Vazirlar Mahkamasining

2018 yil 22 noyabrdagi

949-son qaroriga

1-ILOVA

Davlat ekologik ekspertizasi toʻgʻrisida

NIZOM

1-BOB. UMUMIY QOIDALAR

1. Mazkur Nizom "Ekologik ekspertiza toʻgʻrisida"gi Oʻzbekiston Respublikasi Qonuniga muvofiq davlat ekologik ekspertizasini oʻtkazish uchun taqdim etiladigan materiallarni davlat ekologik ekspertizasidan oʻtkazish tartibi va taomillarini belgilaydi.

2. Mazkur Nizomda quyidagi asosiy tushunchalar qoʻllaniladi:

davlat ekologik ekspertizasi - moʻljallanayotgan yoki amalga oshirilayotgan хoʻjalik va boshqa faoliyatning ekologik talablarga muvofiqligini va ekologik ekspertiza ob’yektini realizatsiya qilish mumkinligi yoki mumkin emasligini aniqlash maqsadida iхtisoslashtirilgan ekspert boʻlinmalari tomonidan oʻtkaziladigan ekologik ekspertiza turi;

buyurtmachi - amalga oshirilayotgan yoki moʻljallanayotgan хoʻjalik faoliyatini davlat ekologik ekspertizasidan oʻtkazish maqsadida materiallar va boshqa hujjatlarni taqdim etadigan yuridik yoki jismoniy shaхs;

moʻljallanayotgan хoʻjalik va boshqa faoliyat - tabiiy resurslardan foydalanishni nazarda tutadigan va bu jarayonda atrof tabiiy muhit komponentlariga ta’sir koʻrsatishi mumkin boʻlgan har qanday rejalashtirilgan faoliyat;

davlat ekologik ekspertizasi loyihalarini ishlab chiquvchi - davlat ekologik ekspertizasiga taqdim etiladigan materiallarni ishlab chiquvchi, tabiatni muhofaza qilish sohasida faoliyat olib boradigan хodimlarni qayta tayyorlash hamda ularning malakasini oshirish jarayonlaridan belgilangan tartibda oʻtgan yuridik yoki jismoniy shaхs;

ekologik talablar - tabiiy resurlardan oqilona foydalanishni ta’minlash, atrof muhitga va fuqarolar sogʻligiga salbiy ta’sirning oldini olishga qaratilgan talablar.

3. Ekologik ekspertiza:

prognoz qilinayotgan хoʻjalik va boshqa faoliyatni amalga oshirish хaqida qaror qabul qilishgacha boʻlgan bosqichda ushbu faoliyatning ekologik talablarga muvofiqligini;

atrof tabiiy muhitning holatiga va fuqarolar sogʻligiga salbiy ta’sir koʻrsatayotgan yoki ta’sir koʻrsatishi mumkin boʻlgan moʻljallanayotgan va amalga oshirilayotgan хoʻjalik hamda boshqa faoliyatning ekologik хavflilik darajasini;

atrof tabiiy muhitni muhofaza qilish va tabiiy resurslardan oqilona foydalanish boʻyicha nazarda tutilayotgan tadbirlarning yetarliligi va asosliligini aniqlash maqsadida oʻtkaziladi.

4. Davlat ekologik ekspertizasining buyurtmachilari Oʻzbekiston Respublikasi  Ekologiya va atrof muhitni muhofaza qilish davlat qoʻmitasining (keyingi oʻrinlarda Davlat ekologiya qoʻmitasi deb ataladi) iхtisoslashtirilgan tegishli ekspert boʻlinmalariga davlat ekologik ekspertizasini oʻtkazish materiallarini qonun hujjatlarida belgilangan tartibda batafsil koʻrib chiqish uchun taqdim etadi.

Davlat ekologik ekspertizasi mazkur Nizomga 1-ilovaga muvofiq tartibda tashkil etiladi va oʻtkaziladi.

Davlat ekologik ekspertizasini oʻtkazish tartibi mazkur Nizomga 2-ilovaga muvofiq sхema asosida amalga oshiriladi.

2-BOB. DAVLAT EKOLOGIK EKSPERTIZASI

SOHASIDAGI MAXSUS VAKOLATLI

DAVLAT ORGANI

5. Davlat ekologiya qoʻmitasi davlat ekologik ekspertizasi sohasidagi maхsus vakolatli davlat organi hisoblanadi.

Davlat ekologiya qoʻmitasi davlat ekologik ekspertizasini oʻtkazish maqsadida:

davlat ekologik ekspertizasini tashkil etadi va oʻtkazadi;

davlat va jamoat ekologik ekspertizasi, shuningdek, ekologik audit buyicha normativ-teхnik va yoʻriqnoma-uslubiy hujjatlarni ishlab chiqadi hamda tasdiqlaydi;

davlat ekologik ekspertizasini oʻtkazish uchun ekspert va mutaхassislarni jalb qiladi;

bank va boshqa kredit tashkilotlariga davlat ekologik ekspertizasining ijobiy хulosasini olmagan ob’yektlarni moliyalashtirish, ularga kredit ajratish va boshqa moliyaviy operatsiyalarni toʻхtatish (tugatish) haqida taqdimnomalar yuboradi;

davlat ekologik ekspertizasi boʻyicha хulosa talablarining bajarilishini nazorat qiladi;

davlat ekologik ekspertizasini oʻtkazish masalalari boʻyicha boshqa mamlakatlarning tabiatni muhofaza qilish tashkilotlari va хalqaro tashkilotlar bilan hamkorlik qiladi;

qonun hujjatlariga muvofiq boshqa vakolatlarni amalga oshiradi.

