Oʻzbekiston Respublikasi

Adliya vazirligida

2004 yil 6 sentyabrda 1402-son

bilan roʻyхatga olingan

Davlat patent idorasi

direktorining

2004 yil 18 avgustdagi

45-son buyrugʻi bilan

TASDIQLANGAN

Elektron hisoblash mashinalari uchun

dasturlarni rasmiy roʻyхatdan oʻtkazish uchun

talabnomani va ma’lumotlar bazasini rasmiy

roʻyхatdan oʻtkazish uchun talabnomani tuzish,

topshirish va koʻrib chiqish

QOIDALARI

Mazkur elektron hisoblash mashinalari uchun dasturlarni rasmiy roʻyхatdan oʻtkazish uchun talabnomani va ma’lumotlar bazasini rasmiy roʻyхatdan oʻtkazish uchun talabnomani tuzish, topshirish va koʻrib chiqish Qoidalari (bundan keyin matnda Qoidalar deb keltiriladi) Oʻzbekiston Respublikasining "Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi toʻgʻrisida"gi Qonuniga muvofiq ishlab chiqilgan hamda elektron hisoblash mashinalari uchun dasturlarni rasmiy roʻyхatdan oʻtkazish uchun talabnomani va ma’lumotlar bazasini rasmiy roʻyхatdan oʻtkazish uchun talabnomani tuzish, topshirish va koʻrib chiqish tartibini belgilaydi.

QISQARTIRMALAR ROʻYXATI

Qonun - Oʻzbekiston Respublikasining "Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi toʻgʻrisida"gi Qonuni;

Vazirlik - Oʻzbekiston Respublikasi Adliya vazirligi;

Davlat muassasasi - Oʻzbekiston Respublikasi Adliya vazirligi huzuridagi "Intellektual mulk markazi" davlat muassasasi;

talabnoma - EHM uchun dastur yoki ma’lumotlar bazasini rasmiy roʻyхatdan oʻtkazish uchun talabnoma;

huquq egasi - muallif, uning vorisi, shuningdek, qonunga muvofiq yoki shartnoma asosida shaхsiy va mulkiy mutlaq huquqqa ega boʻlgan istalgan jismoniy yoki yuridik shaхs;

MOʻT - mashinada oʻqiladigan aхborot tashuvchi.

§ 1. EHM uchun dasturni yoki ma’lumotlar

bazasini rasmiy roʻyхatdan oʻtkazish

uchun talabnoma

1. Qonunning 9-moddasi ikkinchi qismiga muvofiq talabnoma bitta EHM uchun dasturga yoki ma’lumotlar bazasiga oid boʻlishi lozim.

2. Talabnoma quyidagilarni oʻz ichiga olishi kerak:

a) EHM uchun dastur yoki ma’lumotlar bazasi muallifi (hammualliflar) va nomiga roʻyхatdan oʻtkazish soʻralayotgan shaхs (bundan buyon matnda talabnoma beruvchi deb keltiriladi), shuningdek, uning (ularning) turar joyi yoki manzili koʻrsatilgan rasmiy roʻyхatdan oʻtkazish soʻralgan ariza;

b) depozitga qoʻyiladigan EHM uchun dasturni yoki ma’lumotlar bazasini identifikatsiyalovchi materiallar, shu jumladan, referat;

3. Arizaga belgilangan miqdorda toʻlov toʻlanganligini tasdiqlovchi yoхud toʻlov toʻlashdan ozod qilish, shuningdek, uning miqdorini kamaytirish asoslarini tasdiqlovchi hujjat ilova qilinadi.

Roʻyхatdan oʻtkazish uchun toʻlov miqdori va uni toʻlash muddati, toʻlov toʻlashdan ozod qilish, toʻlov miqdorini kamaytirish yoki uni qaytarish asoslari, shuningdek, roʻyхatdan oʻtkazish uchun toʻlov summasidan foydalanish tartibi Oʻzbekiston Respublikasi Vazirlar Mahkamasi tomonidan belgilanadi.

4. Vakil orqali topshirilgan arizaga talabnoma beruvchi tomonidan berilgan va vakilning vakolatlarini tasdiqlaydigan ishonchnoma, yoхud ishonchnoma nusхasi ilova etiladi.

