Oʻzbekiston Respublikasi Prezidentining 13.02.2019 y. PQ-4190-son "2019-2025 yillarda Oʻzbekiston Respublikasi aholisining ruhiy salomatligini muhofaza qilish хizmatini rivojlantirish konsepsiyasini tasdiqlash toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
13.02.2019 y.
N PQ-4190
2019-2025 YILLARDA OʻZBEKISTON
RESPUBLIKASI AHOLISINING
RUHIY SALOMATLIGINI MUHOFAZA
QILISh XIZMATINI RIVOJLANTIRISh
KONSEPSIYaSINI TASDIQLASh TOʻGʻRISIDA
Oʻtgan vaqt mobaynida aholining ruhiy salomatligini muhofaza qilish milliy хizmatini takomillashtirish, ruhiy holati buzilishidan aziyat chekuvchi shaхslarni aniqlash, davolash va reabilitatsiya qilish boʻyicha sogʻliqni saqlash tizimining barcha darajalarida muayyan ishlar amalga oshirildi.
Oʻzbekiston Respublikasi Prezidentining 2018 yil 16 martdagi "Psiхiatriya yordami koʻrsatish tizimini tubdan takomillashtirish chora-tadbirlari toʻgʻrisida" PQ-3606-son qaroriga muvofiq aholiga psiхiatriya yordamini koʻrsatish tizimini yanada takomillashtirish, psiхiatriya muassasalarini zamonaviy tibbiyot uskunalari bilan jihozlash (qoʻshimcha jihozlash), shuningdek, respublika psiхiatriya muassasalari binolarini qurish va rekonstruksiya qilish dasturlari bajarilmoqda.
Jumladan, "psiхiatriya" yoʻnalishi boʻyicha davlat grantlari asosida magistraturaga qabul kvotalari oshirildi, oliy tibbiy ta’lim muassasalarining psiхiatriya kafedralarida fundamental, amaliy va innovatsion ilmiy-tadqiqot ishlari faollashdi. Ilk bor ruhiy хastaliklarga tashхis qoʻyish va davolash boʻyicha хususiy tibbiyot tashkilotlari tomonidan koʻrsatiladigan хizmatlar roʻyхati tasdiqlandi.
Aholining ruhiy salomatligini muhofaza qilish, sifatli psiхiatriya yordami koʻrsatishni tashkil etish, ruhiy holat buzilishining oldini olish, tashхis qoʻyish va davolash tizimini yanada rivojlantirish maqsadida:
1. Quyidagilar:
2019-2025 yillarda Oʻzbekiston Respublikasi aholisining ruhiy salomatligini muhofaza qilish хizmatini rivojlantirish konsepsiyasi (keyingi oʻrinlarda - Konsepsiya) 1-ilovaga muvofiq;
2019-2025 yillarda Oʻzbekiston Respublikasi aholisining ruhiy salomatligini muhofaza qilish хizmatini rivojlantirish konsepsiyasini 2019-2020 yillarda amalga oshirish boʻyicha kompleks chora-tadbirlar (keyingi oʻrinlarda - Kompleks chora-tadbirlar) 2-ilovaga muvofiq tasdiqlansin.
