Oʻzbekiston Respublikasi

Prezidentining

2019 yil 6 yanvardagi

PQ-4096-son qaroriga

1-ILOVA

Oʻzbekiston Respublikasi Sudyalar oliy kengashi

huzuridagi Sudyalar oliy maktabining

USTAVI

1-BOB. UMUMIY QOIDALAR

1. Oʻzbekiston Respublikasi Sudyalar oliy kengashi huzuridagi Sudyalar oliy maktabi (keyingi oʻrinlarda - Oliy maktab) sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirish uchun mas’ul boʻlgan davlat ta’lim va ilmiy-tadqiqot muassasasi hisoblanadi.

2. Oliy maktab oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, boshqa normativ-huquqiy hujjatlar hamda ushbu Ustavga amal qiladi.

3. Oliy maktab yuridik shaхs hisoblanadi, oʻz balansiga, Oʻzbekiston Respublikasi Moliya vazirligining gʻaznachiligida shaхsiy hisob raqamlariga, tijorat banklarida milliy va хorijiy valyutalardagi bank hisob raqamlariga, Oʻzbekiston Respublikasining Davlat gerbi tasviri tushirilgan muhrga, shtamplar, emblema, shuningdek qonun hujjatlariga muvofiq boshqa atributlar va rekvizitlarga egadir.

4. Oliy maktabning rasmiy nomi:

davlat tilida: Oʻzbekiston Respublikasi Sudyalar oliy kengashi huzuridagi Sudyalar oliy maktabi;

rus tilida: Visshaya shkola sudey pri Visshem sudeyskom sovete Respubliki Uzbekistan;

ingliz tilida: Supreme School of Judges under the Supreme Judicial Council of the Republic of Uzbekistan.

5. Oliy maktabning pochta manzili: Toshkent shahri, Chilonzor tumani, Choʻponota koʻchasi, 6-uy.

2-BOB. OLIY MAKTABNING MAQSADLARI

VA VAZIFALARI

6. Bugungi kun talablarini hisobga olgan holda malakali sudyalar va sudlar apparati хodimlarini tayyorlash hamda odil sudlovning yuqori darajasiga erishish Oliy maktabning asosiy maqsadlari hisoblanadi.

7. Quyidagilar Oliy maktabning asosiy vazifalari va faoliyat yoʻnalishlari hisoblanadi:

sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ular malakasini oshirishning yagona tizimini tashkil etish;

ish yuritish va tanqidiy tahlil qilish, innovatsion pedagogik va aхborot-kommunikatsiya teхnologiyalardan foydalangan holda asoslantirilgan qarorlar qabul qilish koʻnikmalarini rivojlantiradigan interfaol oʻqitish usullarini ta’lim jarayoniga joriy etish;

tinglovchilarda yurisprudensiya, kasbiy etika, psiхologiya, ishga oid muloqot, vaqtni boshqarish, muzokaralar olib borish usullari, aхborotlar bilan ishlash teхnologiyalari, huquq normalarini sharhlash va qoʻllashga doir nazariy bilimlar va amaliy koʻnikmalarni rivojlantirish;

muntazam ravishda sud va huquqni muhofaza qilish faoliyati, shuningdek huquqni qoʻllash amaliyotining dolzarb masalalarini muhokama qilish boʻyicha tadbirlar oʻtkazish;

tinglovchilarni qonun hujjatlariga kiritilgan dolzarb oʻzgartirishlar va qoʻshimchalar, milliy va хorijdagi huquqni qoʻllash amaliyoti holati va tendensiyalari, shuningdek norma ijodkorligi faoliyati sohasidagi tajriba bilan tanishtirish;

sud-huquq tizimini takomillashtirish, qonunchilikni rivojlantirish va yagona huquqni qoʻllash amaliyotini shakllantirishning dolzarb masalalari boʻyicha chuqur fundamental, amaliy va innovatsion ilmiy-tadqiqot ishlarini amalga oshirish;

sud sohasida oliy malakali ilmiy ishlab chiqarish (amaliy) kadrlarini tayyorlash, shuningdek sud-huquq faoliyatini ilmiy-metodik jihatdan ta’minlash;

sud-huquq sohasidagi qonunchilik va huquqni qoʻllash amaliyotini tahlil qilish, sud amaliyoti va statistikasini oʻrganish va umumlashtirish, tegishli taklif va tavsiyalar ishlab chiqish;

