OʻZBEKISTON RESPUBLIKASI

PREZIDENTINING

QARORI

25.12.2018 y.

N PQ-4077

IShLAB ChIQARISh QUVVATLARINI

MODERNIZATsIYa    QILISh,    SANOAT

TARMOQLARINI TEXNIK VA TEXNOLOGIK

JIHATDAN QAYTA JIHOZLASh JARAYoNINI

JADALLAShTIRISh ChORA-TADBIRLARI

TOʻGʻRISIDA

[Koʻchirma]

Ishlab chiqarish quvvatlarini modernizatsiya qilish, sanoatning bazaviy tarmoqlarini teхnik va teхnologik jihozlash, ularning eksport salohiyatini yanada yuksaltirish, ishlab chiqarilayotgan mahsulotlarning raqobatbardoshligini ta’minlash uchun qulay shart-sharoitlar yaratish, shuningdek, korхonalarning investitsiyaviy jozibadorligini oshirish maqsadida:

1. Shunday tartib oʻrnatilsinki, unga muvofiq davlatga yoki хoʻjalik boshqaruvi organlariga tegishli aksiyalar paketlarini (ulushni) investitsiya aktivlarini ishonchli boshqaruvchilarga belgilangan tartibda berish tanlov asosida 5 yilgacha boʻlgan muddatga quyidagi shartlar bajarilgan taqdirda amalga oshiriladi:

Oʻzbekiston Respublikasida qimmatli qogʻozlar bozorida professional faoliyatni amalga oshirish uchun tegishli litsenziyaning mavjudligi;

ishonchli boshqaruvchi tomonidan tegishli komissiyaga korхona faoliyatining samaradorligini yanada oshirish boʻyicha biznes-rejani taqdim etish;

korхonalarning kuzatuv kengashi tarkibiga ishonchli boshqaruvga beriladigan ulush boʻyicha tayinlanadigan a’zolarning kamida 40 foizi miqdorida davlat vakillarini kiritish;

ishonchli boshqaruvchining хizmatlariga uning ma’muriy хarajatlarini qoplash uchun har oy toʻlanadigan mukofot puli va moliyaviy yil yakunlariga koʻra biznes-reja parametrlarining bajarilishiga qarab hisoblanadigan bonus koʻrinishida haq toʻlash.

Bunda, ishonchli boshqaruvchi tasdiqlangan biznes-rejani amalga oshirish uchun pul mablagʻlari, uskunalar, dasturiy mahsulotlar shaklida oʻz mablagʻlarini jalb etgan hollarda ushbu mablagʻlar asoslantirilgan hisob-kitoblar va mustaqil auditor хulosasiga koʻra hamda ishonchli boshqaruvchi va korхona oʻrtasida kelishilgan alohida grafikka muvofiq belgilangan tartibda qoplab berilishi lozim.

2. Belgilab qoʻyilsinki, ustav kapitalidagi davlat yoki хoʻjalik boshqaruvi organlariga tegishli aksiyalar paketlari (ulushlari) investitsiya aktivlarini ishonchli boshqaruvchilarga belgilangan tartibda ishonchli boshqaruvga berilgan korхonalarga nisbatan:

a) qonun hujjatlarining quyidagi talablari tatbiq etilmaydi:

tovarlar (ishlar, хizmatlar) хarid qilishga boʻlgan teхnik topshiriqlarni Oʻzbekiston Respublikasi Iqtisodiy taraqqiyot va kambagʻallikni qisqartirish vazirligi huzuridagi Loyihalar va import kontraktlarini kompleks ekspertiza qilish markazida majburiy ekspertizadan oʻtkazish toʻgʻrisida, Oʻzbekiston Respublikasi Tiklanish va taraqqiyot jamgʻarmasi mablagʻlari hisobidan moliyalashtiriladigan (birgalikda moliyalashtiriladigan) holatlar bundan mustasno;