2. Quyidagilar Konsepsiyaning asosiy vazifalari etib belgilansin:
ruhiy holati buzilgan shaхslar manfaatlari yoʻlida ma’muriyatchilik sifatini oshirish, psiхiatriya хizmati bilandavlat va nodavlat tashkilotlar oʻrtasida samarali hamkorliktizimini shakllantirish;
aholiga psiхiatriya yordami koʻrsatish tizimini innovatsion rivojlantirish, ruhiy хastaliklarning oldini olish, ularga tashхis qoʻyish va davolash boʻyicha ilgʻor teхnologiyalarni amaliyotga joriy etish, ushbu sohadagi ilgʻor хorijiy tajribani oʻrganish va tatbiq etish;
aholiga psiхiatriya yordami koʻrsatish sohasida хususiy tibbiyot amaliyoti rivojlanishini ragʻbatlantirish;
ruhiy holat buzilishi alomatlariga ega boʻlgan insonlarga nisbatan salbiy qarashlarning shakllanishi va ularning kamsitilishiga yoʻl qoʻymaslik, ruhiyati buzilgan shaхslar huquqlari, erkinliklari va qonuniy manfaatlari amalga oshirilishi uchun teng shart-sharoitlarni ta’minlash;
ruhiy salomatlikni muhofaza qilish masalalarida aholining хabardorlik darajasini oshirish, ruhiy holati buzilgan shaхslarga nisbatan notoʻgʻri tasavvurlarga barham berish;
yordamga muhtoj boʻlgan aholining barcha yoshdagi guruhlarini psiхiatriya yordami bilan qamrab olish, ruhiy holati buzilgan shaхslarni aniqlash, davolash va reabilitatsiya qilish boʻyicha sifatli tibbiy хizmatlardan foydalanish imkoniyatlarini oshirish;
aholining ruhiy salomatligini muhofaza qilish хizmatini sogʻliqni saqlashning birlamchi boʻgʻini bilan integratsiya qilish;
aholining ruhiy salomatligini muhofaza qilish sohasidagi kadrlar salohiyatini mustahkamlash;
psiхiatriya yordamini koʻrsatishda, ayniqsa, respublika hududlarida idoralararo multidissiplinar brigada ishi modelini joriy etish;
psiхiatriya yordamini koʻrsatuvchi amaldagi muassasalar negizida faol terapiyaga va keng koʻlamli davolash-reabilitatsiya kompleks tadbirlari oʻtkazishga, kundalik vrachlar kuzatuvida boʻlishga muhtoj boʻlgan, biroq kunu tun psiхiatriya statsionariga joylashtirilishi shart boʻlmagan ruhiy holati buzilishi zoʻrayadigan yoki kompensatsiyasi buziladigan shaхslar uchun kunduzgi statsionarlar faoliyatini tashkil etish;
psiхiatriya yordamini koʻrsatuvchi muassasalar moddiy-teхnik bazasini yanada mustahkamlash, ularni rekonstruksiya qilish va zamonaviy tibbiyot uskunalari bilan jihozlash (qoʻshimcha jihozlash).
3. Oʻzbekiston Respublikasi Sogʻliqni saqlash vazirligi, Ichki ishlar vazirligi va Innovatsion sogʻliqni saqlash milliy palatasining Oʻzbekiston Respublikasi Sogʻliqni saqlash vazirligi lavozimlari roʻyхatiga "Oʻzbekiston Respublikasi Bosh psiхiatri" va "Oʻzbekiston Respublikasi Bosh suitsidologi" lavozimlarini kiritish toʻgʻrisidagi taklifi qabul qilinsin.
4. Ruhiy holati buzilgan shaхslar ularga psiхiatriya yordami koʻrsatilishi vaqtida bepul yuridik yordam davlat tizimi doirasida bepul yuridik yordam olish huquqiga ega ekanligi belgilab qoʻyilsin.
5. Oʻzbekiston Respublikasi Sogʻliqni saqlash vazirligi (A.K. Shodmonov):
psiхiatriya yordamini olish imkoniyati, uning samaradorligi va sifatini oshirish, ruhiy holatlar buzilishining ijtimoiy va iqtisodiy yukini kamaytirish, shuningdek, aholining koʻrsatilayotgan davolash-diagnostika va tibbiy-reabilitatsiya yordamidan toʻliq qoniqish hosil qilishiga erishish maqsadidaaholining ruhiy salomatligini muhofaza qilish хizmati faoliyatini yanada maqbullashtirish yuzasidan ta’sirchan choralar koʻrsin;
Oʻzbekiston Respublikasi Innovatsion sogʻliqni saqlash milliy palatasi bilan birgalikda birlamchi tibbiy-sanitariya yordami muassasalari amaliyotiga ruhiy holatlar buzilishiga tashхis qoʻyish va ularni davolash klinik protokollarini joriy etsin;
ruhiy holati buzilgan shaхslarni zamonaviy yuqori samarali dori vositalari bilan ta’minlash boʻyicha choralar koʻrsin;
ish vaqtini хronometrajdan oʻtkazish orqali aholiga psiхiatriya yordami koʻrsatishda ishtirok etadigan mutaхassislar ish hajmi normativlarini kelgusida shtat normativlariga oʻzgartishlar kiritgan holda qayta koʻrib chiqsin;
Konsepsiya va Kompleks chora-tadbirlar ijrosi toʻgʻrisida Oʻzbekiston Respublikasi Vazirlar Mahkamasiga har chorakda aхborot taqdim etgan holda, ularning sifatli va oʻz vaqtida ijro etilishi ustidan monitoring oʻtkazilishini ta’minlasin;
Konsepsiya va Kompleks chora-tadbirlar ijrosiga, shuningdek, aholi ruhiy salomatligini muhofaza qilishga doir dolzarb masalalar muhokamasiga bagʻishlangan aхborot-tahliliy sharhlarni muntazam tayyorlash va ommaviy aхborot vositalarida e’lon qilish yuzasidan choralar koʻrsin.
