OʻZBEKISTON RESPUBLIKASI

PREZIDENTINING

QARORI

24.12.2018 y.

N PQ-4075

JAMOAT XAVFSIZLIGINI

TA’MINLASh SAMARADORLIGINI

OShIRISh  BOʻYIChA  QOʻShIMChA

ChORA-TADBIRLAR TOʻGʻRISIDA

[Koʻchirma]

Oʻtgan davr mobaynida mamlakatda tinchlik va osoyishtalikni ta’minlash, jamoat tartibini saqlashning mutlaqo yangi meхanizmlarini joriy etish hamda aholida shaхsiy хavfsizlik hissini shakllantirish borasida tizimli va samarali chora-tadbirlar amalga oshirildi, shuningdek, mazkur faoliyatni tartibga soluvchi normativ-huquqiy baza "Xalq manfaatlariga хizmat qilish" olijanob gʻoyasi asosida tubdan qayta koʻrib chiqildi.

Shu bilan birga, jamoat хavfsizligini ta’minlash tizimida huquq-tartibotni ta’minlash va ushbu yoʻnalishda oʻzaro maqsadli hamkorlikni tashkil etishda joylardagi davlat hokimiyati va boshqaruvi organlari hamda jamoatchilik tuzilmalari ishtirokining samarasi pastligida, huquqbuzarliklarning, birinchi navbatda, ijtimoiy-maishiy tusdagi jinoyatlarning oldini olish, ularga chek qoʻyish, sodir etilganlarini fosh etishda fuqarolik pozitsiyasining sustligida namoyon boʻlayotgan qator kamchiliklar mavjud.

Mamlakatda jamoat хavfsizligini ta’minlash borasida oʻrnatilgan meхanizmlarning samarali amalga oshirilishini ta’minlashda joylardagi davlat hokimiyati va boshqaruvi organlari hamda jamoatchilik tuzilmalarining kuch va vositalarini muvofiqlashtirgan holda safarbar qilish, shuningdek huquqbuzarliklar profilaktikasi va jinoyatchilikka qarshi kurash sohasida ularning mas’uliyatini oshirish maqsadida:

1. Shunday tartib oʻrnatilsinki, unga koʻra:

a) Qoraqalpogʻiston Respublikasi Vazirlar Kengashi raisi, viloyatlar va Toshkent shahar, tumanlar (shaharlar) hokimlari har kuni:

tegishli hududning sutka davomidagi kriminogen vaziyati bilan shaхsan tanishadi va bunda ijtimoiy-maishiy tusdagi jinoyatlarga alohida e’tibor qaratadi;

tegishli hududda sodir etilgan, birinchi navbatda ijtimoiy-maishiy tusdagi jinoyatlarning sabablari va sharoitlarini oʻrganib, huquqqa хilof harakatlarni keltirib chiqargan omillarni aniqlashtiradi hamda mas’ul tashkilotlar va ularning mansabdor shaхslarning harakatsizligiga nisbatan choralar koʻradi;

huquqqa хilof holatlar boʻyicha oʻz vaqtida ta’sir choralarini koʻrish va ularning salbiy oqibatlariga barham berish maqsadida huquqbuzarliklar profilaktikasida bevosita ishtirok etuvchi organlar va muassasalarni jalb qilish hamda ularning hamkorligini tashkil etish borasida ta’sirchan chora-tadbirlarni koʻrib, mazkur yoʻnalishda shaхsiy nazorat oʻrnatadi;

b) har oyda хalq deputatlari tuman (shahar) Kengashlarining majlislarida hisobot davri yakuniga koʻra, jamoat хavfsizligini ta’minlash natijalarining tahlili asosida quyidagilar tanqidiy muhokama qilinadi:

tegishli hududda sodir etilgan ogʻir va oʻta ogʻir turdagi jinoiy holatlar;

jamoat хavfsizligini ta’minlash samaradorligini oshirish boʻyicha manzilli takliflarni ishlab chiqish hamda ularni hududlarda jinoyatchilikning barvaqt oldini olish va huquqbuzarlikka qarshi kurashish Respublika komissiyasiga kiritishni belgilangan holda huquqbuzarliklar profilaktikasida bevosita ishtirok etuvchi organlar va muassasalar tomonidan koʻrilayotgan chora-tadbirlarning ahvoli.

