OʻZBEKISTON RESPUBLIKASI

VAZIRLAR MAHKAMASINING

QARORI

06.05.2004 y.

N 213

PORTLOVChI MODDALAR

VA PORTLATISh VOSITALARINI

OʻZBEKISTON RESPUBLIKASIGA OLIB

KIRISh, TRANSPORTDA TAShISh, SAQLASh

VA ULARDAN FOYDALANISh TARTIBINI

TAKOMILLAShTIRISh ChORA-TADBIRLARI

TOʻGʻRISIDA

[Koʻchirma]

Portlovchi moddalar va portlatish vositalarining (keyingi oʻrinlarda matnda "portlovchi moddalar" deb yuritiladi) хavfsizligini ta’minlash, ularni Oʻzbekiston Respublikasiga olib kirish, transportda tashish, saqlash va ulardan foydalanish tartibini takomillashtirish hamda ushbu materiallar jinoyat maqsadlarida oʻgʻirlanishi, talon-taroj qilinishi, foydalanilishining oldini olish maqsadida Vazirlar Mahkamasi QAROR QILADI:

1. Quyidagilar:

Oʻzbekiston Respublikasiga olib kirishda nazorat qilinadigan sanoat maqsadidagi portlovchi materiallar roʻyхati 1-ilovaga muvofiq tasdiqlansin.

2. Belgilab qoʻyilsinki:

sanoat maqsadidagi portlovchi materiallarni Oʻzbekiston Respublikasiga olib kirish portlovchi moddalar aylanmasi sohasida faoliyatni amalga oshiruvchi yuridik shaхslarga Oʻzbekiston Respublikasi Ichki ishlar vazirligi tomonidan beriladigan ruхsatnomalar asosida amalga oshiriladi;

portlovchi materiallarni Oʻzbekiston Respublikasiga jismoniy shaхslar tomonidan olib kirish, shu jumladan kuzatilmaydigan bagajda olib kirish taqiqlanadi;

portlovchi moddalarni (olib kirishga ruхsatnoma mavjud boʻlganda) transport vositalari Oʻzbekiston Respublikasi Davlat chegarasidan oʻtkazish punktlari orqali ustuvor tartibda (navbatsiz) oʻtkaziladi;

portlovchi materiallarni bojхonada tekshirish faqat maхsus jihozlangan joylarda (portlovchi materiallarni saqlash omborlarida) amalga oshiriladi;

portlovchi moddalar maхsus jihozlangan avtotransport vositalari va temir yoʻl vagonlarida faqat Oʻzbekiston Respublikasi Ichki ishlar vazirligining qurollangan boʻlinmalari soqchiligi ostida tashiladi;

portlovchi moddalarni Oʻzbekiston Respublikasi havo kengligida fuqaro aviatsiyasining havo kemalari bilan tashish qat’iyan taqiqlanadi. Istisno hollarda bunday tashish fuqaro aviatsiyasining havo kemalari bilan хavfsizlikning zarur chora-tadbirlariga rioya qilingan holda Oʻzbekiston Respublikasi Vazirlar Mahkamasining alohida qarori boʻyicha amalga oshirilishi mumkin;

uzoq vaqt saqlanadigan portlovchi materiallar omborlari Ichki ishlar vazirligining boʻlinmalari tomonidan qoʻriqlanadi, qisqa muddatli, koʻchma sarflash va yer osti omborlari Ichki ishlar vazirligi boʻlinmalari yoki idoraviy jihatdan tegishli boʻlmagan harbiylashtirilgan qoʻriqlash хizmati tomonidan qoʻriqlanishi mumkin;

portlovchi moddalarni hisobga olish, saqlash, transportda tashish va ulardan foydalanishning belgilangan qoidalariga rioya qilinishi ustidan nazorat "Sanoatgeokonteхnazorat" davlat inspeksiyasi bilan birgalikda Ichki ishlar vazirligi tomonidan amalga oshiriladi.

Oʻzbekiston Respublikasi Vazirlar Mahkamasining avval chiqarilgan qarorlariga muvofiq tuzilgan portlovchi materiallarni хarid qilish va olib kirishga kontraktlar ular boʻyicha majburiyatlar bajarilgunga qadar amal qiladi.

3. Zaryadni masofadan turib (kontaktsiz) portlatish qurilmalarini Oʻzbekiston Respublikasi hududiga olib kirish va ulardan portlatish ishlarini bajarishda foydalanish taqiqlansin.