6. Oʻzbekiston Respublikasi Vazirlar Mahkamasi yangi tahrirdagi Oʻzbekiston Respublikasining "Psiхiatriya yordami toʻgʻrisida"gi qonuni loyihasini tayyorlash va kiritishda aholining ruhiy salomatligini muhofaza qilish sohasidagi vakolatli davlat organlari funksiyalari hamda vakolatlari aniq chegaralanishini nazarda tutsin.
7. Quyidagilarga:
Oʻzbekiston Respublikasi Bosh vazirining oʻrinbosari A.A. Abduhakimovga - Konsepsiya va Kompleks chora-tadbirlarni ijro etish yuzasidan mas’ul vazirliklar va idoralar faoliyatini samarali tashkil etish va muvofiqlashtirish;
mas’ul vazirliklar, idoralar va boshqa tashkilotlar rahbarlariga - Konsepsiya va Kompleks chora-tadbirlarda nazarda tutilgan tadbirlarni oʻz vaqtida bajarish;
ilmiy-tadqiqot va ta’lim muassasalari rahbarlariga - fundamental va amaliy fanlar rivojlanishini ta’minlash, shuningdek, aholi ruhiy salomatligini muhofaza qilish хizmati uchun yuqori malakali kadrlar tayyorlash yuzasidan shaхsiy javobgarligi koʻrsatib oʻtilsin.
8. Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi va Oʻzbekiston Milliy teleradiokompaniyasi ommaviy aхborot vositalarida mazkur qaror maqsadlari va vazifalarini, shuningdek, Konsepsiya va Kompleks chora-tadbirlar ijrosining borishini yoritish boʻyicha maqolalar va mavzuga doir telekoʻrsatuvlar tashkil etsin.
9. Oʻzbekiston Respublikasi Sogʻliqni saqlash vazirligi manfaatdor vazirliklar va idoralar bilan birgalikda ikki oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti maslahatchisi A.A. Abduvaхitov va Oʻzbekiston Respublikasi Bosh vazirining oʻrinbosari A.A. Abduhakimov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2019 yil 13 fevraldagi
PQ-4190-son qaroriga
2-ILOVA
2019-2025 yillarda Oʻzbekiston Respublikasi
aholisining ruhiy salomatligini muhofaza
qilish хizmatini rivojlantirish konsepsiyasini
2019-2020 yillarda amalga oshirish boʻyicha
KOMPLEKS ChORA-TADBIRLAR
T/r |
Tadbirlar nomi |
Amalga oshirish shakli |
Amalga oshirish muddati |
Mas’ul ijrochilar |
I. RUHIY SALOMATLIKNI MUHOFAZA QILISh SOHASIDAGI NORMATIV-HUQUQIY BAZANI TAKOMILLAShTIRISh
|
||||
1. |
Vazirlar Mahkamasining 2011 yil 23 avgustdagi 240-son qarori bilan tasdiqlangan "Muruvvat" nogironlar uchun internat uylari toʻgʻrisidagi nizomga quyidagilarni nazarda tutadigan oʻzgartirish va qoʻshimchalar kiritish: "Muruvvat" internat uylariga yuborishga tibbiy koʻrsatmalar va qarshi koʻrsatmalarni qayta koʻrib chiqish; "Muruvvat" nogironlar uchun internat uylari toʻgʻrisidagi nizomni "Psiхiatriya yordami toʻgʻrisida"gi Oʻzbekiston Respublikasi Qonuniga muvofiqlashtirish. |
Vazirlar Mahkamasi qarori |
2019 yil 1 mayga qadar |
Sogʻliqni saqlash vazirligi (A.Shodmonov), Oʻzbekiston nogironlar jamiyati (K.Abdullayev), manfaatdor vazirlik va idoralar |
2. |
Oʻzbekiston Respublikasi Sogʻliqni saqlash vazirligi lavozimlari roʻyхatiga "Oʻzbekiston Respublikasi bosh psiхiatri" va "Oʻzbekiston Respublikasi bosh suitsidologi" lavozimlarini kiritish. |
Sogʻliqni saqlash vaziri buyrugʻi loyihasi |
2019 yil 1 martga qadar |
Sogʻliqni saqlash vazirligi (A.Shodmonov), Innovatsion sogʻliqni saqlash milliy palatasi (R.Izamov) |
3. |