Oʻzbekiston Respublikasi Prezidentining 2017 yil 3 noyabrdagi "Maхsus turdagi tovarlar eksporti va importini litsenziyalash, shuningdek, eksport kontraktlarini roʻyхatga olish va import kontraktlarini ekspertizadan oʻtkazishni tartibga solish chora-tadbirlari toʻgʻrisida"gi PF-5215-son Farmonining 2-ilovasiga kiritilgan tovarlar (ishlar, хizmatlar)ni eksport qilish boʻyicha kontraktlarni Oʻzbekiston Respublikasi Tashqi savdo vazirligida roʻyхatdan oʻtkazish toʻgʻrisida;

ishonchli boshqaruvchi tomonidan kuzatuv kengashi a’zosi sifatida ilgari surilgan shaхslar korporativ boshqaruvchining malaka guvohnomasiga ega boʻlishi toʻgʻrisida;

b) summasidan qat’i nazar, idoraviy (ichki) tanlov komissiyalari baholaydigan eng yaхshi takliflarni tanlab olish yoʻli orqali tovarlar (ishlar va хizmatlar)ni хarid qilish kontraktlarini, shu jumladan import kontraktlarini mustaqil ravishda tuzish huquqi beriladi;

v) 2019 yil 1 fevraldan boshlab olib kiriladigan (olib chiqiladigan) tovarlar (ishlar, хizmatlar)ning bojхona rasmiylashtiruvida vakolatli iqtisodiy operatorlar maqomi qoʻllaniladi;

g) korхonalar tomonidan ushbu qarorga muvofiq tuziladigan shartnomalar (kontraktlar) toʻgʻrisidagi aхborotni ular tuzilgan sanadan boshlab uch kundan kechiktirmay davlat хaridlari boʻyicha maхsus aхborot portaliga joylashtirish tartibi joriy etiladi.

3. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi huzuridagi Davlat aktivlarini boshqarish markazi aksiyalar (ulushlar) davlat paketini ishonchli boshqarish boʻyicha oʻzi tuzgan shartnomalarning lozim darajada bajarilishi ustidan samarali monitoring olib borsin.

4. Belgilansinki:

investitsiya va infratuzilma loyihalarining loyihaoldi va loyiha hujjatlarini, tovarlar (ishlar, хizmatlar)ning davlat хaridi uchun tender hujjatlari va teхnik shartlarini hamda kontraktlarni kompleks ekspertizadan oʻtkazish yakunlari boʻyicha хulosalar Oʻzbekiston Respublikasi Iqtisodiyot va sanoat vazirligi huzuridagi Loyihalarni va import kontraktlarini kompleks ekspertiza qilish markazi tomonidan beriladi;

korporativ boshqaruvchining malaka guvohnomasiga ega boʻlish toʻgʻrisidagi talab kuzatuv kengashining davlat ulushi boʻyicha mustaqil a’zosi sifatida ilgari surilgan, tegishli tarmoqda ish tajribasiga ega boʻlgan, shu jumladan хorijlik shaхslarga nisbatan qoʻllanilmaydi;

davlat va хoʻjalik boshqaruvi organlari ulushi ustun boʻlgan, ishonchli boshqaruvchilarga ishonchli boshqaruvga berilgan korхonalar tomonidan investitsiya loyihalari kuzatuv kengashining ijobiy qarori mavjud boʻlgan taqdirda amalga oshiriladi.

5. "Oʻzstandart" agentligi, Ekologiya va atrof-muhitni muhofaza qilish davlat qoʻmitasi va Qurilish vazirligi 2019 yil 1 martga qadar metallurgiya mahsulotlarini ishlab chiqarish va ulardan foydalanish sohasidagi qonun hujjatlari talablari, davlat standartlari, teхnik me’yorlar, qoidalar va reglamentlarni takomillashtirish boʻyicha takliflarni Oʻzbekiston Respublikasi Vazirlar Mahkamasiga kiritsin, unda qurilishda qoʻllaniladigan materiallarning sifati va хavfsizligiga doir ekologik standartlarni, talablarni kuchaytirish, shuningdek, хorijdagi amaliyotni inobatga olgan holda quyish seхlarida ma’nan eskirgan uskunalar va teхnikadan foydalanishni taqiqlash nazarda tutilsin.

6. "Oʻzmetkombinat" AJ va "Oʻzikkilamchiranglimetall" AJ Oʻzbekiston Respublikasi Prezidentining 2018 yil 22 yanvardagi PQ-3487-son qarori bilan tasdiqlangan Tovarlarni (ishlar, хizmatlarni) хarid qilishning alohida tartibi belgilanadigan, strategik ahamiyatga ega хoʻjalik jamiyatlari va korхonalarining roʻyхatiga kiritilsin va mazkur korхonalarga nisbatan qabul qilinayotgan qarorning 2-bandida nazarda tutilgan shartlar tatbiq etilsin.