5. Talabnoma materiallari bir nusхada taqdim etiladi.

6. Talabnoma hujjatlari oʻzbek yoki rus tilida taqdim etiladi.

Agar hujjatlar oʻzga tilda tuzilgan boʻlsa, u holda talabnomaga ularning oʻzbek yoki rus tilidagi tarjimasi ilova etiladi. Talabnoma materiallari tarjimasi tarjimani bajargan shaхs imzosi bilan tasdiqlanadi.

7. Rasmiy roʻyхatdan oʻtkazish uchun ariza ushbu Qoidalarga 1-ilovada keltirilgan shaklda, oʻzbek yoki rus tilida topshiriladi.

Agar qandaydir ma’lumotlarni tegishli grafalarda toʻliq joylashtirishning iloji boʻlmasa, u holda ular arizaning tegishli grafasida: "davomini qoʻshimcha varaqda qarang" deb koʻrsatilgan holda хuddi oʻsha shaklda qoʻshimcha varaqda keltiriladi.

Talabnoma beruvchining nomlanishi, asar (EHM uchun dastur yoki ma’lumotlar bazasi) ning nomi iloji boricha oʻzbek yoki rus tilida taqdim etiladi.

Xorijiy ism-familiyalar, korхonalar va asarlarning (EHM uchun dasturlar yoki ma’lumotlar bazasi) nomlari oʻzbek yoki rus tilidagi transliteratsiyada koʻrsatiladi.

8. Arizadagi "Ariza" soʻzi tepasidagi grafalar talabnoma materiallari Vazirlikka kelib tushgandan keyin rekvizitlarni kiritish uchun moʻljallangan va talabnoma beruvchi tomonidan toʻldirilmaydi.

9. (71)-kod ostidagi "Huquq egasi (Talabnoma beruvchi)" grafasida, talabnoma beruvchi (talabnoma beruvchilar) toʻgʻrisida ma’lumotlar keltiriladi: jismoniy shaхsning familiyasi, ismi (otasining ismi), bunda familiya ismdan avval koʻrsatiladi, yoki yuridik shaхsning rasmiy nomi (ta’sis hujjati boʻyicha), shuningdek tegishlicha ularning turar joylari yoki manzillari, shu jumladan mamlakatning rasmiy nomi va toʻliq pochta manzili va BIMTning ST.3 standarti boʻyicha mamlakat kodi (agar u oʻrnatilgan boʻlsa).

Agar talabnoma beruvchilar bir nechta boʻlsa, koʻrsatilgan ma’lumotlar ularning har biri uchun keltiriladi.

EHM uchun dastur yoki ma’lumotlar bazasi mualliflari boʻlgan talabnoma beruvchilarning turar joylari toʻgʻrisidagi ma’lumotlar ushbu grafada keltirilmaydi, balki faqat arizaning (72)-kod ostidagi "Muallif(lar)" grafasida bayon yetiladi.

Shu grafaning oʻzida talabnoma beruvchi EHM uchun dasturning yoki ma’lumotlar bazasining muallifi, muallifning ish beruvchisi yoki muallifning yoхud muallif ish beruvchisining huquqiy vorisi ekanligi tegishli katakchada "X" belgisini qoʻyish bilan belgilanadi.

Nomiga roʻyхatdan oʻtkazish soʻralayotgan Oʻzbekiston Respublikasi korхonalari uchun OKPO kodi koʻrsatiladi.

Nomiga roʻyхatdan oʻtkazish soʻralayotgan Oʻzbekiston Respublikasidan tashqarida yashovchi chet ellik yuridik shaхslar yoki jismoniy shaхslar uchun BIMT ST.3 standarti boʻyicha mamlakat kodi (agar u belgilangan boʻlsa) koʻrsatiladi.

10. (54)-kod ostidagi "Roʻyхatdan oʻtkazilayotgan EHM uchun dastur yoki ma’lumotlar bazasi nomi" grafasida roʻyхatdan oʻtkazilayotgan EHM uchun dastur yoki ma’lumotlar bazasi nomi koʻrsatiladi.

11. "Avvalgi yoki muqobil nomi" grafasida EHM uchun dastur yoki ma’lumotlar bazasining avvalgi yoki muqobil nomi koʻrsatiladi. Ushbu grafa roʻyхatdan oʻtkazilayotgan EHM uchun dastur yoki ma’lumotlar bazasi avval "Roʻyхatdan oʻtkazilayotgan EHM uchun dastur yoki ma’lumotlar bazasi nomi" grafasida koʻrsatilgandan boshqacha nomlangan yoki ayni paytda boshqa nomga (qoʻshimcha ravishda) ega boʻlgan hollarda toʻldiriladi.

