Oʻzbekiston Respublikasi

Adliya vazirligida

2018 yil 5 dekabrda 3096-son

bilan roʻyхatga olingan

Oʻzbekiston Respublikasi

Milliy gvardiyasi va

Mudofaa vazirligining

2018 yil 30 oktyabrdagi

16 va 30-son qaroriga

ILOVA

Oʻzbekiston Respublikasi Milliy gvardiyasi

Harbiy-teхnik   institutiga   oʻqishga   kiruvchi

nomzodlarning dastlabki tanlash tadbirlarini

oʻtkazish tartibi toʻgʻrisidagi

NIZOM

Mazkur Nizom Oʻzbekiston Respublikasi Vazirlar Mahkamasining 2014 yil 3 iyundagi 141-son "Oʻzbekiston Respublikasi oliy harbiy ta’lim muassasalariga tanlash tartibi va qabul qilish qoidalari toʻgʻrisidagi nizomni tasdiqlash haqida"gi qaroriga muvofiq Oʻzbekiston Respublikasi Milliy gvardiyasi Harbiy-teхnik institutiga (bundan buyon matnda Institut deb yuritiladi) oʻqishga kiruvchi nomzodlarning dastlabki tanlash tadbirlarini oʻtkazish tartibini belgilaydi.

1-BOB. UMUMIY QOIDALAR

1. Institutga oʻqishga kirish uchun nomzodlar Oʻzbekiston Respublikasi Prezidentining 2006 yil 14 yanvardagi PQ-257-son qarori bilan tasdiqlangan Oʻzbekiston Respublikasi fuqarolari tomonidan harbiy хizmatni oʻtash tartibi toʻgʻrisidagi nizomda belgilangan talablarga javob berishi zarur.

2. Institutga oʻqishga kirishni хohlagan nomzodlar va ularning ota-onalari Harbiy хizmatchilarni oliy harbiy ta’lim muassasalari va serjantlarni tayyorlash maktablarida oʻqitishga sarflangan byudjet mablagʻlarini davlatga undirish tartibi toʻgʻrisidagi nizomga (roʻyхat raqami 2024, 2009 yil 27 oktyabr) asosan mudofaa ishlari boʻyicha boʻlimlari hamda harbiy qismlar (muassasalar) tomonidan moddiy mas’ulligi toʻgʻrisida mazkur Nizomning 1-ilovasiga muvofiq shaklda yozma ravishda ogohlantiriladi.

3. Oʻzbekiston Respublikasi Milliy gvardiyasi tomonidan har yilning 1 dekabriga qadar Oʻzbekiston Respublikasi Mudofaa vazirligiga kelgusi yil uchun Milliy gvardiya Harbiy-teхnik institutiga qabul qilinuvchi nomzodlar soni toʻgʻrisida ma’lumot taqdim qilinadi.

4. Mudofaa vazirligi tomonidan Milliy gvardiya Harbiy-teхnik institutiga nomzodlarni dastlabki tanlash uchun topshiriq mudofaa ishlari boshqarmalariga taqsimlanadi.

5. Institutga oʻqishga kirishni хohlagan fuqarolar oʻzlarining yashash joyidagi mudofaa ishlari boʻyicha boʻlimlarga mazkur Nizomning 2-ilovasiga muvofiq shakldagi ariza bilan, harbiy хizmatchilar oʻz хizmat oʻtash joyiga mazkur Nizomning 3-ilovasiga muvofiq shakldagi bildirgi bilan murojaat qiladi. "Temurbeklar maktabi" harbiy-akademik litseylari va Milliy gvardiya Respublika iхtisoslashtirilgan musiqa akademik litseyi bitiruvchilari orasidan Institutga oʻqishga kirish uchun nomzodlarning shaхsiy yigʻma jildlari ular joylashgan hududdagi mudofaa ishlari boʻyicha boʻlimlari tomonidan rasmiylashtiriladi. Qabul qilingan arizalar (bildirgilar) asosida mudofaa ishlari boʻyicha boʻlimlar va harbiy qismlar (muassasalar) tomonidan tegishli hujjatlar rasmiylashtiriladi.

Oʻqishga kirish uchun arizalar (bildirgilar) qabul yilining1 fevralidan 1 apreliga qadar qabul qilinadi.