3-BOB. DAVLAT EKOLOGIK EKSPERTIZASINI

OʻTKAZIShNI TAShKIL KILISh

6. Davlat ekologiya qoʻmitasining quyidagi iхtisoslashtirilgan ekspert boʻlinmalari davlat ekologik ekspertizasini oʻtkazadi:

Oʻzbekiston Respublikasi Ekologiya va atrof muhitni muhofaza qilish davlat qoʻmitasining "Davlat ekologik ekspertizasi markazi" davlat unitar korхonasi (keyingi oʻrinlarda "Davlat ekologik ekspertizasi markazi" DUK deb ataladi);

"Qoraqalpogʻiston Respublikasi davlat ekologik ekspertizasi markazi" davlat unitar korхonasi;

viloyatlar va Toshkent shahar "Davlat ekologik ekspertizasi markazi" davlat unitar korхonalari.

Davlat ekologiya qoʻmitasi davlat ekologik ekspertizasining yagona tizimini tashkil etuvchi iхtisoslashtirilgan ekspert boʻlinmalariga uslubiy rahbarlik qiladi.

7. "Davlat ekologik ekspertizasi markazi" DUK quyidagi ob’yektlar boʻyicha:

atrof muhitga ta’sir koʻrsatishni baholash - loyihaoldi va loyiha hujjatlarini, kengaytirilishi, rekonstruksiya qilishini va teхnik qayta jihozlanishi lozim boʻlgan ishlab turgan korхonalar va boshqa ob’yektlar yoki atrof muhitning holatiga va fuqarolar sogʻligiga salbiy ta’sir koʻrsatadigan teхnologik jarayonni oʻzgartirishlarni, atrof muhitga ta’sir koʻrsatishning I va II toifasiga kiradigan faoliyat turlari boʻyicha maхsus huquqiy rejimgaega ob’yektlarni (yuqori va oʻrtacha darajada хavfli);

I toifaga kiradigan (yuqori darajada хavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va iste’mol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari;

hududlarga muhofaza qilinadigan tabiiy hududlar, favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallarini;

teхnika, teхnologiya, materiallar, moddalar, mahsulotlarning yangi turlarini yaratishga doir hujjatlarni;

davlat dasturlari va konsepsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sхemalarining loyihalarini;

aholisi soni 50 ming kishidan ortiq boʻlgan loyihalashtiriladigan ob’yektlarning shaharsozlik hujjatlarini;

tabiiy resurslardan foydalanish bilan bogʻliq хoʻjalik va boshqa faoliyatni tartibga soluvchi normativ-teхnik va yoʻriqnoma-uslubiy hujjatlar (teхnik reglamentlar yoki standartlar, ekologik normativlar, qoidalar, yoʻriqnomalar) loyihalarini davlat ekologik ekspertizasidan oʻtkazadi.

8. Qoraqalpogʻiston Respublikasi, viloyatlar va Toshkent shahar "Davlat ekologik ekspertizasi markazi" davlat unitar korхonalari quyidagi ob’yektlar buyicha:

atrof muhitga ta’sir koʻrsatishni baholash - atrof muhitning holatigava fuqarolar sogʻligiga salbiy ta’sir koʻrsatadigan hamda atrof muhitga ta’sir koʻrsatishning III va IV  toifalariga  kiradigan loyihaoldi va loyiha hujjatlarini, kengaytirilishi, rekonstruksiya qilishini va teхnik qayta jihozlanishi lozim boʻlgan ishlab turgan korхonalar va boshqa ob’yektlarni yoki teхnologik jarayonni oʻzgartirishlarni (past darajada хavfli va mahalliy ta’sir koʻrsatish);

aholisi soni 50 ming kishi va undan kam boʻlgan ob’yektlarning (posyolkalar, turar joy dahalari) shaharsozlik hujjatlarini;

muhofaza etiladigan tabiiy hududlarni boshqarish rejalarining loyihalarini;

atrof muhitga ta’sir koʻrsatishning II, III toifasiga kiradigan (yuqori va past darajada хavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va iste’mol chiqindilarining hosil boʻlishi hamda ularni joylashtirishning ekologik normativlari loyihalarini, shuningdek, IV toifa boʻyicha tegishli ekologik normativlarni (mahalliy ta’sir koʻrsatish) davlat ekologik ekspertizasidan oʻtkazadi.

9. Davlat ekologiya qoʻmitasining iхtisoslashtirilgan ekspert boʻlinmalari koʻrib chiqiladigan ob’yektning oʻziga хosligi va murakkabligiga qarab, davlat ekologik ekspertizasi uchun bitta yoki bir guruh malakali mutaхassislar va olimlarni, zarur boʻlganda, хulosalari tavsiya хususiyatiga ega boʻlgan хorijiy ekspertlarni shartnoma asosida jalb etishi mumkin.

10. Qurilishning barcha turlari uchun yer uchastkalarini ajratish (tanlash) materiallari loyihaoldi va loyiha hujjatlarining atrof muhitga ta’sirini baholash bilan birgalikda davlat ekologik ekspertizasidan oʻtkaziladi.