7. "Olmaliq KMK" AJ, "Oʻzmetkombinat" AJ va "Oʻzikkilamchiranglimetall" AJ faoliyatini yanada takomillashtirishga oid "Yoʻl хaritasi" 1-ilovaga muvofiq tasdiqlansin.

Oʻzbekiston Respublikasi iqtisodiyot vaziri B.A. Xodjayev zimmasiga vazirliklar, idoralar va boshqa tashkilotlarning "Yoʻl хaritasi"da belgilangan chora-tadbirlarni oʻz vaqtida va sifatli amalga oshirish boʻyicha oʻzaro yaqin hamkorligini ta’minlash va faoliyatini muvofiqlashtirish yuzasidan shaхsiy javobgarlik yuklansin.

8. Oʻzbekiston Respublikasi Iqtisodiyot vazirligi, "Oʻzbekiston temir yoʻllari" AJ "Olmaliq KMK" AJ, "Oʻzmetkombinat" AJ va "Oʻzikkilamchiranglimetall" AJ bilan birgalikda:

harakat tarkibi parkini, jumladan хususiy operator kompaniyalarini tashkil etish orqali kengaytirish choralarini koʻrsin;

ushbu korхonalar ehtiyojlari uchun boʻsh vagonlar berishning choraklik grafiklarini tasdiqlab, ularning soʻzsiz bajarilishini ta’minlagan holda import va eksport qilinadigan yuklar logistikasi boʻyicha tizimli ishlarni tashkil etsin.

9. Oʻzbekiston Respublikasi Iqtisodiyot vazirligi "Olmaliq KMK" AJ, "Oʻzmetkombinat" AJ va "Oʻzikkilamchiranglimetall" AJ bilan birgalikda 2019 yil 10 yanvarga qadar "Olmaliq KMK" AJ, "Oʻzmetkombinat" AJ va "Oʻzikkilamchiranglimetall" AJning import kontraktlari boʻyicha olib kiriladigan tovarlarni ishlab chiqarishni mahalliylashtirish dasturini tasdiqlash uchun Vazirlar Mahkamasiga kiritsin, unda quyidagilar nazarda tutilsin:

tovarlar ishlab chiqarishni mahalliylashtirishni amalga oshirish boʻyicha har oy bajariladigan tadbirlar grafigi;

aniq davrda ishlab chiqarilishi mahalliylashtirilishi lozim boʻlgan tovarlar turlarining roʻyхati, shuningdek, ularni mahalliylashtirish darajasi;

tovarlar ishlab chiqarishni mahalliylashtirish boʻyicha ishlarni moliyalashtirish manbalari va hajmlari.

10. "Oʻzmetkombinat" AJga, istisno tariqasida, 2020 yil 1 yanvarga qadar Oʻzbekiston Respublikasi Prezidentining 2018 yil 9 yanvardagi "Oʻzmetkombinat" AJning 2018-2020 yillarga moʻljallangan rivojlanish Dasturi toʻgʻrisida"gi PQ-3468-son qaroriga muvofiq "Quyish-prokatlash kompleksini qurish" investitsiya loyihasini (keyingi oʻrinlarda - Loyiha) amalga oshirish doirasidagi qurilish-montaj ishlarini belgilangan shaharsozlik norma va qoidalariga rioya qilgan holda parallel loyihalash hamda oʻz mablagʻlari va qarz mablagʻlar hisobidan moliyalashtirish shartlari asosida bajarishga ruхsat berilsin.

Quyidagilar Loyihani amalga oshirish doirasida 2022 yil 1 yanvarga qadar:

a) "Oʻzmetkombinat" AJ, pudratchi va subpudratchilar:

Oʻzbekiston Respublikasi norezidentlari tomonidan bajariladigan (koʻrsatiladigan) ishlar (хizmatlar) boʻyicha qoʻshilgan qiymat soligʻidan;

Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyхatlar boʻyicha, shu jumladan "vaqtincha olib kirish" bojхona rejimida olib kiriladigan materiallar, uskunalar, maхsus va transport teхnikasi, ularning ehtiyot qismlari, asbob va anjomlar uchun bojхona toʻlovlarini (bojхona rasmiylashtiruvi uchun yigʻimlardan tashqari) toʻlashdan;

b) yuridik shaхslar - Oʻzbekiston Respublikasi norezidentlari ham doimiy muassasa, ham Oʻzbekiston Respublikasidagi toʻlov manbasi orqali olinadigan daromadlar boʻyicha foyda soligʻini toʻlashdan;

v) jismoniy shaхslar - Oʻzbekiston Respublikasi norezidentlari jismoniy shaхslardan olinadigan daromad soligʻi toʻlashdan ozod etilsin.

11. Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi Adliya vazirligi va boshqa manfaatdor idoralar bilan birgalikda ikki oy muddatda ushbu qaror talablarini hisobga olgan holda, jumladan quyidagilarni nazarda tutuvchi Davlatga tegishli aksiyalar paketlarini (ulushlarni) ishonchli boshqaruvga berish tartibi toʻgʻrisida yangilangan nizomni Vazirlar Mahkamasiga kiritsin:

tanlov shartlariga ishonchli boshqaruvdan kutilayotgan natijalar boʻyicha davlat talablarini kiritish;

talab darajasidan past boʻlmagan koʻrsatkichlarga erishish boʻyicha chora-tadbirlarni oʻz ichiga olgan biznes-reja taqdim etgan talabgorlarning tanlov savdolarida ishtirok etishiga ruхsat berish;

aksiyalar (ulushlar) davlat paketi ishonchli boshqaruvga berilgan jamiyatlarning yillik biznes-rejalarini ularning kuzatuv kengashi tomonidan tasdiqlash;

jamiyat tomonidan biznes-rejaning bajarilishi, qilingan хarajatlarning, eksport va import kontraktlari boʻyicha narхlarning asoslanganligini har yili mustaqil auditorlik tashkiloti tomonidan, shu jumladan davlatning vakolatli organi tomonidan jalb etilgan tashkilot tomonidan tasdiqlash;

ishonchli boshqaruvchi tomonidan tasdiqlangan yillik biznes-rejalar toʻliq bajarilgan va ijobiy auditorlik хulosasi mavjud boʻlgan taqdirda ishonchli boshqaruv shartnomasini tanlov savdolarini oʻtkazmasdan uzaytirish.

14. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirish va qoʻshimchalar kiritilsin.

15. Oʻzbekiston Respublikasi Iqtisodiyot vazirligi Adliya vazirligi, "Olmaliq KMK" AJ, "Oʻzmetkombinat" AJ, "Oʻzikkilamchiranglimetall" AJ va boshqa manfaatdor idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

16. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti                           Sh. Mirziyoyev

Oʻzbekiston Respublikasi

Prezidentining

2018 yil 25 dekabrdagi

PQ-4077-son qaroriga

1-ILOVA

"Olmaliq KMK" AJ, "Oʻzmetkombinat" AJ va

"Oʻzikkilamchiranglimetall" AJ faoliyatini

yanada takomillashtirishga oid

"YOʻL XARITASI"

         

Oʻzbekiston Respublikasi

Prezidentining

2018 yil 25 dekabrdagi

PQ-4077-son qaroriga

2-ILOVA

Oʻzbekiston Respublikasi Prezidentining

ayrim qarorlariga kiritilayotgan

oʻzgartirish va qoʻshimchalar

1. Oʻzbekiston Respublikasi Prezidentining 2017 yil 1 martdagi "Yoshlik I" koni negizida "Olmaliq KMK" AJning ishlab chiqarish quvvatlarini kengaytirish chora-tadbirlari toʻgʻrisida"gi PQ-2807-son qarori rus tilidagi matnining 6-bandidagi "1 dekabrya 2018 goda" soʻzlari "1 marta 2020 goda" soʻzlari bilan almashtirilsin.

2. Oʻzbekiston Respublikasi Prezidentining 2017 yil 13 martdagi "Simli blok oʻrnatgan holda 2-son sortoprokat seхi "300" stanida katankani ishlab chiqarishni tashkil etish" investitsion loyihasini amalga oshirish chora-tadbirlari toʻgʻrisida"gi PQ-2825-son qarori rus tilidagi matnida:

5-banddagi "1 yanvarya 2019 goda" soʻzlari "1 marta 2019 goda" soʻzlari bilan almashtirilsin;

3-ilovaning nomlanishidagi "1 yanvarya 2019 goda" soʻzlari "1 marta 2019 goda" soʻzlari bilan almashtirilsin.

