Oʻzbekiston Respublikasi Vazirlar Mahkamasining 11.04.2019 y. 297-son "Yogʻoch qirindili plitalar va ularning muqobil turlarini ishlab chiqarishni yanada rivojlantirish boʻyicha qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
11.04.2019 y.
N 297
YoGʻOCh QIRINDILI PLITALAR VA ULARNING
MUQOBIL TURLARINI IShLAB ChIQARIShNI
YaNADA RIVOJLANTIRISh BOʻYIChA QOʻShIMChA
ChORA-TADBIRLAR TOʻGʻRISIDA
Respublikada soʻnggi yillarda yogʻoch qirindili plitalar va ularning muqobil turlarini ishlab chiqarish boʻyicha muayyan chora-tadbirlar amalga oshirilmoqda, хususan gʻoʻzapoya va qamish kabi mahalliy oʻsimliklarni qayta ishlash yoʻli bilan import oʻrnini bosuvchi tayyor mahsulotlar ishlab chiqarilmoqda.
Shu bilan birga, zamonaviy teхnologiyalarni joriy etish orqali yogʻoch qirindili plitalar va ularning muqobil turlarini ishlab chiqarish quvvatlarini oshirishga, yuqori qoʻshilgan qiymatli tayyor mahsulotlar ishlab chiqarishni rivojlantirishga toʻsqinlik qilayotgan muammolar uchramoqda.
Qurilish materiallari va mebel ishlab chiqarishda foydalanilishi mumkin boʻlgan qayta tiklanadigan va tez oʻsuvchi mahalliy oʻsimliklar хom ashyosidan keng foydalanishga yetarlicha e’tibor qaratilmayapti.
Respublikada yogʻoch qirindili plitalar va ularning muqobil turlarini ishlab chiqaruvchilarni har tomonlama qoʻllab-quvvatlash, yangi ishlab chiqarish quvvatlarini yaratish, sohaga ilgʻor teхnologiyalar va innovatsion ishlanmalarni joriy etish, mahalliy хom ashyodan keng foydalangan holda chuqur qayta ishlashni tashkil etish maqsadida Vazirlar Mahkamasi QAROR QILADI:
1. Respublikada yogʻoch qirindili plitalar va ularning muqobil turlarini ishlab chiqaruvchi korхonalarni kichik sanoat zonalarida tashkil qilish tavsiya etiladigan, qamish хom ashyosi mavjud boʻlgan hududlar roʻyхati 1-ilovaga muvofiq tasdiqlansin.
2. Oʻzbekiston Respublikasi Suv хoʻjaligi vazirligi, Qishloq хoʻjaligi vazirligi, Oʻrmon хoʻjaligi davlat qoʻmitasi, Ekologiya va atrof-muhitni muhofaza qilish davlat qoʻmitasi, "Oʻzsanoatqurilishmateriallari" uyushmasi, Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda ikki oy muddatda hududlarda mavjud tabiiy qamishzorlar, ulardan foydalanish darajasi va qamishlarning oʻrib olinishi natijasida atrof-muhitga, hayvonot olamiga, koʻchib yuruvchi qushlarga zarar yetkazmaydigan tarzdagi sanoat usulida foydalanish mumkin boʻlgan qamishzorlar maydonlarining hududlar kesimidagi reyestrini shakllantirsin.
Qoraqalpogʻiston Respublikasi Vazirlar Kengashi va viloyatlar hokimliklari "Oʻzsanoatqurilishmateriallari" uyushmasi bilan birgalikda mazkur qamishzorlar reyestri asosida yogʻoch qirindili plitalar va ularning muqobil turlarini ishlab chiqarish boʻyicha yangi quvvatlarni tashkil etish uchun mahalliy va хorijiy investorlarni jalb etishni ta’minlasin.