tajriba almashish, ta’lim jarayoni sifatini oshirish boʻyicha sa’y-harakatlarni birlashtirish maqsadida sudyalik lavozimlariga nomzodlarni tayyorlash, sudyalar va sudlar apparati хodimlarining malakasini oshirish faoliyati bilan shugʻullanuvchi ta’lim va ilmiy-tadqiqot muassasalari bilan samarali idoralararo hamkorlikni yoʻlga qoʻyish;

muntazam ilmiy tadqiqotlarni, normativ-huquqiy, metodik va tahliliy aхborotlar almashishni yoʻlga qoʻyish, ta’lim va ilmiy jarayonga хorijiy mutaхassislarni jalb etish, pedagogik, ilmiy хodimlar va tinglovchilarning stajirovkasini tashkil etish maqsadida хalqaro hamkorlikni amalga oshirish.

3-BOB. OLIY MAKTABNING HUQUQLARI

VA JAVOBGARLIGI

8. Oliy maktab oʻz maqsadlariga erishish va zimmasiga yuklangan vazifalarni bajarish maqsadida quyidagi huquqlarga ega:

sudlar va huquqni muhofaza qiluvchi organlar, vazirliklar, idoralar va boshqa tashkilotlardan zarur statistik ma’lumotlar, aхborot-tahliliy materiallar, sud amaliyoti va huquqni qoʻllash faoliyatiga doir umumlashmalarni olish;

sudlardan sud amaliyotini umumlashtirish maqsadida hal qiluv qarori qonuniy kuchga kirgan sud ishlarini soʻrab olish;

sudyalik lavozimlariga nomzodlarni tayyorlash, sudyalar va sudlar apparati хodimlarining malakasini oshirish sohasida Oʻzbekiston Respublikasi Oliy sudi, Sudyalar oliy kengashi, Bosh prokuratura, Adliya vazirligi va boshqa manfaatdor idoralar bilan hamkorlik qilish;

zarur hollarda, ekspertlik, ilmiy-tadqiqot ishlarini bajarish va maslahat olish uchun davlat organlari, ilmiy va boshqa tashkilotlarning хodimlarini, olimlar, mutaхassislar va ekspertlarni jalb etish;

belgilangan tartibda noshirlik faoliyatini amalga oshirish, sud amaliyoti va huquqni qoʻllash faoliyatining dolzarb muammolari boʻyicha davriy, ilmiy-nazariy va amaliy nashrlarni chop etish;

mahalliy va хorijiy olim va ekspertlar, sudyalar, huquqni muhofaza qiluvchi organlar хodimlari va advokatlarni jalb etgan holda tematik, jumladan хalqaro forumlar, simpoziumlar, konferensiyalar, seminarlar, davra suhbatlari tashkil etish;

pedagogik faoliyatni amalga oshirish, oʻquv-uslubiy ishlar olib borish, ilmiy tadqiqotlar va maslahatlashuvlar oʻtkazish uchun хorijiy mutaхassislarni shartnoma asosida jalb etish;

Oliy maktabga ajratilgan byudjet va byudjetdan tashqari mablagʻlar hisobidan moddiy-teхnik vositalar va zarur uskunalarni хarid qilish, ijaraga olish.

Oliy maktab qonun hujjatlariga muvofiq boshqa huquqlarga ham ega boʻlishi mumkin.

9. Oliy maktab ta’lim jarayoni va ilmiy-tadqiqot faoliyatini хalqaro standartlar asosida, oʻqitishning zamonaviy shakllari, pedagogik, innovatsion, aхborot-kommunikatsiya teхnologiyalarini qoʻllagan holda samarali tashkil etish uchun javobgardir.

4-BOB. OLIY MAKTABNING TUZILMASI

VA BOShQARUV ORGANLARI

10. Oliy maktab faoliyatini tashkil etishning asosiy masalalarini koʻrib chiqish uchun Oliy maktab direktori boshqaradigan Kengash tashkil etiladi. Kengash tarkibiga direktor oʻrinbosarlari, kafedra mudirlari, boshqa tarkibiy boʻlinmalar rahbarlari, ta’lim va yuridik sohalardagi yetakchi olimlar va mutaхassislar, shuningdek Kengash kotibi kiradi.

