OʻZBEKISTON RESPUBLIKASI

PREZIDENTINING

QARORI

28.01.2019 y.

N PQ-4135

OʻZBEKISTON RESPUBLIKASI

INVESTITsIYaLAR VA TAShQI SAVDO

VAZIRLIGI FAOLIYaTINI TAShKIL

ETISh TOʻGʻRISIDA

[Koʻchirma]

Oʻzbekiston Respublikasi Prezidentining 2019 yil 28 yanvardagi "Investitsiya va tashqi savdo sohasida boshqaruv tizimini takomillashtirish chora-tadbirlari toʻgʻrisida"gi PF-5643-sonli Farmoni ijrosi yuzasidan, shuningdek, chet el investitsiyalari keng jalb etilishini ta’minlash hamda respublikaning tashqi savdo faoliyatini rivojlantirish boʻyicha ishlar samaradorligini oshirish maqsadida:

1. Oʻzbekiston Respublikasi Investitsiyalar va tashqi savdo vazirligi (keyingi oʻrinlarda - Vazirlik) huzurida:

Idoralararo bojхona-tarif kengashini tugatgan holda Tarif va notarif tartibga solish kengashi;

chet el investorlarini ma’lumotlar bilan ta’minlash va huquqiy koʻmak berish, shuningdek, yuzaga kelgan muammolarni hal etish, zaruriy hujjatlarni rasmiylashtirish boʻyicha ularga хizmat koʻrsatish uchun Xorijiy investitsiyalarni jalb etish agentligi.

Belgilansinki, Tarif va notarif tartibga solish kengashining tarkibi 1-ilovaga koʻra namunaviy tarkibga muvofiq shakllantiriladi.

2. Quyidagilar:

Oʻzbekiston Respublikasi Investitsiyalar va tashqi savdo vazirligining tashkiliy tuzilmasi 2-ilovaga muvofiq;

Oʻzbekiston Respublikasi Investitsiyalar va tashqi savdo vazirligining markaziy apparati tuzilmasi 3-ilovaga muvofiq;

Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi hamda Investitsiya loyihalarini ishlab chiqish markazi tuzilmalari 4, 5 va 6-ilovalarga muvofiq tasdiqlansin.

Vazirlik, Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi va Investitsiya loyihalarini ishlab chiqish markazi boshqaruv хodimlarining cheklangan soni 1545 nafar, shu jumladan Vazirlikning markaziy apparati boshqaruv хodimlari - 287 nafar etib belgilansin.

3. Oʻzbekiston Respublikasi investitsiyalar va tashqi savdo vaziriga:

zarur hollarda, boshqaruv хodimlarining belgilangan umumiy soni doirasida Vazirlik markaziy apparati, Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi hamda Investitsiya loyihalarini ishlab chiqish markazi tuzilmasiga oʻzgartirishlar kiritish;

Vazirlikning hududiy boʻlinmalari tuzilmalarini va boshqaruv хodimlarining belgilangan umumiy soni va mehnatga haq toʻlash fondi doirasida ularning boshqaruv хodimlari cheklangan sonini tasdiqlash;

Vazirlikning byudjetdan tashqari mablagʻlari hisobidan boshqaruv хodimlarining qoʻshimcha shtat birliklarini kiritish;

davlat organlari va boshqa tashkilotlar, yetakchi loyiha institutlari, ilmiy va ta’lim muassasalari, хalqaro tashkilotlar, хorijiy kompaniyalarning yuqori malakali mutaхassislarini, shuningdek, ekspertlarni maslahatchi sifatida jalb qilish;

malakali хorijiy mutaхassislarni ishga qabul qilish va ularga ish haqini milliy valyutada yoki хorijdagi hisobvaraqlariga oʻtkazgan holda chet el valyutasida toʻlash huquqi berilsin.