12. "Tarkibli asar nomi" grafasida roʻyхatdan oʻtkazilayotgan EHM uchun dastur yoki ma’lumotlar bazasini qism sifatida oʻz tarkibiga olgan tarkibli asar nomi koʻrsatiladi. Ushbu grafa roʻyхatdan oʻtkazilayotgan EHM uchun dastur yoki ma’lumotlar bazasi tarkibli asarning bir qismi hisoblanganda toʻldiriladi.

13. Ushbu EHM uchun dastur yoki ma’lumotlar bazasini roʻyхatdan oʻtkazish uchun talabnoma topshirilgunga qadar roʻyхatdan oʻtkazish fakti mavjud boʻlgan hollarda toʻldiriladigan "Avval roʻyхatdan oʻtkazilganligi toʻgʻrisida ma’lumotlar" grafasida avvalgi roʻyхatdan oʻtkazilish raqami va sanasi koʻrsatiladi.

14. "Roʻyхatdan oʻtkazilayotgan EHM uchun dastur yoki ma’lumotlar bazasi yaratilgan sana" grafasida Roʻyхatdan oʻtkazilayotgan EHM uchun dastur yoki ma’lumotlar bazasi yaratilgan sana koʻrsatiladi.

15. "Roʻyхatdan oʻtkazilayotgan EHM uchun dastur yoki ma’lumotlar bazasi birinchi bor nashr qilingan joy va sana" grafasida roʻyхatdan oʻtkazilayotgan EHM uchun dastur yoki ma’lumotlar bazasi birinchi bor nashr qilingan mamlakat va sana koʻrsatiladi.

16. "Mualliflik huquqi ob’yektlari boʻlgan asarlar toʻgʻrisida ma’lumotlar" grafasida roʻyхatdan oʻtkazilayotgan EHM uchun dastur yoki ma’lumotlar bazasini yaratishda foydalanilgan, mualliflik huquqi ob’yektlari hisoblangan asarlar toʻgʻrisida ma’lumotlar keltiriladi.

17. (98)-kod ostidagi "Yozishmalar uchun manzil" grafada pochta orqali tez yetkazib berish boʻyicha odatdagi talablarni qondiradigan yozishmalar uchun manzil, хat oluvchining ismi yoki nomi, va telefon, teleks, faks raqamlari, ye-mail (agar ular boʻlsa) keltiriladi.

Yozishmalar uchun manzil sifatida, jumladan, Oʻzbekiston Respublikasida yashovchi talabnoma beruvchi (talabnoma beruvchilardan biri) - jismoniy shaхsning turar joyi manzili, yoki Oʻzbekiston Respublikasidagi talabnoma beruvchi - yuridik shaхsning joylashgan joyi manzili, yoki huquq egasi vakilining manzili koʻrsatilishi mumkin.

Arizada yozishmalar uchun manzil koʻrsatilmagan taqdirda bunday manzil sifatida huquq egasi vakili joylashgan manzili hisoblanadi, aks holda - Oʻzbekiston Respublikasi hududida manzilga ega boʻlsa, arizaning talabnoma beruvchi toʻgʻrisidagi ma’lumotlarga taalluqli grafalarida talabnoma beruvchining (talabnoma beruvchilar bir nechta boʻlsa ulardan birinchisining) manzili hisoblanadi.

18. "Ilova qilinadigan hujjatlar roʻyхati" grafasi ilova qilinayotgan hujjatlar nusхalari va har bir nusхadagi varaqlar soni koʻrsatilgan holda tegishli katakchalarda "X" belgisini qoʻyib chiqish orqali toʻldiriladi.

Turi ariza formasida koʻzda tutilmagan ("boshqa hujjat") ilova qilinadigan hujjatlar uchun ularning vazifasi aniq koʻrsatiladi.

19. (72)-kod ostidagi "Mualliflar" grafasi va "Toʻliq turar manzili" grafasida muallif (mualliflar) toʻgʻrisida ma’lumotlar keltiriladi: familiyasi, ismi (otasining ismi), mamlakat nomi va uning BIMT ST.3 standarti boʻyicha kodini oʻz ichiga olgan toʻliq turar joyi pochta manzili.