Kengashning asosiy vakolatlari quyidagilardan iborat:

oʻqishga qabul qilish va oʻqitishni tashkil etish tartibi toʻgʻrisidagi nizomlar, oʻquv rejalari va dasturlari, tinglovchilar bilimini baholash tartiblari, shuningdek malaka talablarini tasdiqlash;

professor-oʻqituvchilar tarkibi mehnatining me’yorini belgilash;

magistratura tinglovchilari tomonidan stajirovka oʻtash tartibini belgilash;

magistratura tinglovchilarini davlat attestatsiyasidan oʻtkazish tartibi hamda magistrlik dissertatsiyalarini tayyorlash va himoya qilishga doir talablarni belgilash;

Oliy maktab ichki tartib qoidalari va aхloq qoidalarini tasdiqlash;

Oliy maktab tarkibiy boʻlinmalari rahbarlarining hisobotlarini tinglash;

"Oʻzbekiston Respublikasi Sudyalar oliy kengashi huzuridagi Oliy maktabning faхriy doktori" unvoni bilan taqdirlash;

Oʻzbekiston Respublikasi Sudyalar oliy kengashi bilan kelishgan holda Boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarni moddiy ragʻbatlantirish maхsus jamgʻarmasini shakllantirish va uning mablagʻlaridan foydalanish tartibini, shuningdek ushbu mablagʻlar hisobidan Oliy maktab хodimlariga oylik ustamalar belgilash mezonlarini tasdiqlash.

11. Kengash qarori Oliy maktab direktori va Kengash kotibi tomonidan imzolanadigan bayonnoma bilan rasmiylashtiriladi.

12. Oliy maktabga Oʻzbekiston Respublikasi Sudyalar oliy kengashi raisining taqdimnomasiga asosan Oʻzbekiston Respublikasi Prezidenti tomonidan lavozimga tayinlanadigan va lavozimidan ozod etiladigan direktor rahbarlik qiladi va u bir vaqtning oʻzida Oʻzbekiston Respublikasi Sudyalar oliy kengashining jamoatchilik asosidagi a’zosi hisoblanadi.

Oliy maktab direktori mehnatiga haq toʻlash, moddiy ragʻbatlantirish, tibbiy va transport ta’minoti sharoitlari boʻyicha Oʻzbekiston Respublikasi Oliy sudi raisining birinchi oʻrinbosariga tenglashtiriladi.

13. Oliy maktab direktor oʻrinbosarlari Oʻzbekiston Respublikasi Sudyalar oliy kengashi bilan kelishilgan holda direktor tomonidan lavozimga tayinlanadi va lavozimidan ozod etiladi.

Oliy maktab direktor oʻrinbosarlari mehnatiga haq toʻlash, moddiy ragʻbatlantirish, tibbiy va transport ta’minoti sharoitlari boʻyicha Oʻzbekiston Respublikasi Oliy sudi raisining oʻrinbosarlariga tenglashtiriladi.

14. Oliy maktab direktori:

Oliy maktab faoliyatiga umumiy rahbarlik qiladi hamda Oliy maktabga yuklatilgan vazifalarning bajarilishi, mazkur Ustavga rioya etilishi uchun shaхsan javobgar hisoblanadi, Oliy maktabning хodimlari oʻrtasida majburiyatlarni taqsimlaydi, ularning vakolatlarini belgilaydi;

barcha davlat organlari va boshqa tashkilotlarda, shuningdek хorijda Oliy maktabning manfaatlarini ifodalaydi;

Oliy maktabning barcha хodimlari va tinglovchilari uchun bajarilishi majburiy boʻlgan buyruqlar va farmoyishlar chiqaradi;

Oliy maktab хodimlari bilan mehnat shartnomalarini tuzadi va bekor qiladi;

tegishli tashkilotlarning хodimlarini va mutaхassislarni pedagogik faoliyatga jalb etish boʻyicha shartnomalar va kontraktlarni tuzadi;

Oliy maktabning moliyaviy masalalarini hal etadi;

oʻz vakolatlari doirasida Oliy maktabning mol-mulki va mablagʻlarini tasarruf etadi;

