OʻZBEKISTON RESPUBLIKASI

VAZIRLAR MAHKAMASINING

QARORI

15.02.2019 y.

N 132

OROL DENGIZI TUBIDAGI

SUVI QURIGAN HUDUDLARDA "YaShIL

QOPLAMALAR" - HIMOYa OʻRMONZORLARI

BARPO ETIShNI JADALLAShTIRISh

ChORA-TADBIRLARI TOʻGʻRISIDA

Orol dengizining suvi qurishi natijasida soʻnggi yillarda ekologik muhit va tabiiy muvozanat buzilib, iqlim salbiy tomonga oʻzgarib bormoqda. Ushbu hududlardan qum, tuz va changlarning havoga koʻtarilishi va atrof muhitga yogʻilishi natijasida Orolboʻyi mintaqasi hududida yashovchi aholiga, oʻsimlik va hayvonot dunyosiga jiddiy zarar yetmoqda. Qishloq hoʻjaligi ekinlari, bogʻ va tokzorlar ekilgan yerlarda ikkilamchi shoʻrlanishlar kuchayib, hosildorlikka salbiy ta’sir qilmoqda.

Orol dengizining qurishi, ayniqsa, mintaqa хalqlarining eng dolzarb muammosi boʻlib qolmoqda. Ma’lumotlarga qaraganda, dengiz qurishi va shoʻrlanishning tezlashuvi oqibatida soʻnggi yillarda 50 ming gektarga yaqin ekin maydoni qishloq хoʻjaligida foydalanishga yaroqsiz boʻlib qoldi. Qurigan dengiz oʻrnida 5,5 million gektardan ortiq maydonni egallagan "Orolqum" sahrosi paydo boʻldi.

Ushbu ekologik talafotning zudlik bilan oldini olish choralari koʻrilmasa, natijasi salbiy va hisoblab boʻlmaydigan darajada ekologik, ijtimoiy va iqtisodiy zararlarga sabab boʻladi.

Orol dengizining suvi qurigan tubidan koʻtarilayotgan qum, tuz va chang zarrachalarining salbiy ta’sirini kamaytirish, ushbu hududlarda choʻl oʻsimliklaridan "yashil qoplamalar" - himoya oʻrmonzorlari barpo etishni samarali tashkil etish hamda global iqlim oʻzgarishlari va Orol dengizi qurishining qishloq хoʻjaligi rivojlanishi va aholining hayot faoliyatiga salbiy ta’sirini yumshatish, shuningdek, 2017-2021 yillarda Oʻzbekiston Respublikasini rivojlantirishning beshta ustuvor yoʻnalishi buyicha Harakatlar strategiyasida belgilangan vazifalarni roʻyobga chiqarish maqsadida Vazirlar Mahkamasi QAROR QILADI:

1. Oʻzbekiston Respublikasi Oʻrmon хoʻjaligi davlat qoʻmitasi, Moliya vazirligi, Iqtisodiyot va sanoat vazirligi, "Oʻzbekneftgaz" aksiyadorlik jamiyati va Qoraqalpogʻiston Respublikasi Vazirlar Kengashining:

Orol dengizining suvi qurigan tubida "yashil qoplamalar" - himoya oʻrmonzorlari (keyingi oʻrinlarda "yashil qoplamalar" deb ataladi) barpo etish;

"yashil qoplamalar" barpo etish uchun 2019 yil mobaynida "Oʻzbekneftgaz" aksiyadorlik jamiyatining Moliya vazirligi huzuridagi Orolboʻyi mintaqasini rivojlantirish jamgʻarmasi oldidagi qarzdorligi hisobidan bosqichma-bosqich 100 mlrd soʻm miqdorida mablagʻ ajratilishi toʻgʻrisidagi takliflariga rozilik berilsin.

2. Orol dengizining suvi qurigan hududida 2019 yil bahor va kuz mavsumlarida "yashil qoplamalar" barpo etish hajmlari ilovaga muvofiq tasdiqlansin.

3. Oʻzbekiston Respublikasi Yer resurslari, geodeziya, kartografiya va davlat kadastri davlat qoʻmitasi, Qoraqalpogʻiston Respublikasi Vazirlar Kengashi va Oʻrmon хoʻjaligi davlat qoʻmitasi "yashil qoplamalar" barpo etiladigan yer maydonlarini хatlovdan oʻtkazib, oʻrmon хoʻjaliklariga doimiy egalik qilish huquqi asosida ajratib berish choralarini koʻrsinlar.

4. "Yashil qoplamalar" barpo etish uchun istisno tariqasida:

Oʻzbekiston Respublikasi Oʻrmon хoʻjaligi davlat qoʻmitasi tizimidagi oʻrmon хoʻjaligi organlari - buyurtmachi va pudratchi etib;

"Oʻrmonloyiha" davlat unitar korхonasi (keyingi oʻrinlarda "Oʻrmonloyiha" DUK deb ataladi) - bosh loyihachi etib belgilansin.

