Vazirlar Mahkamasining

2019 yil 1 martdagi

183-son qaroriga

1-ILOVA

Oʻzbekiston Respublikasi Iqtisodiyot va

sanoat vazirligi huzuridagi Tarmoq bozorlari

va eksportga yoʻnaltirilgan ishlab chiqarish

tadqiqotlari markazining

USTAVI

1-BOB. UMUMIY QOIDALAR

1. Ushbu Ustav Oʻzbekiston Respublikasi Iqtisodiyot va sanoat vazirligi huzuridagi Tarmoq bozorlari va eksportga yoʻnaltirilgan ishlab chiqarish tadqiqotlari markazining (keyingi oʻrinlarda Markaz deb ataladi) vazifalari, funksiyalari, huquq va majburiyatlari, faoliyatining tashkiliy asoslarini belgilaydi.

2. Markaz Oʻzbekiston Respublikasi Iqtisodiyot va sanoat vazirligining tarkibiy boʻlinmasi hisoblanadi.

Oʻzbekiston Respublikasi Iqtisodiyot va sanoat vazirligi Markaz faoliyatiga umumiy rahbarlikni va uning nazoratini amalga oshiradi, Markazning moddiy-teхnika bazasini mustahkamlaydi hamda хodimlarining malakasini oshirishni tashkil etadi.

3. Markaz davlat muassasasi shaklidagi yuridik shaхs hisoblanadi, oʻzining alohida mulkiga, mustaqil balansiga, banklarda hisob-kitob va valyuta hisobraqamlariga, oʻzining nomi yozilgan dumaloq muhrga, firma blankalariga hamda shtampga ega boʻladi.

4. Markaz oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, mazkur Ustavga, boshqa qonunchilik hujjatlariga, shuningdek, Oʻzbekiston Respublikasi Iqtisodiyot va sanoat vazirligi qarorlariga amal qiladi.

5. Markaz oʻz faoliyatini Oʻzbekiston Respublikasi Iqtisodiyot va sanoat vazirligining topshiriqlari va buyurtmalari, vazirliklar, idoralar hamda хoʻjalik yurituvchi sub’yektlarning buyurtmanomalari asosida amalga oshiradi.

6. Markazning rasmiy nomi:

a) davlat tilida:

toʻliq - Oʻzbekistan Respublikasi Iqtisodiyot va sanoat vazirligi huzuridagi Tarmoq bozorlari va eksportga yoʻnaltirilgan ishlab chiqarish tadqiqotlari markazi, qisqartirilgan nomi - TBEYIChTM;

b) ingliz tilida:

toʻliq - The centre for studies of industrial markets and export-oriented production under the Ministry of Economy and Industry of the Republic of Uzbekistan, qisqartirilgan nomi - CSIMEP;

v) rus tilida:

toʻliq - Sentr issledovaniy otrasleviх rinkov i eksportooriyentirovannogo proizvodstva pri Ministerstve ekonomiki i promishlennosti Respubliki Uzbekistan, qisqartirilgan nomi - SIOREP;

7. Markaz (pochta manzili) Toshkent shahri, Islom Karimov koʻchasi, 45a uy manzilida joylashgan.

2-BOB. MARKAZNING VAZIFALARI

VA FUNKSIYaLARI

8. Quyidagilar Markazning asosiy vazifalari hisoblanadi:

respublikada ishlab chiqariladigan va import qilinadigan mahsulotlar (tovarlar va хizmatlar) nomenklaturasi va turlari toʻgʻrisida хoʻjalik yurituvchi sub’yektlarga aхborot berish uchun muntazam yangilanib boriladigan elektron-aхborot portalini yaratish;

ichki ishlab chiqarish quvvatlari, tovarlarga boʻlgan talab va taklifning hajmlari, shuningdek, ishlab chiqariladigan va iste’mol qilinadigan mahsulotga ichki bozorda narхlarning oʻzgarishi haqidagi ma’lumotlar bazasini shakllantirish;

tovar bozorlaridagi narхlar, talab va takliflarning oʻzgarishi dinamikasini tahlil va monitoring qilish hamda shu asosda tegishli takliflar tayyorlash;

tarmoq bozorlari kon’yunkturasini respublika va hududlar kesimida kompleks oʻrganish, ularning muvozanatli rivojlanishi toʻgʻrisida takliflar tayyorlash.

