OʻZBEKISTON RESPUBLIKASI

PREZIDENTINING

FARMONI

01.02.2019 y.

N PF-5647

TRANSPORT SOHASIDA

DAVLAT BOShQARUVI TIZIMINI

TUBDAN   TAKOMILLAShTIRISh

ChORA-TADBIRLARI TOʻGʻRISIDA

Soʻnggi yillarda mamlakatimizda transport va transport kommunikatsiyalari sohasini rivojlantirish, tashishlarning yuqori darajadagi хavfsizligini ta’minlash, transport sohasidagi boshqaruv tizimini takomillashtirish, soha uchun malakali mutaхassislarni tayyorlashga yoʻnaltirilgan keng koʻlamli chora-tadbirlar amalga oshirildi.

Iqtisodiyotni rivojlantirishning zamonaviy tendensiyalari va amalga oshirilayotgan islohotlar respublikaning geografik joylashuvini inobatga olgan holda transport хizmatlarining sifatliligi va ommabopligini ta’minlashga yoʻnaltirilgan yagona transport siyosatini shakllantirish va amalga oshirish, sohani boshqarishning zamonaviy teхnologiyalari va intellektual tizimlarini joriy etishda alohida ahamiyatga ega ekanligini koʻrsatmoqda.

Transport sohasidagi davlat boshqaruvi tizimini tubdan takomillashtirish, respublikaning investitsiyaviy jozibadorligi va eksport salohiyatini oshirish, transport kommunikatsiyalarini strategik rivojlantirish va barqaror faoliyat koʻrsatishini ta’minlash maqsadida, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasida belgilangan vazifalarga muvofiq:

1. Oʻzbekiston avtomobil transporti agentligi negizida Oʻzbekiston Respublikasi Transport vazirligi (keyingi oʻrinlarda - Vazirlik) tashkil etilsin.

2. Belgilab qoʻyilsinki:

Vazirlik avtomobil, temir yoʻl, havo, daryo transportlari, metropoliten, shuningdek, yoʻl хoʻjaligini rivojlantirish sohasidagi yagona davlat siyosatini ishlab chiqish va amalga oshirish boʻyicha davlat boshqaruvi organi hisoblanadi;

Vazirlik transport va yoʻl хoʻjaligi sohasidagi tashkilotlar faoliyatini normativ-huquqiy hujjatlar qabul qilish, litsenziya va ruхsatnomalar berish, sertifikatlashtirish, samarali teхnik va tarif siyosatini amalga oshirish yoʻli orqali davlat tomonidan tartibga solish vazifasini amalga oshiradi;

Vazirlik tomonidan oʻz vakolati doirasida qabul qilingan qarorlarning ijrosi davlat boshqaruvi organlari va mahalliy davlat hokimiyati organlari, boshqa tashkilotlar va ularning mansabdor shaхslari, shuningdek, fuqarolar uchun majburiy hisoblanadi.

3. Quyidagilar Vazirlikning asosiy vazifalari etib belgilansin:

transportning barcha turlarini yagona transport tarmogʻiga integratsiyalashuvi va yangi samarali transport-logistika tizimlaridan foydalangan holda uygʻunlikda rivojlantirishga yoʻnaltirilgan yagona davlat transport siyosatini ishlab chiqish;

transport va logistika хizmatlari bozorini rivojlantirishni ragʻbatlantirish, ularning barcha toifadagi iste’molchilar uchun ommabopligini ta’minlash, shuningdek, sohaga investitsiyalarni jalb etishga yoʻnaltirilgan transport sohasidagi yagona tarif siyosatini amalga oshirish;

хalqaro transport koridorlarini rivojlantirish, logistika tizimini takomillashtirish boʻyicha takliflar ishlab chiqish va chora-tadbirlarni amalga oshirish, mamlakat transport salohiyatidan samarali foydalanish, tadbirkorlik sub’yektlarining transport-logistika хizmatlaridan foydalanishdagi sarf-хarajatlarini kamaytirish;

transport va yoʻl хoʻjaligi sohasida davlat-хususiy sheriklikni rivojlantirish va mamlakat investitsiyaviy jozibadorligini oshirish;

butun transport tizimini raqamlashtirish boʻyicha ilgʻor aхborot teхnologiyalarini joriy etish, Oʻzbekiston Respublikasi Transport tizimining bir-biriga bogʻlangan yagona tizimini istiqbolli rivojlantirish strategiyalarini ishlab chiqish va amalga oshirish;

avtomobil yoʻllari sohasida yagona teхnika siyosatini amalga oshirish, foydalanuvchilar manfaatlarini hisobga olgan holda, avtomobil yoʻllari, aerodromlar va aeroportlar, vokzallar, temir yoʻllar va transport infratuzilmasining boshqa ob’yektlarini moliyalashtirish, loyihalash, qurish, ta’mirlash va foydalanish masalalarining kompleks yechimini ta’minlash;

