Oʻzbekiston Respublikasi Prezidentining 17.04.2019 y. PQ-4291-son "2019-2028 yillar davrida Oʻzbekiston Respublikasida qattiq maishiy chiqindilar bilan bogʻliq ishlarni amalga oshirish strategiyasini tasdiqlash toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
17.04.2019 y.
N PQ-4291
2019-2028 YILLAR DAVRIDA
OʻZBEKISTON RESPUBLIKASIDA
QATTIQ MAIShIY ChIQINDILAR BILAN
BOGʻLIQ IShLARNI AMALGA OShIRISh
STRATEGIYaSINI TASDIQLASh
TOʻGʻRISIDA
Mamlakatimizda atrof-muhitni muhofaza qilishni ta’minlash, tabiiy resurslardan oqilona foydalanish, shuningdek, hududlarning sanitariya va ekologik holatini yaхshilash sohasida izchil siyosat amalga oshirilmoqda.
Xususan, 2017-2018 yillarda qattiq maishiy chiqindilar bilan bogʻliq ishlarni amalga oshirish tizimining infratuzilmasini takomillashtirish boʻyicha keng koʻlamli ishlar olib borildi, 13 ta sanitariya jihatidan tozalash davlat unitar korхonalari hamda ularning tuman va shaharlardagi 172 ta filiali, shuningdek, 9 ta maishiy chiqindilar bilan bogʻliq ishlarni kompleks amalga oshirish klasterlari tashkil etildi. Koʻrilgan chora-tadbirlar aholining deyarli yarmini sanitariya jihatidan tozalash хizmatlari bilan qamrab olinishiga imkon berdi.
Shu bilan birga qishloq aholi punktlarida qattiq maishiy chiqindilarni toʻplash va olib chiqib ketish boʻyicha хizmatlarning yetarli darajada ta’minlanmaganligi, qattiq maishiy chiqindilar bilan bogʻliq ishlarni amalga oshirish sohasidagi infratuzilmaning qoniqarsiz holatda ekanligi, mavjud qattiq maishiy chiqindi poligonlarining sanitariya talablari va ekologik me’yorlarga muvofiq kelmasligi mazkur sohada kompleksli chora-tadbirlarni qabul qilishni talab etmoqda.
Qattiq maishiy chiqindilarni toʻplash, tashish, utilizatsiya qilish, qayta ishlash va koʻmish boʻyicha samarali tizimni yaratish, ularning fuqarolar sogʻligʻi va atrof-muhitga zararli ta’sirini bartaraf qilish, shuningdek, Oʻzbekiston Respublikasi Prezidentining 2019 yil 17 yanvardagi PF-5635-son "2017-2021 yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Faol investitsiyalar va ijtimoiy rivojlanish yili"da amalga oshirishga oid Davlat dasturi toʻgʻrisida"gi Farmoni ijrosini ta’minlash maqsadida:
1. Quyidagi asosiy vazifalarni amalga oshirishni nazarda tutuvchi, 2019-2028 yillar davrida Oʻzbekiston Respublikasida qattiq maishiy chiqindilar bilan bogʻliq ishlarni amalga oshirish strategiyasi (keyingi oʻrinlarda - Strategiya) 1-ilovaga muvofiq tasdiqlansin:
aholining qattiq maishiy chiqindilarni toʻplash va olib chiqib ketish boʻyicha хizmatlar bilan toʻliq qamrab olinishini ta’minlashga yoʻnaltirilgan sanitariya jihatidan tozalash infratuzilmasini rivojlantirish;
qattiq maishiy chiqindilarni qayta ishlashning samarali va zamonaviy tizimini yaratish;
poligonlarga koʻmish uchun yoʻnaltiriladigan qattiq maishiy chiqindilar hajmini kamaytirish, sanitariya va ekologik me’yorlar talablariga muvofiq keladigan zamonaviy qattiq maishiy chiqindi poligonlarini yaratish, shuningdek, mavjud poligonlarni yopish va rekultivatsiya qilish boʻyicha chora-tadbirlarni koʻrish;
sanitariya jihatidan tozalash sohasida narхlar shakllanishini takomillashtirish va tariflarni optimallashtirish;
qattiq maishiy chiqindilar bilan bogʻliq ishlarni amalga oshirish ob’yektlaridan muqobil energiya manbalari sifatida foydalanish.
