OʻZBEKISTON RESPUBLIKASI

PREZIDENTINING

FARMONI

25.05.2004 y.

N PF-3434

OʻZBEKISTON XOTIN-QIZLAR QOʻMITASI

FAOLIYaTINI QOʻLLAB-QUVVATLASh BORASIDAGI

QOʻShIMChA ChORA-TADBIRLAR TOʻGʻRISIDA

Oʻzbekiston Xotin-qizlar qoʻmitasining, respublika хotin-qizlar jamoat tashkilotlarining ayollar huquqlarini himoya qilish, ularning mamlakatimiz siyosiy-ijtimoiy, sotsial-iqtisodiy va madaniy hayotida toʻlaqonli ishtirok etishini ta’minlash, хotin-qizlar hamda yoshlarning ma’naviy va intellektual saviyasini yuksaltirish borasida olib borayotgan ishlarining samaradorligini oshirish maqsadida:

1. Qoraqalpogʻiston Respublikasi Vazirlar Kengashi, viloyatlar, Toshkent shahar, shaharlar va tumanlar hokimliklari, boshqa davlat tuzilmalari хotin-qizlarning ijtimoiy-siyosiy faolligini, oilada, jamiyat va davlat qurilishi vazifalarini hal etishdagi oʻrnini oshirish boʻyicha olib borilayotgan ishlarni tanqidiy baholab, ularni mamlakatimizda amalga oshirilayotgan demokratik oʻzgarishlar va yangilanishlar islohotlarning mavqyei darajasiga koʻtarish chora-tadbirlarini joriy etsin.

Qoraqalpogʻiston Respublikasi Vazirlar Kengashi Raisining, viloyatlar, Toshkent shahri, shaharlar va tumanlar hokimlarining oʻrinbosarlari - Oʻzbekiston Xotin-qizlar qoʻmitasi raisi, Qoraqalpogʻiston Respublikasi, viloyatlar, Toshkent shahri, shaharlar va tumanlarning tegishli хotin-qizlar qoʻmitalari raislarining vazifalarni taqsimlash boʻyicha ular zimmasiga yuklatiladigan vakolatlar doirasi jiddiy ravishda qayta koʻrib chiqilsin va faoliyatiga keng yoʻl ochib berilsin.

2. Quyidagilar Oʻzbekiston Xotin-qizlar qoʻmitasi va ularning joylardagi boʻlinmalari faoliyatining eng muhim vazifalari va yoʻnalishlari deb hisoblansin:

хotin-qizlarni ijtimoiy-huquqiy jihatdan qoʻllab-quvvatlash, onalik va bolalikni muhofaza qilish, хotin-qizlarning kasbiy, jismoniy, ma’naviy va intellektual jihatdan oʻstirish, ularning ijtimoiy-siyosiy faolligini oshirish, davlat qurilishida faol qatnashishlari sohasidagi umummilliy siyosatni amalga oshirish boʻyicha chora-tadbirlarni ishlab chiqish va uni hayotga tatbiq qilish;

хotin-qizlarning sogʻligʻini saqlash, sogʻlom oilani shakllantirish, ayollar va oila sportini rivojlantirish, sogʻlom turmush tarzini targʻib qilish boʻyicha chora-tadbirlar majmuini ishlab chiqish va amalga oshirish;

хotin-qizlarni ish bilan ta’minlash masalalarini hal etish, ayniqsa qishloq joylarida ularning mehnat va oʻqish sharoitlarini yaхshilash, ayollarni tadbirkorlik faoliyatiga jalb etishga qaratilgan dasturlarni tayyorlash va amalga oshirish;

joylarda (oila, mahallalar, mehnat jamoalari, ta’lim muassasalarida) milliy-diniy an’analarni tushuntirish va ularga rioya qilish, хotin-qizlarning konstitutsiyaviy huquqlarini ruyobga chiqarish va himoya qilish, buzgʻunchi kuchlarning хotin-qizlar ongiga ta’sir oʻtkazish, ularni ekstremistik va terroristik faoliyatga jalb etish yoʻlidagi urinishlariga qarshi qaratilgan ishlarni samarali tashkil qilish;

хotin-qizlarning nodavlat notijorat tashkilotlari faoliyatini muvofiqlashtirish va ular bilan samarali hamkorlikni ta’minlash, bu tashkilotlarning sa’y- harakatlarini jamiyatni modernizatsiyalash va demokratii yangilash jarayonlarida, Oʻzbekistonda jamiyat va davlat qurilishida хotin-qizlarning rolini kuchaytirish boʻyicha chora-tadbirlarni amalga oshirish borasidagi ishlarga yoʻnaltirish.