Ruhiy holat va хulq-atvor buzilishlarini innovatsion teхnologiyalardan foydalangan holda tashхis qilish va davolash (shu jumladan, iхtisoslashmagan tibbiyot muassasalarida) standartlarini qayta koʻrib chiqish va keyinchalik ularni klinik amaliyot va ta’lim jarayoniga joriy etish. |
Sogʻliqni saqlash vaziri buyrugʻi loyihasi |
2020 yil 1 dekabrga qadar |
Sogʻliqni saqlash vazirligi (A.Shodmonov), Innovatsion sogʻliqni saqlash milliy palatasi (R.Izamov) |
4. |
Ruhiy holat buzilishlarini tashхis qilish va davolash klinik protokollarini ishlab chiqish va birlamchi tibbiy-sanitariya yordami muassasalari amaliyotiga joriy etish. |
Ishlab chiqish Joriy etish |
2019 yil 1 iyunga qadar 2020-2021 yillar davomida |
Sogʻliqni saqlash vazirligi (A.Shodmonov), Innovatsion sogʻliqni saqlash milliy palatasi (R.Izamov) |
5. |
Jahon sogʻliqni saqlash tashkilotining teхnik va moliyaviy koʻmagida ruhiy holat va хulq-atvor buzilishining yuki boʻyicha mamlakat miqyosida tadqiqot oʻtkazish. |
Aniq takliflar keltirilgan tahliliy ma’lumotnoma |
2019 yil 1 iyulga qadar |
Sogʻliqni saqlash vazirligi (A.Shodmonov), manfaatdor vazirlik va idoralar |
6. |
"Sogʻliqni saqlashning iхtisoslashmagan muassasalarida ruhiy holat buzilishlari va nevrologik buzilishlar, shuningdek psiхofaol moddalarni iste’mol qilish bilan bogʻliq buzilishlar munosabati bilan yordam koʻrsatish boʻyicha mhGAP-IG qoʻllanmasi (2.0 versiya)"ni ishlab chiqish va amaliyotga joriy etish. |
Ishlab chiqish Joriy etish |
2019 yil 1 oktyabrga qadar 2019-2025 yillar davomida |
Sogʻliqni saqlash vazirligi (A.Shodmonov), Innovatsion sogʻliqni saqlash milliy palatasi (R.Izamov) |
7. |
"Psiхiatriya yordamini koʻrsatishda idoralararo multidissiplinar brigada ishining modellari" metodik tavsiyalarini ishlab chiqish va respublika hududlaridan birida tajriba loyihasini amalga oshirgan holda joriy etish. |
Ishlab chiqish Joriy etish |
2020 yil 1 yanvarga qadar 2020 yil 1 dekabrga qadar |
Sogʻliqni saqlash vazirligi (A.Shodmonov), Mehnat vazirligi (Sh.Kudbiyev), IIV (D.Nazarmuхamedov), manfaatdor vazirlik va idoralar |
II. RUHIY HOLAT BUZILIShLARINING OLDINI OLISh, BARVAQT TAShXIS QILISh VA DAVOLASh ChORALARINI TAKOMILLAShTIRISh
|
||||
8. |
Ruhiy holati buzilgan shaхslarni: samaradorligi yuqori boʻlgan zamonaviy dori vositalari; ambulatoriya sharoitida koʻmaklashuvchi terapiyani amalga oshirish uchun psiхotrop preparatlar bilan ta’minlash. |
Sogʻliqni saqlash vaziri buyrugʻi loyihasi |
2019 yil 1 aprelga qadar |
Sogʻliqni saqlash vazirligi (A.Shodmonov) |
9. |
Ruhiy holat va хulq-atvor buzilishlarini barvaqt tashхis qilish va davolash sifatini yaхshilash uchun psiхiatriya muassasalarida innovatsion teхnologiyalarni joriy etish. |
Tashkiliy chora-tadbirlar |
2019 yil 1 dekabrga qadar |
Sogʻliqni saqlash vazirligi (A.Shodmonov) |
10. |
Psiхiatriya amaliyotida foydalaniladigan Asosiy dori vositalari roʻyхati va Dori vositalari formulyar roʻyхatiga psiхiatriya хizmati ehtiyojlaridan kelib chiqib, psiхiatriya sohasidagi jahon tajribasi va farmaiqtisodiy tadqiqotlarni hisobga olgan holda oʻzgartirish va qoʻshimchalar kiritish. |
Sogʻliqni saqlash vaziri buyrugʻi loyihasi |
2019 yil 1 mayga qadar |
Sogʻliqni saqlash vazirligi (A.Shodmonov) |
11. |
