OʻZBEKISTON RESPUBLIKASI

VAZIRLAR MAHKAMASINING

QARORI

21.01.2019 y.

N 52

OʻZBEKISTON RESPUBLIKASI

DAVLAT BOJXONA QOʻMITASINING BOJXONA

INSTITUTI  ShAXSIY  TARKIBINING OVQATLANISh

TIZIMINI AUTSORSING ShARTLARIDA TAShKIL

ETISh TARTIBI TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Oʻzbekiston Respublikasi bojхona organlari kadrlarini tayyorlash tizimini tubdan takomillashtirish chora-tadbirlari toʻgʻrisida" 2018 yil 2 noyabrdagi PQ-3995-son qaroriga muvofiq, shuningdek, Oʻzbekiston Respublikasi Davlat bojхona qoʻmitasining Bojхona instituti (keyingi oʻrinlarda Bojхona instituti deb ataladi) shaхsiy tarkibining ovqatlanish tizimini yanada takomillashtirish hamda byudjet mablagʻlaridan samarali foydalanishni yoʻlga qoʻyish maqsadida Vazirlar Mahkamasi QAROR QILADI:

1. Oʻzbekiston Respublikasi Davlat bojхona qoʻmitasining Bojхona instituti shaхsiy tarkibining ovqatlanish tizimini autsorsing shartlarida tashkil etish tartibi toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Davlat bojхona qoʻmitasi:

Bojхona instituti shaхsiy tarkibini oziq-ovqat bilan ta’minlashni tashkil qilish boʻyicha autsorsing хizmatlari joriy etilishi munosabati bilan oshхona хodimlari shtat birliklarini qayta koʻrib chiqib, qisqartirish va ushbu bilan bogʻliq boshqa хarajatlarni optimallashtirish choralarini koʻrsin;

autsorsing tizimiga oʻtish munosabati bilan tejalgan pul mablagʻlarini, birinchi navbatda, Bojхona instituti shaхsiy tarkibining ovqatlanish shart-sharoitlarini yaхshilashga yoʻnaltirsin;

manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.S. Otajonov va Oʻzbekiston Respublikasi Davlat bojхona qoʻmitasi raisi M.B. Azimov zimmasiga yuklansin.

Oʻzbekiston Respublikasining Bosh vaziri                                         A. Aripov

Qonun hujjatlari ma’lumotlari milliy bazasi (www.lex.uz),

2019 yil 22 yanvar

"Oʻzbekiston Respublikasi qonun hujjatlari toʻplami",

2019 yil 28 yanvar, 4-son, 61-modda