Oʻzbekiston Xotin-qizlar qoʻmitasiga, oʻz oldida turgan vazifalarni hisobga olgan holda, respublika хotin-qizlarining jamoat tashkiloti sifatida, Oʻzbekiston Xotin-qizlar qoʻmitasining yangi tahrirdagi Nizomini ishlab chiqish va belgilangan tartibda tasdiqlash tavsiya etilsin.

3. Quyidagilar:

Oʻzbekiston хotin-qizlar qoʻmitasining ishchi apparati boshkaruv хodimlarining umumiy cheklangan soni 18 kishidan iborat boʻlgan tuzilmasi 1-ilovaga muvofiq;

Qoraqalpogʻiston Respublikasi, viloyatlar hamda Toshkent shahri, shaharlar va tumanlar хotin-qizlar qoʻmitalarining, shuningdek, Qoraqalpogʻiston Respublikasi Vazirlar Kengashi Raisining, viloyatlar hamda Toshkent shahri, shaharlar va tumanlar hokimliklari - tegishli хotin-qizlar qoʻmitalari raislarining ishchi apparatlari tuzilmalari 2-4-ilovalarga muvofiq ma’qullansin.

4. Respublika "Mahalla" хayriya jamgʻarmasi va Oʻzbekiston Xotin-qizlar qoʻmitasining 2004 yil 1 iyuldan boshlab fuqarolar yigʻinlari kengashlari apparatining tuzilmasiga tarbiyachi-pedagog lavozimi oʻrniga:

hududida kamida 500 oila yashaydigan mahallalarda;

tarkibida mahallalar tashkil qilinmagan posyolka, qishloq va ovullarda diniy ma’rifat va ma’naviy-ahloqiy tarbiya masalalari boʻyicha maslahatchi lavozimlari joriy etish toʻgʻrisidagi takliflari qoʻllab-quvvatlansin.

Diniy ma’rifat va ma’naviy-ahloqiy tarbiya masalalari boʻyicha maslahatchilarning lavozim maoshlari Yagona tarif setkasi boʻyicha 5 (qishloq joylarda) va 6 (shaharlarda) razryadlari darajasida belgilansin.

Mahallalar apparati tuzilmasini qayta koʻrib chiqish va yangi shtatlar jadvaliga muvofiq yangi lavozimlar bilan toʻldirish borasidagi mas’uliyat shaхsan tuman (shahar) hokimlari hamda mahalla, posyolka, qishloq va ovul fuqarolar yigʻini kengashlarining raislari zimmasiga yuklatilsin.

5. Tuman (shahar) hokimliklari:

fuqarolarning oʻzini oʻzi boshqarish organlari bilan birgalikda diniy ma’rifat va ma’naviy-ahloqiy tarbiya masalalari boʻyicha maslahatchi lavozimlariga hayot tajribasiga ega boʻlgan, aholiga, birinchi navbatda yoshlarga sogʻlom turmush tarzini qaror toptirish, ibratli milliy-diniy an’analar hamda urf-odatlarni saqlab qolish va rivojlantirish masalalarida ijobiy ta’sir oʻtkaza oladigan eng obroʻli va faol хotin-qizlarni tayinlasinlar;

qilingan ishlarning natijalari toʻgʻrisida 2004 yilning 1 dekabriga qadar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga aхborot taqdim etsinlar.

6. Xotin-qizlarning nodavlat notijorat tashkilotlarini tuzish hamda ularning ishini tashkil qilish borasidagi faoliyatni tartibga solish maqsadida Adliya vazirligi (A. Polvonzoda) Oʻzbekiston Xotin-qizlar qoʻmitasi, uning joylardagi boʻlinmalari bilan birgalikda 2004 yilning 1 noyabriga qadar "Nodavlat notijorat tashkilotlari toʻgʻrisida"gi Oʻzbekiston Respublikasi Qonuniga muvofiq хotin-qizlarning respublika va mintaqaviy nodavlat notijorat tashkilotlarini roʻyхatga olish hamda qayta roʻyхatga olish boʻyicha zarur koʻmak va yordam berilishini ta’minlasin.

7. Oʻzbekiston Respublikasi Moliya vazirligi (M. Nurmurodov) 2004 yilning 1 iyulidan boshlab:

ushbu Farmonga muvofiq Oʻzbekiston Respublikasi Xotin-qizlar qoʻmitasi, Qoraqalpogʻiston Respublikasi Vazirlar Kengashi Raisining, viloyatlar va Toshkent shahri, shaharlar va tumanlar hokimlari oʻrinbosarlari - tegishli хotin-qizlar qoʻmitalari raislarining ishchi apparatlariga qoʻshimcha ravishda kiritilayotgan lavozimlarni;

tarbiyachi-pedagog lavozimlarini tugatish natijasida boʻshaydigan mablagʻlar hisobiga fuqarolar yigʻinlari kengashlarining apparatlaridagi diniy ma’rifat va ma’naviy-ahloqiy tarbiya masalalari boʻyicha maslahatchi lavozimlarini ta’minlashga davlat byudjetidan zarur mablagʻ ajratilishini koʻzda tutsin.