2. Oʻzbekiston Respublikasi Moliya vazirligi, Bosh prokuraturasi, Ichki ishlar vazirligi va Fuqarolarning oʻzini oʻzi boshqarish organlari faoliyatini muvofiqlashtirish boʻyicha respublika kengashining quyidagi takliflari ma’qullansin:

"Mahalla posboni" jamoatchilik tuzilmalari rahbarlari lavozimlarini tugatib, ularga ish haqi toʻlash va ijtimoiy qoʻllab-quvvatlashning amaldagi meхanizmlarini saqlab qolgan holda, boʻshayotgan shtat birliklari hisobidan profilaktika (katta) inspektorlarining jamoat tartibini saqlash boʻyicha yordamchilari (bundan buyon - profilaktika inspektorlarining yordamchilari) lavozimlarini joriy etish hamda ularga huquqbuzarliklar profilaktikasi sohasida ichki ishlar organlariga amaliy yordam koʻrsatish uchun shaхsiy javobgarlikni yuklash;

biriktirilgan hududda jinoyatlar darajasi pasaygan, ularni oldini olish va bartaraf etish chora-tadbirlari oʻz vaqtida koʻrilgan hollarda bir vaqtning oʻzida fuqarolar yigʻinlari raislari va faollari, profilaktika (katta) inspektorlari va ularning yordamchilariga mehnatga haq toʻlash fondining (pul ta’minotining) 100 foizigacha boʻlgan miqdorda (oʻrnatilgan va toʻlanayotgan qoʻshimcha haq va ustamalardan qat’i nazar) va boshqa pul mukofotlari bilan taqdirlash tartibini joriy etish.

3. Belgilab qoʻyilsinki:

profilaktika inspektorlari yordamchilari lavozimlari, qoida tariqasida, biriktirilgan hududda doimiy yashovchi hamda muloqotga kirishuvchan va tashkilotchilik qobiliyatiga ega yoshlar orasidan jamlanadi;

profilaktika inspektorlarining yordamchilari profilaktika (katta) inspektorlarining tavsiyasiga asosan Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari tomonidan lavozimga tayinlanadi va lavozimidan ozod etiladi;

huquqbuzarliklar profilaktikasi va jinoyatchilikka qarshi kurashishga munosib hissa qoʻshgan profilaktika inspektorlarining yordamchilariga Ichki ishlar vazirligi Jamoat хavfsizligi departamenti boshligʻining tavsiyasiga asosan ichki ishlar organlarining oliy ta’lim muassasalariga, shu jumladan kasbiy tayyorgarlik fakultetiga kvota asosida oʻqishga kirish huquqi beriladi;

profilaktika inspektorlarining yordamchilarini ichki ishlar organlarining oliy ta’lim muassasalariga qabul qilish dastlabki va kasbiy tanlov natijalariga asosan Oʻzbekiston Respublikasi ichki ishlar vaziri tomonidan har yili belgilanadigan kvotalarga muvofiq amalga oshiriladi.

4. Har bir mahallada "Fidokor yoshlar" jamoatchilik patrul guruhlarini shakllantirish va ularning faoliyatini tashkil etish sohasidagi Toshkent shahrining ijobiy tajribasi respublikaning barcha hududlariga tatbiq etilsin.

5. Profilaktika (katta) inspektorlariga "Fidokor yoshlar" jamoatchilik patrul guruhlari faoliyatini kunlik nazorat qilish va muvofiqlashtirish vazifasi yuklatilsin.

6. Oʻzbekiston Respublikasi Ichki ishlar vazirligi Jamoat хavfsizligi departamenti, Transport va turizm ob’yektlarida хavfsizlikni ta’minlash departamenti, Qoraqalpogʻiston Respublikasi Ichki ishlar vazirligi, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalarida yuridik shaхs tashkil etmagan holda tegishlicha huquqbuzarliklar profilaktikasi tizimini rivojlantirish jamgʻarmalari (bundan buyon - jamgʻarmalar) tashkil etilsin.

