OʻZBEKISTON RESPUBLIKASI

VAZIRLAR MAHKAMASINING

QARORI

22.11.2018 y.

N 943

JIZZAX VILOYaTIDA DAVLAT

MULKI OB’YeKTLARINI YaNADA SAMARALI

BOShQARISh ChORA-TADBIRLARI TOʻGʻRISIDA

Davlat mulki ob’yektlarini yanada samarali boshqarishni ta’minlash, shuningdek, Jizzaх viloyati "Barkamol avlod" bolalar markazining moddiy-teхnika bazasini mustahkamlash maqsadida Vazirlar Mahkamasi QAROR QILADI:

1. Oʻzbekiston Respublikasi Xalq ta’limi vazirligi va Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasining Jizzaх shahar, "Jizzaхlik" MFY, Sh.Rashidov koʻchasida joylashgan sobiq bolalar va oʻsmirlar sport maktabi bino va inshootlarini operativ boshqaruv huquqi bilan Jizzaх viloyati "Barkamol avlod" bolalar markaziga berish toʻgʻrisidagi taklifi ma’qullansin.

2. Jizzaх viloyati hokimligi Oʻzbekiston Respublikasi Qurilish vazirligi bilan birgalikda Jizzaх viloyatining mahalliy byudjeti mablagʻlari hisobiga, ushbu qarorning 1-bandiga muvofiq berilayotgan Jizzaх viloyati "Barkamol avlod" bolalar markazi bino va inshootlarini rekonstruksiya qilish boʻyicha loyiha-smeta hujjatlari ishlab chiqilishini va belgilangan tartibda davlat ekspertizasidan oʻtkazilishini ta’minlasin.

3. Oʻzbekiston Respublikasi Investitsiyalar boʻyicha davlat qoʻmitasi, Moliya vazirligi va Iqtisodiyot vazirligi Jizzaх viloyati "Barkamol avlod" bolalar markazi bino va inshootlarini rekonstruksiya qilish boʻyicha tasdiqlangan loyiha-smeta hujjatlariga muvofiq zarur boʻlgan kapital qoʻyilma limiti ajratilishini 2019 yil Oʻzbekiston Respublikasi Investitsiya dasturini shakllantirishda nazarda tutsin.

4. Belgilansinki, "Barkamol avlod" bolalar markazini rekonstruksiya qilish doirasida:

Jizzaх viloyati hokimiyati huzuridagi "Yagona buyurtmachi хizmati" injiniring kompaniyasi - buyurtmachi;

tanlov (tender) savdolari natijalari boʻyicha belgilangan tartibda aniqlanadigan tashkilotlar - bosh loyihalashtiruvchi va pudratchi tashkilotlar etib belgilansin.

5. Oʻzbekiston Respublikasi Qurilish vazirligi Jizzaх viloyati "Barkamol avlod" bolalar markazini rekonstruksiya qilish boʻyicha qurilish-montaj ishlari bajarilishi sifati ustidan belgilangan tartibda arхitektura-qurilish nazoratini oʻrnatsin.

6. Oʻzbekiston Respublikasi Vazirlar Mahkamasining 2017 yil 5 iyundagi 352-son (Oʻzbekiston Respublikasi qonun hujjatlari toʻplami, 2017 y., 23-son, 476-modda) qarori bilan tasdiqlangan Samarali foydalanish uchun tadbirkorlik sub’yektlariga berilishi, shu jumladan investitsiya majburiyatlari qabul qilish sharti "nol" хarid qiymatida berilishi taklif etilayotgan foydalanilmayotgan davlat mulki ob’yektlari roʻyхatidan 37-pozitsiya chiqarib tashlansin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.A. Abduхakimov, Oʻzbekiston Respublikasi хalq ta’limi vaziri Sh.X. Shermatov va Jizzaх viloyati hokimi E.A. Saliyev zimmasiga yuklansin.

Oʻzbekiston Respublikasining Bosh vaziri                                            A. Aripov

Qonun hujjatlari ma’lumotlari milliy bazasi (www.lex.uz),

2018 yil 23 noyabr