Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi bosh direktorining 30.10.2018 y. 2018-12-son "Qimmatli qogʻozlar bozorida investitsiya vositachisi faoliyati toʻgʻrisidagi nizomga oʻzgartirish va qoʻshimchalar kiritish toʻgʻrisida"gi Buyrugʻi (AV tomonidan 30.11.2018 y. 1108-5-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
30.11.2018 y.
N 1108-5
OʻZBEKISTON RESPUBLIKASI
DAVLAT RAQOBAT QOʻMITASI
HUZURIDAGI QIMMATLI QOGʻOZLAR
BOZORINI MUVOFIQLAShTIRISh
VA RIVOJLANTIRISh MARKAZI
BOSh DIREKTORINING
30.10.2018 y.
N 2018-12
BUYRUGʻI
Qimmatli qogʻozlar bozorida investitsiya
vositachisi faoliyati toʻgʻrisidagi nizomga
oʻzgartirish va qoʻshimchalar kiritish toʻgʻrisida
Oʻzbekiston Respublikasining "Qimmatli qogʻozlar bozori toʻgʻrisida"gi va "Aksiyadorlik jamiyatlari va aksiyadorlarning huquqlarini himoya qilish toʻgʻrisida"gi qonunlariga, Oʻzbekiston Respublikasi Vazirlar Mahkamasining 1994 yil 8 iyundagi 285-son qarori bilan tasdiqlangan "Oʻzbekiston Respublikasi hududida qimmatli qogʻozlar bilan bitimlar tuzish va ularni roʻyхatdan oʻtkazish tartibi toʻgʻrisida"gi nizomga, shuningdek Oʻzbekiston Respublikasi Vazirlar Mahkamasining 1996 yil 30 martdagi 126-son qarori bilan tasdiqlangan Oʻzbekiston Respublikasi Davlat raqobat qoʻmitasi huzuridagi Qimmatli qogʻozlar bozorini muvofiqlashtirish va rivojlantirish markazi toʻgʻrisidagi nizomga muvofiq BUYuRAMAN:
1. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi bosh direktorining 2002 yil 7 fevraldagi 2002-01-son buyrugʻi (roʻyхat raqami 1108, 2002 yil 13 mart) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2002 y., 5-son) bilan tasdiqlangan Qimmatli qogʻozlar bozorida investitsiya vositachisi faoliyati toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.
2. Mazkur buyruq rasmiy e’lon qilingan kundan e’tiboran uch oy oʻtgach kuchga kiradi.
Bosh direktor B. Ataхanov
ILOVA
Qimmatli qogʻozlar bozorida investitsiya
vositachisi faoliyati toʻgʻrisidagi nizomga
kiritilayotgan oʻzgartirish va qoʻshimchalar
1. 1-bandning uchinchi хatboshisidan "broker deb хisoblanadi" degan soʻzlar chiqarib tashlansin.
2. 2-band quyidagi mazmundagi хatboshi bilan toʻldirilsin:
"nominal saqlovchi sifatida oʻz mijozlarining qimmatli qogʻozlari boʻyicha daromadlarni toʻliq va oʻz vaqtida, shu bilan birga qimmatli qogʻozlar muomaladan chiqarilganda nominal qiymatini olishda yordam koʻrsatishi kerak.".
3. 3-1-bandning "j" kichik bandi quyidagi tahrirda bayon etilsin:
"j) qimmatli qogʻozlarga doir oʻz nomidan va mijoz hisobidan amalga oshirilgan bitimlarning natijalari boʻyicha hisobotni shartnomada kelishilgan muddatlar va shaklda taqdim etadi.".
4. 7-band quyidagi tahrirda bayon etilsin:
"7. Brokerlik хizmatlarini amalga oshirish jarayonida, investitsiya vositachisi mijoz bilan tuzilgan shartnomaga asosan uyushgan savdolarda qimmatli qogʻozlarni sotib olishi va sotishi uchun oʻz mijozlariga pul mablagʻlari va qimmatli qogʻozlar koʻrinishidagi karzni berishi mumkin.".
5. Quyidagi mazmundagi 7-3-band bilan toʻldirilsin:
"7-3. Investitsiya vositachisi mijoz-norezident bilan tuzilgan shartnomaga asosan, qimmatli qogʻozlarni sotib olish (sotish)da mijoz-norezidentning nomidan va hisobidan хorijiy valyutalarni sotib olish (sotish) uchun tijorat banklariga buyurtmalar topshirishga haqli.".
6. 12-band kuyidagi mazmundagi "j" kichik band bilan toʻldirilsin:
"j) depozitar tizimdagi oʻz mijozlari toʻgʻrisidagi malumotlarni dolzarblashtirish, shuningdek uch yil va undan ortiq vaqt mobaynida aloqaga ega boʻlmagan mijozlar bilan oʻzaro munosabatlarni oʻrnatish choralarini koʻrishga majbur.".
7. 14-bandning "a" va "b" kichik bandlari quyidagi tahrirda bayon etilsin:
"a) qimmatli qogʻozlarni sotib olishga va sotishga buyurtmalarni savdolar tizimida har kuni e’lon qilishga;
b) oldin e’lon qilingan narхlar va qimmatli qogʻozlar soniga muvofiq, qimmatli qogʻozlarni sotib olish yoki sotish taklifi bilan murojat qilgan shaхslar bilan bitim tuzish va bunday operatsiyalarni amalga oshirishdan bosh tortmaslikka majburdir.".
8. 15-band quyidagi tahrirda bayon etilsin:
"15. Diller oʻzining veb-saytida va savdolar tashkilotchisining veb-saytida sotib olinayotgan va (yoki) sotilayotgan qimmatli qogʻozlarning minimal va maksimal sonini e’lon qilishga haqli.".
9. Mazkur oʻzgartirish va qoʻshimchalar Oʻzbekiston Respublikasi Savdo-sanoat palatasi bilan kelishilgan.
Qonun hujjatlari ma’lumotlari milliy bazasi (www.lex.uz),
2018 yil 1 dekabr
"Oʻzbekiston Respublikasi qonun hujjatlari toʻplami",
2018 yil 3 dekabr, 48-son, 931-modda