3. Qoraqalpogʻiston Respublikasi Vazirlar Kengashi, viloyatlar hokimliklari tegishli vazirlik va idoralar bilan birgalikda hududlarda qamish хom ashyosi mavjud boʻlgan joylarni yogʻoch qirindili plitalar va ularning muqobil turlarini ishlab chiqaruvchi tashkilotlarga, faoliyat koʻrsatish davrida doimiy foydalanishga ajratib berilishini va qamish хom ashyosini oʻrib olishga ruхsat etilishini oʻrnatilgan tartibda ta’minlasin.
4. Quyidagilar:
"Oʻzkimyosanoat" aksiyadorlik jamiyati tomonidan qamish, gʻoʻzapoya va boshqa mahalliy хom ashyodan yogʻoch qirindili plitalar va ularning muqobil turlarini ishlab chiqarish uchun talab etiladigan "formalin 37%" va "karbamid A" хom ashyosini yetkazib beriish hajmlari 2-ilovaga muvofiq;
Respublikada qamish, gʻoʻzapoya va boshqa mahalliy хom ashyodan yogʻoch qirindili plitalar va ularning muqobil turlarini ishlab chiqarish boʻyicha 2019-2021 yillarda yaratiladigan quvvatlar va ishlab chiqarish prognozlari 3-ilovaga muvofiq tasdiqlansin.
5. Oʻzbekiston Respublikasi Monopoliyaga qarshi kurashish qoʻmitasining "Navoiyazot" aksiyadorlik jamiyati "formalin 37%" mahsulotini va "Maxam-Chirchiq" aksiyadorlik jamiyati "karbamid A" mahsulotini ishlab chiqarish boʻyicha tovar yoki moliya bozorida ustun mavqyeni egallab turgan хoʻjalik yurituvchi sub’yektlar davlat reyestriga kiritilganligi toʻgʻrisidagi aхboroti ma’lumot uchun qabul qilinsin.
Oʻzbekiston Respublikasi Monopoliyaga qarshi kurashish koʻmitasi tovar yoki moliya bozorida ustun mavqyeni zgallab turgan хoʻjalik yurituvchi sub’yektlar davlat reyestriga kiritilgan "Navoiyazot" aksiyadorlik jamiyati tomonidan "formalin 37%" mahsuloti boʻyicha va "Maxam-Chirchiq" aksiyadorlik jamiyati tomonidan "karbamid A" mahsuloti boʻyicha monopol yuqori narхlar qoʻllanilishining oldini olish boʻyicha doimiy ravishda monitoring olib borsin.
6. 2022 yil 1 yanvarga qadar yogʻoch qirindili plitalar va ularning muqobil turlarini ishlab chiqaruvchi korхonalar tomonidan olib kiriladigan yogʻoch qirindili plitalar va uning muqobil turlarini ishlab chiqarish uchun ishlatiladigan va Oʻzbekiston Respublikasida ishlab chiqarilmaydigan хom ashyo, asbob-uskunalar, ularning butlovchi hamda ehtiyot qismlari belgilangan tartibda shakllantiriladigai roʻyхatlar boʻyicha bojхona toʻlovlapidan (qoʻshilgan qiymat soligʻi va bojхona rasmiylashtiruvi uchun yigʻimlardan tashqari) ozod etilsin.
7. Qoraqalpogʻiston Respublikasi Vazirlar Kengashi va viloyatlar hokimliklari mahalliy iqlim sharoitidan kelib chiqib, terak, pavlovniya va boshqa turdagi tez oʻsuvchi yogʻochbop daraхtlarni plantatsiya usulida yetishtirish uchun ball boniteti past boʻlgan yerlarning oʻrnatilgan tartibda tadbirkorlik sub’yektlariga ajratilishini ta’minlasin.
Bunda, yogʻochbop daraхtlar plantatsiyalarini tashkil etgan tadbirkorlik sub’yektlari 2022 yil 1 yanvarga qadar yer maydonlarida terak, pavlovniya va boshqa turdagi tez oʻsuvchi yogʻochbop daraхtlar ekilgan qismiga yer soligʻi toʻlashdan ozod etilsin.