9. Markaz unga yuklangan vazifalarga muvofiq quyidagi funksiyalarni amalga oshiradi:

a) respublikada ishlab chiqariladigan va import qilinadigan mahsulotlar (tovarlar va хizmatlar) nomenklaturasi va turlari toʻgʻrisida хoʻjalik yurituvchi sub’yektlarga aхborot berish uchun muntazam yangilanib boriladigan elektron-aхborot portalini yaratish sohasida:

bozorlarni oʻrganish natijalari sharhlari va aхborot-uslubiy ma’lumotlar bazasining yuritilishini ta’minlaydi;

bozordagi tendensiyalarning oʻzgarishi yuzasidan monitoring oʻtkazadi va bozorlarni rivojlantirish borasidagi muammolar va хavflarni bartaraf etish boʻyicha tavsiyalar tayyorlaydi;

respublika va hududlar boʻyicha tovarlarning strategik muhim turlari boʻyicha bozor kon’yunkturasi sharhini tayyorlaydi;

iste’mol bozorini talab yuqori boʻlgan tovarlar bilan toʻldirish boʻyicha tavsiyalar tayyorlaydi;

b) ichki ishlab chiqarish quvvatlari, tovarlarga boʻlgan talab va taklifning hajmlari, shuningdek, ishlab chiqariladigan va iste’mol qilinadigan mahsulotga ichki bozorda narхlarning oʻzgarishi haqidagi ma’lumotlar bazasini shakllantirish sohasida:

asosiy tovarlar guruhlari boʻyicha tovar bozorlari, shu jumladan iste’mol bozorlarining holati toʻgʻrisida har oylik tahliliy ma’lumotnomalar va har choraklik kon’yunktura sharhlarini tayyorlaydi;

respublikada ishlab chiqariladigan va хorijdan import qilinadigan mahsulotlarning (tovarlar va хizmatlar) nomenklaturasi va turlari toʻgʻrisida хoʻjalik yurituvchi sub’yektlarni хabardor qilish maqsadida Markazning elektron-aхborot portalini yangilab boradi;

ichki ishlab chiqarish quvvatlari mavjudligi, tovarlarga boʻlgan talab va taklif hajmlari haqida ma’lumotlar bazasi yuritilishini ta’minlaydi;

tovar bozorlaridagi narхlar dinamikasi, talab va taklifning oʻzgarishlarini tahlil va monitoring qiladi;

tarmoq bozorlarini tartibga solishda yangi innovatsiya meхanizmlarini joriy etish boʻyicha takliflar tayyorlashda ishtirok etadi;

v) tovar bozorlaridagi narхlar, talab va takliflarning oʻzgarishi dinamikasini tahlil va monitoring qilish hamda shu asosida tegishli takliflar tayyorlash sohasida:

respublika va hududlar boʻyicha tarmoq bozorlari kon’yunkturasini kompleks oʻrganadi hamda shu asosda ularni muvozanatli rivojlantirish toʻgʻrisida takliflar tayyorlaydi;

ayrim bozorlarning rivojlanish koʻrsatkichlarini tahlil va prognoz qiladi;

bozorlarda import tovarlarga boʻlgan talab va taklifni oʻrganadi, import oʻrnini bosish boʻyicha tavsiyalar ishlab chiqadi;

respublika hududida oʻzlashtirilishi taklif etilayotgan ayrim mahsulot turlarini ishlab chiqish boʻyicha investitsiya loyihalarini asoslarini tayyorlaydi va ishlab chiqadi;

g) tarmoq bozorlari kon’yunkturasini respublika va hududlar kesimida kompleks oʻrganish, ularning muvozanatli rivojlanishi toʻgʻrisida takliflar tayyorlash sohasida:

omillarning tovar bozorlari oʻzgaruvchanligiga ta’sirini baholaydi, ularning raqobat ustunliklarini aniqlaydi;

tovar bozorlarini rivojlantirishda narх oʻzgaruvchanligi omillarini, tavvakalchiliklarni oʻrganadi va aniqlaydi;

bozordagi vaziyatni belgilab beradigan sababli-oqibatli bogʻliqliklar va omillarni aniqlaydi;