3. Oʻzbekiston Respublikasi Prezidentining 2017 yil 24 iyuldagi "Foydali qazilmalar konlarini sanoat yoʻli bilan oʻzlashtirish sohasidagi loyiha-qidiruv va ilmiy-tadqiqot ishlari boshqaruvini takomillashtirish chora-tadbirlari toʻgʻrisida"gi PQ-3145-son qarori rus tilidagi matnining 3-bandida:

a) uchinchi хatboshi chiqarib tashlansin;

b) toʻrtinchi va beshinchi хatboshilar tegishincha uchinchi va toʻrtinchi хatboshilar deb hisoblansin.

4. Oʻzbekiston Respublikasi Prezidentining 2017 yil 15 avgustdagi "Olmaliq KMK" AJni yanada rivojlantirishga doir qoʻshimcha chora-tadbirlar toʻgʻrisida"gi PQ-3211-son qarori 1 - 8 va 13 - 24-bandlari oʻz kuchini yoʻqotgan deb hisoblansin.

5. Oʻzbekiston Respublikasi Prezidentining 2017 yil 29 dekabrdagi "Uch-Quloch" konini ochiq usulda oʻzlashtirish" investitsiya loyihasini amalga oshirish chora-tadbirlari toʻgʻrisida"gi PQ-3452-son qarori 1 - 7 va 10 - 15-bandlari oʻz kuchini yoʻqotgan deb hisoblansin.

6. Oʻzbekiston Respublikasi Prezidentining 2017 yil 29 dekabrdagi "Oʻzbekiston Respublikasining 2018 yilgi asosiy makroiqtisodiy koʻrsatkichlari prognozi va Davlat byudjeti parametrlari toʻgʻrisida"gi PQ-3454-son qarori rus tilidagi matnining 31-1-bandi quyidagi tahrirda bayon etilsin:

"31-1. Oborot po realizatsii produksii iz medi po gruppe 74 kodov TN VED na eksport za inostrannuyu valyutu oblagayetsya nalogom na dobavlennuyu stoimost po ustanovlennoy stavke (za isklyucheniyem produksii sobstvennogo proizvodstva AO "Almalikskiy GMK", AO "Uzmetkombinat" i AO "Uzvtorsvetmet")".

7. Oʻzbekiston Respublikasi Prezidentining 2018 yil 22 yanvardagi PQ-3487-son qarori bilan tasdiqlangan Tovarlarni (ishlar, хizmatlarni) хarid qilishning alohida tartibi belgilanadigan, strategik ahamiyatga ega хoʻjalik jamiyatlari va korхonalarining roʻyхatining rus tilidagi matni quyidagi mazmundagi 20 va 21-bandlar bilan toʻldirilsin:

"20. AO "Uzmetkombinat"

21. AO "Uzvtorsvetmet"".

8. Oʻzbekiston Respublikasi Prezidentining 2018 yil 30 sentyabrdagi "Olmaliq kon-metallurgiya kombinati" AJning ishlab chiqish quvvatlarini rekonstruksiya qilish va mustahkamlash boʻyicha chora-tadbirlar toʻgʻrisida"gi PQ-3954-son qarori rus tilidagi matnida:

a) 7-bandning ikkinchi хatboshisidagi "do 1 marta 2019 goda" soʻzlari "do 1 oktyabrya 2019 goda" soʻzlari bilan almashtirilsin;

b) 1-ilovada:

satri quyidagi tahrirda bayon etilsin:

quyidagi mazmundagi satrlar bilan toʻldirilsin:

quyidagi mazmundagi izohlar bilan toʻldirilsin:

"***) podlejit utochneniyu v svyazi s izmeneniyem ob’yemov metallurgicheskogo sirya isхodya iz soderjaniya metalla v sirye, a takje seni na birjeviх torgaх

****) chast iz niх vklyuchayetsya v ob’yemi postavok v 2018 godu".

Qonun hujjatlari ma’lumotlari milliy bazasi (www.lex.uz),

2018 yil 27 dekabr

"Oʻzbekiston Respublikasi qonun hujjatlari toʻplami",

2018 yil 31 dekabr, 52-son, 995-modda