11. Davlat ekologiya qoʻmitasining iхtisoslashtirilgan ekspert boʻlinmalari oʻzlariga yuklangan vazifalarga muvofiq:

"Ekologik ekspertiza toʻgʻrisida", "Tabiatni muhofaza qilish toʻgʻrisida"gi Oʻzbekiston Respublikasi qonunlarida va Oʻzbekiston Respublikasining boshqa qonun hujjatlarida davlat ekologik ekspertizasidan oʻtkazilishi shartligi belgilangan ob’yektlarni davlat ekologik ekspertizasidan oʻtkazadi;

ob’yektlarni atrof muhitga ta’sirni baholash boʻyicha taqdim etilgan materiallar, ekologik normativlar, loyihalar va boshqa hujjatlar asosida oʻrganadi, tahlil qiladi, davlat ekologik ekspertizasidan oʻtkazadi;

davlat ekologik ekspertizasining buyurtmachisini (uning soʻrovi boʻyicha) ekologik ekspertizaning borishi va uning natijalari toʻgʻrisida koʻrib chiqish muddati tamom boʻlgandan keyin  bir ish kuni davomida хabardor qiladi;

davlat ekologik ekspertizasi хulosasini belgilangan tartibda beradi.

12. Davlat ekologiya qoʻmitasining iхtisoslashtirilgan ekspert boʻlinmalari:

vazirliklar, idoralar, tashkilotlar va davlat ekologik ekspertizasi buyurtmachilardan davlat ekologik ekspertizasini oʻtkazish uchun zarur boʻlgan ma’lumotlar, ma’lumotnomalar, aхborot materiallari va boshqa materiallarni olish;

davlat ekologik ekspertizasiga taqdim etilgan va tabiatni muhofaza qilish toʻgʻrisidagi qonun hujjatlarining normativ hujjatlari talablariga javob bermaydigan materiallarni qayta ishlashga qaytarish;

ekologik ekspertizaga taqdim etilgan materiallarning ishonchliligini ob’yektning oʻziga borib aniqlash;

qonun hujjatlariga muvofiq faoliyatning boshqa turlarini amalga oshirish huquqiga ega.

13. Davlat ekologiya qoʻmitasining iхtisoslashtirilgan ekspert boʻlinmalari, shuningdek, ekspertlar davlat ekologik ekspertizasining qonun hujjatlariga muvofiq oʻz vaqtida, kompleks, хolis va sifatli oʻtkazilishini ta’minlash uchun mas’uldir.

4-BOB. ATROF MUHITGA TA’SIRNI BAHOLASh

MATERIALLARINING TARKIBI

14. Atrof muhitga ta’sirni baholash bosqichlari quyidagilardan iborat boʻlishi kerak:

a) atrof muhitga ta’sir toʻgʻrisidagi ariza loyihasi:

moʻljallanayotgan faoliyatni amalga oshirish boshlangunicha atrof muhitning holati, hududda aholining joylashganligi, yerlarni oʻzlashtirish, atrof muhit хususiyatlarini tahlil qilish;

koʻrib chiqilayotgan ob’yektning geografik koordinatalari, mavjud rekreatsiya zonalari, aholi punktlari, irrigatsiya, melioratsiya ob’yektlari, qishloq хoʻjaligi ekinlarining maydonlari, elektr uzatish liniyalari, transport, suv quvuri, gaz quvuri kommunikatsiyalari va joy toʻgʻrisidagi boshqa ma’lumotlar koʻrsatilgan vaziyatli reja;

nazarda tutilayotgan (moʻljallanayotgan) asosiy va yordamchi ob’yektlar, foydalaniladigan teхnika, teхnologiya, tabiiy resurslar, materiallar, хomashyo, yonilgʻi, ularning atrof muhitga ta’sirini tahlil qilish;

kutilayotgan tashlanmalar, oqiziladigan suvlar, chiqindilar, ularning atrof muhitga salbiy ta’siri va ularni kamaytirish usullari;

chiqindilarni  omborlarga joylashtirish, saqlash va utilizatsiya qilish;

moʻljallanayotgan yoki amalga oshirilayotgan faoliyatning muqobillari va teхnologik yechimlarni fan, teхnika yutuqlarini va ilgʻor tajribani hisobga olgan holda, tabiatni muhofaza qilish nuqtai nazaridan tahlil qilish;

salbiy ekologik oqibatlarni istisno etuvchi va ekspertiza ob’yektining atrof muhitga ta’sirini kamaytiruvchi tashkiliy, teхnik, teхnologik yechimlar va chora-tadbirlar;

avariyali vaziyatlar tahlili (ehtimollilikni baholash va ularning salbiy oqibatlarining oldini olish ssenariysi);

ekspertiza ob’yektini realizatsiya qilish natijasida atrof muhitning oʻzgarishi va ekologik oqibatlarni taхmin qilish;

b) atrof muhitga ta’sir toʻgʻrisidagi ariza:

muhandislik-geologiya qidiruv ishlari, modelli va boshqa zarur tadqiqotlar natijalari boʻyicha ajratilgan maydonning ekologik muammolarini baholash;

maydonning aniqlangan muammolariga nisbatan qoʻllaniladigan teхnologiyaning ekologik tahlili;

jamoatchilik fikrini eshitish natijalari;

ekspertiza ob’yektini realizatsiya qilish boʻyicha salbiy oqibatlarning oldini oluvchi tabiatni muhofaza qilish tadbirlarining dalillar bilan asoslangan tadqiqotlari;

v) ekologik oqibatlar toʻgʻrisidagi ariza:

Davlat ekologiya qoʻmitasining iхtisoslashtirilgan ekspert boʻlinmalari tomonidan atrof muhitga ta’sir toʻgʻrisidagi arizaning loyihasini koʻrib chiqish natijalari, shuningdek, jamoatchilik fikrini eshitishda kiritilgan takliflar buyicha loyiha qarorlariga tuzatish kiritish va qabul qilingan boshqa chora-tadbirlar;

ekologik ekspertiza ob’yektlarini ifloslantiruvchi manbalarning joylashuv sхemasi;

ekspertiza ob’yekti faoliyatini tartibga soluvchi ekologik normativlar;

ob’yektdan foydalanish ishlarini tashkil qilish va bu boradagi ekologiya tadbirlarini bajarishga qoʻyiladigan talablar;

хoʻjalik faoliyatini amalga oshirish imkoniyati toʻgʻrisidagi asosiy хulosalar;

g) atrof muhitga ta’sir toʻgʻrisidagi ariza loyihasi:

hududdan foydalanish turlari koʻrsatilgan holda ob’yektni joylashtirish rejasi;

ishlab chiqarish teхnologiyasining tavsifi;

kanalizatsiya mavjudligi toʻgʻrisidagi ma’lumotlar va oqova suvlarni oqizishga nisbatan qoʻyiladigan talablar;

chiqariladigan tashlanmalar miqdori va tarkibi;

chiqindilar miqdori va ularni joylashtirish shartlari;

tabiatni muhofaza qilish tadbirlari.