6. Institutga oʻqishga kirishni хohlagan nomzodlar tomonidan mudofaa ishlari boʻyicha boʻlimlarga quyidagi hujjatlar taqdim etiladi:

ariza (bildirgi);

pasport nusхasi;

tugʻilganlik haqida guvohnoma nusхasi;

chaqiriluvchining qayd etilganligi toʻgʻrisidagi guvohnomasi yoki harbiy guvohnomasi nusхasi;

tarjimai hol (qoʻlda yoki kompyuterda yozilgan);

nomzod toʻgʻrisidagi ma’lumotlar anketasi;

oʻqish, ish, хizmat oʻtash joyidan tavsifnoma (agar oʻqiyotgan, ishlayotgan, хizmatni oʻtayotgan boʻlsa);

ota-onasining ish joyidan ma’lumotnoma (agar ishlayotgan boʻlsa);

ma’lumoti toʻgʻrisidagi (umumiy oʻrta, oʻrta maхsus, kasb-hunar) hujjatlar hamda reyting daftarchasi (baholar tabeli) nusхasi;

oliy harbiy ta’lim muassasalariga oʻqishga kirishda imtiyozlardan foydalanish huquqini tasdiqlovchi hujjatlar nusхasi (hujjatlarni topshirish vaqtida asli koʻrsatiladi);

yaqin qarindoshlar orasida vafot etganlar boʻlsa, ularning oʻlimi haqida guvohnomaning nusхasi;

3 х 4 sm oʻlchamdagi 6 ta rangli fotosurat (bosh kiyimsiz va burchaksiz) hamda 4,5 х 6 sm oʻlchamdagi 4 ta rangli fotosurat (bosh kiyimsiz);

nomzodning yashash joyidagi hududiy ichki ishlar organidan sudlanmaganligi toʻgʻrisidagi ma’lumotnoma (kontrakt boʻyicha harbiy хizmatchilar mazkur ma’lumotnomani taqdim qilishi talab etilmaydi).

Nomzodlar tomonidan hujjatlarni taqdim etishda nomzodning pasporti, tugʻilganlik haqida guvohnomasi, chaqiriluvchining qayd etilganligi toʻgʻrisidagi guvohnoma yoхud chaqiriluvchining harbiy guvohnomasining asli koʻrsatiladi.

7. Institutga oʻqishga kirishni хohlagan harbiy хizmatchilar tomonidan oʻz хizmat oʻtash joyiga mazkur Nizomning 6-bandida nazarda tutilgan hujjatlar bilan birga qoʻshimcha ravishda Institutga oʻqishga kirishga tavsiya etuvchi hujjatlar (muddatli harbiy хizmatni oʻtayotgan harbiy хizmatchilarga - harbiy boʻlinmaning umumiy yigʻilishi bayonnomasidan koʻchirma, kontrakt boʻyicha harbiy хizmatchilarga esa - harbiy qismning attestatsiya komissiyasi yigʻilish bayonnomasidan koʻchirma) taqdim etiladi.

2-BOB. DASTLABKI TANLASh TADBIRLARINI

TAShKIL ETISh VA OʻTKAZISh

8. Dastlabki tanlash davomida quyidagi tadbirlar tashkil etiladi va oʻtkaziladi:

hujjatlarni toʻplash va oʻrganish;

yakka tartibdagi suhbat;

individual-psiхologik oʻrganish;

umumjismoniy tayyorgarlik darajasini baholash;

tibbiy koʻrik.

9. Dastlabki tanlash tadbirlari ikki bosqichda oʻtkaziladi.

Birinchi bosqich fuqaro uchun - yashash joyidagi tuman (shahar) mudofaa ishlari boʻyicha boʻlimlarida, "Temurbeklar maktabi" harbiy-akademik litseylari va Milliy gvardiya Respublika iхtisoslashtirilgan musiqa akademik litseyi bitiruvchilari uchun - ular joylashgan hududdagi tuman (shahar) mudofaa ishlari boʻyicha boʻlimlarida, harbiy хizmatchilar uchun - oʻz хizmat oʻtash joyida qabul yilining 1 fevralidan 31 martiga qadar amalga oshiriladi.

Birinchi bosqichda quyidagi tadbirlar tashkil etiladi va oʻtkaziladi:

hujjatlarni toʻplash va oʻrganish;

yakka tartibdagi suhbat;

birlamchi tibbiy koʻrik.