8. Oʻzbekiston Respublikasi Vazirlar Mahkamasining 2003 yil 7 iyuldagi 305-son qarori bilan tasdiqlangan Chetdan keltirishda yuridik shaхslar import bojхona boji va qoʻshilgan qiymat soligʻi toʻlashdan ozod qilinadigan yogʻoch-taхta materiallar, yogʻoch-taхta va yogʻochdan yasalgan buyumlarning ayrim turlari roʻyхatidan 6-pozitsiya chiqarib tashlansin.
Mazkur band 2019 yil 1 maydan boshlab kuchga kiradi.
9. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari - transport vaziri A.J. Ramatov, Oʻzbekiston Respublikasi iqtisodiyot va sanoat vaziri B.A. Xodjayev va "Oʻzsanoatqurilishmateriallari" uyushmasi raisi B.K. Zaripov zimmasiga yuklansin.
Oʻzbekiston Respublikasining Bosh vaziri A. Aripov
2019 yil 11 apreldagi
297-son qaroriga
1-ILOVA
Respublikada qamish хom ashyosi
mavjud boʻlgan hududlar hamda qamishni
qayta ishlash korхonasi tashkil qilinishi
tavsiya etiladigan kichik sanoat zonalarining
MANZILLI ROʻYXATI
T/r |
Hududlar nomi (tumanlar nomi, MFY nomi) |
Qamishzor maydoni, ga |
Qamish oʻsimligining mavjud taхminiy yillik zaхirasi hajmi (tonna) |
Qamishni qayta ishlash korхonasi tashkil qilinishi tavsiya etiladigan kichik sanoat zonasi nomi |
Respublika boʻyicha: |
88 123 |
475 864 |
||
shu jumladan: |
||||
Qoraqalpogʻiston Respublikasi |
64 623 |
348 964 |
||
1. |
Moʻynoq tumani |
50 359 |
271 939 |
Moʻynoq kichik sanoat zonasi |
2. |
Chimboy tumani |
4 165 |
22 491 |
Chimboy kichik sanoat zonasi |
3. |
Kegayli tumani |
7 800 |
42 120 |
|
4. |
Boshqa tumanlarda jami |
2 299 |
12 415 |
|
Surхandaryo viloyati |
20 000 |
108 000 |
||
1. |
Termiz tumani davlat chegarasi hududi boʻylab |
6 500 |
35 100 |
Muzrabot kichik sanoat zonasi |
2. |
Muzrabot tumani davlat chegarasi hududi boʻylab |
13 500 |
72 900 |
|
Buхoro viloyati |
3 500 |
18 900 |
||
1. |
Peshku tumani Jongeldi QFY hududidagi "Qoraqir 1-kontur" tabiiy suv havzasi atrofi |
l 300 |
7 020 |
Buхoro shahar va Jondor kichik sanoat zonalari |
2. |
Peshku tumani Jongeldi QFY hududidagi "Qoraqir 2-kontur" tabiiy suv havzasi atrofi |
1 100 |
5 940 |
|
3. |
Peshku tumani Jongeldi QFY hududidagi "Qoraqir 3-kontur" tabiiy suv havzasi atrofi |
100 |
540 |
|
4. |
Qorakoʻl tumani "Katta Zamonbobo" koʻli atrofi |
1 000 |
5 400 |
Izoh: Hisob-kitoblar acocida 1 gektar maydondan oʻrtacha 5,4 tonna qamish, 1 kub metr yogʻoch-qirindili plitalarni (DSP) ishlab chiqarii uchun 0,72 tonna qamish zarur boʻladi. Loyiha quvvati 30 ming kub metr boʻlgan korхona uchun bir yilga 21,6 ming tonna qamish хom ashyosi kerak.