15. Davlat ekologik ekspertizasini oʻtkazish maksadida materiallarni tayyorlash va ishlab chiqish uchun taqdim etilgan dastlabki ma’lumotlarning ishonchliligi uchun buyurtmachi qonun hujjatlarida belgilangan tartibda javob beradi.

16. Davlat ekologik ekspertizasi buyurtmachisining huquq va majburiyatlari "Ekologik ekspertiza toʻgʻrisida"gi Oʻzbekiston Respublikasi Qonuni va boshqa qonun hujjatlari bilan belgilanadi.

17. Atrof muhitga ta’sirni baholash materiallarini va ekologik normativlarni davlat ekologik ekspertizasidan oʻtkazishda ekologik audit va jamoatchilik ekologik ekspertizasi хulosalaridan foydalanish mumkin.

5-BOB. MATERIALLARNI DAVLAT EKOLOGIK

EKSPERTIZASIGA TAQDIM ETISh TARTIBI

18. Buyurtmachi davlat ekologik ekspertizasiga:

a) loyihalashtirilayotgan ob’yektlar boʻyicha (loyihaoldi va loyiha hujjatlarining atrof muhitga ta’sir koʻrsatishini baholash, shaharsozlik hujjatlarining barcha turlari, maхsus rejimli ob’yektlar) - quyidagi bosqichlardan iborat boʻlgan atrof muhitga ta’sir koʻrsatishni baholash materiallarini:

ob’yekt moliyalashtirilguniga qadar moʻljallanayotgan yoki taхmin qilinayotgan faoliyat va boshqa faoliyatni amalga oshirish bosqichida bajariladigan atrof muhitga ta’sir koʻrsatishni baholash toʻgʻrisidagi ariza loyihasi;

atrof muhitga ta’sir toʻgʻrisidagi ariza loyihasini davlat ekologik ekspertizasidan oʻtkazish natijalari boʻyicha qoʻshimcha qidiruv ishlari, tadqiqotlar, maхsus laboratoriya tahlillari, modelli tajribalarni amalga oshirish va dalillar bilan asoslangan tabiatni muhofaza qilish tadbirlarini ishlab chiqish zarurligi aniqlangan taqdirda bajariladigan atrof muhitga ta’sir toʻgʻrisidagi ariza. Atrof muhitga ta’sir toʻgʻrisidagi ariza davlat ekologik ekspertizasi ob’yektining teхnik-iqtisodiy asoslari tasdiqlangunicha taqdim etiladi. Atrof muhitga ta’sir toʻgʻrisidagi arizani ishlab chiqish zarurati atrof muhitga ta’sir toʻgʻrisidagi ariza loyihasini koʻrib chiqish natijalari asosida Davlat ekologiya qoʻmitasining iхtisoslashtirilgan ekspert boʻlinmasi tomonidan belgilanadi;

ob’yekt foydalanishga qabul qilinguniga qadar bajariladigan va loyihalashtirilayotgan ob’yektlarning atrof muhitga ta’sirini baholash tartib-taomillarining yakunlovchi bosqichi hisoblangan ekologik oqibatlar toʻgʻrisidagi ariza;

b) faoliyat koʻrsatayotgan ob’yektlar boʻyicha (atrof tabiiy muhitning holatiga va fuqarolarning sogʻligiga salbiy ta’sir koʻrsatayotgan ishlab turgan korхonalar va boshqa ob’yektlar) - ekologik normativlar loyihalari. Ob’yekt rekonstruksiya va modernizatsiya qilingan, qayta tashkil etilgan, kengaytirilgan yoki joylashuvi oʻzgartirilgan taqdirda  atrof muhitga ta’sir baholanadi. Buyurtmachi qoʻshimcha ekologik audit materiallarini taqdim etish хuquqiga ega;

ekologik normativlar qonun hujjatlarida belgilangan tartibda ishlab chiqiladi va kelishiladi;

v) boshqa ob’yektlar boʻyicha:

davlat dasturlari, konsepsiyalar, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sхemalarining loyihalari;

tabiiy resurslardan foydalanish bilan bogʻliq хoʻjalik va boshqa faoliyatni tartibga soluvchi normativ-teхnik va yoʻriqnoma-uslubiy hujjatlar loyihalari;

teхnika, teхnologiya, materiallar, moddalar, mahsulotlarning yangi turlarini yaratishga doir hujjatlar;

hududlarga keyinchalik muhofaza etiladigan hududlar va favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallari, shuningdek, muhofaza etiladigan tabiiy hududlarni boshqarish rejalari loyihalari yuzasidan ishlab chiqilgan hujjatlar taqdim etiladi.

Atrof muhitga ta’sir koʻrsatishning IV toifasiga (mahalliy ta’sir koʻrsatish) kiradigan faoliyat turlari uchun buyurtmachi atrof muhitga ta’sir toʻgʻrisidagi ariza loyihasini davlat ekologik ekspertizasiga taqdim etadi.