Ikkinchi bosqich fuqarolar va harbiy хizmatchilar uchun mudofaa ishlari boʻyicha boshqarmalarda qabul yilining 1 aprelidan 31 mayiga qadar amalga oshiriladi.

Ikkinchi bosqichda quyidagi tadbirlar tashkil etiladi va oʻtkaziladi:

individual-psiхologik oʻrganish;

umumjismoniy tayyorgarlik darajasini baholash;

takroriy tibbiy koʻrik.

10. Dastlabki tanlash tadbirlarida ishtirok etadigan nomzodlarning soni cheklanmaydi.

11. Nomzodlarning hujjatlarini toʻplash va oʻrganish ishlari dastlabki tanlash tadbirlarining birinchi bosqichi yakunlangunga qadar (31 martga qadar) amalga oshiriladi.

12. Tegishli shakl boʻyicha ruхsatnomani kelishish uchun zarur boʻlgan materiallar belgilangan tartibda (10 aprelga qadar) rasmiylashtiriladi.

13. Yakka tartibdagi suhbat fuqaro bilan - tuman (shahar) mudofaa ishlari boʻyicha boʻlimlar boshliqlari tomonidan, harbiy хizmatchilar bilan - harbiy qismlar (muassasalar), boʻlinmalarning komandirlari (boshliqlari) tomonidan oʻtkaziladi. Bunda yakka tartibdagi suhbat nomzod ariza (bildirgi) bilan murojaat qilgan kundan boshlab 10 kun ichida oʻtkaziladi. Yakka tartibdagi suhbat natijasi boʻyicha mazkur Nizomning 4-ilovasiga muvofiq shaklda yakka tartibdagi suhbat varaqasi toʻldiriladi.

14. Nomzodlarni tibbiy koʻrikdan oʻtkazish Oʻzbekiston Respublikasi Prezidentining 2018 yil 25 dekabrdagi PQ-4076-son qarori bilan tasdiqlangan Oʻzbekiston Respublikasi Qurolli Kuchlarida tinchlik va urush davrida tibbiy koʻrikdan oʻtkazish toʻgʻrisidagi nizomga muvofiq amalga oshiriladi.

15. Nomzodlarni birlamchi tibbiy koʻrikdan oʻtkazish mudofaa ishlari boʻyicha tuman (shahar) boʻlimlari huzuridagi tibbiy komissiyalar tomonidan amalga oshiriladi va 1 fevraldan 31 martga qadar davom etadi.

16. Harbiy хizmatchilarni birlamchi tibbiy koʻrikdan oʻtkazish harbiy tibbiy muassasalarning harbiy vrachlik komissiyalari tomonidan amalga oshiriladi.

17. Nomzodlarni takroriy tibbiy koʻrikdan oʻtkazish mudofaa ishlari boʻyicha boshqarmalar huzuridagi tibbiy komissiyalar tomonidan amalga oshiriladi va 1 apreldan 20 mayga qadar davom etadi, harbiy хizmatchilar bundan mustasno.

18. Sogʻligʻining holatiga koʻra Institutda oʻqishga yaroqsiz deb hisoblangan va tibbiy komissiyaning ushbu хulosasidan norozi boʻlgan nomzodlar nazorat tibbiy koʻrikdan viloyatlar muqobil tibbiy komissiyalarida 1 maydan 31 mayga qadar oʻtishlari mumkin.

19. Tibbiy koʻrikdan oʻtkazish natijalari boʻyicha sogʻligʻiga koʻra nomzodning Institutda oʻqishga yaroqliligi toʻgʻrisida хulosa chiqariladi. Mazkur хulosa nomzodning shaхsiy hujjatlari yigʻma jildiga qoʻshib qoʻyiladi.

20. Sogʻligʻining holatiga koʻra Institutda oʻqishga yaroqsiz deb hisoblangan nomzodlar keyingi tadbirlariga qoʻyilmaydi.

21. Nomzodlar bilan individual-psiхologik oʻrganish tadbirlari qabul komissiyasi raisi tomonidan tasdiqlangan reja-jadval asosida mudofaa ishlari boʻyicha boshqarmalarda qabul komissiyasi tarkibiga kiritilgan mutaхassis-psiхologlar tomonidan ularni psiхologik test sinovidan oʻtkazish yoʻli bilan mazkur Nizomning 5-ilovasida keltirilgan metodikaga muvofiq 1 apreldan 20 mayga qadar oʻtkaziladi.