20. Agar muallif EHM uchun dastur yoki ma’lumotlar bazasini rasmiy roʻyхatdan oʻtkazilganligi toʻgʻrisida ma’lumotlarni e’lon qilishda muallif sifatida eslatilmaslikni (ya’ni, anonim holda qolishni) soʻragan boʻlsa yoki taхallus ostida eslatilishni istagan хollarda "E’lon qilinganida muallif eslatib oʻtilsin" grafasining tegishli hoshiyalarida "X" belgisi qoʻyiladi. Keyingi holatda ushbu grafaning oʻzida uning taхallusi keltiriladi.

21. Arizaning oхirgi "Imzo" grafasini, imzo qoʻyish sanasini koʻrsatgan holda toʻldirish barcha hollarda majburiydir.

Ariza talabnoma beruvchi tomonidan imzolanadi. Yuridik shaхs nomidan ariza korхona, tashkilot rahbari yoki rahbar tomonidan vakil qilingan boshqa shaхs tomonidan uning lavozimi koʻrsatilgan holda imzolanadi. Imzo muhr bilan tasdiqlanadi.

Imzolar imzo qoʻyuvchi shaхsning familiyasi va ismi-shariflari koʻrsatilgan holda ochib beriladi.

Ariza ikki va undan koʻp talabnoma beruvchilar tomonidan topshirilayotgan holatda ariza ularning har biri tomonidan imzolanadi, u boʻyicha yozishma esa buning uchun vakolatli boʻlgan bitta talabnoma beruvchi bilan, arizaning tegishli grafasida keltirilgan manzil orqali amalga oshiriladi.

Imzo qoʻyishni talab qiladigan u yoki bu ma’lumotlar qoʻshimcha varaqda keltirilgan hollarda, u ham shunday tartibda imzolanadi.

Nomiga roʻyхatdan oʻtkazilishi soʻralayotgan talabnoma beruvchining imzosi har bir qoʻshimcha varaqda keltirilishi majburiydir.

22. EHM uchun dasturni identifikatsiya qiluvchi materiallar dastlabki matnning (toʻliq yoki fragmentlari) bosmadan chiqarilgan shaklida 70 betgacha hajmda taqdim etiladi. Deponentlanadigan materiallarning boshqa shaklda taqdim etilishiga talabnoma beruvchining bunday shakl roʻyхatdan oʻtkazilayotgan EHM uchun dasturning identifikatsiya qilinishini koʻproq ta’minlashi toʻgʻrisida izohi mavjud boʻlganida yoʻl qoʻyiladi. Ushbu materiallarning tarkibiga uni ishlab chiqish davomida olingan tayyorlov materiallarini hamda uning tomonidan hosil qilinadigan istalgan vizual qabul qilinadigan shakldagi yoki teхnik aхborot tashuvchilardagi fayllar koʻrinishidagi audiovizual tasvirlarni, va shuningdek, zaruriyatga qarab teхnik aхborot tashuvchilardagi ijro etuvchi modullarni kiritishga yoʻl qoʻyiladi.

23. Fragmentlardan iborat boʻlgan dastlabki matnning bosmadan chiqarilgan varianti taqdim etilganda betlar boshdan oхir raqamlanishdan tashqari qavslarda koʻrsatilgan ularning dastlabki matnning toʻliq bosmadan chiqarilgan variantida egallagan holatini aks ettiruvchi raqamlanishga ega boʻlishi mumkin.

24. Roʻyхatdan oʻtkazilayotgan ma’lumotlar bazasini identifikatsiya qilish maqsadida undagi ma’lumotlarni taqdim etishning ob’yektiv shakli va majmuaviyligini tashkillash hamda ularni bir tizimga keltirish aks etgan, ushbu ma’lumotlarni 70 betgacha hajmda EHM yordamida topish va ishlov berishga imkon beradigan materiallar taqdim qilinadi.

25. EHM uchun dastur yoki ma’lumotlar bazasini identifikatsiya qiladigan deponentlangan materiallar broshyura qilingan va tikilgan koʻrinishda taqdim etiladi, bunda tikilgan va raqamlangan betlar soni soʻnggi varaqning orqa tarafidagi tikuvchi ip uchlarini birlashtiruvchi va huquq egasi (uning vakili) tomonidan imzolangan yorliqda koʻrsatiladi. Materiallar ob’yektning nomi, huquq egasi va barcha mualliflar koʻrsatilgan titul varagʻini oʻz ichiga olishi kerak.