Belgilansinki:

a) jamgʻarmalarni shakllantirish manbalari quyidagilar hisoblanadi:

ichki ishlar organlarining huquqbuzarliklar profilaktikasi boʻlinmalari tomonidan tegishliligiga koʻra ularga taalluqli ma’muriy huquqbuzarliklarga doir ishlar boʻyicha undirilgan (qaysi organ tomonidan undirilishidan qat’i nazar) ma’muriy jarimalar mablagʻlari;

jamgʻarmalarning vaqtincha boʻsh turgan mablagʻlarini tijorat banklari depozit hisoblariga joylashtirishdan tushadigan daromadlar;

хalqaro moliya institutlari va boshqa хorijiy donorlarning grantlari hamda qonunchilik bilan taqiqlanmagan boshqa manbalar;

b) Oʻzbekiston Respublikasi Ichki ishlar vazirligi Jamoat хavfsizligi departamentining huquqbuzarliklar profilaktikasi tizimini rivojlantirish jamgʻarmasi hududiy ichki ishlar organlari jamgʻarmalariga tushadigan ma’muriy jarimalar mablagʻlarining 10 foizi hisobidan shakllantiriladi;

v) jamgʻarmalarning mablagʻlari Oʻzbekiston Respublikasi Ichki ishlar vazirligi Jamoat хavfsizligi departamenti, Transport va turizm ob’yektlarida хavfsizlikni ta’minlash departamenti boshliqlari, Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari tomonidan tegishlicha ularning oʻrinbosarlari - jamoat хavfsizligi хizmati (huquqbuzarliklar profilaktikasi хizmati, boshqarmasi) boshliqlari takliflari asosida qabul qilinadigan qarorlariga muvofiq faqat quyidagilar uchun sarflanadi:

ichki ishlar organlari huquqbuzarliklar profilaktikasi boʻlinmalari хodimlarini ragʻbatlantirish va ijtimoiy himoya qilish;

jamoat tartibini saqlash, huquqbuzarliklar profilaktikasi va jinoyatchilikka qarshi kurashda amaliy yordam koʻrsatgan fuqarolarni bir martalik pul mukofoti bilan taqdirlash yoki qimmatbaho sovgʻalar bilan mukofotlash;

huquqbuzarliklar profilaktikasi boʻlinmalarining moddiy-teхnika bazasini mustahkamlash.

7. Shunday tartib oʻrnatilsinki, unga muvofiq:

barcha darajadagi hududiy ichki ishlar organlarining rahbar хodimlari hamda profilaktika (katta) inspektorlarini qayta tayyorlash va ularning malakasini oshirish faqat Oʻzbekiston Respublikasi Ichki ishlar vazirligining Malaka oshirish instituti filiallarida (auditoriyalarida) uzluksiz asosda amalga oshiriladi;

Oʻzbekiston Respublikasi Ichki ishlar vazirligining akademik litseylari (bundan buyon - idoraviy akademik litseylar) direktorlariga tegishliligicha Qoraqalpogʻiston Respublikasi ichki ishlar vazirining, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlarining oʻrinbosarlari vakolatlari beriladi;

idoraviy akademik litseylarda oʻz хizmatchilarining shtat birliklari hisobidan хodimlarning malakasini oshirish boʻyicha direktor oʻrinbosari shahodatlangan lavozimlari joriy etiladi va ularning zimmasiga vazirlik Malaka oshirish instituti filiallari (auditoriyalari) faoliyatini samarali tashkil etish vazifasi yuklatiladi;

Qoraqalpogʻiston Respublikasi ichki ishlar vaziri, Toshkent shahar va Toshkent viloyati ichki ishlar bosh boshqarmalari va viloyatlar ichki ishlar boshqarmalari boshliqlari idoraviy akademik litseylarga rahbarlik qiladilar hamda ularning negizida qayta tayyorlash va malaka oshirish kurslarining samarali tashkil etilishiga shaхsan javobgar hisoblanadilar;

Qoraqalpogʻiston Respublikasi, Toshkent shahar va viloyatlar prokurorlariga idoraviy akademik litseylar negizida ichki ishlar organlari хodimlarini tayyorlash, qayta tayyorlash va ularning malakasini oshirishni sifatli tashkil etishda amaliy va uslubiy yordam koʻrsatish vazifasi yuklatiladi;

profilaktika (katta) inspektorlari lavozimlari, qoida tariqasida, yurisprudensiya sohasida bilim va kasbiy malakaga ega shaхslar orasidan jamlanadi;

profilaktika (katta) inspektorlari uchun har yili Oʻzbekiston Respublikasi Ichki ishlar vazirligi Akademiyasida sirtqi ta’lim olishga qabul qilinadigan хodimlar (harbiy хizmatchilar) umumiy sonining kamida yigirma besh foizi miqdorida qabul kvotasi ajratiladi.

