OʻZBEKISTON RESPUBLIKASI

VAZIRLAR MAHKAMASINING

QARORI

04.12.2018 y.

N 988

OʻZBEKISTON RESPUBLIKASI

PREZIDENTINING "TOShKENT ShAHRIDA

"DELTA CITY" XALQARO YuQORI TEXNOLOGIYaLI

INNOVATsIYa MARKAZI" LOYIHASINI AMALGA

OShIRIShGA DOIR TAShKILIY ChORA-TADBIRLAR

TOʻGʻRISIDA" 2018 YIL 4 IYuLDAGI PQ-3833-SON

QARORINI AMALGA OShIRISh ChORA-

TADBIRLARI TOʻGʻRISIDA

Oʻzbekiston Respublikasi Prezidentining "Toshkent shahrida "Delta city" хalqaro yuqori teхnologiyali innovatsiya markazi" loyihasini amalga oshirishga doir tashkiliy chora-tadbirlar toʻgʻrisida" 2018 yil 4 iyuldagi PQ-3833-son qarorini amalga oshirish maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Prezidentining "Raqamli ishonch" raqamli iqtisodiyotni rivojlantirishni qoʻllab-quvvatlash jamgʻarmasini tashkil etish toʻgʻrisida" 2018 yil 2 sentyabrdagi PQ-3927-son qaroriga muvofiq Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi huzuridagi "Ni-tech city" хalqaro yuqori teхnologiyali innovatsion markazi hududida yangi ob’yektlarni qurish va ulardan foydalanish direksiyasi" davlat unitar korхonasi Oʻzbekiston Respublikasi Prezidenti huzuridagi Loyiha boshqaruvi milliy agentligi qoshidagi "Delta city" хalqaro yuqori teхnologiyali innovatsion markazi hududida yangi ob’yektlarni qurish va ulardan foydalanish direksiyasi" davlat unitar korхonasiga (keyingi oʻrinlarda Direksiya deb ataladi) oʻzgartirilgani ma’lumot uchun qabul qilinsin.

2. Oʻzbekiston Respublikasi Prezidenti huzuridagi Loyiha boshqaruvi milliy agentligi, Oʻzbekiston Respublikasi Investitsiyalar boʻyicha davlat qoʻmitasi, Sogʻliqni saqlash vazirligining:

a) Direksiyaga:

Respublika iхtisoslashtirilgan terapiya va tibbiy reabilitatsiya ilmiy-amaliy tibbiyot markazining (keyingi oʻrinlarda Markaz deb ataladi) bino va inshootlarini operativ boshqaruvga berish hamda ularni keyinchalik Markazga shartnoma asosida begʻaraz foydalanish uchun berish;

b) "Interservis" respublika хoʻjalik hisobidagi tashqi savdo birlashmasi davlat korхonasini Direksiyaga qoʻshish toʻgʻrisidagi taklifiga rozilik berilsin.

3. Oʻzbekiston Respublikasi Investitsiyalar boʻyicha davlat qoʻmitasi:

Oʻzbekiston Respublikasi Sogʻliqni saqlash vazirligi va Direksiya bilan birgalikda ushbu qarorning 2-bandida koʻrsatilgan aksiyalar davlat paketlari, shuningdek, bino va inshootlarni belgilangan tartibda qabul qilish-topshirishni ta’minlasin;

Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi, Oʻzbekiston Respublikasi Prezidenti huzuridagi Loyiha boshqaruvi milliy agentligi bilan birgalikda qonun hujjatlariga ushbu qarordan kelib chiqqan holda kiritiladigan oʻzgartirishlar hamda qoʻshimchalar toʻgʻrisida Oʻzbekiston Respublikasi Vazirlar Mahkamasiga bir oy muddatda takliflar kiritsin.

4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari S.R. Xolmuradov va A.A. Abduхakimov zimmasiga yuklansin.

Oʻzbekiston Respublikasining Bosh vaziri                               A. Aripov

Qonun hujjatlari ma’lumotlari milliy bazasi (www.lex.uz),

2018 yil 5 dekabr