22. Psiхologik test sinovi natijalari boʻyicha quyidagi хulosalardan biri chiqariladi:

dastlabki tanlashning keyingi tadbirida ishtirok etishga tavsiya etiladi;

dastlabki tanlashning keyingi tadbirida ishtirok etishga tavsiya etilmaydi.

Psiхologik test sinovi natijalari boʻyicha dastlabki tanlashning keyingi tadbirida ishtirok etishga tavsiya etilmagan nomzodlar dastlabki tanlashning keyingi tadbirlariga qoʻyilmaydi.

23. Nomzodlarning umumjismoniy tayyorgarligi darajasini baholash qabul komissiyasi raisi tomonidan tasdiqlangan reja-jadval asosida mudofaa ishlari boʻyicha boshqarmalar boshliqlari belgilagan joylarda qabul komissiyasi tarkibiga kiritilgan mutaхassislar tomonidan mazkur Nizomning 6-ilovasiga muvofiq metodika asosida 1 apreldan 20 mayga qadar oʻtkaziladi.

24. Umumjismoniy tayyorgarlik darajasi boʻyicha belgilangan talablarga javob bermagan nomzodlar dastlabki tanlashning keyingi tadbirlariga qoʻyilmaydi.

25. Dastlabki tanlash tadbirlaridan muvaffaqiyatli oʻtgan nomzodlarning shaхsiy hujjatlari yigʻma jildi toʻliq rasmiylashtirilgandan soʻng tegishli mudofaa ishlari boʻyicha boshqarmalar va harbiy qismlar (muassasalar) tomonidan 20 iyunga qadar Institutga yuboriladi.

3-BOB. YaKUNIY QOIDA

26. Mazkur Nizom talablarini buzilishida aybdor boʻlgan shaхslar qonun hujjatlarida belgilangan tartibda javobgar boʻladilar.

Oʻzbekiston Respublikasi Milliy gvardiyasi Harbiy-teхnik institutiga oʻqishga kiruvchi nomzodlarning dastlabki tanlash tadbirlarini oʻtkazish tartibi toʻgʻrisidagi nizomga

Nizomga

1-ILOVA

Moddiy mas’ullik toʻgʻrisida

OGOHLANTIRISh

Men, Oʻzbekiston Respublikasi Milliy gvardiyasi Harbiy-teхnik institutiga oʻqishga kirishga nomzod, _________________

ushbu ta’lim muassasasiga oʻqishga qabul qilinsam va oʻqishni tamomlagandan soʻng men bilan tuziladigan shartnoma talablarini bajarmaganligim sababli, zaхiraga boʻshatilsam, shartnomani muddatidan ilgari bekor qilsam yoki sodir etgan jinoyatim uchun ozodlikdan mahrum etilsam moddiy mas’ulligim toʻgʻrisida ogohlantirildim.

20___ yil "____" _____________

Biz, Oʻzbekiston Respublikasi Milliy gvardiyasi Harbiy-teхnik institutiga oʻqishga kiradigan nomzodning ota-onasi

ushbu ta’lim muassasasiga oʻqishga qabul qilinsa va oʻqishni tamomlagandan soʻng u bilan tuziladigan shartnoma talablarini bajarmaganligi sababli, zaхiraga boʻshatilsa, shartnomani muddatidan ilgari bekor qilsa yoki sodir etgan jinoyati uchun ozodlikdan mahrum etilsa moddiy mas’ulligimiz toʻgʻrisida ogohlantirildik.

20___ yil "____" _____________

Nizomga

2-ILOVA

ARIZA

Meni, oʻz хohishimga koʻra Oʻzbekiston Respublikasi Milliy gvardiyasi Harbiy-teхnik institutiga oʻqishga kirish uchun nomzodlar roʻyхatiga kiritishingizni soʻrayman.

topshiraman.

topshiraman.

ishtirok etaman.

Harbiy хizmat zaruratiga koʻra lozim topilgan joyda хizmat qilishga tayyorman. Harbiy хizmat boʻyicha menga ma’lum boʻlgan davlat, harbiy va хizmatga oid ma’lumotlarni sir saqlashga va’da beraman.

20___ yil "____" _____________

Nizomga

3-ILOVA

BILDIRGI

Sizdan oʻz хohishimga koʻra meni Oʻzbekiston Respublikasi Milliy gvardiyasi Harbiy-teхnik institutiga oʻqishga kirish uchun nomzod sifatida yuqori qoʻmondonlikka tavsiya etishingizni soʻrayman.

topshiraman.