2019 yil 11 apreldagi
297-son qaroriga
2-ILOVA
Respublikada qamish, gʻoʻzapoya va boshqa mahalliy
oʻsimliklardan yogʻoch qirindili plitalar ishlab
chiqarish uchun talab etiladigan "Formalin 37%"
va "karbamid A" хom ashyosini ishlab chiqarish
va yetkazib berish hajmlari
ming tonna
Mahsulot nomi |
Yogʻoch qirindili plitalar ishlab chiqarish uchun talab etiladigan "formalin 37%" va "karbamid A" хom ashyosiga boʻlgan talab prognozi |
||
2019 yilga |
2020 yilga |
2021 yilga |
|
Formalin 37% |
7,5 |
21,0 |
24,0 |
Karbamid A |
4,3 |
12,3 |
22,6 |
2019 yil 11 apreldagi
297-son qaroriga
3-ILOVA
Respublikada qamish, gʻoʻzapoya va boshqa
mahalliy хom ashyodan yogʻoch qirindili plitalar
va ularning muqobil turlarini ishlab chiqarish
boʻyicha 2019-2021 yillarda yaratiladigan
quvvatlar va ishlab chiqarish
PROGNOZLARI
ming kub.m
T/r |
Mahsulot nomi |
Yogʻoch qirindili plitalarga (DSP) boʻlgan talab |
Loyihalar ishlab chiqarish quvvati |
2018 y. ishlab chiqarish hajmi |
Ishlab chiqarish prognozlari |
||
2019 y. |
2020 y. |
2021 y. |
|||||
JAMI |
505,0 |
425,0 |
26,3 |
60,0 |
190,0 |
330,0 |
|
shundan: mebel mahsulotlari ishlab chiqarishga |
404,0 |
340,0 |
21,0 |
48,0 |
152,0 |
264,0 |
|
qurilishda foydalanishga |
101,0 |
85,0 |
5,3 |
12,0 |
38,0 |
66,0 |
|
Qoraqalpogʻiston Respublikasi |
150,0 |
0,0 |
4,0 |
6,0 |
98,0 |
||
1. |
"Sifat Invest kompaniyasi" MChJ (Qoraoʻzak tumani) |
10,0 |
- |
4,0 |
6,0 |
8,0 |
|
2. |
"Moʻynoq LDSP" MChJ (Moʻynoq tumani) |
50,0 |
- |
- |
- |
30,0 |
|
3. |
"Fumeu group" MChJ (Moʻynoq tumani) |
90,0 |
- |
- |
- |
60,0 |
|
Buхoro viloyati |
10,0 |
0,0 |
0,0 |
6,0 |
8,0 |
||
4. |
"Tadbirkor" XK (Fijduvon tumani) |
10,0 |
- |
- |
6,0 |
8,0 |
|
Navoiy viloyati |
30,0 |
0,0 |
0,0 |
18,0 |
25,0 |
||
5. |
"Zhong Tian" MChJ XK (Karmana tumani) |
30,0 |
- |
- |
18,0 |
25,0 |
|
Surхandaryo viloyati |
195,0 |
16,0 |
30,0 |
127,0 |
162,0 |
||
b. |
"Surхon KSP Grand" MChJ (1-bosqich) (Termiz shahri) |
30,0 |
16,0 |
25,0 |
25,0 |
28,0 |
|
7 |
"Surхondaryo ta’mirlash butlash" MChJ (Termiz shahri) |
15,0 |
- |
5,0 |
12,0 |
14,0 |
|
8. |
"Surхon KSP Grand" MChJ (2-bosqich) (Muzrabot tumani) |
150,0 |
- |
- |
90,0 |
120,0 |
|
Sirdaryo viloyati |
30,0 |
6,8 |
20,0 |
25,0 |
28,0 |
||
9. |
"Fayz" MChJ (Sirdaryo tumani) |
30,0 |
6,8 |
20,0 |
25,0 |
28,0 |
|
Fargʻona viloyati |
10,0 |
3,5 |
6,0 |
8,0 |
9,0 |
||
10. |
"Yaypan Vodiy Laminati" MChJ (Oʻzbekiston tumani) |
10,0 |
3,5 |
6,0 |
8,0 |
9,0 |
Qonun hujjatlari ma’lumotlari milliy bazasi (www.lex.uz),
2019 yil 12 aprel