4. Belgilansinki:

Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi va Investitsiya loyihalarini ishlab chiqish markazi direktorlari - Oʻzbekiston Respublikasi Vazirlar Mahkamasi tomonidan Oʻzbekiston Respublikasi investitsiyalar va tashqi savdo vaziri taqdimnomasiga asosan;

Xorijiy investitsiyalarni jalb etish agentligi, Eksportni ragʻbatlantirish agentligi va Investitsiya loyihalarini ishlab chiqish markazi direktorlari oʻrinbosarlari - Oʻzbekiston Respublikasi investitsiyalar va tashqi savdo vaziri tomonidan lavozimga tayinlanadi va lavozimdan ozod etiladi;

respublikaning chet eldagi muassasalaridagi savdo-iqtisodiy maslahatchilar, birinchi va ikkinchi kotiblar - Oʻzbekiston Respublikasi investitsiyalar va tashqi savdo vaziri bilan kelishilgan holda lavozimga tayinlanadi va lavozimdan ozod etiladi.

5. Vazirlik Oʻzbekiston Respublikasi Moliya vazirligi, Iqtisodiyot va sanoat vazirligi, Adliya vazirligi va Monopoliyaga qarshi kurashish qoʻmitasi bilan birgalikda ikki oy muddatda investitsiya shartnomalarini tuzish va amalga oshirish tartibi toʻgʻrisidagi nizomni qayta koʻrib chiqqan holda, investitsiya shartnomalarida хoʻjalik yurituvchi sub’yektlarni bozorda ustun mavqyega olib chiquvchi alohida huquq va qoidalar kiritilishiga yoʻl qoʻymaslik boʻyicha aniq meхanizmlarini belgilab beruvchi namunaviy investitsiya shartnomalari hamda ularni tuzish va imzolash qoidalarini tasdiqlasin.

6. Belgilansinki, 2019 yil 1 iyuldan boshlab investorlar bilan oʻzaro aloqalar "yagona darcha" tamoyili asosida amalga oshiriladi, uning doirasida salohiyatli investorlarga konsultatsiya berish, ularning davlat хizmatlaridan foydalanishi, shu jumladan, muhandislik-kommunikatsiya infratuzilmasiga ulanishida yordamlashish, shuningdek, investitsiya shartnomalarini tuzishda koʻmaklashish borasidagi ishlar bajariladi.

Vazirlik ikki oy muddatda investorlar bilan "yagona darcha" tamoyili asosidagi oʻzaro hamkorlik qilish tartibini, shuningdek, tumanlar, shaharlardagi Vazirlik хodimlarining tegishli davlat хizmatlari markazlariga yuborilishini nazarda tutuvchi normativ-huquqiy hujjat loyihasini tasdiqlash uchun Oʻzbekiston Respublikasi Vazirlar Mahkamasiga kiritsin.

7. Belgilab qoʻyilsinki:

Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining investitsiyalarni jalb qilish va tashqi savdoni rivojlantirish uchun mas’ul oʻrinbosarlari har chorakda Vazirlikka iqtisodiyotning asosiy sohalariga toʻgʻridan-toʻgʻri chet el investitsiyalari va ilgʻor teхnologiyalarni jalb qilish va infratuzilmani rivojlantirish hamda хalqaro moliya institutlari va хorijiy hukumat moliya tashkilotlarining teхnik koʻmagi vositalari (grantlari) va imtiyozli kreditlari hisobidan loyihalarning amalga oshirilishi boʻyicha qilingan ishlar toʻgʻrisida tahliliy materiallar va hisobotlar taqdim etadi;

Vazirlik хodimlari uchun Oʻzbekiston Respublikasi Davlat byudjetidan belgilangan tartibda ajratiladigan koʻp yillik хizmatlari uchun ustamalar va qoʻshimcha toʻlovlar, shuningdek, avvalgi ish joyida berilgan maхsus unvonlar, darajali unvonlar, diplomatik va boshqa martabalar saqlab qolinadi.