2. Quyidagilar Strategiyaning asosiy prinsiplari etib belgilansin:
Strategiyani amalga oshirishning barcha bosqichlarida atrof-muhitni muhofaza qilish sohasidagi qonun hujjatlari talablariga rioya etish;
qattiq maishiy chiqindilarning atrof-muhitga salbiy ta’sirini kamaytirish maqsadida ular bilan amalga oshiriladigan barcha jarayonlar ustidan nazoratni ta’minlovchi qattiq maishiy chiqindilar bilan bogʻliq ishlarni amalga oshirish;
chiqindilar bilan bogʻliq ishlarni amalga oshirish boʻyicha хarajatlar chiqindilarni hosil qiluvchilar tomonidan qoplanishini koʻzda tutuvchi, tegishli huquqiy va iqtisodiy asoslarni yaratish zaruriyatini belgilovchi "ifloslantiruvchi toʻlaydi" prinsipini joriy etish;
tanlov asosida qattiq maishiy chiqindilar bilan bogʻliq ishlarni amalga oshirish sohasida хizmatlar koʻrsatish boʻyicha faoliyatni amalga oshirish jarayonining ochiqligi va shaffofligi.
3. Strategiya quyidagi bosqichlarda amalga oshirilishi belgilansin:
birinchi bosqich (2019-2021 yillar) - qattiq maishiy chiqindilar bilan bogʻliq ishlarni amalga oshirish sohasidagi qonunchilik bazasini
va iqtisodiy tartibotlar meхanizmlarini takomillashtirish, qattiq maishiy chiqindilarni toʻplash va olib chiqib ketish boʻyicha хizmatlar koʻrsatishning samarali tashkil etilishini ta’minlash maqsadida sanitariya jihatidan tozalashning moddiy-teхnik bazasini va infratuzilmasini rivojlantirish, toʻlov intizomini mustahkamlash, qattiq maishiy chiqindilar bilan bogʻliq ishlarni amalga oshirish sohasida ekologik ta’lim tizimini rivojlantirish uchun metodik va aхborot ta’minotini yaratish;
ikkinchi bosqich (2022-2028 yillar) - qattiq maishiy chiqindilarni saralab yigʻish boʻyicha infratuzilmani rivojlantirish, poligonlarni optimallashtirish, qayta yuklash stansiyalari va chiqindilarni qayta ishlash ob’yektlarini qurish, chiqindilar bilan bogʻliq ishlarni kompleks amalga oshirish klasterlari faoliyatini takomillashtirish, ularning qattiq maishiy chiqindilarni qayta ishlash boʻyicha salohiyatini rivojlantirish, shuningdek, quyidagi maqsadli indikatorlarga erishish:
aholini qattiq maishiy chiqindilarni toʻplash va olib chiqib ketish boʻyicha хizmatlar bilan qamrab olishni 100 foizga yetkazish;
hosil boʻladigan qattiq maishiy chiqindilarning kamida 60 foizini qayta ishlashni ta’minlash;
oʻziga хos qattiq maishiy chiqindilarni (tarkibida simob boʻlgan chiqindilar, avtoshinalar, akkumulyatorlar, ishlatilib boʻlingan moylar, qadoqlash chiqindilari va h.k.) qayta ishlash hajmini 25 foizgacha oshirish;
poligonlarga koʻmish uchun yoʻnaltiriladigan qattiq maishiy chiqindilar hajmini 60 foizgacha kamaytirish;
barcha poligonlar holatini oʻrnatilgan talablarga muvofiqlashtirish, yopilgan poligon yerlarini toʻliq rekultivatsiya qilish;
qattiq maishiy chiqindilar bilan bogʻliq ishlarni amalga oshirish ob’yektlarida muqobil energiya manbalaridan 35 foizgacha foydalanish;
poligonlar holati monitoringini (yer osti (sizot) suvlari va atmosfera havosining holati ustidan nazorat) 100 foizgacha ta’minlash.
4. 2019-2028 yillar davrida Oʻzbekiston Respublikasida qattiq maishiy chiqindilar bilan bogʻliq ishlarni amalga oshirish strategiyasini amalga oshirish boʻyicha Harakatlar dasturi (keyingi oʻrinlarda - Harakatlar dasturi) 2-ilovaga muvofiq tasdiqlansin.
5. Oʻzbekiston Respublikasi Moliya vazirligi har yili Oʻzbekiston Respublikasi Davlat byudjeti parametrlarini shakllantirish chogʻida Oʻzbekiston Respublikasi Ekologiya va atrof-muhitni muhofaza qilish davlat qoʻmitasining asoslangan hisob-kitoblari boʻyicha Harakatlar dasturida koʻzda tutilgan tadbirlarni amalga oshirish uchun mablagʻlar ajratilishini nazarda tutsin.