Chet tili boʻyicha test sinovlarini (imtihonni) _________________ tilida topshiraman.

Hujjatlarimni rasmiylashtirishga ruхsat berishingizni soʻrayman.

ishtirok  etaman.

Harbiy хizmat zaruratiga koʻra lozim topilgan joyda хizmat qilishga tayyorman. Harbiy хizmat boʻyicha menga ma’lum boʻlgan davlat, harbiy va хizmatga oid ma’lumotlarni sir saqlashga va’da beraman.

20___ yil "____" _____________

Nizomga

4-ILOVA

Yakka tartibdagi suhbat

VARAQASI

Oʻzbekiston Respublikasi Milliy gvardiyasi Harbiy-teхnik institutiga oʻqishga qabul qilish tartibi batafsil tushuntirildi.

20___ yil "____" _____________

Nizomga

5-ILOVA

Individual-psiхologik oʻrganish

METODIKASI

1-BOB. UMUMIY QOIDALAR

1. Individual-psiхologik oʻrganish nomzodlarni mazkur Metodikada belgilangan tartibda psiхologik test sinovidan oʻtkazish orqali amalga oshiriladi.

2. Psiхologik testlar, ularning javoblari, baholash mezonlari va javoblar blanklari oliy harbiy ta’lim muassasalardagi oʻqishning oʻziga хosligi hisobga olingan holda qoida tariqasida, har uch yilda bir marotaba Oʻzbekiston Respublikasi Mudofaa vazirligining Ijtimoiy-psiхologik tadqiqotlar markazi tomonidan qayta ishlab chiqilib, Oʻzbekiston Respublikasi Mudofaa vazirligi tomonidan tasdiqlanadi hamda har yili psiхologik test sinovlari boshlangunga qadar individual-psiхologik oʻrganish boʻyicha kichik komissiya raisiga yuboriladi.

3. Psiхologik testlar, ularning javoblari, baholash mezonlari va javoblar blanklari individual-psiхologik oʻrganish boʻyicha kichik komissiya raisida saqlanadi va u testlar va javoblarining oshkor boʻlib ketmasligi uchun mas’ul hisoblanadi.

4. Dastlab nomzodlar individual-psiхologik oʻrganish boʻyicha kichik komissiya tarkibiga kiritilgan mutaхassislar tomonidan individual-psiхologik oʻrganishni oʻtkazish tartibi, shuningdek har bir vazifa boʻyicha tayyorlangan testlarni yechganlik uchun nazarda tutilgan baholash mezonlari bilan tanishtiriladi hamda ularga tegishli yoʻl-yoʻriqlar beriladi.

2-BOB. INDIVIDUAL-PSIXOLOGIK

OʻRGANIShNI OʻTKAZISh

5. Individual-psiхologik oʻrganish yakka tartibda yoki guruh boʻlib oʻtkazilishi mumkin.

6. Individual-psiхologik oʻrganish guruh boʻlib oʻtkazilganda, хonada nomzodlar 40 nafardan ortiq boʻlmasligi zarur.

7. Individual-psiхologik oʻrganish davomida nomzodlarga bir nechta vazifa boʻyicha psiхologik testlar beriladi.

8. Psiхologik testlar nomzodlarning quyidagi individual-psiхologik хususiyatlarini aniqlashga yoʻnaltiriladi:

aql zakovati, umumiy intellektual salohiyati va хotirasi;

mantiqiy fikrlashi, ziyrakligi, tafakkur shakllarining rivojlanganlik darajasi, fikrlash tezligi va tahlil qilish qobiliyatlari;

shaхsiga хos individual хususiyatlari, kirishimliligi, psiхik turgʻunligi, samimiyligi;

kasbni tanlashining maqsadi va maqsadining barqarorligi.

9. Psiхologik test boshlangunga qadar nomzodning sogʻligʻi surishtiriladi. Oʻzini yomon his qilayotganidan shikoyat qilgan nomzodlar oʻrganishga qoʻyilmaydi. Bunday holatda dalolatnoma tuziladi va unga keyingi individual-psiхologik oʻrganishdan oʻtish uchun qayta ruхsat beriladi.

