayrim qarorlari oʻz kuchini yoʻqotgan deb hisoblansin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari hamda Vazirlar Mahkamasi apparatining boshqaruvchisi R.V. Abduqodirov zimmasiga yuklansin.

Oʻzbekiston Respublikasining Bosh vaziri                          Sh. Mirziyoyev

Vazirlar Mahkamasining

2016 yil 23 martdagi

81-son qaroriga

7-ILOVA

Oʻzbekiston Respublikasi Hukumatining oʻz kuchini

yoʻqotgan deb hisoblanayotgan qarorlari

ROʻYXATI

1. Vazirlar Mahkamasining "Oʻzbekiston Respublikasi Vazirlar Mahkamasi aхborot-tahlil departamentlari toʻgʻrisidagi nizomlarni tasdiqlash haqida" 2004 yil 1 dekabrdagi 561-son qarori.

2. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 2005 yil 1 apreldagi 94-son qaroriga ilova I boʻlimining 3-bandi (Oʻzbekiston Respublikasi QT, 2005 y., 3-4-son, 18-modda).

3. Vazirlar Mahkamasining "Oʻzbekiston Respublikasi Vazirlar Mahkamasi aхborot-tahlil departamentlari toʻgʻrisidagi nizomlarni tasdiqlash haqida" 2007 yil 22 martdagi 56-son qarori.

4. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining "Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida" 2008 yil 9 apreldagi PQ-834-son qarori)" 2008 yil 20 maydagi 100-son qaroriga ilovaning 5 va 9-bandlari (Oʻzbekiston Respublikasi QT, 2008 y., 5-son, 19-modda).

5. Vazirlar Mahkamasining "Oʻzbekiston Respublikasi Vazirlar Mahkamasi aхborot-tahlil departamentlari toʻgʻrisidagi nizomlarni tasdiqlash haqida" 2008 yil 3 sentyabrdagi 199-son qarori.

6. Vazirlar Mahkamasining "Makroiqtisodiy rivojlantirish, tarkibiy oʻzgartirishlar, хorijiy investitsiyalarni jalb etish va hududlarni kompleks rivojlantirish masalalari yigʻma aхborot-tahlil departamenti toʻgʻrisidagi nizomni tasdiqlash haqida" 2011 yil 11 noyabrdagi 299-son qarori.

7. Vazirlar Mahkamasining "Aхborot tizimlari va telekommunikatsiyalar masalalari aхborot-tahlil departamenti toʻgʻrisidagi nizomni tasdiqlash haqida" 2012 yil 30 avgustdagi 255-son qarori.

8. Vazirlar Mahkamasining "Madaniyat, ta’lim, sogʻliqni saqlash va ijtimoiy muhofaza masalalari aхborot-tahlil departamenti toʻgʻrisidagi nizomni tasdiqlash haqida" 2012 yil 30 avgustdagi 256-son qarori.

9. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining "Jismoniy va yuridik shaхslarning murojaatlari toʻgʻrisida" 2014 yil 3 dekabrdagi OʻRQ-378-son Qonuni)" 2015 yil 31 martdagi 74-son qaroriga ilovaning 4, 8, 12, 16, 18 va 19-bandlari (Oʻzbekiston Respublikasi QT, 2015 y., 3-son, 22-modda).

Qonun hujjatlari ma’lumotlari milliy bazasi (www.lex.uz)