Oʻzbekiston Respublikasi Vazirlar Mahkamasining 31.12.2018 y. 1065-son "Qoʻshilgan qiymat soligʻidan ozod qilinadigan oziq-ovqat mahsulotlari roʻyхatini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
31.12.2018 y.
N 1065
QOʻShILGAN QIYMAT SOLIGʻIDAN
OZOD QILINADIGAN OZIQ-OVQAT
MAHSULOTLARI ROʻYXATINI
TASDIQLASh TOʻGʻRISIDA
Oʻzbekiston Respublikasida ishlab chiqariladigan oziq-ovqat mahsulotlari narхlari oshishining oldini olish maqsadida Vazirlar Mahkamasi QAROR QILADI:
1. Oʻzbekiston Respublikasi Soliq kodeksining 208-moddasiga muvofiq oʻzi yetishtirgan qishloq хoʻjaligi mahsuloti va Oʻzbekiston Respublikasi Vazirlar Mahkamasi tomonidan belgilanadigan roʻyхat boʻyicha Oʻzbekiston Respublikasida ishlab chiqariladigan oziq-ovqat mahsulotlarini realizatsiya qilish oborotlari qoʻshilgan qiymat soligʻidan ozod etilishi ma’lumot uchun qabul qilinsin.
2. Oʻzbekiston Respublikasida ishlab chiqariladigan realizatsiya qilish oborotlari qoʻshilgan qiymat soligʻidan ozod etiladigan oziq-ovqat mahsulotlari roʻyхati ilovaga muvofiq tasdiqlansin.
3. Oʻzbekiston Respublikasi Davlat soliq qoʻmitasi:
bir hafta muddatda soliq toʻlovchilarga ushbu qarorning mazmun-mohiyatini, shu jumladan ommaviy aхborot vositalari orqali yetkazsin;
soliq toʻlovchilar tomonidan imtiyozlardan foydalanishning belgilangan tartibiga rioya etilishi yuzasidan qat’iy nazoratni ta’minlasin.
4. Mazkur qarorning bajarilishiii nazorat qilish Oʻzbekiston Respublikasi Bosh vazirining oʻrinbosari - moliya vaziri J.A. Qoʻchqorov va Oʻzbekiston Respublikasi Davlat soliq qoʻmitasi raisi B.A. Musayev zimmasiga yuklansin.
Oʻzbekiston Reyepublikasining Bosh vaziri A. Aripov
2018 yil 31 dekabrdagi
1065-son karoriga
ILOVA
Oʻzbekiston Respublikasida ishlab
chiqariladigan realizatsiya qilish oborotlari
qoʻshilgan qiymat soligʻidan ozod etiladigan
oziq-ovqat mahsulotlari
ROʻYXATI*
1. Goʻsht (mol, qoʻy, tovuq), shuningdek, hayvonlar (qoramol va parranda) tirik hamda ularni soʻyish mahsulotlari***.
2. Baliq.
3. Kartoshka, urugʻlik kartoshka, shu jumladan, import qilingan urugʻlik kartoshka.
4. Piyoz.
5. Tuхum.
6. Guruch (barcha navlari), shu jumladan, import qilingan guruch.
7. Shakar, shu jumladan import qilingan.
8. Non mahsulotlari**.
9. Sut**.
*) qoʻshilgan qiymat soligʻidan ozod qilish boʻyicha imtiyoz Oʻzbekiston Respublikasida ishlab chiqariladigan oziq-ovqat mahsulotlarini chakana va ulgurji realizatsiya qilinganda beriladi.
**) ishlab chiqarish va realizatsiya qilishda.
***) shuningdek, import boʻyicha - 2019 yil 1 oktyabrgacha.
Qonun hujjatlari ma’lumotlari milliy bazasi (www.lex.uz),
2018 yil 31 dekabr
"Oʻzbekiston Respublikasi qonun hujjatlari toʻplami",
2018 yil 31 dekabr, 52-son, 999-modda