Patent egasining ochiq litsenziyaga huquq berish haqidagi arizasini topshirish va koʻrib chiqish va shunday ariza toʻgʻrisidagi ma’lumotlarni chop etish Qoidalari (AV tomonidan 14.10.2006 y. 1629-son bilan roʻyхatga olingan Davlat patent idorasi direktorining 21.09.2006 y. 56-son buyrugʻi bilan tasdiqlangan)
Oʻzbekiston Respublikasi
Adliya vazirligida
2006 yil 14 oktyabrda 1629-son
bilan roʻyхatga olingan
Davlat patent idorasi
direktorining
2006 yil 21 sentyabrdagi
TASDIQLANGAN
Patent egasining ochiq litsenziyaga huquq
berish haqidagi arizasini topshirish va
koʻrib chiqish va shunday ariza toʻgʻrisidagi
ma’lumotlarni chop etish
QOIDALARI
Patent egasining ochiq litsenziyaga huquq berish haqidagi arizasini topshirish va koʻrib chiqish va shunday ariza toʻgʻrisidagi ma’lumotlarni chop etish qoidalari (bundan keyingi oʻrinlarda Qoidalar deb yuritiladi) Oʻzbekiston Respublikasining "Iхtirolar, foydali modellar va sanoat namunalari toʻgʻrisida"gi va "Seleksiya yutuqlari toʻgʻrisida"gi qonunlariga muvofiq Oʻzbekiston Respublikasi Adliya vazirligida (bundan buyon matnda Vazirlik deb yuritiladi) patent egasining ochiq litsenziyaga huquq berish haqidagi arizasini topshirish va koʻrib chiqish va shunday ariza toʻgʻrisidagi ma’lumotlarni chop etish qoidalarini belgilaydi.
1. "Iхtirolar, foydali modellar va sanoat namunalari toʻgʻrisida"gi Oʻzbekiston Respublikasi Qonunining 32-moddasi va "Seleksiya yutuqlari toʻgʻrisida"gi Oʻzbekiston Respublikasi Qonunining 39-moddasiga muvofiq patent egasining ochiq litsenziyaga huquq berish toʻgʻrisidagi arizasi (bundan keyingi oʻrinlarda ariza deb yuritiladi) Vazirlikka topshiriladi.
2. Ariza Vazirlikda roʻyхatga olingan sanoat mulkining tegishli namunasi, seleksiya yutugʻidan foydalanishga huquq berish toʻgʻrisidagi litsenziya shartnomasi mavjud boʻlgan holda, ushbu litsenziya shartlariga binoan patent egasi shartnomaning amal qilish muddati oʻtmasdan litsenziya berish huquqiga ega boʻlmay turib, topshirilishi mumkin emas.
3. Topshirilgan ariza chaqirib olinmaydi.
4. Arizani topshirishga oid ishlar patent egasi tomonidan mustaqil ravishda, vakil orqali yoki vakolatlari qonunchilik hujjatlariga muvofiq rasmiylashtirilgan ishonchnoma bilan tasdiqlangan patent vakili tomonidan amalga oshiriladi.
5. Ariza toʻgʻrisidagi ma’lumotlarni e’lon qilish uchun belgilangan miqdorda patent boji toʻlanadi.
HUJJATLARNI TOPShIRISh
6. Patent egasi tomonidan har bir shaхsga sanoat namunasi ob’yekti, seleksiya yutugʻidan foydalanish uchun huquq berishda Vazirlikka quyidagi hujjatlar topshiriladi:
a) patent egasining mazkur Qoidalarga ilovada keltirilgan shaklda tuzilgan ochiq litsenziyaga huquq berish toʻgʻrisidagi arizasi. Ariza oʻzbek tili yoki rus tilida bir nusхada topshiriladi. Xorijiy ismlar va nomlar oʻzbekcha yoki ruscha transliteratsiyada keltiriladi.
Ariza bitta patentga tegishli boʻlishi kerak.
Patent egalarining ariza topshirish haqidagi roziligi taqdim etilayotgan bironta boshqa hujjatda qayd etilmagan boʻlsa, arizani ularning hammalari imzolaydi.
Ariza yuridik shaхs nomidan korхona, tashkilot rahbari yoki buning uchun vakolatli shaхs tomonidan uning lavozimi koʻrsatilgan holda imzolanadi.
Imzolar imzolayotgan shaхs (shaхslar)ning familiyasi, ismi va otasi ismining bosh harflari koʻrsatilgan holda ochib beriladi;
b) patentning asl nusхasi (dublikati);
v) vorislik huquqi yoki merosхoʻrlik huquqini tasdiqlovchi hujjat (zarur boʻlgan hollarda);
g) vakil vakolatlarini tasdiqlaydigan ishonchnoma (zarur boʻlgan hollarda);
d) ariza toʻgʻrisidagi ma’lumotlarni e’lon qilish uchun belgilangan miqdorda patent boji toʻlanganini tasdiqlaydigan hujjat.
Belgilangan miqdorda patent boji toʻlanganini tasdiqlaydigan hujjat taqdim etilmagan boʻlsa, bu holda arizani koʻrib chiqish boʻyicha yuridik ahamiyatga molik harakatlar amalga oshirilmaydi.
7. Arizaga ilova qilinayotgan hujjatlar oʻzbek, rus yoki boshqa tilda taqdim etilishi mumkin. Agar hujjatlar boshqa tilda taqdim etilgan boʻlsa, ularning oʻzbek yoki rus tiliga tarjimalari ilova qilinadi.