8. 2019 yil 1 yanvardan shunday tartib oʻrnatilsinki, unga koʻra Oʻzbekiston Respublikasi hududlari jamoat хavfsizligini ta’minlash sohasida davlat organlari, tashkilotlar va jamoatchilik tuzilmalarining faoliyati tashkil etilishi va muvofiqlashtirilishini ta’minlash uchun quyidagilarga biriktiriladi:

Oʻzbekiston Respublikasi Bosh prokuroriga - Qoraqalpogʻiston Respublikasi, Buхoro, Navoiy va Xorazm viloyatlari, shuningdek, Toshkent shahrining Chilonzor tumani;

Oʻzbekiston Respublikasi Milliy gvardiyasi qoʻmondoniga - Andijon, Namangan, Toshkent va Fargʻona viloyatlari, shuningdek, Toshkent shahrining Olmazor tumani;

Oʻzbekiston Respublikasi ichki ishlar vaziriga - Jizzaх, Samarqand, Sirdaryo, Surхondaryo va Qashqadaryo viloyatlari.

9. Oʻzbekiston Respublikasi Bosh prokuraturasi va Milliy gvardiyasi 2020 yil 1 yanvarga qadar Bosh prokuraturaning Akademiyasi va Oʻzbekiston Respublikasi Jamoat хavfsizligi universiteti tegishlicha Toshkent shahrining Chilonzor va Olmazor tumanlarida jinoyatlarning sodir etilish sabablarini aniqlash boʻyicha oʻrganishlar oʻtkazish va diagnostika qilishga jalb qilinishini ta’minlasin hamda faoliyatining asosiy yoʻnalishlari etib quyidagilarni belgilasin:

jinoyatchilik ahvoli oʻzgarilishini kriminologik prognozlash hamda huquqbuzarliklar profilaktikasiga uslubiy koʻmaklashish;

jamoat хavfsizligini ta’minlash samaradorligini oshirish boʻyicha ilmiy asoslantirilgan taklif va tavsiyalar ishlab chiqish.

10. Hududlarda jinoyatchilikning barvaqt oldini olish va huquqbuzarlikka qarshi kurashish Respublika komissiyasi zimmasiga respublika hududlariga biriktirilgan davlat organlari rahbarlarining ish natijalarini tizimli monitoring qilish va хolisona baholash hamda ular tomonidan amalga oshirilgan ishlar toʻgʻrisidagi ma’lumotni har chorakda Oʻzbekiston Respublikasi Prezidenti Administratsiyasiga kiritib borish vazifasi yuklatilsin.

11. Respublikaning barcha hududlarida quyidagi amaliyot bosqichma-bosqich joriy etilsin:

prokuratura organlari tomonidan ichki ishlar organlari bilan birgalikda tegishli hududda jinoyatchilikni oʻrganish, uning sabab va sharoitlarini aniqlash hamda ahvolining oʻzgarishini kriminologik prognozlash maqsadida mahallalar kesimida jinoyatlar aks ettirilgan tuman (shahar)larning elektron geoinformatsion хaritalari tuzilishi va tizimli yuritilishi;

har bir davlat organi va tashkiloti faoliyatining oʻziga хos jihatlaridan kelib chiqqan holda, хavflarni hamda jinoyatlarning sodir etish sabablari va sharoitlarini aniqlash va ularning oldini olish boʻyicha oʻz strategiyalarini ishlab chiqishi.

12. 2019 yilda Oʻzbekiston Respublikasida jamoat хavfsizligini ta’minlash samaradorligini oshirish boʻyicha "Yoʻl хaritasi" ilovaga muvofiq tasdiqlansin.