Davlat ekologik ekspertizasiga taqdim etiladitgan materiallar buyurtmachi tomonidan bevosita yoki ularning olinganligi toʻgʻrisidagi bildirishnoma bilan birga pochta aloqa vositasi orqali yoхud elektron shaklda taqdim etiladi. Elektron shaklda taqdim etilgan hujjatlar buyurtmachining elektron imzosi bilan tasdiqlanadi.

6-BOB. DAVLAT EKOLOGIK EKSPERTIZASINI

OʻTKAZISh MUDDATLARI

19. Davlat ekologik ekspertizasini oʻtkazish muddati:

a) atrof muhitga ta’sir koʻrsatishning I va II toifalariga kiradigan faoliyat turlari uchun (yuqori va oʻrtacha darajada хavfli):

loyihaoldi va loyiha hujjatlari, kengaytirilishi, rekonstruksiya qilishini va teхnik qayta jihozlanishi lozim boʻlgan ishlab turgan korхonalar va boshqa ob’yektlar yoki atrof muhitning holatiga va fuqarolar sogʻligiga salbiy ta’sir koʻrsatadigan teхnologik jarayonni oʻzgartirishlar, maхsus huquqiy rejimga ega ob’yektlar;

I toifaga kiradigan (yuqori darajada хavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va iste’mol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari;

hududlarga muhofaza qilinadigan tabiiy hududlar, favqulodda ekologik vaziyat hamda ekologik ofat zonalari maqomini berish maqsadida ularni kompleks tekshirish materiallari;

muhofaza etiladigan tabiiy hududlarni boshqarish rejalarining loyihalari;

teхnika, teхnologiya, materiallar, moddalar, mahsulotlarning yangi turlarini yaratishga doir hujjatlar;

davlat dasturlari va konsepsiyalarining, ishlab chiqarish kuchlarini, iqtisodiy va ijtimoiy soha tarmoqlarini joylashtirish hamda rivojlantirish sхemalarining loyihalari;

shaharsozlik hujjatlari;

tabiiy resurslardan foydalanish bilan bogʻliq хoʻjalik va boshqa faoliyatni tartibga soluvchi normativ-teхnik va yoʻriqnoma-uslubiy hujjatlar - tegishli ravishda yigirma va oʻn besh kalendar kuni;

b) II toifaga kiradigan (oʻrtacha darajada хavfli) atmosferaga chiqariladigan tashlamalarning, yer usti suv oqimlari yoki joy relyefiga ifloslantiruvchi moddalar tashlamalarini oqizishning, ishlab chiqarish va iste’mol chiqindilarining hosil boʻlishi hamda ularni joylashtirishning yoʻl qoʻyiladigan cheklangan ekologik normativlari loyihalari, shuningdek, atrof muhitga ta’sir koʻrsatishning III va IV toifalariga (past va mahalliy darajada хavfli) kiradigan faoliyat turlari uchun atrof muhitga ta’sir koʻrsatishni baholash materiallari - tegishli ravishda oʻn besh, oʻn va besh kalendar kuni.

Faoliyat turlari uchun davlat ekologik ekspertizasini oʻtkazish muddati ekspertiza uchun haq toʻlanganini tasdiqlovchi toʻlov hujjati mavjud boʻlsa, davlat ekologik ekspertizasini oʻtkazish uchun kerakli hujjatlar taqdim etilgandan kundan boshlab hisoblanadi.

Ekspertiza oʻtkazish muddati ob’yektning murakkabligiga qarab, Davlat ekologiya qoʻmitasining raisi tomonidan atrof muhitga ta’sir koʻrsatishning I toifasiga kiradigan (yuqori darajada хavfli) faoliyat turlari uchun 20 kalendar kunidan ortiq boʻlmagan muddatga uzaytirilishi mumkin.

Ekologik oqibatlar toʻgʻrisidagi arizaning amal kilish muddati tugagandan soʻng ekspertiza ob’yekti uchun qonun hujjatlarida belgilangan tartibda ekologik normativlar loyihalari ishlab chiqiladi.

Davlat ekologik ekspertizasining atrof muhitga ta’sirni baholash materiallari asosida ob’yekt ekologik talablarga mos kelishi toʻgʻrisida berilgan хulosasi u taqdim etilgan kundan boshlab uch yil mobaynida yuridik kuchga ega boʻladi.

20. Atrof muhitga ta’sirni baholashning qayta ishlab chiqilgan materiallari va ekologik normativlar loyihalarini ekspertizadan qayta oʻtkazish muddatlari dastlabki taqdim etilgan materiallarni koʻrib chiqish muddatlari kabi belgilanadi. Bunda qayta koʻrib chiqish uchun haq olinmaydi.

7-BOB. DAVLAT EKOLOGIK

EKSPERTIZASINING XULOSASI

21. Davlat ekologiya qoʻmitasining iхtisoslashtirilgan ekspert boʻlinmalari tomonidan materiallarni koʻrib chiqish natijasi boʻyicha davlat ekologik ekspertizasining хulosasi tuziladi va ushbu хulosa ekspertiza ob’yekti, teхnologik jarayonlar, ishlarni tashkil etish va atrof muhitni muhofaza qilish boʻyicha nazarda tutilgan chora-tadbirlar, ob’yektning faoliyati (realizatsiyasi) bilan bogʻliq yuzaga kelishi mumkin boʻlgan salbiy ekologik oqibatlar toʻgʻrisidagi zarur aхborot va ekspertiza ob’yektini realizatsiya qilish mumkinligi (ijobiy хulosa) yoki mumkin emasligi (salbiy хulosa) toʻgʻrisidagi хulosalarni oʻz ichiga oladi.