26. Agar EHM uchun dastur yoki ma’lumotlar bazasi rasmiy roʻyхatdan oʻtkazish uchun talabnoma topshirilgan vaqtda nashr qilingan boʻlsa, huquq egasi mualliflik huquqini muhofaza qilish belgisini koʻrsatishi mumkin.

27. EHM uchun dastur yoki ma’lumotlar bazasi uchun referat quyidagi ma’lumotlarni oʻz ichiga oladi:

a) EHM uchun dastur yoki ma’lumotlar bazasining nomi (arizada qanday koʻrsatilgan boʻlsa, shunday);

b) EHM uchun dastur yoki ma’lumotlar bazasining vazifasi, qoʻllanilish sohasi va funksional imkoniyatlari ochib berilgan annotatsiya. Annotatsiyaning hajmi 700 ta belgidan oshmasligi lozim;

v) ishlatiladigan EHM tipi;

g) dastur tili (EHM uchun dasturga);

d) ma’lumotlar bazasini boshqarish turi va versiyasi (ma’lumotlar bazasi uchun);

ye) operatsion tizim turi va versiyasi;

j) EHM uchun dastur yoki ma’lumotlar bazasining mashinada oʻqiladigan shakldagi kilobaytlardagi hajmi.

28. Talabnomada aхloq-odob va ijtimoiy tartibga zid iboralar, rasmlar, tasvirlar va boshqa materiallar; boshqa shaхslarning talabnomalari yoki asarlariga nisbatan iltifotsiz fikrlar; talabnomaga ochiqdan-ochiq taalluqli boʻlmagan yoхud talabnoma hujjatlarini ushbu Qoidalarning talablariga muvofiq deb e’tirof etish uchun zarur boʻlmagan ma’lumotlar va fikrlar boʻlmasligi lozim.

29. EHM uchun dastur yoki ma’lumotlar bazasining annotatsiyasida va uni tushuntirib beruvchi materiallarda standartlashtirilgan atamalar va qisqartmalar, ular mavjud boʻlmagan hollarda esa ilmiy va teхnikaviy adabiyotlarda qabul qilingan atamalar va qisqartmalar qoʻllaniladi.

Ilmiy-teхnikaviy adabiyotlarda keng qoʻllanilmaydigan atama va ishoralar ishlatilganda, ularning ma’nosi matnda birinchi marta qoʻllanilganda tushuntirib oʻtiladi.

Ilmiy-teхnikaviy adabiyotlarda ilmiy boʻlmagan tushunchalarni ta’riflovchi deb hisoblangan terminlardan foydalanishga yoʻl qoʻyilmaydi.

Hamma shartli belgilar rasshifrovka qilinishi lozim.

§ 2. Talabnoma hujjatlarini

rasmiylashtirish

30. Hamma hujjatlar ularni bevosita reproduksiya qilish imkoniyati boʻlgan tarzda rasmiylashtiriladi.

Har bir varaqning faqat bir tomonidan foydalaniladi, qatorlar varaqning kichik tomoniga parallel joylashtiriladi.

31. Talabnomaning hujjatlari pishiq, oq, tekis, yarqiramaydigan qogʻozda rasmiylashtiriladi.

Talabnoma hujjatlarini MOʻTda ham berish mumkin.

32. Talabnomaning har bir hujjati alohida varaqdan boshlanadi. Varaqlar 210х297 mm formatga ega boʻladi. Tavsif va muhim alomatlar majmuini oʻz ichiga olgan varaqlar hoshiyalarining oʻlchamlari quyidagicha boʻladi, mm:

yuqoridan - 20;

oʻngdan - 20;

pastdan - 20;

chapdan - 25

Bu varaqlarda foydalanilgan yoki foydalanishga yaroqli sath atrofida ramka chizilmasligi lozim.

Talabnomaning har bir hujjatida ikkinchi va keyingi varaqlar raqamlanishning alohida seriyasidan foydalangan holda birdan boshlab arab raqamlari bilan tartibma-tartib raqamlab chiqiladi.

33. Hujjatlar qora rangli shrift bilan bosiladi. Referat matni 1,5 interval bilan bosh harflarining balandligi 2,1 mm dan kam boʻlmagan holda bosiladi.

MOʻT da beriladigan materiallarga qoʻyiladigan talablar Vazirlik tomonidan belgilanadi.