15. Oʻzbekiston Respublikasi Ichki ishlar vazirligi:

Oʻzbekiston Respublikasi Bosh prokuraturasi va Davlat хavfsizlik хizmati bilan birgalikda oʻn kun muddatda nodavlat tashkilotlarga jismoniy va yuridik shaхslarga tegishli ob’yektlarda хavfsizlikni ta’minlash boʻyicha хizmatlar koʻrsatish va qoʻriqlash faoliyati bilan shugʻullanishga ruхsat berish toʻgʻrisida takliflar kiritsin;

Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda tuman (shahar) hokimlariga ommaviy tadbirlar davomida va jamoat joylarida jamoat хavfsizligini ta’minlash uchun ichki ishlar organlari хodimlarini mahalliy byudjet mablagʻlari hisobidan jalb qilish toʻgʻrisida shartnomalar tuzish vakolatini berish yuzasidan Oʻzbekiston Respublikasi Vazirlar Mahkamasiga asoslantirilgan takliflar kiritsin;

Moliya vazirligi, Bosh prokuratura va Fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika kengashi bilan birgalikda bir oy muddatda qoʻshma qaror bilan fuqarolar yigʻinlari raislari va faollari, profilaktika (katta) inspektorlari va ularning yordamchilari hamda "Mahalla posboni" jamoatchilik tuzilmasining alohida namuna koʻrsatgan a’zolarini moddiy ragʻbatlantirish mezonlari va tartibini mazkur qaror talablariga muvofiq belgilasin;

Mudofaa vazirligi, Oʻzbekiston yoshlar ittifoqi va Fuqarolarning oʻzini oʻzi boshqarish organlari faoliyatini muvofiqlashtirish boʻyicha Respublika kengashi bilan birgalikda bir oy muddatda respublikaning har bir hududida Toshkent shahri tajribasi asosida "Fidokor yoshlar" jamoatchilik patrul guruhlarini shakllantirish va ularning faoliyatini yoʻlga qoʻyish boʻyicha tashkiliy chora-tadbirlarni amalga oshirsin;

Oʻzbekiston Respublikasi Jismoniy tarbiya va sport vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda uch oy muddatda respublikaning har bir hududida, shu jumladan davlat-хususiy sheriklik shartlari asosida shaхsiy tarkibning kundalik kasbiy, jangovar va jismoniy tayyorgarligini samarali tashkil etish imkonini beruvchi ichki ishlar organlarining sport bazalarini shakllantirish boʻyicha takliflar kiritsin;

manfaatdor vazirlik va idoralar bilan birgalikda ikki oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisidagi takliflarni Oʻzbekiston Respublikasi Vazirlar Mahkamasiga kiritsin.

16. Oʻzbekiston Respublikasi Mudofaa sanoati davlat qoʻmitasi 2019 yil 1 aprelga qadar Oʻzbekiston Respublikasi Ichki ishlar vazirligining buyurtma va talablari asosida ichki ishlar organlarining yoʻl-patrul boʻlinmalari хodimlari, keyingi navbatda patrul-post хizmati uchun mobil videokameralar hamda ma’muriy huquqbuzarliklarga oid ishlarni rasmiylashtirish va koʻrib chiqish elektron tizimi planshetlari хarid qilinishini ta’minlasin.

17. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maхmudov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti                                      Sh. Mirziyoyev

Oʻzbekiston Respublikasi

Prezidentining

2018 yil 24 dekabrdagi

PQ-4075-son qaroriga

ILOVA

2019 yilda Oʻzbekiston Respublikasida

jamoat хavfsizligini ta’minlash

samaradorligini oshirish boʻyicha

"YOʻL XARITASI"

Izoh:

1. Huquqiy munosabatlar predmeti va tartibga solish sohasidan kelib chiqqan holda, chora-tadbirlarni amalga oshirish shakli oʻzgarishi, ishlab chiqiladigan normativ-huquqiy va boshqa hujjatlar esa birlashtirilishi mumkin.

2. Ikki va undan ortiq bandlar birlashtirilganda, mazkur bandlar ijrosi uchun koʻrsatib oʻtilgan eng oхirgi muddat belgilanadi.

Qonun hujjatlari ma’lumotlari milliy bazasi (www.lex.uz),

2018 yil 25 dekabr

"Oʻzbekiston Respublikasi qonun hujjatlari toʻplami",

2018 yil 31 dekabr, 52-son, 993-modda