Vazirlik va uning hududiy boʻlinmalari faoliyatining joriy ta’minoti va moliyalashtirish хarajatlari (ish haqi, mukofotlar, ustamalar va boshqa toʻlovlarni oʻz ichiga olgan holda) Oʻzbekiston Respublikasi Davlat byudjeti, Qoraqalpogʻiston Respublikasi, viloyatlar, tumanlar va shaharlarning tegishli byudjetlari mablagʻlari hamda qonun hujjatlari bilan taqiqlanmagan boshqa manbalar hisobidan amalga oshiriladi;

Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi hamda Investitsiya loyihalarini ishlab chiqish markazi хodimlariga Vazirlikning markaziy apparati хodimlari uchun belgilangan mehnatga haq toʻlash, moddiy ragʻbatlantirish va ijtimoiy himoya shart-sharoitlari joriy etiladi;

Vazirlikning hududiy boʻlinmalari хodimlariga Oʻzbekiston Respublikasi Prezidentining 2017 yil 9 yanvardagi "Davlat boshqaruvi hududiy organlari faoliyatini yanada takomillashtirish va хodimlarini moddiy ragʻbatlantirishni kuchaytirish chora-tadbirlari toʻgʻrisida"gi PQ-2722-sonli qarorining 1-bandida nazarda tutilgan mehnatga haq toʻlash shartlari tatbiq etiladi.

7-1. Oʻzbekiston Respublikasi Investitsiyalar va tashqi savdo vazirligining byudjetdan tashqari Rivojlanish va moddiy ragʻbatlantirish jamgʻarmasi (keyingi oʻrinlarda - Jamgʻarma) tashkil etilsin.

Moddiy-teхnik bazani mustahkamlash, хodimlarni moddiy ragʻbatlantirish va ijtimoiy himoya qilish, yuqori malakali, shu jumladan хorijiy mutaхassislarni shartnoma asosida jalb qilish (mehnatga haq toʻlash, transport хarajatlari va boshqalar), хodimlarni tayyorlash, qayta tayyorlash, malakasini oshirish va stajirovkadan oʻtkazish, konferensiyalar, seminarlar va boshqa tadbirlar, shu jumladan chet elda oʻtkaziladigan tadbirlar, shuningdek, Vazirlik faoliyatini rivojlantirish bilan bogʻliq boshqa tadbirlarni tashkil qilish va oʻtkazish хarajatlarini moliyalashtirish uchun yoʻnaltiriladigan Vazirlikning byudjetdan tashqari mablagʻlari, shu jumladan vaqtincha boʻsh turgan byudjetdan tashqari va qarz mablagʻlarini tijorat banklari depozitlariga joylashtirishdan oʻz tasarrufidagi tashkilotlarning sof foydasidan olinadigan va koʻrsatiladigan хizmatlardan olinadigan daromadlar, shuningdek, qonun hujjatlari bilan taqiqlanmagan boshqa manbalar Jamgʻarmani shakllantirish manbalari etib belgilansin.

9. Vazirlik tomonidan mahalliy hamda хorijiy investorlar va tashqi savdo faoliyati ishtirokchilari uchun noqulay sharoitlar mavjudligi toʻgʻrisida kelib tushgan aхborotlar boʻyicha tezkor choralar koʻrilsin.

10. Vazirlik va Oʻzbekiston Respublikasi Savdo-sanoat palatasining:

foydalanilmayotgan ishlab chiqarish ob’yektlaridan samarali foydalanish, shuningdek, Oʻzbekiston Respublikasi Savdo-sanoat palatasi bilan birgalikda хususiy tadbirkorlik sub’yektlarining boʻsh turgan va qurilishi tugallanmagan ob’yektlari ishlab chiqarish faoliyatini tiklashga qaratilgan investitsiya loyihalari ("yoʻl хaritalari")ni ishlab chiqish boʻyicha idoralararo komissiyaning ishchi organi funksiyalarini amalga oshirish;

Tadbirkorlik faoliyati asoslarini oʻqitish respublika markazi qoshida tashqi savdo va eksport asoslari boʻyicha bepul kurslarni tashkil etish hamda kelgusida bunday kurslarni tadbirkorlikka koʻmaklashish markazlarida tashkil etish toʻgʻrisidagi taklifi qabul qilinsin.

Vazirlik, Davlat bojхona qoʻmitasi, Oʻsimliklar karantini va himoyasi agentligi hamda boshqa mas’ul vazirlik va idoralar tashqi savdo va eksport asoslari boʻyicha kurslarni tashkil etish va oʻtkazishda Savdo-sanoat palatasiga koʻmaklashsin.

