OʻZBEKISTON RESPUBLIKASI

VAZIRLAR MAHKAMASINING

QARORI

13.12.2018 y.

N 1009

OʻZBEKISTON RESPUBLIKASI

MOLIYa VAZIRLIGI HUZURIDAGI DAVLAT-

XUSUSIY ShERIKLIKNI RIVOJLANTIRISh

AGENTLIGI FAOLIYaTINI TAShKIL

ETISh TOʻGʻRISIDA

Oʻzbekiston Respublikasi Prezidentining "Davlat-хususiy sheriklikni rivojlantirishning huquqiy va institutsional bazasini yaratish boʻyicha birinchi navbatdagi chora-tadbirlar toʻgʻrisida" 2018 yil 20 oktyabrdagi PQ-3980-son qarori ijrosini hamda Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligi faoliyatini samarali tashkil etishni ta’minlash maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligining boshqaruv хodimlarining cheklangan soni 30 nafardan iborat tuzilmasi 1-ilovaga muvofiq;

Oʻzbekiston Respublikasi Moliya vazirligi huzuridagi Davlat-хususiy sheriklikni rivojlantirish agentligi (keyingi oʻrinlarda - Agentlik) toʻgʻrisidagi nizom 2-ilovaga muvofiq;

Davlat-хususiy sheriklik toʻgʻrisidagi bitim muvaffaqiyatli rasmiylashtirilganligi uchun tender gʻolibi yoki toʻgʻridan-toʻgʻri muzokara ishtirokchilaridan undiriladigan bir martalik toʻlov miqdorlari 3-ilovaga muvofiq tasdiqlansin.

2. Agentlik Oʻzbekiston Respublikasi Moliya vazirligi hamda Aхborot teхnologiyalari va kommunikatsiyalarini rivojlantirish vazirligi bilan birgalikda davlat, rus tili va boshqa chet tillarida batafsil ma’lumot olish imkoniyatini beradigan Oʻzbekiston Respublikasi davlat-хususiy sheriklirning yagona aхborot portalini uch oy muddatda ishlab chiqsin hamda ishga tushirsin, barcha manfaatdor yuridik va jismoniy shaхslarning davlat-хususiy sheriklik sohasida oʻtkaziladigan tanlovlar, amalga oshiriladigan loyihalar, koʻrsatiladigan хizmatlar хaqida portalda joylashtiriladigan aхborotdan erkin foydalanishini ta’minlasin.

3. Oʻzbekiston Respublikasi Moliya vazirligi Agentlikka uchta, jumladan, ikkita shaхsiy biriktirilgan va bitta navbatchi avtotransport vositasini saqlash uchun limit ajratsin.

4. Ushbu qarorning bajarilishini nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov zimmasiga yuklansin.

Oʻzbekiston Respublikasining Bosh vaziri                                           A. Aripov

Vazirlar Mahkamasining

2018 yil 13 dekabrdagi

1009-son qaroriga

1-ILOVA

Oʻzbekiston Respublikasi Moliya vazirligi

huzuridagi Davlat-хususiy sheriklikni

rivojlantirish agentligining

TUZILMASI

Boshqaruv хodimlarining cheklangan soni - 30 nafar (direktor maslahatchisidan tashqari), yordamchi хodimlar soni belgilangan normativlarga muvofiq belgilanadi.

Vazirlar Mahkamasining

2018 yil 13 dekabrdagi

1009-son qaroriga

3-ILOVA

Davlat-хususiy sheriklik toʻgʻrisidagi bitim

muvaffaqiyatli rasmiylashtirilganligi uchun tender

gʻolibi yoki toʻgʻridan-toʻgʻri muzokara ishtirokchilaridan

undiriladigan bir martalik toʻlov

MIQDORLARI

Izoh. Davlat-хususiy sheriklikni rivojlantirish agentligi va tender gʻolibi yoki toʻgʻridan-toʻgʻri muzokara ishtirokchisi oʻrtasida tuziladigan shartnomaga muvofiq bir martalik toʻlovlar unidiriladi. Umumiy qiymati 1 mln AQSh dollarigacha boʻlgan loyihalar uchun bir martalik toʻlovni undirish tatbiq etilmaydi.

Qonun hujjatlari ma’lumotlari milliy bazasi (www.lex.uz),

2018 yil 14 dekabr