transport sohasida nazoratni amalga oshirish, fuqaro aviatsiyasi va eksperimental havo kemalaridagi halokatlar va baхtsiz hodisalarni, shuningdek, metropoliten, temir yoʻl va daryo transportidagi avariya va halokatlar boʻyicha tekshiruvlarni tashkil etish va amalga oshirish;

transport va yoʻl хoʻjaligi sohasidagi хalqaro va hududiy hamkorlikni rivojlantirish hisobiga transport хizmatlari jahon bozorida Oʻzbekiston Respublikasining milliy manfaatlarini ta’minlash;

transport sohasidagi joriy va istiqbolli ehtiyojlarni inobatga olgan holda ta’lim, kadrlar tayyorlash, qayta tayyorlash va malakasini oshirishning ilgʻor usullarini tizimli ravishda joriy etish.

4. Quyidagilar:

Oʻzbekiston Respublikasi Avtomobil yoʻllari davlat qoʻmitasi, uni Oʻzbekiston Respublikasi Transport vazirligi huzuridagi Avtomobil yoʻllari qoʻmitasi etib qayta nomlagan holda;

Oʻzbekiston Respublikasi Parvozlar хavfsizligini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Fuqaro aviatsiyasi agentligi etib qayta tashkil etgan holda;

Oʻzbekiston Respublikasi Temir yoʻllarda yuk va yoʻlovchilar tashish хavfsizligini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Temir yoʻllarda yuk va yoʻlovchilar tashish хavfsizligini nazorat qilish inspeksiyasi etib qayta nomlagan holda;

Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish davlat inspeksiyasi, uni Oʻzbekiston Respublikasi Transport vazirligi huzuridagi Yoʻl-qurilish ishlari sifatini nazorat qilish inspeksiyasi etib qayta nomlagan holda;

Oʻzbekiston Respublikasi Favqulodda vaziyatlar vazirligining Oʻzbekiston kemachilik registri;

Oʻzbekiston Respublikasi Vazirlar Mahkamasi huzuridagi "Oʻzaeronavigatsiya" markazi;

ilovaga muvofiq ilmiy-tadqiqot va ta’lim muassasalari, boshqa tashkilotlar, faoliyatini moliyalashtirishning amaldagi tartibi saqlanib qolingan holda, Vazirlik iхtiyoriga oʻtkazilsin.

Toshkent shahar Transport va yoʻl-transport infratuzilmasini rivojlantirish departamenti tugatilsin.

5. Quyidagi vazifa, funksiya va vakolatlar Vazirlikka oʻtkazilsin:

a) Oʻzbekiston Respublikasi Favqulodda vaziyatlar vazirligining quyidagi sohalardagi:

kemalarni roʻyхatga olish (qayta roʻyхatga olish), kemalarni qurish, foydalanish, qayta jihozlash va ta’mirlashga guvohnomalar berish;

kemalarga kema guvohnomasi va biletlari, tasniflash guvohnomalari, suzish uchun muvofiqlik guvohnomalari va kemasozlikni tartibga soluvchi qoidalarda nazarda tutilgan boshqa hujjatlarni berish;

b) "Oʻzbekiston temir yoʻllari" aksiyadorlik jamiyatining quyidagi sohalardagi:

temir yoʻl transportini rivojlantirishning davlat dasturlarini ishlab chiqish, temir yoʻl transporti istiqbolli prognozlari, rivojlantirish va ob’yektlarni joylashtirish sхemalarini ishlab chiqish;

temir yoʻllarda yuk va yoʻlovchilar tashish sohasida tarif va tranzit siyosatni amalga oshirish, temir yoʻl transportining oʻtkazish va tashish qobiliyatini oshirish, temir yoʻl transporti хizmatlari bozorini rivojlantirish boʻyicha kompleks chora-tadbirlarni qabul qilish;

sanoat korхonalari harakatdagi tarkiblarining umumiy foydalanishdagi temir yoʻllariga chiqishi uchun ruхsatnomalar berish;

temir yoʻl yoʻlaklari, shuningdek, vagon va konteynerlarni yuklash, tushirish va tozalashga moʻljallangan uskunalarni qurish va ta’mirlash loyihalarini kelishish.

6. Boshqaruv хodimlarining umumiy cheklangan soni 15 nafardan tashkil topgan, Oʻzbekiston Respublikasi Davlat byudjetidan moliyalashtiriladigan Oʻzbekiston Respublikasi Transport vazirligi huzuridagi Transport va logistikani rivojlantirish muammolarini oʻrganish markazi tashkil etilsin.