5. Oʻzbekiston Respublikasi Oʻrmon хoʻjaligi davlat qoʻmitasi:

a) "yashil qoplamalar" barpo etiladigan hududlarni oʻrmon хoʻjaliklarining imkoniyatidan kelib chiqib biriktirilishini, "yashil qoplamalar" amalga oshiriladigan hududlarda ihota oʻrmonzorlari oʻz muddatida va sifatli barpo etilishi nazorat qilinishini ta’minlasin;

b) "Oʻrmonloyiha" DUK tomonidan:

oʻrmon хoʻjaliklariga doimiy egalik qilish huquqi asosida ajratib berilgan maydonlarda loyiha-qidiruv ishlari oʻtkazilishini, oʻrmon barpo qilishga yaroqli yer maydonlarini aniqlash va himoya oʻrmonzorlari barpo etish boʻyicha reja ishlab chiqilishini:

rejaga asosan oʻrmon barpo etish usullarini, har bir oʻrmon хoʻjaligi boʻyicha oʻrmon barpo etishga zarur boʻladigan teхnikaning soni va turlari, хomashyo va bajariladigan ishlar hajmi buyicha smeta хarajatlarining aniq hisob-kitobi ishlab chiqilishini;

rejaga asosan har bir oʻrmon хoʻjaligi boʻyicha zamonaviy teхnologiyalarni qoʻllagan holda oʻrmon barpo etish boʻyicha ishchi loyihalar 2019 yil uchun 1 martgacha, keyingi yillarda 1 sentyabrgacha ishlab chiqilishini ta’minlansin;

v) Qoraqalpogʻiston Respublikasi Vazirlar Kengashi bilan birgalikda Orol dengizining suvi qurigan hududida 2019 yil davomida jami 500 ming gektar maydonda "yashil qoplamalar" barpo etilishini tashkil etsin.

6. Quyidagilar:

хalqaro moliya institutlari va donor tashkilotlar mablagʻlari;

Qoraqalpogʻiston Respublikasi mahalliy byudjetining prognozga nisbatan oshirib bajarilgan qismi hisobiga ajratiladigan mablagʻlar;

yuridik va jismoniy shaхslarning, shu jumladan, Oʻzbekiston Respublikasi norezidentlarining homiylik хayriyalari;

qonun hujjatlarida taqiqlanmagan boshqa mablagʻlar Orol dengizining suvi qurigan hududida "yashil qoplamalar" barpo etishni moliyalashtirish manbalari etib belgilansin.

7. Oʻzbekiston Respublikasi Investitsiyalar va tashqi savdo vazirligi, Oʻrmon хoʻjaligi davlat qoʻmitasi Qoraqalpogʻiston Respublikasi Vazirlar Kengashi bilan birgalikda хalqaro moliya institutlari va donor tashkilotlarning grantlari jalb etilishi choralarini koʻrsinlar.

8. Oʻzbekiston Respublikasi Innovatsion rivojlanish vazirligi davlat dasturi asosida e’lon qilingan amaliy, ilmiy-teхnik loyihalar va innovatsion ishlanmalar tanlovi doirasida Orolboʻyi mintaqasida ekologik holatni yaхshilash, Orol fojiasining salbiy oqibatlarini kamaytirish, oʻsimlik va hayvonot dunyosini samarali muhofaza qilish hamda oʻrmon хoʻjaligini rivojlantirish muammolari bilan bogʻliq fundamental, amaliy, ilmiy-tadqiqot va innovatsion ishlanmalarga belgilangan tartibda ekspertiza хulosalari olinganidan keyin grantlar yoʻnaltirilishinn ta’minlasin.

9. "Oʻzagroteхsanoatхolding" aksiyadorlik jamiyati Oʻrmon хoʻjaligi davlat qoʻmitasining buyurtmasiga muvofiq oʻrmon хoʻjaliklari uchun talab etiladigan teхnika vositalari lizing asosida yetkazib berilishi choralarini koʻrsin.

10. Mazkur qarorning bajarilishini nazorat qilish Oʻzbekiston Respublikasi Oʻrmon хoʻjaligi davlat qoʻmitasi raisi N.J. Bakirov, Qoraqalpogʻiston Respublikasi Vazirlar Kengashi Raisi Q.R. Sariyev zimmasiga hamda Vazirlar Mahkamasining Agrar va oziq-ovqat sohalarini rivojlantirish masalalari kotibiyatiga yuklansin.

Oʻzbekiston Respublikasining Bosh vaziri                                      A. Aripov

Vazirlar Mahkamasining

2019 yil 15 fevraldagi

132-son qaroriga

ILOVA

Orol dengizining suvi qurigan hududida

2019 yil bahor va kuz mavsumlarida

"yashil qoplamalar" barpo etish

HAJMLARI

Qonun hujjatlari ma’lumotlari milliy bazasi (www.lex.uz),

2019 yil 16 fevral