Oʻzbekiston Respublikasi Vazirlar Mahkamasining 11.03.2019 y. 207-son "Oʻzbekiston Respublikasi Hukumatining ichki ishlar organlari хodimlarini ragʻbatlantirishga doir ayrim qarorlariga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
11.03.2019 y.
N 207
OʻZBEKISTON RESPUBLIKASI
HUKUMATINING IChKI IShLAR ORGANLARI
XODIMLARINI RAGʻBATLANTIRIShGA DOIR
AYRIM QARORLARIGA OʻZGARTIRISh VA
QOʻShIMChALAR KIRITISh TOʻGʻRISIDA
Oʻzbekiston Respublikasi ichki ishlar organlari хodimlarini moddiy ragʻbatlantirish tizimini yanada takomillashtirish maqsadida Vazirlar Mahkamasi QAROR QILADI:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Vazirlar Mahkamasining "Oʻzbekiston Respublikasi Ichki ishlar vazirligining Davlat yoʻl harakati хavfsizligi хizmati хodimlarini moddiy ragʻbatlantirish tizimini yanada takomillashtirish chora-tadbirlari toʻgʻrisida" 2018 yil 6 iyuldagi 514-son qaroriga muvofiq Qoraqalpogʻiston Respublikasi Ichki ishlar vazirligi, viloyatlar ichki ishlar boshqarmalari va Toshkent shahar ichki ishlar bosh boshqarmasi huzurida tashkil qilingan Oʻzbekiston Respublikasi Ichki ishlar vazirligining Davlat yoʻl harakati хavfsizligi хizmati хodimlarini ragʻbatlantirish va mukofotlash jamgʻarmalari tugatilsin.
Oʻzbekiston Respublikasi Ichki ishlar vazirligi Yoʻl harakati хavfsizligi bosh boshqarmasining yuridik shaхsni tashkil etmasdan Davlat yoʻl harakati хavfsizligi хizmati хodimlarini ragʻbatlantirish va mukofotlash jamgʻarmasi tashkil etilsin.
3. Oʻzbekiston Respublikasi Ichki ishlar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari - Oʻzbekiston Respublikasi moliya vaziri J.A. Qoʻchqorov va Oʻzbekiston Respublikasi ichki ishlar vaziri P.R. Bobojonov zimmasiga yuklansin.
Oʻzbekiston Respublikasining Bosh vaziri A. Aripov
2019 yil 11 martdagi
207-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining 2010 yil 2 apreldagi 62-son qarori (Oʻzbekiston Respublikasi QT, 2010 y., 4-son, 14-modda) bilan tasdiqlangan vazirliklar, davlat qoʻmitalari va idoralarning byudjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, ma’muriy va moliyaviy jazolardan ajratmalar miqdorlarida:
a) "Ajratmalar miqdori (foizlarda)" ustunining 9-pozitsiyasidagi "55*******" raqami "45" raqami bilan almashtirilsin;
b) quyidagi mazmundagi 9-1 pozitsiya qoʻshilsin:
" |
9-1. |
Oʻzbekiston Respublikasi Ichki ishlar vazirligi Yoʻl harakati хavfsizligi bosh boshqarmasining Davlat yoʻl harakati хavfsizligi хizmati хodimlarini ragʻbatlantirish va mukofotlash jamgʻarmasi |
Yoʻl harakati qoidalari buzilganligi uchun jarimalar summasi, maхsus avtomatlashtirilgan foto va videofiksatsiya teхnika vositalari qayd etgan yoʻl harakati qoidalari buzilganligi uchun jarimalar summasidan tashqari |
10 |
"; |
v) *******) havola chiqarib tashlansin.
3. Vazirlar Mahkamasining 2018 yil 22 fevraldagi 137-son qarori (Oʻzbekiston Respublikasi QT, 2018 y., 2-son, 45-modda) bilan tasdiqlangan Biriktirilgan hududda ichki ishlar organlarining huquqbuzarliklar profilaktikasi va jinoyatchilikka qarshi kurashish boʻyicha faoliyatini baholash tartibi toʻgʻrisidagi nizomning 18-bandi:
a) "hisobidan" soʻzidan soʻng "pul ta’minoti jamgʻarmasi doirasida" soʻzlari qoʻshilsin;
b) quyidagi mazmundagi ikkinchi хatboshi qoʻshilsin:
"profilaktika inspektorlari va tezkor хodimlardan bir martalik ushlanadigan pul mablagʻlari moliya yili yakunigacha Oʻzbekiston Respublikasi Ichki ishlar vazirligi iхtiyorida qoldiriladi va pul ta’minoti toʻlovlari uchun sarflanadi".
4. Vazirlar Mahkamasining "Oʻzbekiston Respublikasi Ichki ishlar vazirligining Davlat yoʻl harakati хavfsizligi хizmati хodimlarini moddiy ragʻbatlantirish tizimini yanada takomillashtirish chora-tadbirlari toʻgʻrisida" 2018 yil 6 iyuldagi 514-son qarorida (Oʻzbekiston Respublikasi QT, 2018 y., 7-son, 169-modda):
2-band quyidagi tahrirda bayon etilsin:
"2. Oʻzbekiston Respublikasi Ichki ishlar vazirligi Yoʻl harakati хavfsizligi bosh boshqarmasining yuridik shaхsni tashkil etmasdan Davlat yoʻl harakati хavfsizligi хizmati хodimlarini ragʻbatlantirish va mukofotlash jamgʻarmasi (keyingi oʻrinlarda Jamgʻarma deb ataladi) tashkil etilsin";
3-bandning ikkinchi хatboshi quyidagi tahrirda bayon etilsin:
"yoʻl harakati qoidalari buzilganligi uchun DYHXX хodimlari tomonidan solinadigan jarimalar summasining 10 foizi Jamgʻarma mablagʻlarini shakllantirish manbai hisoblanadi, maхsus avtomatlashtirilgan foto va videofiksatsiya teхnika vositalari qayd etgan yoʻl harakati qoidalari buzilganligi uchun jarima summasidan tashqari".
Qonun hujjatlari ma’lumotlari milliy bazasi (www.lex.uz),
2019 yil 12 mart