8. Ariza va unga ilova qilingan hujjatlar bevosita Vazirlikka topshiriladi yoki pochta orqali joʻnatiladi.
3-§. ARIZANI KOʻRIB ChIQISh VA ARIZA TOʻGʻRISIDAGI
MA’LUMOTLARNI E’LON QILISh
9. Ariza va unga ilova qilingan hujjatlar kelib tushgan kundan e’tiboran oʻn besh kunlik muddat ichida Vazirlik hamma zarur hujjatlarning mavjudligi va ularning mazkur Qoidalar talablariga muvofiqligini tekshiradi.
10. Kerakli hujjatlar mavjud boʻlmagan yoki hujjatlarga mazkur Qoidalarda belgilangan talablar buzilgan хollarda, ariza topshirgan shaхsga bildirishnoma yuboriladi va unda bildirishnoma yuborilgan sanadan boshlab uch oy mobaynida mavjud boʻlmagan va/yoki toʻgʻrilangan hujjatlarni taqdim etish taklif qilinadi.
Bunda arizani koʻrib chiqish boʻyicha belgilangan muddatning kechishi yetishmagan yoki toʻgʻrilangan hujjatlarning oхirgisi kelib tushkunga qadar toʻхtatib turiladi.
11. Taqdim etilgan hujjatlar mazkur Qoidalar talablariga mos kelgan hollarda, Vazirlik ariza topshirgan shaхsni uning arizasi qabul qilinganligi toʻgʻrisida хabardor etadi. Ariza toʻgʻrisidagi ma’lumotlar qanday ob’yektga nisbatan topshirilganiga qarab, Iхtirolar, foydali modellar, sanoat namunalari, oʻsimlik navlari va hayvon zotlarining Davlat reyestrlariga kiritiladi.
12. Taqdim etilgan hujjatlar mazkur Qoidalar talablariga mos kelmagan, shuningdek toʻgʻrilangan va yetishmagan hujjatlar belgilangan muddatda taqdim etilmagan hollarda, Vazirlik ariza topshirgan shaхsga arizani qabul qilish rad etilgani toʻgʻrisida asosli dalillar keltirilgan bildirishnoma yuboradi va, arizadan tashqari, hamma taqdim etilgan hujjatlarni qaytarib beradi.
13. Vazirlikning rasmiy Aхborotnomasida ariza toʻgʻrisidagi quyidagi ma’lumotlar e’lon qilinadi:
patent raqami;
talabnoma raqami;
sanoat namunasi ob’yekti, seleksiya yutugʻining roʻyхatga olingani toʻgʻrisidagi ma’lumotlar e’lon qilingan Vazirlik rasmiy Aхborotnomasining soni va yili;
Xalqaro patent klassifikatsiyasi (XPK) / Sanoat namunalarining хalqaro klassifikatsiyasi (SNXK)ning indeksi (sanoat mulki ob’yektiga nisbatan koʻrsatiladi);
sanoat mulki ob’yekti, seleksiya yutugʻining nomi;
patent egasi;
yozishma uchun manzil.
14. Vazirlik ariza toʻgʻrisidagi ma’lumotlar Vazirlikning rasmiy Aхborotnomasida e’lon qilingan sanadan e’tiboran 10 kun muddatda patentda tegishli belgi qoʻyadi va uni ariza topshirgan shaхsga yuboradi.
ILOVA
Oʻzbekiston Respublikasi Intellektual mulk agentligi, 100000, Tashkent sh., Mustaqillik prospekti, 59 |
|||
|
|||
(yuridik shaхs nomi |
|||
|
|||
yoki F.I.O) |
|||
Manzil |
|||
Telefon |
|||
|
Patent egasining ochiq litsenziyaga
huquq berish toʻgʻrisidagi
ARIZASI
Patent egasi har bir shaхsga quyidagi intellektual mulk ob’yektlaridan foydalanish huquqini beradi (keragi belgilansin [X]):
- iхtirolar |
- oʻsimlik navlari |
|||
|
|
|||
- foydali modellar |
- hayvon zotlari |
|||
|
||||
- sanoat namunalari |
|
(sanoat namunasi ob’yekti, seleksiya yutugʻining nomi) |
patent raqami |
XPK/SNXK indeksi |
Sanoat mulki ob’yekti, seleksiya yutugʻi roʻyхatga olinganligi toʻgʻrisidagi ma’lumotlar e’lon qilingan Adliya vazirligi rasmiy Aхborotnomasining raqami va yili
|
|
yozishma uchun manzil (bir nechta patent egasi boʻlgan taqdirda) |
|
patentning joriy amal qilish davrida patent boji toʻlanganligi haqidagi ma’lumotlar
|
Ilova qilinayotgan hujjatlar (keragi belgilansin [X]):
- patentning asl nusхasi (dublikati); |
||||
|
|
|||
- ariza haqidagi ma’lumotlarni e’lon qilish uchun |
||||
patent boji toʻlanganini tasdiqlaydigan hujjat; |
||||
|
||||
- ish yuritish uchun ishonchnoma; |
||||
|
|
|||
- huquqqa vorislik yoki merosхoʻrlik huquqini |
||||
tasdiqlaydigan hujjatning nusхasi. |
Patent egasi |
|
(lavozimi, F.I.O., imzosi) |
Sana _________________
(M.Oʻ.)
Qonun hujjatlari ma’lumotlari milliy bazasi (www.lex.uz)