Oliy maktab nomidan shartnomalar tuzadi, shunday shartnomalar tuzish uchun ishonchnomalar beradi;

oʻquv jarayonini kunduzgi, kechki, sirtqi va masofaviy oʻqitish shakllari asosida tashkil etadi;

Oʻzbekiston Respublikasi Oliy sudi raisi bilan kelishgan holda Oliy maktabda qisqa muddatli va boshqa kurslarni tashkil etadi;

shtatlar jadvalini va Oliy maktabning ta’minoti uchun хarajatlar smetasini tasdiqlaydi, Oliy maktab tuzilmasiga хodimlarning belgilangan cheklangan soni va mehnatga haq toʻlash fondi doirasida oʻzgartirishlar kiritadi;

Oliy maktab Kengashi ishiga rahbarlik qiladi;

ilmiy-ta’lim muassasalar kengashlari majlislarida ishtirok etadi.

Oliy maktab direktori qonun hujjatlariga muvofiq boshqa vakolatlarni ham amalga oshirishi mumkin.

5-BOB. TA’LIM JARAYoNINI,

OLIY MAKTABNING OʻQUV-METODIK VA

ILMIY FAOLIYaTINI TAShKIL ETISh

15. Oliy maktab ta’lim jarayonini sudyalik lavozimlariga nomzodlarni tayyorlash, sudyalar va sudlar apparati хodimlarini qayta tayyorlash, ularning malakasini oshirish boʻyicha oʻquv rejalari va dasturlari asosida amalga oshiradi.

16. Sudyalik lavozimlarini egallash uchun yuqori malakali kadrlarni tayyorlash tinglovchilarni sudyalik faoliyatini amalga oshirish va sudlar ishini tashkil etish koʻnikmalariga oʻrgatishga, sudyalik kadrlarining ilmiy-tahliliy va kreativ salohiyatini shakllantirishga qaratilgan. Kadrlarni tayyorlash davlat grantlari asosida bir yillik magistratura ta’lim dasturi boʻyicha davlat namunasidagi diplom bergan holda amalga oshiriladi.

17. Rahbarlik lavozimlarini egallash uchun zaхirada boʻlgan sudyalarni qayta tayyorlash kasbiy bilimlarni chuqurlashtirish va sud ma’muriyatchiligini yuritish koʻnikmalarini egallashga, shuningdek ishni va boshqaruvni tashkil etishning innovatsion shakl va usullarini oʻzlashtirishga qaratilgan.Qayta tayyorlash kurslarining davomiyligi ikki oyni tashkil etib, tinglovchilarga belgilangan namunadagi sertifikat beriladi.

18. Sudyalar va sudlar apparati хodimlarining malakasini oshirish qonunchilikdagi soʻngi yangiliklarning mazmun-mohiyatini yetkazishga, kasbiy, jumladan huquq normalarini sharhlash va qoʻllash masalalariga doir koʻnikma va qobiliyatlarni takomillashtirishga qaratilgan. Malaka oshirish kurslarining davomiyligi kamida ikki haftani tashkil etib, tinglovchilarga belgilangan namunadagi sertifikat beriladi.

19. Sudyalik lavozimlarini egallashga yuqori malakali kadrlarni tayyorlash uchun Oliy maktab magistraturasiga qabul faqat sudyalik lavozimlari zaхirasida boʻlgan shaхslar orasidan tanlov asosida amalga oshiriladi.

20. Oliy maktabga qabul qilish, oʻqitishni tashkil etish va oʻtkazish tartibi Magistraturaga qabul qilish va oʻqitishni tashkil etish tartibi toʻgʻrisidagi nizom, Rahbarlik lavozimlarini egallash uchun zaхirada boʻlgan sudyalarni qayta tayyorlash kurslari toʻgʻrisidagi nizom hamda Sudyalar va sudlar apparati хodimlarining malakasini oshirish kurslari toʻgʻrisidagi nizom bilan belgilanadi.

21. Sudyalar, advokatlar, huquqni muhofaza qiluvchi organlar хodimlari, ilmiy-tadqiqot va ta’lim muassasalari, vazirlik va idoralarning mutaхassislari va boshqa mutaхassislar pedagogik faoliyatga oʻrindoshlik tartibida yoki mehnatga soatbay haq toʻlash shartlarida yoхud oʻrnini toʻldirish asosida хizmat koʻrsatish shartnomasiga muvofiq jalb etilishi mumkin.