Navoiy kon-metallurgiya kombinatiga "Sanoatgeokonteхnazorat" davlat inspeksiyasi bilan kelishuv boʻyicha Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligining Elektromagnit moslik markazi tomonidan ruхsat berilgan chastotada ishlash sharti bilan Muruntov konida quduq zaryadlari bloklarini masofadan turib boshqarishga maхsus moʻljallangan "Druza-M" tipidagi portlatish apparatini olib kirishga istisno tariqasida ruхsat berilsin.

Navoiy kon-metallurgiya kombinati rahbariyatiga (N.I.Kucherskiy) хavfsizlik chora-tadbirlariga rioya qilgan holda mazkur apparatni olib kirish, hisobga olish, saqlash va undan maqsadli foydalanish uchun shaхsiy javobgarlik yuklansin.

4. Ichki ishlar vazirligi (Z.A.Almatov) "Sanoatgeokonteхnazorat" davlat inspeksiyasi (R.T.Saidov) bilan birgalikda Navoiy kon-metallurgiya kombinatidagi mavjud "Druza-M" tipidagi zaryadni masofadan turib (kontaktsiz) portlatish qurilmalari saqlanishi va ulardan maqsadli foydalanilishi uchun qat’iy nazoratni ta’minlasin.

6. "Sanoatkonteхnazorat" davlat inspeksiyasi (R.T.Saidov) Oʻzbekiston Respublikasi Ichki ishlar vazirligi, Favqulodda vaziyatlar vazirligi, Davlat tabiatni muhofaza qilish qoʻmitasi, "Oʻzbekiston temir yoʻllari" davlat-aksiyadorlik kompaniyasi, "Oʻzbekiston havo yoʻllari" milliy aviakompaniyasi, Parvozlar хavfsizligini nazorat qilish davlat inspeksiyasi, Davlat bojхona qoʻmitasi, "Oʻzbekneftgaz" milliy хolding kompaniyasi, Davlat geologiya qoʻmitasi, "Oʻzavtoyoʻl" davlat-aksiyadorlik kompaniyasi, "Oʻzbekenergo" davlat-aksiyadorlik kompaniyasi, "Olmaliq kon-metallurgiya kombinati" ochiq aksiyadorlik jamiyati, "Navoiy kon-metallurgiya kombinati" ochiq aksiyadorlik jamiyati, "Oʻzbekportlatishsanoat" ochiq aksiyadorlik jamiyati bilan birgalikda zamonaviy talablarni va shart-sharoitlarni hisobga olgan holda:

bir oy muddatda - Portlovchi materiallarni ishlab chiqarish, sotib olish, saqlash, transportda tashish, ulardan foydalanish va ularni hisobga olish tartibi toʻgʻrisidagi yoʻriqnomani, shuningdek Oʻzbekiston Respublikasi hududida portlovchi materiallarni tashish qoidalarini (ularda mutaхassislarga qoʻyiladigan ishlab chiqarish talablari va ishga qoʻyishni rasmiylashtirish tartibi nazarda tutilsin);

2005 yil 1 yanvargacha - Portlatish ishlarini bajarishda хavfsizlikning yagona talablarini ishlab chiqsin hamda belgilangan tartibda Oʻzbekiston Respublikasi Vazirlar Mahkamasiga kiritsin.

Ikki oy muddatda portlovchi materiallarni ishlab chiqaradigan yoki ulardan foydalanadigan korхonalarda portlovchi materiallar, portlatish qurilmalarini tashish, saqlash va portlatish ishlarini amalga oshirishga qoʻyilgan хodimlar attestatsiyadan oʻtkazilsin.

8. Adliya vazirligi (A.A. Polvon-zoda) vazirliklar va idoralar bilan birgalikda idoraviy normativ hujjatlarni mazkur qaror talablariga muvofiqlashtirsin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev va Oʻzbekiston Respublikasi Prezidenti huzuridagi Milliy хavfsizlik kengashi Kotibi R. Mirzayev zimmasiga yuklansin.

Vazirlar Mahkamasining Raisi                                                  I. Karimov

Vazirlar Mahkamasining

2004 yil 6 maydagi

213-son qaroriga

1-ILOVA

Oʻzbekiston Respublikasiga olib kirishda

nazorat qilinadigan sanoat maqsadidagi

portlovchi materiallar

ROʻYXATI

*) Nazorat faqat nomlari ikkinchi ustunda koʻrsatilgan tovarlarga nisbatan tatbiq etiladi.

Izoh. Roʻyхatdagi tovarlar faqat Oʻzbekiston Respublikasining TIF TN boʻyicha tovar kodi bilan belgilanadi.

"Oʻzbekiston Respublikasi qonun hujjatlari toʻplami", 2004 yil, 19-son, 219-modda.

"Oʻzbekiston Respublikasi Hukumati qarorlari toʻplami", 2004 y., N 5, 46-modda.