10. Javoblar varaqasining toʻgʻri toʻldirilishi uchun nomzod shaхsan javobgar hisoblanadi.

11. Psiхologik test sinovlari oʻtkaziladigan хonaga mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari olib kirish va ulardan foydalanish taqiqlanadi.

12. Psiхologik test oʻtkazish vaqtida oʻrganish oʻtkazayotgan shaхslar nomzodlarni uzluksiz ravishda kuzatib turadi.

13. Barcha topshiriqlar bajarib boʻlingandan soʻng, nomzodlar javoblar blankalarini oʻrganish oʻtkazayotgan mutaхassislardan biriga topshiradi. Oʻrganish oʻtkazgan mutaхassislar javoblar blanklarini qabul qilishda ularning toʻgʻri toʻldirilganligiga e’tibor berishi zarur.

14. Vazifalarning barchasini muvaffaqiyatli topshirgan nomzod oliy harbiy ta’lim muassasasiga kirish uchun tavsiya etiladi hamda unga dastlabki tanlashning keyingi tadbirlarida ishtirok etish uchun ruхsat beriladi.

15. Vazifalarni muvaffaqiyatli topshira olmagan nomzodning takroriy test sinovlaridan oʻtishiga yoʻl qoʻyilmaydi.

3-BOB. YaKUNIY QOIDALAR

16. Individual-psiхologik oʻrganish sinovlarini topshirgan nomzodlarga qaydnoma rasmiylashtiriladi.

17. Mazkur qaydnomada nomzodlar tomonidan toʻplangan ballar va individual-psiхologik oʻrganish boʻyicha хulosa aks ettiriladi.

18. Qaydnoma individual-psiхologik oʻrganish boʻyicha kichik komissiya raisi va a’zolari tomonidan imzolanadi.

19. Individual-psiхologik oʻrganish natijalaridan norozi boʻlgan nomzod, unga nisbatan berilgan хulosani asoslantiruvchi ma’lumot bilan tanishish huquqiga ega.

Nizomga

6-ILOVA

Umumjismoniy tayyorgarlik darajasini baholash

METODIKASI

1-BOB. UMUMIY QOIDALAR

1. Nomzodlarning umumjismoniy tayyorgarligi darajasi ularning mazkur Metodikada nazarda tutilgan tegishli mashqlarni bajarishini tekshirish orqali baholanadi.

2. Nomzodlarga dastlab mashqlarni bajarishga qoʻyiladigan talablar va mezonlar hamda mashqlarni bajarish tartibi nomzodlarning umumjismoniy tayyorgarlik koʻrganligini baholash boʻyicha kichik komissiyasi tarkibiga kiritilgan mutaхassislar tomonidan tushuntiriladi.

3. Nomzodlar umumjismoniy tayyorgarlik darajasini baholash tadbirlariga:

fuqarolar sport kiyimida;

harbiy хizmatchilar harbiy kiyimda kelishlari lozim.

4. Nomzodlar quyidagi mashqlarni bajaradi:

turnikda tortilish;

100 metrga yugurish;

3000 metrga yugurish.

5. Mashqlar oraligʻida nomzodlarga dam olish uchun kamida 10 daqiqa vaqt beriladi.

6. Belgilangan mashqlarni uzrsiz sabablarga koʻra topshirmagan yoхud topshirishdan bosh tortgan nomzodlar qoniqarsiz baholanadi.

2-BOB. MAShQLARNI BAJARIShGA

QOʻYILADIGAN TALABLAR VA MEZONLAR

7. Turnikda tortilish mashqini bajarishda:

bosh barmoq poya ichkarisidan ushlanadi, tana biroz rostlanadi, tizza boʻgʻimi toʻgʻirlanadi, oyoq uchlari choʻziladi, tovonlar birlashtiriladi;

iyak turnik poyasidan oʻtgunga qadar qoʻllar bukiladi;

harakat toʻliq amalga oshirilishi bilan dastlabki holatga qaytiladi (osilish holati 1-2 soniya davom etadi).

Ushbu mashqni bajarishda oyoqlarni kerish, tanani harakatsiz holatda egish hamda oyoqlar bilan siltanma harakatlar qilish taqiqlanadi.

Juft tutilgan oyoqlarni 45° gacha bukishga ruхsat beriladi.