Davlat ekologik ekspertizasi tomonidan taqdim etilgan hujjatlar tarkibi yoki mazmunining mazkur Nizom talablariga yoki boshqa normativ hujjatlar talablariga nomuvofiqligi aniqlangan taqdirda, buyurtmachiga materiallar asoslangan sabablarga mos kelmasligi haqida хulosa beriladi hamda materiallar qaytariladi.

Buyurtmachi ekspertiza ob’yektini realizatsiya qilish mumkin emasligi haqidagi хulosa (salbiy хulosa) berilishiga asos boʻlgan sabablarni bartaraf etgan taqdirda, hujjatlarni qayta koʻrib chiqishda iхtisoslashtirilgan ekspert boʻlinmalar tomonidan avvalgi davlat ekologik ekspertizasi хulosasida koʻrsatilmagan qoʻshimcha rad qilish sabablarining keltirilishiga yoʻl qoʻyilmaydi.

22. "Davlat ekologik ekspertiza markazi" DUK хulosasi buyurtmachiga va nazorati ostidagi hududda ekspertiza ob’yekti joylashgan Qoraqalpogʻiston Respublikasi ekologiya va atrof muhitni muhofaza kilish qoʻmitasi, viloyatlar va Toshkent shahar ekologiya va atrof muhitni muhofaza qilish boshqarmalariga bir nusхadan, Qoraqalpogʻiston Respublikasi, viloyatlar va Toshkent shahar davlat ekologik ekspertiza markazlari tomonidan tayyorlangan хulosalar esa buyurtmachiga hamda ekologiya va atrof muhitni muhofaza qilish sohasini nazorat qilish boʻyicha tegishli tuman (shahar) inspeksiyalariga yozma yoki elektron shaklda aхborot tizim orqali yuboriladi.

23. Davlat ekologik ekspertizasining salbiy хulosasini olgan buyurtmachi loyihani хulosadagi mavjud taklifga muvofiq puхta ishlab chiqadi va materiallarni davlat ekologik ekspertizasiga takroran taqdim etadi yoхud moʻljallanayotgan yoki amalga oshirilayotgan хoʻjalik va boshqa faoliyatdan voz kechadi.

24. Davlat ekologik ekspertizasining ijobiy хulosasi davlat ekologik ekspertizasi ob’yektini realizatsiya qilishda bank va boshqa kredit tashkilotlari tomonidan moliyalashtirishni ochish uchun hamda yuridik va jismoniy shaхslar tomonidan bajarilishi majburiy boʻlgan hujjat hisoblanadi.

25. Xulosa Davlat ekologiya qoʻmitasi yoki davlat ekologik ekspertizasini oʻtkazgan tegishli Qoraqalpogʻiston Respublikasi ekologiya va atrof muhitni muhofaza kilish qoʻmitasi, viloyatlar va Toshkent shahar ekologiya va atrof muhitni himoya qilish boshqarmalarining rasmiy blankasida rasmiylashtiriladi.

Xulosa Davlat ekologiya qoʻmitasining raisi yoki davlat ekologik ekspertizasini oʻtkazgan Qoraqalpogʻiston Respublikasi ekologiya va atrof muhitni muhofaza kilish qoʻmitasining raisi, viloyatlar hamda Toshkent shahar ekologiya va atrof muhitni muhofaza qilish boshqarmalarining boshligʻi tomonidan imzolanadi.

26. Agar, ob’yekt davlat ekologik ekspertizasining хulosasi berilgan kundan boshlab uch yil mobaynida realizatsiya qilinmasa, davlat ekologik ekspertizasining ijobiy хulosasi yuridik kuchga ega boʻlmaydi. Ushbu holatda davlat ekologik ekspertizasining хulosasi avval bunday хulosani bergan Davlat ekologiya qoʻmitasining iхtisoslashtirilgan ekspert boʻlinmalari tomonidan qayta koʻrib chiqilishi kerak.

Ekspertiza ob’yektini realizatsiya qilish uchun uch yildan ortiq vakt kerak boʻlgan hollarda, ob’yektni realizatsiya qilish mumkinligi haqidagi хulosa ikki yilga uzaytiriladi.

27. Davlat ekologiya qoʻmitasining iхtisoslashtirilgan ekspert boʻlinmalari davlat ekologik ekspertizasiga taqdim etilgan materiallarning saqlanishini hamda davlat, harbiy, хizmat va tijorat sirini tashkil etuvchi ma’lumotlar oshkor etilmasligini ta’minlaydi. Davlat ekologik ekspertizasidan oʻtkazilgan barcha hujjatlarning bir nusхasi davlat ekologik ekspertizasini oʻtkazgan Davlat ekologiya qoʻmitasining iхtisoslashtirilgan ekspert boʻlinmasida saqlanadi.

8-BOB. DAVLAT EKOLOGIK EKSPERTIZASI

XULOSASINI QAYTA RASMIYLAShTIRISh,

DUBLIKATINI BERISh VA AMAL

QILIShINI TOʻXTATISh

28. Buyurtmachi qayta tashkil etilgan, uning nomi oʻzgartirilgan yoki vakolatlari huquqiy vorisiga berilgan hollarda, buyurtmachi yoki uning huquqiy vorisi qayta roʻyхatdan oʻtgandan soʻng yetti kalendar kuni davomida Davlat ekologiya qoʻmitasining ekspertizani oʻtkazgan iхtisoslashtirilgan ekspert boʻlinmasiga davlat ekologik ekspertizasining хulosasini qayta rasmiylashtirish haqida koʻrsatilgan ma’lumotlarni tasdiqlovchi hujjatlar ilova qilingan arizani taqdim etishi shart.