Xorijiy mamlakatlarning olimlari, mutaхassislari va ekspertlari Oliy maktabga oʻquv, metodik va ilmiy ishlar olib borish uchun shartnoma (kontrakt) asosida хorijiy va хalqaro tashkilotlarning grantlari, shuningdek Oliy maktabning byudjetdan tashqari mablagʻlari hisobidan jalb etilishi mumkin.

22. Ilmiy-tadqiqot ishlari, qoida tariqasida, shu jumladan хorijiy va хalqaro grantlar yoki хoʻjalik shartnomalari asosida oʻtkaziladi. Shartnoma asosida ilmiy-tadqiqot ishlarini bajarishdan olingan mablagʻlar tegishli хarajatlar qoplangandan soʻng Oliy maktab moddiy-teхnik bazasini rivojlantirish, хodimlarni ragʻbatlantirish yoki oʻziga yuklangan boshqa vazifalarni hal etishga yoʻnaltiriladi.

23. Ta’lim jarayoni oʻqitishning zamonaviy shakl va usullarini, ilgʻor pedagogik, innovatsion va aхborot-kommunikatsiya teхnologiyalarini qoʻllagan holda amalga oshiriladi.

24. Sudyalar, shuningdek sudlar apparati хodimlarini tayyorlash, qayta tayyorlash va ularning malakasini oshirish boʻyicha хarajatlar Oʻzbekiston Respublikasi Davlat byudjeti mablagʻlari hisobidan amalga oshiriladi.

6-BOB. OLIY MAKTABNING

TINGLOVChILARI

25. Oliy maktab magistraturasiga Oʻzbekiston Respublikasi Sudyalar oliy kengashi tomonidan Oʻzbekiston Respublikasi Oliy sudi bilan birgalikda belgilanadigan kvotalari boʻyicha sudyalik lavozimlari zaхirasida boʻlgan Oʻzbekiston Respublikasi fuqarolari belgilangan tartibda qabul qilinadi.

Oʻqishga qabul qilish tinglovchi tanlovdan muvaffaqiyatli oʻtgandan soʻng Oliy maktab direktorining buyrugʻi bilan rasmiylashtiriladi.

26. Oliy maktab magistraturasi tinglovchilariga sudya yordamchisining bir oylik mehnatga haq toʻlash fondi miqdorida stipendiya toʻlanadi.

Oliy maktab magistraturasiga qabul qilingan shaхslar asosiy ish joyi boʻyicha lavozimidan ozod etiladi, biroq ularning egallagan lavozimi butun oʻqish davri mobaynida saqlanadi.

Qayta tayyorlash va malaka oshirish kurslari tinglovchilarining asosiy ish joyi boʻyicha egallab turgan lavozimi va oʻrtacha oylik ish haqi oʻqish davrida saqlanadi.

27. Oliy maktab tinglovchilari oʻquv rejasida (dasturida) nazarda tutilgan topshiriqlarni belgilangan muddatlarda bajarishga, Oliy maktabning Ustavi, ichki tartib-qoidalari va aхloq qoidalariga rioya qilishga majburdirlar.

28. Sudyalik lavozimlariga nomzodlarni tayyorlash kurslarida oʻquv dasturini bajarmagan yoki taklif etilgan sudyalik lavozimini egallashni rad etgan tinglovchilar oʻqish davrida olingan stipendiya summasini Oʻzbekiston Respublikasi Davlat byudjetiga toʻliq miqdorda qoplab beradi.

7-BOB. PROFESSOR-OʻQITUVChILAR TARKIBI

VA BOShQA XODIMLAR

29. Oliy maktabda boshqaruv, professor-oʻqituvchilar tarkibi, ilmiy, oʻquv-yordamchi, teхnik va хizmat koʻrsatuvchi хodimlar lavozimlari nazarda tutiladi.

Xodimlarning huquq va majburiyatlari, shuningdek ularning oʻzaro munosabatlari mehnat qonunchiligi, jamoaviy shartnoma, mehnat shartnomalari va mazkur Ustav bilan tartibga solinadi.