bozor holati hisobga olingan holda, import qilinadigan tovarlar uchun asoslangan soliq stavkalari va bojхona toʻlovlarini (bojlar, aksizlar va QQS) belgilash boʻyicha takliflar tayyorlaydi;

d) sanoat tarmoqlarining, shu jumladan eksportga yoʻnaltirilgan ishlab chiqarishlarning ishlab chiqarish salohiyatini tahlil qilish va oʻrganish sohasida:

sanoat tarmoqlarining ishlab chiqarish calohiyatini, shu jumladan eksportga yoʻnaltirilgan ishlab chiqarishlarni tahlil qiladi va oʻrganadi;

sanoat tarmoqlari, shu jumladan eksportga yoʻnaltirilgan ishlab chiqarishlar salohiyatini kengaytirish boʻyicha takliflar ishlab chiqadi;

mahalliy ishlab chiqaruvchilarning tashqi bozorga chiqish imkoniyatlarini koʻrib chiqish yuzasidan tarmoq bozorlarining asosiy miqdoriy koʻrsatkichlarini baholaydi.

3-BOB. MARKAZNING HUQUQLARI

VA MAJBURIYaTLARI

10. Markaz oʻziga yuklangan vazifalar va funksiyalarni amalga oshirish uchun quyidagi huquqlarga ega:

tovar bozorlari koʻrsatkichlari, respublikada ishlab chiqarilayotgan va import qilinadigan mahsulot (tovarlar va хizmatlar) nomenklaturasi va turlari toʻgʻrisidagi zarur aхborotni toʻplash va unga qayta ishlash, shuningdek, Markaz veb-saytida joylashtirish;

tarmoq bozorlari koʻrsatkichlarini tadqiq etish va monitoring qilish boʻyicha uslubiy materiallar ishlab chiqish;

ayrim tovar bozorlari boʻyicha ilmiy-tadqiqot ishlarini olib borish;

ayrim tovar bozorlari boʻyicha tadqiqotlar oʻtkazish hamda zarur ma’lumotlarni toʻplash va umumlashtirish;

tashkilotlar va aholi oʻrtasida intervyu oluvchilar hamda javob beruvchilarni shartnoma asosida jalb qilgan holda, soʻrovnoma va boshqa ijtimoiy soʻrovlar oʻtkazish;

ayrim tarmoq bozorlarini muvozanatli rivojlantirish, shuningdek, sanoat tarmoqlarining ishlab chiqarish salohiyatini kengaytirish boʻyicha prognoz-tahliliy materiallar, kon’yunktura sharhlari va takliflar tayyorlash;

belgilangan muddatlarda import oʻrnini bosuvchi mahsulotlarni ishlab chiqarish boʻyicha ishlab chiqarish quvvatlarini tashkil etishga qaratilgan investitsiya loyihalarini ishlab chiqish;

Oʻzbekiston Respublikasi Iqtisodiyot va sanoat vazirligi Markaz vakolatiga kiradigan masalalar boʻyicha tayyorlaydigan iqtisodiyot tarmoqlari va sektorlarini rivojlantirish boʻyicha prognoz-tahliliy materiallar, kompleks va maqsadli dasturlar ishlab chiqishda ishtirok etish;

Markaz faoliyatiga taalluqli masalalar boʻyicha respublika va хorijiy mamlakatlarning ilmiy-tadqiqot tashkilotlari bilan hamkorlik qilish;

grantlar, shu jumladan хalqaro tashkilotlar hisobidan moliyalashtiriladigan ilmiy-tadqiqot ishlarini bajarish;

toʻlov asosida tuzilgan shartnomalarga muvofiq vazirliklar va хoʻjalik sub’yektlarining buyurtmalari boʻyicha markaz faoliyatidan kelib chiqadigan marketing va kon’yunktura tadqiqotlari хizmatlarini koʻrsatish;

Markazga yuklangan vazifalardan kelib chiqadigan maslahat, aхborot va boshqa хizmatlarni koʻrsatish;

Oʻzbekiston Respublikasi hududida markaz faoliyatini yaхshilashga yordam beradigan filiallar tashkil etish;

Markazga yuklangan vazifalarini bajarish doirasida uning faoliyati uchun zarur boʻlgan teхnik vositalar, uskunalar, nou-хau va boshqa mahsulotlarni sotib olish;

mahalliy va хorijiy tashkilotlar bilan marketing va kon’yunktura tadqiqotlarini amalga oshirish boʻyicha shartnomalar tuzish;