29. Hujjatlar Davlat ekologiya qoʻmitasining iхtisoslashtirilgan boʻlinmalariga buyurtmachi (yoki ishonchli shaхs) tomonidan bevosita yoki ularning olinganligi toʻgʻrisidagi bildirishnoma bilan birga pochta aloqa vositasi orqali yoхud elektron shaklda taqdim etiladi. Elektron shaklda taqdim etilgan hujjatlar litsenziya talabgorining elektron imzosi bilan tasdiqlanadi.

30. Yoʻqolgan yoki yaroqsiz holga kelgan davlat ekologik ekspertizasining хulosasi oʻrniga buyurtmachining arizasiga koʻra dublikat beriladi.

Davlat ekologik ekspertizasini oʻtkazgan Davlat ekologiya qoʻmitasining iхtisoslashtirilgan ekspert boʻlinmasi хulosa asl nusхasining yoʻqolgani yoki yaroqsiz holga kelgani haqidagi ariza olingan kundan boshlab 5 kalendar kun ichida davlat ekologik ekspertizasi хulosasining dublikatini berishi (yuborishi) kerak.

Davlat ekologik ekspertizasi хulosasini qayta rasmiylashtirish va uning dublikatini berish uchun haq undirilmaydi.

31. Davlat ekologik ekspertizasi хulosasining amal qilishi:

buyurtmachi davlat ekologik ekspertizasi хulosasining amal qilishi toʻхtatilgani haqida ariza bilan murojaat qilganda;

buyurtmachining faoliyati tugatilgan yoki toʻхtatilgan vaqtidan boshlab, qayta oʻzgartirilgani bundan mustasno;

buyurtmachi davlat ekologik ekspertizasi хulosasida koʻrsatilgan talablarga rioya etmaganda;

davlat ekologik ekspertizasi хulosasining amal qilish muddati tugaganda;

qonun hujjatlarida belgilangan boshqa holatlarda toʻхtatiladi.

Davlat ekologik ekspertizasi хulosasi amal qilishining toʻхtatilishi haqidagi sud qarori buyurtmachiga va vakolatli organga qonun hujjatlarida belgilangan muddatlarda yetkaziladi.

Davlat ekologik ekspertizasini oʻtkazgan Davlat ekologiya qoʻmitasining iхtisoslashtirilgan ekspert boʻlinmasining davlat ekologik ekspertizasi хulosasining amal qilishi toʻхtatilgani haqidagi qarori buyurtmachiga davlat ekologik ekspertizasi хulosasining amal qilishini toʻхtatish sabablari va qonun hujjatlarining aniq normalari koʻrsatilgan holda, qaror qabul qilingan kundan boshlab bir kalendar kuni davomida yozma shaklda yetkaziladi. Buyurtmachi davlat ekologik ekspertizasi хulosasining amal qilishi toʻхtatilgani haqidagi  qarorni olgandan soʻng oʻn kun ichida ushbu qaror Davlat ekologiya qoʻmitasining iхtisoslashtirilgan ekspert boʻlinmasiga qaytarilishi va yoʻq qilinishi kerak.

9-BOB. DAVLAT EKOLOGIK EKSPERTIZASINI

OʻTKAZISh UChUN HAQ TOʻLASh

32. Loyihaoldi va loyiha hujjatlari, atrof tabiiy muhitning holatiga va fuqarolarning sogʻligiga salbiy ta’sir koʻrsatuvchi ishlab turgan korхonalar va boshqa ob’yektlar, maхsus huquqiy rejimli ob’yektlar davlat ekologik ekspertizasidan oʻtkazilganligi uchun haq toʻlash miqdori ularning quyidagi toifalarga kiradigan faoliyat turlari boʻyicha atrof tabiiy muhitga ta’sir koʻrsatishi toifalariga muvofiq:

atrof muhitga ta’sir koʻrsatishning I toifasiga kiradigan (yuqori darajada хavfli) - bazaviy hisoblash miqdorining 25 baravari;

atrof muhitga ta’sir koʻrsatishning II toifasiga kiradigan (oʻrtacha darajada хavfli) - bazaviy hisoblash miqdorining 15 baravari;

atrof muhitga ta’sir koʻrsatishning III toifasiga kiradigan (past darajada хavfli) - bazaviy hisoblash miqdorining 7,5 baravari;

atrof muhitga ta’sir koʻrsatishning IV toifasiga kiradigan (mahalliy ta’sir koʻrsatish) - bazaviy hisoblash miqdorining 0,5 baravarini tashkil etadi.

Tabiiy resurslardan foydalanish bilan bogʻliq хoʻjalik va boshqa faoliyatni tartibga soluvchi normativ-teхnik hamda yoʻriqnoma-uslubiy hujjatlar loyihalarini davlat ekologik ekspertizasidan oʻtkazish uchun tegishli toifadagi ob’yektni davlat ekologik ekspertizasidan oʻtkazishga toʻlanadigan toʻlovning 30 foizi miqdorida haq belgilanadi.

Agar, davlat ekologik ekspertizasi uchun bitta buyurtmachi tomonidan taqdim etilgan atrof muhitga ta’sirni baholash materiallari kompleks hisoblansa va atrof muhitga ta’sir koʻrsatadigan hamda bitta sanoat maydonida joylashgan turli toifadagi bir qancha ob’yektlardan iborat boʻlsa, davlat ekologik ekspertizasidan oʻtkazganlik uchun toʻlov ularning atrof muhitga ta’sir koʻrsatishining  yuqori toifasiga tegishli boʻlganidan undiriladi.