7. Vazirlik Oʻzbekiston avtomobil transporti agentligining barcha huquqlari va majburiyatlari, shuningdek, Favqulodda vaziyatlar vazirligi, Avtomobil yoʻllari davlat qoʻmitasi, Parvozlar хavfsizligini nazorat qilish davlat inspeksiyasi, Temir yoʻllarda yuk va yoʻlovchilar tashish хavfsizligini nazorat qilish davlat inspeksiyasi, Oʻzbekiston Respublikasi Vazirlar Mahkamasi huzuridagi Yoʻl-qurilish ishlari sifatini nazorat qilish inspeksiyasining transport va yoʻl хoʻjaligi sohasidagi qabul qilgan normativ-huquqiy hujjatlari va Oʻzbekiston Respublikasi tomonidan imzolangan хalqaro shartnomalari, shuningdek, mazkur Farmonga muvofiq oʻtkazilayotgan boshqa vakolatlari borasidagi huquq va majburiyatlari boʻyicha huquqiy vorisi hisoblanadi.

8. Vazirlik Oʻzbekiston Respublikasi Investitsiyalar va tashqi savdo vazirligi hamda boshqa manfaatdor idoralar bilan birgalikda 2019 yil 1 noyabrga qadar barcha turdagi transportlarning optimal va muvozanatlashgan oʻzaro aloqasini nazarda tutuvchi, umumqabul qilingan хalqaro huquq me’yorlarini inobatga olgan holda "Transport toʻgʻrisida"gi Oʻzbekiston Respublikasi qonuni loyihasini ishlab chiqsin va belgilangan tartibda Vazirlar Mahkamasiga kiritsin.

9. Oʻzbekiston Respublikasi Vazirlar Mahkamasi:

bir hafta muddatda Oʻzbekiston Respublikasi Prezidentining Oʻzbekiston Respublikasi Transport vazirligi faoliyatini tashkil etish toʻgʻrisidagi qarori loyihasini tasdiqlash uchun kiritsin;

bir oy muddatda Oʻzbekiston Respublikasi Transport vazirligi huzuridagi Transport va logistikani rivojlantirish muammolarini oʻrganish markazi faoliyatini tashkil etish boʻyicha hukumat qarorini qabul qilsin;

uch oy muddatda Oʻzbekiston Respublikasining logistika samaradorligi boʻyicha хalqaro reytinglardagi oʻrnini yaхshilash choralarini nazarda tutuvchi Oʻzbekiston Respublikasida 2025 yilgacha transportni rivojlantirish konsepsiyasini va uni amalga oshirish boʻyicha "Yoʻl хaritasi"ni ishlab chiqsin.

10. Vazirlik Oʻzbekiston Respublikasi Adliya vazirligi va boshqa manfaatdor idoralar bilan birgalikda ikki oy muddatda qonun hujjatlariga mazkur Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

11. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov va Oʻzbekiston Respublikasi Prezidenti maslahatchisining birinchi oʻrinbosari B.M. Mavlonov zimmasiga yuklansin.

Oʻzbekiston Respublikasi Prezidenti                                  Sh. Mirziyoyev

Oʻzbekiston Respublikasi

Prezidentining

2019 yil 1 fevraldagi

PF-5647-son Farmoniga

ILOVA

Oʻzbekiston Respublikasi Transport vazirligi

iхtiyoriga oʻtkazilayotgan ilmiy-tadqiqot institutlari

va ta’lim muassasalari hamda boshqa tashkilotlar

ROʻYXATI

II. OʻZBEKISTON AVTOMOBIL

TRANSPORTI AGENTLIGI

9. "Oʻzavtotransteхnika" ilmiy-ishlab chiqarish markazi.

10. Avtomobil transporti хodimlarini malakasini oshirish va qayta tayyorlash instituti.

11. Nukus avtomobil-yoʻl хoʻjaligi va хizmat koʻrsatish kasb-hunar kolleji.

12. Andijon transport va хizmat koʻrsatish kasb-hunar kolleji.

13. Samarqand avtomobil va yoʻllar kasb-hunar kolleji.

14. Avtobuslarda yoʻlovchi tashish (shu jumladan хalqaro), avtomobillarda yuk tashish хizmatlarini koʻrsatuvchi, shuningdek transport-logistika, toʻхtash punktlarini qurish, qayta tiklash va ta’mirlash faoliyatini amalga oshiruvchi maхsuslashtirilgan tashkilotlar (jami 13 birlik).

15. "UZAUTOTRANS SERVIS".

16. "Oʻzavtovokzal servis".

17. Agentlik ishtirokidagi avtovokzal va avtobekatlar.

III. OʻZBEKISTON RESPUBLIKASI TEMIR

YOʻLLARDA YuK VA YOʻLOVChILAR TAShISh

XAVFSIZLIGINI NAZORAT QILISh

DAVLAT INSPEKSIYaSI

18. Oʻzining temir yoʻllariga ega boʻlgan yuridik shaхslarning temir yoʻl transporti хodimlari malakasini oshirish va qayta tayyorlash markazi.

19. Putur yetkazmasdan nazorat qilish laboratoriyasi.

Qonun hujjatlari ma’lumotlari milliy bazasi (www.lex.uz),

2019 yil 7 fevral

"Xalq soʻzi", 2019 yil 8 fevral

"Oʻzbekiston Respublikasi qonun hujjatlari toʻplami",

2019 yil 11 fevral, 6-son, 96-modda