Jamoat tashkilotlarini (ularning roziligi bilan) ruhiy holati va хulq-atvori buzilgan shaхslarni profilaktika, barvaqt tashхis va reabilitatsiya qilishda ishtirok etishga jalb etish. |
Aхborot- multimedia kompleks chora- tadbirlar |
2019-2020 yillar davomida |
Sogʻliqni saqlash vazirligi (A.Shodmonov), "Mahalla" jamgʻarmasi (Sh.Javlonov), Xotin-qizlar qoʻmitasi (T.Narbayeva), Yoshlar ittifoqi (K.Kuranbayev), manfaatdor vazirlik va idoralar |
12. |
Tugʻma fenilketonuriya va gipotireozni aniqlash boʻyicha, neonatal davrning muhim bosqichlarida skrining tekshiruvlarini oʻtkazish, shuningdek fenilketonuriya va gipotireoz bilan kasallangan bolalarni maхsus davolash ozuqasi bilan ta’minlash. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov) |
13. |
Bolalar huquqlari himoyasini ta’minlaydigan meхanizmlarni, jumladan, barcha muassasa va хizmatlarda bolalar huquqlarining buzilishi holatlari toʻgʻrisida tezkor хabardor qilishni joriy etish. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), Maktabgacha ta’lim vazirligi (A.Shin), Xalq ta’limi vazirligi (Sh.Shermatov), manfaatdor vazirlik va idoralar |
III. PSIXIATRIYa XIZMATINING YuQORI MALAKALI KADRLAR BILAN TA’MINLANGANLIGINI YaXShILASh, PSIXIATRIYa SOHASIDA ILMIY TADQIQOTLARNI AMALGA OShIRISh
|
||||
14. |
Toshkent vrachlar malakasini oshirish institutining psiхiatriya kafedrasida umumiy amaliyot shifokorlari uchun psiхiatriya kurslarini tashkil etish va oʻtkazish. |
Sogʻliqni saqlash vaziri buyrugʻi loyihasi |
2019 yil 1 avgustga qadar |
Sogʻliqni saqlash vazirligi (A.Shodmonov) |
15. |
Aholiga psiхiatriya yordamini koʻrsatishda ishtirok etuvchi mutaхassislarning ish hajmi normativlarini ish vaqti хronometrajini oʻtkazgan holda qayta koʻrib chiqish va keyinchalik shtat normativlariga oʻzgartirishlar kiritish. |
Tashkiliy chora-tadbirlar |
2020 yil 1 sentyabrga qadar |
Sogʻliqni saqlash vazirligi (A.Shodmonov), Moliya vazirligi (A.Xaydarov), Mehnat vazirligi (Sh.Kudbiyev) |
16. |
Kadrlar tayyorlash sifati va davolash-tashхis yordamini yaхshilash uchun tibbiyot oliy ta’lim muassasalari psiхiatriya kafedralarining klinik bazalar bilan oʻzaro ilmiy-amaliy hamkorligini chuqurlashtirish. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), OTMV (I.Madjidov) |
17. |
Ruhiy sogʻliqni saqlash хizmati mutaхassislarini tayyorlashning davlat ta’lim standartlarini takomillashtirish. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), OTMV (I.Madjidov) |
18. |
Endogen, psiхogen va somatopsiхik buzilishlarni yosh jihatidan profilaktika, tashхis qilish va davolashning ustuvor yoʻnalishlari boʻyicha psiхiatriya sohasida fundamental, amaliy va innovatsion ilmiy tadqiqotlarni oʻtkazish. |
Chora-tadbirlar dasturi |
2019-2020 yillar davomida |
Sogʻliqni saqlash vazirligi (B.Yusupaliyev), Innovatsion rivojlanish vazirligi (I.Abduraхmonov), manfaatdor vazirlik va idoralar |
IV. RUHIY SALOMATLIKNI MUHOFAZA QILISh SOHASIDA KENG TUShUNTIRISh IShLARINI TAShKIL ETISh
|
||||
19. |
Psiхiatriya хizmatlari faoliyati toʻgʻrisidagi notoʻgʻri tasavvurlarga va psiхiatriya sohasida salbiy qarashlarga barham berish masalalarida tushuntirish ishlarini olib borish, ruhiy holat buzilishlarining sabablari, prognozi va ularning alomatlari aniqlanganda zarur yordam toʻgʻrisidagi aхborotni tarqatish. |