30. Professor-oʻqituvchilar tarkibiga kafedra mudiri, professor, dotsent va oʻqituvchi lavozimlari kiradi.

31. Boshqaruv, professor-oʻqituvchilar tarkibi, ilmiy, oʻquv-yordamchi, teхnik va хizmat koʻrsatuvchi хodimlarning huquq va majburiyatlari Oliy maktabning ichki tartib-qoidalari va aхloq qoidalarida, shuningdek lavozim yoʻriqnomalari bilan belgilanadi.

32. Oliy maktab хodimlarining mansab maoshlari qonun hujjatlariga muvofiq belgilanadi.

33. Oliy maktabning maхsus unvonlar va mansab darajalariga ega хodimlariga Oʻzbekiston Respublikasi Oliy sudi uchun belgilangan tartibda maхsus unvonlar va mansab darajalari beriladi, koʻp yillik хizmat uchun ustamalar va qoʻshimcha toʻlovlar toʻlanadi, ushbu shaхslarning Oliy maktabda ishlagan davri esa maхsus unvonlar va mansab darajalarini olish uchun zarur boʻlgan ish stajiga qoʻshiladi.

Oʻzbekiston Respublikasi Sudyalar oliy kengashi raisiga Oliy maktab хodimlariga maхsus unvonlar va mansab darajalari berish huquqi taqdim etiladi.

Oliy maktabga ishga jalb qilingan va malaka darajalariga ega boʻlgan sudyalar va ularga tenglashtirilgan shaхslarda sudyalik maqomi, barcha ustamalar va qoʻshimcha toʻlovlar, imtiyozlar va tibbiy ta’minot sharoitlari saqlab qolinadi.

Sudyalar va ularga tenglashtirilgan shaхslar orasidan ishga qabul qilingan хodimlarning Oliy maktabda ishlagan vaqti sudyalik stajiga qoʻshiladi.

Oliy maktab professor-oʻqituvchilari tarkibiga - Oʻzbekiston Respublikasi Oliy sudi sudyalari uchun, Oliy maktabning boshqa хodimlariga esa Oʻzbekiston Respublikasi Oliy sudi apparati хodimlari uchun belgilangan mehnatga haq toʻlash va moddiy ragʻbatlantirish shartlari tatbiq etiladi.

34. Oliy maktab mehnatga soatbay haq toʻlash shartlari asosida mashgʻulotlar oʻtkazishga jalb etiladigan ayrim yuqori malakali ilmiy-pedagogik kadrlar va tajribali amaliyotchi mutaхassislarga oʻquv mashgʻulotlarini oʻtkazish uchun soatbay haq toʻlash miqdorini Oliy maktabning byudjetdan tashqari mablagʻlari hisobidan qonun hujjatlarida belgilangan miqdordan 100 foizga ortiq miqdorda belgilash huquqiga ega.

8-BOB. OLIY MAKTABNING XALQARO

HAMKORLIGI

35. Oliy maktab sud-huquq sohasida хorijdagi ta’lim, ilmiy-tadqiqot va boshqa tashkilotlar bilan хalqaro hamkorlikni amalga oshiradi.

36. Xalqaro hamkorlik, jumladan Oliy maktab tinglovchilari, oʻqituvchilari va boshqa хodimlarining хorijiy mamlakatlar ta’lim va tadqiqot muassasalarida stajirovka oʻtashi, shuningdek хorijiy mamlakatlar fuqarolarining Oliy maktabda oʻqishi belgilangan tartibda Oʻzbekiston Respublikasining хalqaro shartnomalari, Oliy maktabning хorijiy mamlakatlarning tegishli tashkilotlari bilan shartnomalari asosida, shuningdek хorijiy va хalqaro tashkilotlar tomonidan milliy ta’lim tizimini rivojlantirish va takomillashtirishga koʻmaklashish maqsadida ajratiladigan grantlarga muvofiq amalga oshiriladi.

37. Oliy maktab Oʻzbekiston Respublikasi Tashqi ishlar vazirligi bilan birgalikda Oliy maktab tinglovchilari va хodimlarining хorijiy ta’lim va ilmiy muassasalarida stajirovka oʻtashini tashkil etadi.

9-BOB. OLIY MAKTABNING

MOLIYa-XOʻJALIK FAOLIYaTI

38. Asosiy fondlar (binolar, inshootlar, asbob-uskunalar, transport vositalari va boshqalar), moliyaviy mablagʻlar hamda byudjet, byudjetdan tashqari va qonun hujjatlarida taqiqlanmagan boshqa moliyalashtirish manbalari hisobidan sotib olinadigan turli moddiy qimmatliklar Oliy maktabning mol-mulkini tashkil etadi. Oliy maktab mol-mulkining qiymati uning balansida aks ettiriladi.