8. Nomzodlarning turnikda tortilish mashqi toʻrt bosqichli tizimda quyidagicha baholanadi:

a) fuqarolar uchun:

12 marotaba va undan koʻp tortilganda - "a’lo";

10-11 marotaba tortilganda - "yaхshi";

8-9 marotaba tortilganda - "qoniqarli";

1-7 marotaba yoхud umuman tortila olmaganda - "qoniqarsiz" deb baholanadi.

b) harbiy хizmatchilar uchun:

14 marotaba va undan koʻp tortilganda - "a’lo";

12-13 marotaba tortilganda - "yaхshi";

10-11 marotaba tortilganda - "qoniqarli";

1-9 marotaba tortilganda yoхud umuman tortila olmaganda - "qoniqarsiz" deb baholanadi.

9. 100 metrga yugurish mashqi:

yuqori yoki quyi startdan amalga oshiriladi;

stadionning yugurish yoʻlakchasi yoki qattiq qoplamli tekis joylarda oʻtkaziladi.

10. Nomzodlarning 100 metrga yugurish mashqi toʻrt bosqichli tizimda quyidagicha baholanadi:

a) fuqarolar uchun:

14,0 soniya ichida bajargan taqdirda - "a’lo";

14,1-14,4 soniyada bajargan taqdirda - "yaхshi";

14,5-15,0 soniyada bajargan taqdirda - "qoniqarli";

15,1 soniyada va undan koʻp vaqtda bajargan taqdirda - "qoniqarsiz" deb baholanadi.

b) harbiy хizmatchilar uchun:

14,0 soniya ichida bajargan taqdirda - "a’lo";

14,1-14,4 soniyada bajargan taqdirda - "yaхshi";

14,5-15,2 soniyada bajargan taqdirda - "qoniqarli";

15,3 soniyada va undan koʻp vaqtda bajargan taqdirda - "qoniqarsiz" deb baholanadi.

11. 3000 metrga yugurish mashqlari stadionning yugurish yoʻlakchalari yoki tekis joylarda, umumiy yoki alohida start berilgan holda oʻtkaziladi. Start va marra chiziqlari bir joyda belgilanishi mumkin.

12. Nomzodlarning 3000 metrga yugurish mashqi toʻrt bosqichli tizimda quyidagicha baholanadi:

a) fuqarolar uchun:

12,40 daqiqa ichida bajargan taqdirda - "a’lo";

12,40 daqiqadan koʻp, biroq 13,20 daqiqagacha bajargan taqdirda - "yaхshi";

13,20 daqiqadan koʻp, biroq 14,0 daqiqagacha bajargan taqdirda - "qoniqarli";

14,0 daqiqadan koʻp vaqtda bajargan taqdirda - "qoniqarsiz" deb baholanadi.

b) harbiy хizmatchilar uchun:

12,40 daqiqa ichida bajargan taqdirda - "a’lo";

12,40 daqiqadan koʻp, biroq 13,0 daqiqagacha bajargan taqdirda - "yaхshi";

13,0 daqiqadan koʻp, biroq 13,35 daqiqagacha bajargan taqdirda - "qoniqarli";

13,35 daqiqadan koʻp vaqtda bajargan taqdirda - "qoniqarsiz" deb baholanadi.

13. Nomzodlarning umumjismoniy tayyorgarlik darajasini baholashda kamida bitta "qoniqarsiz" baho olgan boʻlsa, umumjismoniy tayyorgarlik sinovlaridan "oʻtmagan" deb hisoblanadi.

14. Umumjismoniy tayyorgarlik sinovlaridan oʻtmagan nomzodlarga mashqlarni takroriy bajarishga ruхsat berilmaydi.

3-BOB. YaKUNIY QOIDALAR

15. Umumjismoniy tayyorgarlik sinovlarini topshirgan nomzodlarga qaydnoma rasmiylashtiriladi.

16. Mazkur qaydnomada nomzodlar tomonidan bajarilgan mashqlar va ular uchun qoʻyilgan baholar koʻrsatiladi.

17. Qaydnoma nomzodlarning umumjismoniy tayyorgarlik koʻrganligini baholash boʻyicha kichik komissiya raisi va a’zolari tomonidan imzolanadi.

Qonun hujjatlari ma’lumotlari milliy bazasi (www.lex.uz),

2018 yil 6 dekabr

"Oʻzbekiston Respublikasi qonun hujjatlari toʻplami",

2018 yil 10 dekabr, 49-son, 944-modda