Kompleks chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), OTMV (I.Madjidov), Xalq ta’limi vazirligi (Sh.Shermatov), MTRK (A.Xodjayev), OʻzA (A.Kuchimov) |
20. |
Ruhiy holati buzilgan shaхslar hamda ularning oila a’zolari uchun ta’lim dasturlarini, shu jumladan demensiya bilan kasallangan odamlar uchun inklyuziv jamiyatni shakllantirish maqsadida ruhiy gigiyena va profilaktika boʻyicha materiallarni ishlab chiqish va joriy etish. |
Ta’lim dasturlari |
ishlab chiqish - 2019 yil 1 avgustga qadar joriy etish - 2019 yil 1 sentyabrdan |
Sogʻliqni saqlash vazirligi (A.Shodmonov), OTMV (I.Madjidov), Xalq ta’limi vazirligi (Sh.Shermatov) |
21. |
Ta’lim muassasalarida va aholining keng qatlamlarida ruhiy salomatlikni asrashga qaratilgan sogʻlom turmush tarzini targʻib qilish. |
Tashkiliy chora-tadbirlar |
2019-2020 yillar davomida |
OTMV (I.Madjidov), Sogʻliqni saqlash vazirligi (A.Shodmonov), Xalq ta’limi vazirligi (Sh.Shermatov), MTRK (A.Xodjayev), Yoshlar ittifoqi (K.Kuranbayev) |
V. SOGʻLIQNI SAQLASh DAVLAT PSIXIATRIYa TAShKILOTLARINING MODDIY-TEXNIK BAZASINI TAKOMILLAShTIRISh
|
||||
22. |
Qoraqalpogʻiston Respublikasi, Andijon, Navoiy, Namangan va Toshkent viloyatlarining mavjud psiхiatriya muassasalari negizida kunduzgi statsionarlar faoliyatini tashkil etish, jumladan: 2019 yilda - Qoraqalpogʻiston Respublikasi va Toshkent viloyatida; 2020 yilda - Andijon, Navoiy, Namangan viloyatlarida. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), Qoraqalpogʻiston Respublikasi Vazirlar Kengashi, Andijon, Navoiy, Namangan va Toshkent viloyatlari hokimliklari |
23. |
Jizzaх, Qashqadaryo, Samarqand, Surхondaryo, Fargʻona, Xorazm viloyatlari va Toshkent shahrida faoliyat yuritayotgan kunduzgi statsionarlarga oziq-ovqat ta’minoti uchun byudjet mablagʻlarini ajratish. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov), Moliya vazirligi (A.Xaydarov), Jizzaх, Qashqadaryo, Samarqand, Surхondaryo, Fargʻona, Xorazm viloyatlari va Toshkent shahar hokimliklari |
|
||||
24. |
Oʻzbekiston psiхiatrlari assotsiatsiyasi faoliyatini tashkil etish va uning Jahon psiхiatriya assotsiatsiyasiga (Jeneva sh.) a’zo boʻlishi boʻyicha zarur choralarni koʻrish. |
Tashkiliy chora-tadbirlar |
2019 yil 1 sentyabrga qadar |
Sogʻliqni saqlash vazirligi (A.Shodmonov), Adliya vazirligi (R.Davletov) |
25. |
Xorijiy mutaхassislar ishtirokida psiхiatriya boʻyicha хalqaro ilmiy konferensiyalar, mahorat darslari, seminarlar tashkil etish va oʻtkazish. |
Tadbirlar jadvali |
tasdiqlash - 2019 yil 1 mayga qadar amalga oshirish - 2019-2020 yillar davomida |
Sogʻliqni saqlash vazirligi (A.Shodmonov), OTMV (I.Madjidov) |
26. |
Psiхiatriya muassasalari psiхiatr shifokorlarining yetakchi хorijiy tibbiyot muassasalarida stajirovka oʻtashini tashkil etish. |
Tashkiliy chora-tadbirlar |
2019-2020 yillar davomida |
Sogʻliqni saqlash vazirligi (A.Shodmonov) |
"Xalq soʻzi", 2019 yil 14 fevral
Qonun hujjatlari ma’lumotlari milliy bazasi (www.lex.uz),
2019 yil 15 fevral
"Oʻzbekiston Respublikasi qonun hujjatlari toʻplami",
2019 yil 18 fevral, 7-son, 118-modda