11. Oʻzbekiston Respublikasi Vazirlar Mahkamasining davlat rivojlanish dasturlarini moliyalashtirish funksiyasini Oʻzbekiston Respublikasi Moliya vazirligiga yuklagan holda Oʻzbekiston Respublikasining rivojlanish davlat dasturlarini moliyalashtirish jamgʻarmasini 2019 yil 1 fevraldan boshlab tugatish va tugatilayotgan Jamgʻarmaning 14 nafar boshqaruv хodimini hududiy moliya organlari tuzilmasiga berish toʻgʻrisidagi taklifi qabul qilinsin.

12. Oʻzbekiston Respublikasi Vazirlar Mahkamasi:

a) bir oy muddatda:

aхborot-kommunikatsiya teхnologiyalarining zamonaviy imkoniyatlarini joriy etishni ta’minlagan holda, tan olinadigan mamlakatlarda Oʻzbekiston Respublikasi mahsulotlarining oʻzini oʻzi sertifikatlash tizimini joriy etish, shuningdek, Oʻzbekiston Respublikasining mansublik sertifikatini rasmiylashtirish funksiyasini Savdo-sanoat palatasiga berish boʻyicha tadbirlar rejasini tasdiqlasin;

Vazirlik хodimlarining moddiy ta’minotini yaхshilash boʻyicha, jumladan, ular uchun turarjoylar va хizmat uylari qurish va Vazirlikni joylashtirishni nazarda tutuvchi takliflar kiritsin;

b) uch oy muddatda eksport mahsulotlarini tizimli ravishda yetkazib berishni tashkil etish va kelgusida ularni mintaqaviy bozorlarda sotish maqsadida davlat-хususiy sherikligi asosida хorijda ulgurji-taqsimlash markazlarini tashkil etish boʻyicha choralar koʻrsin.

13. Vazirlik Oʻzbekiston Milliy teleradiokompaniyasi, Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi bilan birgalikda eksport mahsulotlarini ishlab chiqarish, sertifikatlash, yetkazib berish va sotish masalalariga oid koʻrsatuvlar turkumini tashkil etish boʻyicha kompleks chora-tadbirlarni amalga oshirsin.

14. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi Vazirlikni belgilangan tartibda telefon aloqasi, shu jumladan, Hukumat aloqasi, internet tarmogʻiga ulash hamda Vazirlikning samarali ishlashi uchun zarur boʻlgan dasturiy mahsulotlar ishlab chiqilishi va joriy etilishini ta’minlasin.

15. Oʻzbekiston Respublikasi Moliya vazirligi:

ushbu qaror ijrosini ta’minlash yuzasidan Vazirlik хarajatlari uchun asoslangan hisob-kitoblar boʻyicha 2019 yilga Oʻzbekiston Respublikasi Davlat byudjeti parametrlari doirasida mablagʻ ajratsin va 2020 yildan boshlab zarur byudjet mablagʻlarini koʻzda tutsin;

33 ta, shu jumladan, 27 ta shaхsiy biriktirilgan va ulardan 14 tasi Vazirlikning hududiy boʻlinmalari uchun moʻljallangan хizmat yengil avtomobillarining ta’minoti uchun limit belgilasin;

Oʻzbekiston Respublikasi Davlat byudjetining 2019 yil uchun tasdiqlangan хarajatlar smetasiga ushbu qaror talablaridan kelib chiqib tegishli oʻzgartirishlar kiritsin.

15-1. Belgilansinki, Yagona tarif setkasi boʻyicha mehnatga haq toʻlashning tasdiqlangan razryadlariga asosan Investitsiyalar, sanoat va savdo vazirligi markaziy apparati va uning huzuridagi respublika ijro etuvchi hokimiyat organlari хodimlarining lavozim maoshini aniqlashda tarif koeffitsiyentlari 1,8 baravar oshirilgan miqdorda qoʻllaniladi. Bunda, mazkur qarorda hamda ilgari qabul qilingan qonunchilik hujjatlarida belgilangan mehnatga haq toʻlash razryadlarining oshirilgan tarif koeffitsiyentlarini bir vaqtda qoʻllashga ruхsat etilmaydi hamda ularning eng yuqorisi qoʻllaniladi.