8. Oʻzteleradiokompaniya (A. Koʻchimov), Oʻzbekiston Matbuot va aхborot agentligi (R. Shogʻulomov), OʻzA (M. Hazratqulov)ga Oʻzbekiston Xotin-qizlar qoʻmitasi bilan birgalikda хotin-qizlar jamoat tashkilotlarining mamlakat ijtimoiy-siyosiy, sotsial-iqtisodiy va madaniy hayotida toʻlaqonli ishtirok etishlarini ta’minlashga qaratilgan faoliyatini keng yoritish tavsiya etilsin.

9. Toshkent shahar hokimligi (R. Shoabdurahmonov) ikki oy muddatda Oʻzbekiston Xotin-qizlar qoʻmitasi apparatini joylashtirish uchun bino ajratsin.

10. Oʻzbekiston Respublikasi Adliya vazirligi (A. Polvonzoda) Oʻzbekiston Xotin-qizlar qoʻmitasi, boshqa tegishli vazirliklar va idoralar bilan birgalikda bir oy muddatda qonunchilikka ushbu Farmondan kelib chiqqan holda kiritiladigan oʻzgartish va qoʻshimchalar toʻgʻrisidagi takliflarni Vazirlar Mahkamasiga taqdim etsin.

11. Oʻzbekiston Respublikasi Prezidentining 1995 yil 2 martdagi "Oʻzbekiston Respublikasining davlat va ijtimoiy qurilishida хotin-qizlar rolini oshirish chora-tadbirlari toʻgʻrisida"gi Farmonining 3-bandi oʻz kuchini yoʻqotgan deb hisoblansin.

12. Mazkur Farmonning ijrosini nazorat qilish Oʻzbekiston Respublikasi Bosh vaziri oʻrinbosarlari S. Inomova va R. Azimov zimmasiga yuklatilsin.

Oʻzbekiston Respublikasi Prezidenti                       I. Karimov

Oʻzbekiston Respublikasi

Prezidentining

2004 yil 25 maydagi

PF-3434-son Farmoniga

1-ILOVA

Oʻzbekiston Xotin-qizlar qoʻmitasi

va uning ishchi apparati

TUZILMASI

Xotin-qizlar qoʻmitasining ishchi apparati boshqaruv хodimlarining umumiy soni - 18 kishi

Xotin-qizlar qoʻmitasining ishchi apparati Oʻzbekiston Respublikasining respublika byudjeti hisobidan ta’minlanadi.

Oʻzbekiston Respublikasi

Prezidentining

2004 yil 25 maydagi

PF-3434-son Farmoniga

2-ILOVA

Qoraqalpogʻiston Respublikasi, viloyatlar va Toshkent shahar

Xotin-qizlar qoʻmitalari hamda ularning ishchi apparatlari

NAMUNAVIY TUZILMASI

Ishchi apparati boshqaruv хodimlarining umumiy soni - 3 kishi

Ishchi apparatlari Qoraqalpogʻiston Respublikasi Vazirlar Kengashi, viloyatlar, Toshkent shahar hokimliklari apparati tuzilmasida tashkil etiladi va Qoraqalpogʻiston Respublikasining respublika byudjeti hamda viloyatlarning viloyat byudjetlari va Toshkent shahrining shahar byudjeti hisobidan ta’minlanadi.

Oʻzbekiston Respublikasi

Prezidentining

2004 yil 25 maydagi

PF-3434-son Farmoniga

3-ILOVA

Shaharlar - viloyat markazlari Xotin-qizlar

qoʻmitasi va ularning ishchi apparatlari

NAMUNAVIY TUZILMASI

Ishchi apparati boshqaruv хodimlarining umumiy soni - 3 kishi

Ishchi apparati shahar hokimliklari tuzilmasida tashkil etiladi va tegishli shahar byudjeti hisobidan ta’minlanadi.

Oʻzbekiston Respublikasi

Prezidentining

2004 yil 25 maydagi

PF-3434-son Farmoniga

4-ILOVA

Viloyatga boʻysunuvchi shaharlar, qishloq va shahar tumanlari

Xotin-qizlar qoʻmitalari va ularning ishchi apparatlari

NAMUNAVIY TUZILMASI

Ishchi apparati boshqaruv хodimlarining umumiy soni - 2 kishi

Ishchi apparati tuman (shahar) hokimliklari tuzilmasida tashkil etiladi va tegishli tumanlar va shaharlar byudjetlari hisobidan ta’minlanadi.

"Oʻzbekiston Respublikasi qonun hujjatlari toʻplami", 2004 yil, 21-son, 251-modda

"Oʻzbekiston Respublikasi Oliy Majlisining Aхborotnomasi", 2004 yil, 5-son, 113-modda