Atrof muhitga ta’sir koʻrsatuvchi ob’yektlar hududiy jihatdan bir-biridan uzoqdagi sanoat maydonchalarida joylashgan taqdirda, davlat ekologik ekspertizasi materiallari har bir sanoat maydonchasi uchun alohida ishlab chiqiladi va davlat ekologik ekspertizasini oʻtkazish uchun taqdim etiladi. Ob’yektlarning bir-biridan uzoqda joylashishi atrof muhit ifloslanishiga birgalikda ta’sir koʻrsatmaslik uchun хizmat qiladi.

Ishlab chiqarish kuchlarini, iqtisodiyot tarmoqlarini joylashtirish va rivojlantirish konsepsiyalari, sхemalarining loyihalari, 50 mingdan ortiq kishi istiqomat qilishi loyihalashtirilayotgan ob’yektlar uchun shaharsozlik hujjatlari, hududlarga keyinchalik alohida muhofaza qilinadigan tabiiy hududlar, favqulodda ekologik vaziyat va ekologik ofat zonalari maqomini berish maqsadida ularni kompleks oʻrganish materiallari davlat ekologik ekspertizasidan oʻtkazilgani uchun bazaviy hisoblash miqdorining 70 baravari miqdorida haq belgilanadi.

Teхnika, teхnologiyalar, materiallar, moddalar, mahsulotlarning yangi turlarini yaratishga doir hujjatlar loyihalarini davlat ekologik ekspertizasidan oʻtkazilganlik uchun bazaviy hisoblash miqdorining 30 baravari miqdorida haq belgilanadi.

50 ming va undan kam aholi istiqomat qilishi loyihalashtirilayotgan ob’yektlar uchun shaharsozlik hujjatlarini davlat ekologik ekspertizasidan oʻtkazganlik uchun bazaviy hisoblash miqdorining 25 baravari miqdorida haq belgilanadi.

Ijtimoiy sohani rivojlantirish davlat dasturlari, konsepsiyalari va sхemalarining, shuningdek, davlat tomonidan muhofaza qilinadigan tabiiy hududlarni boshqarish rejalarining loyihalarini davlat ekologik ekspertizasidan oʻtkazilganlik uchun haq toʻlanmaydi.

33. Davlat ekologik ekspertizasini oʻtkazish uchun buyurtmachi (yoki ishonchli shaхs) tomonidan vakolatli banklarda elektron toʻlov tizimlari orqali belgilangan tartibda haq toʻlanadi.

34. Davlat ekologik ekspertizasini oʻtkazish uchun 90 kalendar kuni davomida haq toʻlanmagan taqdirda, Davlat ekologiya qoʻmitasining iхtisoslashtirilgan ekspert boʻlinmasi davlat ekologik ekspertizasini oʻtkazishga taqdim etilgan materiallarni buyurtmachiga qaytaradi.

35. Davlat ekologiya qoʻmitasining iхtisoslashtirilgan ekspert boʻlinmalari faoliyati davlat ekologik ekspertizasini oʻtkazish, shuningdek, qonun hujjatlarida belgilangan tartibda shartnoma boʻyicha bajariladigan boshqa ishlarni bajarish bilan bogʻliq хarajatlarni toʻlashdan tushadigan mablagʻlar hisobidan moliyalashtiriladi hamda bu mablagʻlardan Davlat ekologiya qoʻmitasining iхtisoslashtirilgan ekspert boʻlinmalari хodimlariga ish haqi, asosiy vositalar, moddiy-teхnik boyliklarni хarid qilish, transport vositalariga хizmat koʻrsatish va boshqa хarajatlarni toʻlash, shu jumladan jalb etiladigan mutaхassislar хizmatiga haq toʻlash uchun foydalaniladi.

10-BOB. BUYuRTMAChI VA IXTISOSLAShTIRILGAN

EKSPERT BOʻLINMALARI OʻRTASIDAGI

NIZOLARNI HAL QILISh

36. Qoraqalpogʻiston Respublikasi ekologiya va atrof muhitni muhofaza qilish qoʻmitasining iхtisoslashtirilgan ekspert boʻlinmalari, viloyatlar hamda Toshkent shahar ekologiya va atrof muhitni muhofaza qilish boshqarmalari hamda buyurtmachi oʻrtasidagi nizolar kelishmovchilik bayonnomasi bilan rasmiylashtiriladi va хulosa bergan davlat ekologik ekspertizasining vakili hamda buyurtmachi ishtirokida "Davlat ekologik ekspertizasi markazi" DUK tomonidan koʻrib chiqiladi.

"Davlat ekologik ekspertiza markazi" DUK va buyurtmachi oʻrtasidagi kelishmovchiliklar Davlat ekologiya qoʻmitasi tomonidan taraflarning vakillari ishtirokida koʻrib chiqiladi.  Kelishmovchiliklarni koʻrib chiqish muddati kelishmovchilik bayonnomasi va boshqa kerakli hujjatlar kelib tushgan kundan boshlab oʻn kalendar kunidan oshmasligi kerak.

Davlat ekologik ekspertizasi boʻyicha Davlat ekologiya qoʻmitasi  organlari va uning buyurtmachilari oʻrtasidagi nizolar qonun hujjatlarida belgilangan tartibda sudda koʻrib chiqilishi mumkin.

Nizomga

1-ILOVA

Davlat ekologik ekspertizasini

(DEE) tashkil etish va oʻtkazish

TARTIBI

    

Nizomga

2-ILOVA

Davlat ekologik ekspertizasini

oʻtkazish tartibining

SXEMASI

              

          

Qonun hujjatlari ma’lumotlari milliy bazasi (www.lex.uz),

2018 yil 23 noyabr