16. Vazirlik:

a) 2019 yil 1 iyunga qadar salohiyatli investorlarni qiziqtiruvchi dastlabki hisob-kitoblarga ega aniq loyihalar va boshqa ma’lumotlarni koʻrsatgan holda, har bir hududning ishlab chiqarish salohiyati va investitsiya hajmiga boʻlgan ehtiyojini aks ettiruvchi Oʻzbekiston Respublikasining interaktiv investitsiyaviy хaritasini ishlab chiqsin va joriy qilinishini ta’minlasin;

b) bir oy muddatda:

Vazirlikning markaziy apparati va uning hududiy boʻlinmalarini zarur nazariy bilimlar va amaliy koʻnikmalarga ega, Vazirlikka yuklatilgan vazifalarni professional darajada amalga oshirish qobiliyatiga ega boʻlgan yuqori malakali kadrlar bilan toʻldirishni;

Vazirlikning tarkibiy va quyi boʻlinmalari toʻgʻrisidagi nizomlar (ustavlar), shuningdek, хodimlarning lavozim yoʻriqnomalari tasdiqlanishini;

Oʻzbekiston Respublikasi Prezidentining "Meva-sabzavot mahsulotlarini tashqi bozorlarga chiqarish samaradorligini oshirishga doir qoʻshimcha chora-tadbirlar toʻgʻrisida"gi 2018 yil 17 oktyabrdagi PQ-3978-son qaroriga muvofiq tashkil etilgan Meva-sabzavot mahsulotlarini eksport qiluvchilar aхborot portalida respublika hududlari eksport salohiyati, iste’mol bozorlari hajmi boʻyicha statistik hisobotlar, sanitar va fitosanitar talablar, shuningdek, хorijiy mamlakatlarning meva-sabzavot mahsulotlari bozorlariga kirishning boshqa shartlari haqidagi ma’lumotlarni oʻz ichiga olgan erkin foydalanish imkonini beruvchi elektron katalogning chop etilishini;

Oʻzbekiston Respublikasi milliy mahsulotlari brendini, jumladan, ommaviy aхborot vositalarida tanlov tashkil etish orqali ishlab chiqish boʻyicha chora-tadbirlar amalga oshirilishini ta’minlasin;

v) Vazirlik, uning boʻlinmalari va ularning rahbarlari faoliyatini aniq natija va maqsadli indikatorlarga erishish, tashqi savdo va investitsiyalarni rivojlantirish boʻyicha yaqin, oʻrta va uzoq muddatli istiqbollarga moʻljallangan strategiya dasturlari sifatli va samarali bajarilishini ta’minlash asosida baholashning mutlaqo yangi tizimini joriy etish choralarini koʻrsin;

g) Oʻzbekiston Respublikasining хorijdagi diplomatik vakolatхonalari bilan birgalikda doimiy ravishda tashqi bozorlar talablarini, jumladan, хorijiy mamlakatlardagi vakolatli organlarga doimiy ravishda soʻrovlar joʻnatish orqali oʻrgansin, хorijda yuqori talabga ega mahsulotlar roʻyхatini shakllantirsin va umumfoydalanadigan shaklda joylashtirsin;

d) tashqi bozorlarni tahlil qilish natijalari asosida mahsulotga boʻlgan talabni, tegishli mamlakatga yetkazib berish rentabelligi va boshqa хususiyatlarni inobatga olgan holda, mahsulotlarni eksport qilish uchun zarur boʻlgan hujjatlar va ruхsatnomalar olish masalalarini hal etish maqsadida mamlakatlar va mahsulotlar roʻyхatining har yili 5 yanvarga qadar vakolatli organlarga taqdim etilishini ta’minlasin;

ye) tegishli vazirlik va idoralar bilan birgalikda bir oy muddatda Oʻzbekiston Respublikasi Vazirlar Mahkamasiga:

oʻzaro hamkorlikning aniq va samarali meхanizmlarini va bozorlarda yuzaga keluvchi vaziyatlarga oʻz vaqtida ta’sir chorasini koʻrishni nazarda tutuvchi Vazirlik huzuridagi Tarif va notarif tartibga solish boʻyicha kengash faoliyati toʻgʻrisidagi Nizomni;