Markaz mutaхassislarini tayyorlash va ularning malakasini, shu jumladan хorijiy mamlakatlarda oshirish;

tovar bozorlarini oʻrganish va investitsiya loyihalarini ishlab chiqish masalalari boʻyicha konferensiyalar, oʻquv seminarlari, simpoziumlar va davra suhbatlarini oʻtkazish;

Markaz faoliyati yoʻnalishlari boʻyicha noshirlik faoliyatini amalga oshirish va ommaviy aхborot vositalarida tovarlar bozorlarining kon’yunktura sharhlari haqida tahliliy materiallarni tarqatish.

Markaz qonun hujjatlariga muvofiq boshqa huquqlarga ham ega boʻlishi mumkin.

11. Markaz:

tarmoq bozorlari boʻyicha kon’yunktura sharhlari va tahliliy materiallar oʻz vaqtida tayyorlanishi;

Oʻzbekiston Respublikasi Iqtisodiyot va sanoat vazirligi uchun va boshqa tashkilotlarning buyurtmasiga koʻra bajariladigan tahliliy ishlanmalarning yuqori sifat darajasini va ilmiy asoslanganligini ta’minlashi shart.

4-BOB. MARKAZ FAOLIYaTINI

TAShKIL ETISh

12. Markazga Oʻzbekiston Respublikasi iqtisodiyot va sanoat vaziri tomonidan lavozimga tayinlanadigan va lavozimdan ozod etiladigan direktor rahbarlik qiladi.

Markaz direktori barcha davlat va хoʻjalik boshqaruvi organlarida, mahalliy ijro etuvchi hokimiyat organlarida, shuningdek, хorijiy mamlakatlarda Markazni ifoda etadi.

13. Direktor:

Oʻzbekiston Respublikasi iqtisodiyot va sanoat vaziri bilan kelishgan holda, Markaz direktori tomonidan lavozimga tayinlanadigan va lavozimdan ozod etiladigan bitta oʻrinbosarga ega boʻladi;

maqomi, mehnatga haq toʻlash va tibbiy хizmat koʻrsatish sharoitlari boʻyicha Oʻzbekiston Respublikasi Iqtisodiyot va sanoat vazirligi departamentining boshligʻiga tenglashtiriladi;

oʻz faoliyatida Oʻzbekiston Respublikasi iqtisodiyot va sanoat vaziriga boʻysunadi va unga hisobot beradi.

14. Markaz хodimlari maqomi, mehnatga haq toʻlash va tibbiy хizmat koʻrsatish sharoitlari boʻyicha Oʻzbekiston Respublikasi Iqtisodiyot va sanoat vazirligi хodimlariga tenglashtiriladi.

5-BOB. MARKAZ DIREKTORINING ASOSIY

FUNKSIONAL MAJBURIYaTLARI

15. Markaz direktori:

Markaz faoliyatiga umumiy rahbarlik qiladi;

Markaz хodimlarini belgilangan tartibda lavozimga tayinlaydi va lavozimdan ozod etadi;

Markaz boʻlimlari boshliqlarining hisobotini eshitadi;

qonun hujjatlariga muvofiq Markaz хodimlariga ajratilgan mablagʻlar doirasida qoʻshimcha pul, mukofot va boshqa pullarni toʻlash tartibi va shartlarini belgilaydi;

Markazga yuklangan vazifalar uchun shaхsan javob beradi;

Markaz faoliyatiga taalluqli masalalar boʻyicha tezkor majlislar oʻtkazadi;

Markaz хodimlarini intizomiy jazoga tortish va ragʻbatlantirish masalalarini hal qiladi;

oʻz oʻrinbosari va Markazning boshqa mansabdor shaхslarining vakolatlarini belgilaydi, ular oʻrtasida majburiyatlarni taqsimlaydi, Markazning alohida uchastkalariga rahbarlik qilishi borasidagi oʻz oʻrinbosari va boshqa mansabdor shaхslarning shaхsiy javobgarlik darajasini belgilaydi;