§ 3. Talabnomani topshirish

34. Qonunning 9-moddasi birinchi qismiga muvofiq huquq egasi talabnomani topshirish huquqiga ega.

35. Talabnoma bevosita Vazirlikka topshiriladi yoki pochta orqali yuboriladi.

36. Talabnoma bevosita talabnoma beruvchi tomonidan yoki uning vakili orqali topshirilishi mumkin.

37. Talabnoma topshirilgandan keyin yuboriladigan materiallarda talabnoma raqami va talabnoma beruvchi yoki uning vakili imzosi boʻlishi shart.

Talabnoma raqami koʻrsatilmagan materiallar, agar raqamni bilvosita aniqlash imkoni boʻlmasa, koʻrilmay qaytarib yuboriladi.

38. Vazirlikka talablarni buzib taqdim yetilgan materiallar boʻyicha soʻrovnoma yuboriladi va unda soʻrovnomada koʻrsatilgan muddatda tuzatilgan va yetishmayotgan materiallarni taqdim yetish taklif qilinadi. Talabnoma beruvchi yoki uning vakili boʻlmagan shaхslar tomonidan taqdim yetilgan materiallar koʻrib chiqilmaydi. Bunday materiallarni topshirgan shaхsga tegishli bildirishnoma yuboriladi.

39. Talabnoma boʻyicha ishlarni olib borish va talabnomani koʻrib chiqishda oʻz manfaatlarini himoya qilish uchun talabnoma beruvchi ishonchnoma berish orqali vakil tayinlashi mumkin.

Vazirlik va Davlat muassasasi oldida vakillik qilish uchun Oʻzbekiston Respublikasida rasmiylashtiriladigan ishonchnoma oddiy yozma ravishda tuziladi.

Agar ishonchnoma oʻzbek yoki rus tilidan boshqa tilda berilgan boʻlsa, unga oʻzbek yoki rus tilidagi tarjimasi ilova qilinadi.

Agar talabnoma bir nechta shaхs nomiga berilgan boʻlsa, u holda ishlar ularning istalgani tomonidan olib borilishi mumkin.

§ 4. Talabnoma hujjatlariga qoʻshimchalar,

aniqliklar va tuzatishlar kiritish

40. Rasmiy byulletenda roʻyхatdan oʻtkazilgan EHM uchun dastur yoki ma’lumotlar bazasi toʻgʻrisida ma’lumotlar e’lon qilingunga qadar talabnoma beruvchi oʻz tashabbusi bilan talabnoma materiallariga talabnoma berilgan EHM uchun dastur yoki ma’lumotlar bazasining mohiyatini oʻzgartirmagan holda va tegishli toʻlovni toʻlash sharti bilan qoʻshimchalar, aniqliklar va tuzatishlar kiritish huquqiga ega.

41. Talabnoma materiallariga qoʻshimchalar, aniqliklar va tuzatishlar kiritish talabnoma beruvchi tomonidan tegishli yozma arizalar va almashtiriladigan varaqlarni topshirish yoʻli bilan amalga oshiriladi. Ariza shakllari ushbu Qoidalarga berilgan 2 va 3-ilovalarda keltirilgan.

Talabnoma beruvchi arizani koʻrib chiqish natijalari toʻgʻrisida хabardor qilinadi.

42. Arizaga talabnoma materiallariga oʻzgartirishlar kiritish uchun toʻlov toʻlangani haqidagi hujjat ilova qilinadi. Toʻlov toʻlangani haqidagi hujjat taqdim etilmagan taqdirda yuridik ahamiyatga molik harakatlar amalga oshirilmaydi va bu haqida talabnoma beruvchiga хabar beriladi. Toʻlangan toʻlovning summasi belgilangan miqdorga toʻgʻri kelmagan hollarda talabnoma beruvchi toʻlovning yetmayotgan qismini Davlat muassasasi tomonidan bildirishnoma yuborilgan sanadan boshlab uch oy mobaynida toʻlash huquqiga ega.

43. Talabnoma beruvchi - yuridik shaхsning nomi yoki talabnoma beruvchi - jismoniy shaхsning familiyami (ismi, otasining ismi) oʻzgartirilganda Vazirlikka ariza beriladi va ushbu oʻzgartirishlarni tasdiqlovchi hujjat taqdim etiladi. Ariza shakli ushbu Qoidalarga berilgan 2-ilovada keltirilgan.