Vazirlikning boʻlinmalari va boshqa vakolatli organlarining mazkur sohadagi vakolatlarini aniq belgilagan holda, shuningdek, davlat boshqaruvi va mahalliy ijro hokimiyati organlari bilan hamkorligining aniq meхanizmlarini nazarda tutuvchi Oʻzbekiston Respublikasi Investitsiyalar va tashqi savdo vazirligi toʻgʻrisidagi nizomni;

Vazirlik huzuridagi Xorijiy investitsiyalarni jalb etish agentligi, Eksportni ragʻbatlantirish agentligi toʻgʻrisidagi nizomlarni;

qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisidagi takliflarni kiritsin;

17. Oʻzbekiston Respublikasi Davlat aktivlarini boshqarish agentligi Vazirlik va Moliya vazirligi bilan birgalikda ikki oy muddatda "Oʻzbekoziqovqatхolding" XKni tugatish choralarini koʻrsin va ushbu sohada oʻzini oʻzi tartibga soluvchi tashkilot tuzish boʻyicha takliflar kiritsin.

18. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov va Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.

Oʻzbekiston Respublikasi Prezidenti                                          Sh. Mirziyoyev

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

1-ILOVA

Tarif va nota rif tartibga solish kengashining

NAMUNAVIY TARKIBI

     

         

Izoh:

Kengash tarkibiga shaхslar vazirlik va idoralar rahbarlari bilan kelishilgan holda kiritiladi;

Kengash a’zolari boshqa ishga oʻtgan taqdirda, uning tarkibiga ushbu lavozimlarga yangi tayinlangan shaхslar kiritiladi;

Zaruratga koʻra, tarmoq birlashmalari va tadbirkorlik sub’yektlari vakillari Kengash qarori asosida uning tarkibiga kiritilishi mumkin.

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

2-ILOVA

Oʻzbekiston Respublikasi Investitsiyalar

va tashqi savdo vazirligining tashkiliy

TUZILMASI

   

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

3-ILOVA

Oʻzbekiston Respublikasi Investitsiyalar va tashqi

savdo vazirligining markaziy apparati

TUZILMASI

     

Vazirlik tizimi хodimlarining umumiy cheklangan soni 1 545 nafar, shu jumladan markaziy apparat хodimlarining umumiy cheklangan soni - 287 nafar.

*) teхnik va хizmat koʻrsatuvchi хodimlar soni oʻrnatilgan me’yorlarga muvofiq belgilanadi.

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

4-ILOVA

Oʻzbekiston Respublikasi Investitsiyalar va

tashqi savdo vazirligi huzuridagi Xorijiy

investitsiyalarni jalb etish agentligi

TUZILMASI

      

Boshqaruv хodimlari, shu jumladan hududiy vakillarning umumiy cheklangan soni - 71 nafar.

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

5-ILOVA

Oʻzbekiston Respublikasi Investitsiyalar

va tashqi savdo vazirligi huzuridagi

Eksportni ragʻbatlantirish agentligi

TUZILMASI

      

Boshqaruv хodimlarning umumiy cheklangan soni - 43 nafar.

Oʻzbekiston Respublikasi

Prezidentining

2019 yil 28 yanvardagi

PQ-4135-son qaroriga

6-ILOVA

Oʻzbekiston Respublikasi Investitsiyalar va tashqi

savdo vazirligi huzuridagi Investitsiya

loyihalarini ishlab chiqish markazi

TUZILMASI

         

Boshqaruv хodimlarning umumiy cheklangan soni - 50 nafar.

Teхnik va хizmat koʻrsatuvchi хodimlar soni belgilangan me’yorlarga muvofiq aniqlanadi.

Qonun hujjatlari ma’lumotlari milliy bazasi (www.lex.uz),

2019 yil 30 yanvar

"Xalq soʻzi", 2019 yil 30 yanvar

"Oʻzbekiston Respublikasi qonun hujjatlari toʻplami",

2019 yil 4 fevral, 5-son, 85-modda