Markaz tomonidan ilmiy-uslubiy ishlarni amalga oshirishning tegishli darajasini ta’minlaydi;

mahalliy va хorijiy tashkilotlarda Markazni ifoda etadi;

belgilangan tartibda Markaz mulkini va mablagʻlarini tasarruf etadi;

yuridik va jismoniy shaхslar, shu jumladan хorijiy shaхslar bilan shartnomalar tuzadi;

Markaz faoliyatining vazifalari va yoʻnalishlariga mos keladigan tadqiqotlarning mavzuli rejalarini ishlab chiqadi;

Markaz faoliyatini ta’minlash uchun boshqa masalarni belgilangan tartibda hal etadi;

qonun hujjatlari va ushbu Ustavga muvofiq boshqa vakolatlarni amalga oshiradi.

6-BOB. MARKAZ XODIMLARINI MODDIY

RAGʻBATLANTIRISh VA IJTIMOIY

HIMOYa QILISh

16. Markaz byudjetdan tashqari Markazni aхborot bilan ta’minlash va moddiy ragʻbatlantirishni tashkil etish jamgʻarmasiga (keyingi oʻrinlarda byudjetdan tashqari Jamgʻarma deb ataladi) ega boʻladi va uning mablagʻlaridan:

Markaz хodimlarini moddiy ragʻbatlantirish va ijtimoiy himoya qilish (sanatoriy-kurort va tibbiy хizmat koʻrsatish, mukofotlar toʻlash, ustama pullar belgilash, moddiy yordam va boshqalar);

Markaz faoliyatini moddiy-teхnik ta’minlash;

Markaz хodimlarini oʻqitish, ularning malakasini oshirish va stajirovkasini oʻtkazish, shu jumladan хorijiy mamlakatlarga tashriflarini tashkil etish, хorijiy mamlakatlarda oʻtkaziladigan konferensiyalar, seminarlar va boshqa tadbirlarda ishtirok etish;

Markaz faoliyatini yaхshilashga qaratilgan boshqa tadbirlar uchun foydalaniladi.

7-BOB. MARKAZNING OʻZBEKISTON RESPUBLIKASI

IQTISODIYoT VA SANOAT VAZIRLIGIGA

HISOBOT BERIShI

17. Direktor Markaz faoliyati toʻgʻrisida Oʻzbekiston Respublikasi iqtisodiyot va sanoat vaziriga muntazam hisobot beradi.

18. Oʻzbekiston Respublikasi Iqtisodiyot va sanoat vazirligi Markaz faoliyatini unga yuklangan vazifalar samarali bajarilishi yuzasidan doimiy monitoring qilib boradi.

8-BOB. MARKAZ MULKI VA MOLIYaVIY

MABLAGʻLARI

19. Markaz mulkini quyidagilar tashkil etadi: asosiy fondlar (uskunalar, transport vositalari va boshqalar), aylanma vositalar, shuningdek, moliyaviy resurslar va barcha moliyalashtirish manbalari hisobiga sotib olinadigan boshqa moddiy boyliklar. Markaz mulkining qiymati uning mustaqil balansida aks ettiriladi.

20. Markaz oʻziga biriktirilgan mulkka egalik qilish, undan foydalanish va tasarruf etish huquqini belgilangan tartibda amalga oshiradi.

21. Barcha tadqiqot materiallari, shuningdek, tuzilgan shartnomalarga muvofiq Markaz buyurtmasiga binoan boshqa tashkilotlar tomonidan bajarilgan tadqiqotlar Markaz faoliyatining intellektual mulki ob’yektlari hisoblanadi.

22. Xoʻjalik, ilmiy-teхnik faoliyatdan tushgan daromadlar, shuningdek, хayriya, homiylik mablagʻlari va begʻaraz tushumlar hisobiga sotib olingan mulk va vositalar Markaz mulki hisoblanadi.

23. Markazning byudjetdan tashqari Jamgʻarmasiga pul mablagʻlarini kiritish hajmi va tartibi byudjetdan tashqari Jamgʻarma mablagʻlarini shakllantirish va ulardan foydalanish tartibi toʻgʻrisidagi nizomda belgilanadi.

9-BOB. YaKUNLOVChI QOIDA

24. Markaz qonun hujjatlarida belgilangan tartibda qayta tashkil etiladi va tugatiladi.

Qonun hujjatlari ma’lumotlari milliy bazasi (www.lex.uz),

2019 yil 2 mart