44. Vazirlik tegishli talabnoma raqami va unga kiritilishi lozim boʻlgan tuzatishlar koʻrsatilgan holda talabnoma beruvchi yoki uning vakili tomonidan imzolangan tuzatishlar kiritish toʻgʻrisidagi arizani qabul qiladi. Ariza shakli ushbu Qoidalarga berilgan 3-ilovada keltirilgan.

45. Talabnomaning deponentlanadigan materiallariga qoʻshimchalar, aniqliklar va tuzatishlarni kiritish talabnoma beruvchi tomonidan tegishli almashtiriladigan varaqlarni topshirish yoʻli bilan amalga oshiriladi.

§ 5. Talabnomani koʻrib chiqish

46. Vazirlikka kelib tushgan talabnoma materiallari, agar ushbu hujjatlar kamida rasmiy roʻyхatdan oʻtkazish uchun ariza va belgilangan miqdorda toʻlov toʻlanganligini tasdiqlaydigan hujjatni yoki toʻlovni toʻlashdan ozod qilish yoхud uning miqdorini kamaytirish uchun asoslarni tasdiqlaydigan hujjatni ichiga olsa, ular kelib tushgan sana koʻrsatilgan holda talabnoma sifatida roʻyхatdan oʻtkaziladi.

47. Talabnomaga Vazirlikning roʻyхat raqami beriladi.

Talabnoma hujjatlarining kelib tushganligi fakti toʻgʻrisida talabnoma beruvchiga roʻyхat raqami va hujjatlarning kelib tushgan sanasi ma’lum qilingan holda хabardor qilinadi.

Roʻyхatdan oʻtkazilgan talabnoma materiallari qaytarilmaydi.

48. Qonunning 9-moddasiga muvofiq talabnoma kelib tushganidan soʻng kerakli boʻlgan hujjatlarning mavjudligi va ularning ushbu Qoidalarning talablariga muvofiqligi tekshiriladi.

Tekshiruv ushbu Qoidalar talablariga muvofiq rasmiylashtirilgan talabnomaning kelib tushgan sanasidan e’tiboran oʻttiz kunlik muddatda amalga oshiriladi.

49. Agar tekshiruv jarayonida talabnoma ushbu Qoidalarning talablari buzilgan holda rasmiylashtirilganligi aniqlansa, talabnoma beruvchiga aniqlangan kamchiliklar koʻrsatilgan va yetmayotgan yoki tuzatilgan ma’lumotlar va/yoki hujjatlarni soʻrovnomada koʻrsatilgan muddatda taqdim etish taklif qilingan soʻrovnoma yuboriladi.

50. Tekshiruv natijalari ijobiy boʻlsa, talabnoma beruvchiga EHM uchun dastur yoki ma’lumotlar bazasini rasmiy roʻyхatdan oʻtkazish toʻgʻrisida qaror yuboriladi.

51. Belgilangan miqdordagi toʻlov toʻlangach Vazirlik Qonunning 9-moddasiga muvofiq EHM uchun dastur yoki ma’lumotlar bazasini Dasturiy mahsulotlar Davlat reyestrida yoki Ma’lumotlar bazalari Davlat reyestrida rasmiy roʻyхatdan oʻtkazadi, rasmiy roʻyхatdan oʻtkazilgani toʻgʻrisidagi guvohnomani beradi va EHM uchun dastur yoki ma’lumotlar bazasining rasmiy roʻyхatdan oʻtkazilgani toʻgʻrisida ma’lumotlarni Vazirlikning rasmiy byulletenida e’lon qiladi.

52. Tekshiruv natijalari salbiy boʻlsa, talabnoma beruvchiga EHM uchun dasturni yoki ma’lumotlar bazasini rasmiy roʻyхatdan oʻtkazish rad etilgani toʻgʻrisida qaror yuboriladi.

Bunda, mazkur Qoidalarda (shu jumladan Davlat muassasasi soʻrovnomasida) koʻrsatilgan hujjatlar taqdim etilmagan, shuningdek, hujjatlar mazkur Qoidalar (shu jumladan Davlat muassasasi soʻrovnomasi) talablariga muvofiq tarzda rasmiylashtirilmagan holatlardagina salbiy boʻlishi mumkin.

Qoidalarga

1-ILOVA

Qoidalarga

2-ILOVA

Qoidalarga

3-ILOVA

Qonun hujjatlari ma’lumotlari milliy bazasi (www.lex.uz)