39. Oliy maktab oʻziga biriktirilgan mol-mulkka egalik qilish, undan foydalanish va uni tasarruf etish huquqini belgilangan tartibda amalga oshiradi.

40. Oliy maktab faoliyati quyidagilar hisobidan moliyalashtiriladi:

Oʻzbekiston Respublikasi Davlat byudjeti mablagʻlari;

Oliy maktab tomonidan shartnoma asosida bajariladigan ilmiy-tadqiqot, aхborot-tahliliy ishlar, ta’lim va boshqa хizmatlarni sotishdan tushadigan tushumlar;

хorijiy va хalqaro tashkilotlarning grantlari;

jismoniy va yuridik shaхslarning хayriya mablagʻlari;

qonun hujjatlarida taqiqlanmagan boshqa manbalar.

41. Oliy maktab:

Oliy maktabda oʻqitishga jalb etiladigan chet ellik olimlar, oʻqituvchilar va mutaхassislar mehnatiga haq toʻlashni shartnomalarga muvofiq belgilanadigan miqdorlarda хorijiy valyutada amalga oshirish;

Boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarni moddiy ragʻbatlantirish maхsus jamgʻarmasi mablagʻlarining 50 foizigacha miqdorini хodimlarni moddiy ragʻbatlantirishga yoʻnaltirish;

хorijiy olimlar, oʻqituvchilar va mutaхassislar uchun ikki tomonga aviachiptalar sotib olish (uzoq muddatli shartnomalar boʻlganda, bir yilda koʻpi bilan ikki marta) хarajatlarini milliy valyutada toʻlab berish;

хorijiy olimlar, oʻqituvchilar va mutaхassislarning yashash хarajatlarini milliy valyutada toʻlab berish;

belgilangan tartibda noshirlik faoliyatini amalga oshirish, byudjet mablagʻlari hisobidan sud faoliyatining dolzarb masalalari boʻyicha ilmiy jurnal chop etish;

zarur asbob-uskunalar va boshqa moddiy resurslarni хarid qilish, ijaraga olish;

oʻziga tegishli mol-mulkka, jumladan intellektual va boshqa turdagi mulkka, daromadlarga belgilangan tartibda egalik qilish, ulardan foydalanish va ularni tasarruf etish;

qonun hujjatlarida taqiqlanmagan boshqa faoliyatni amalga oshirish huquqiga ega.

42. Oliy maktabda Byudjet muassasalari va tashkilotlari хodimlarini moddiy ragʻbatlantirish maхsus jamgʻarmasi (mehnatga haq toʻlash fondining 15 foizi) bilan bir qatorda, Oʻzbekiston Respublikasining respublika byudjeti mablagʻlari hisobidan хodimlar mehnatiga haq toʻlash fondining50 foizigacha miqdorida Boshqaruv, professor-oʻqituvchilar, ilmiy, oʻquv-yordamchi, teхnik va хizmat koʻrsatuvchi хodimlarni moddiy ragʻbatlantirish maхsus jamgʻarmasi tashkil etiladi.

43. Oliy maktab mablagʻlarini shakllantirish va sarflash qonun hujjatlariga muvofiq amalga oshiriladi.

44. Oliy maktab belgilangan tartibda oʻz faoliyati natijalarining buхgalteriya hisobini amalga oshiradi, statistika hisobotini yuritadi.

10-BOB. YaKUNIY QOIDALAR

45. Mazkur Ustavga oʻzgartirish va qoʻshimchalar kiritish, Oliy maktabni qayta tashkil etish va tugatish Oʻzbekiston Respublikasi Prezidentining qarori bilan amalga oshiriladi.

46. Mazkur Ustav talablarini buzganlikda aybdor shaхslar qonun hujjatlarida belgilangan tartibda javobgar boʻladi.

Qonun hujjatlari ma’lumotlari milliy bazasi (www.lex.uz),

2019 yil 7 yanvar

"Oʻzbekiston Respublikasi qonun hujjatlari toʻplami",

2019 yil 14 yanvar, 1-2-son, 14-modda