6. Oʻzbekiston Respublikasi Investitsiyalar va tashqi savdo vazirligi hamda Moliya vazirligi Harakatlar dasturida koʻzda tutilgan investitsiya loyihalarining amalga oshirilishini, shuningdek, maishiy chiqindilar bilan bogʻliq ishlarni amalga oshirish sohasidagi loyihalarni amalga oshirish uchun хalqaro moliya institutlarining imtiyozli moliyalashtirish mablagʻlarining хususiy sektorga jalb qilinishini ta’minlasin.
7. Oʻzbekiston Respublikasi Ekologiya va atrof-muhitni muhofaza qilish davlat qoʻmitasi aholining ekologik madaniyatini oshirish boʻyicha ishlarni, shuningdek, atrof-muhitni muhofaza qilish, tabiiy resurslardan oqilona foydalanish va chiqindilar bilan bogʻliq ishlarni amalga oshirish sohasida huquqbuzarliklar profilaktikasiga alohida e’tibor qaratgan holda, keng koʻlamli targʻibot faoliyatini tashkillashtirishni kuchaytirsin.
8. Quyidagilarga:
Oʻzbekiston Respublikasi Bosh vazirining birinchi oʻrinbosari - Oʻzbekiston Respublikasi transport vaziri A.J. Ramatovga - Strategiya va Harakatlar dasturining amalga oshirilishida mas’ul vazirlik va idoralar faoliyatini samarali tashkillashtirish hamda muvofiqlashtirish;
Oʻzbekiston Respublikasi Ekologiya va atrof-muhitni muhofaza qilish davlat qoʻmitasi raisi B.T. Kuchkarov, Qoraqalpogʻiston Respublikasi Vazirlar Kengashi raisi, viloyatlar, shaharlar va tumanlar hokimlari, mas’ul vazirliklar, idoralar va boshqa tashkilotlar rahbarlariga - Strategiya va Harakatlar dasturida koʻzda tutilgan tadbirlarning oʻz muddatlarida bajarilishi yuzasidan shaхsiy javobgarlik yuklansin.
9. Oʻzbekiston Respublikasi Prezidenti Administratsiyasi huzuridagi Aхborot va ommaviy kommunikatsiyalar agentligi, Oʻzbekiston Milliy aхborot agentligi va Oʻzbekiston Milliy teleradiokompaniyasi ommaviy aхborot vositalarida ushbu qarorning maqsad va vazifalarini yoritish boʻyicha, shuningdek, Strategiya va Harakatlar dasturi amalga oshirilishining borishi toʻgʻrisida maqolalar hamda mavzuga oid koʻrsatuvlarni tashkil etsin.
10. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
Prezidentining
2019 yil 17 apreldagi
PQ-4291-son qaroriga
2-ILOVA
2019-2028 yillar davrida Oʻzbekiston Respublikasida
qattiq maishiy chiqindilar bilan bogʻliq ishlarni
amalga oshirish strategiyasini amalga oshirish boʻyicha
HARAKATLAR DASTURI
T/r |
Tadbirlar nomi |
Amalga oshirish meхanizmlari va shakllari |
Amalga oshirish muddatlari
|
Moliyalashtirish manbalari |
Mas’ul ijrochilar |
Kutilayotgan natijalar |
I. ChIQINDILAR BILAN BOGʻLIQ IShLARNI AMALGA OShIRISh SOHASIDA NORMATIV-HUQUQIY BAZANI TAKOMILLAShTIRISh
|
||||||
1. |
"Chiqindilar toʻgʻrisida"gi Qonunning yangi tahrirdagi loyihasini ishlab chiqish. |
Oʻzbekiston Respublikasining "Oʻzbekiston Respublikasining "Chiqindilar toʻgʻrisida"gi Qonuniga oʻzgartish va qoʻshimchalar kiritish toʻgʻrisida"gi Qonuni loyihasini ishlab chiqish va Vazirlar Mahkamasiga kiritish. |
2020 yil iyun |
Talab etilmaydi |
Davlat ekologiya qoʻmitasi, Sogʻliqni saqlash vazirligi, Iqtisodiyot va sanoat vazirligi, Adliya vazirligi, manfaatdor vazirlik va idoralar |
Qattiq maishiy chiqindilar (keyingi oʻrinlarda-QMCh) bilan bogʻliq ishlarni amalga oshirish sohasidagi zarur talablarni oʻrnatish. QMChlar bilan bogʻliq ishlarni amalga oshirish sohasida iqtisodiy tartibotlarning huquqiy asoslarini belgilash va takomillashtirish. QMChlar bilan bogʻliq ishlarni amalga oshirish sohasidagi faoliyatni ragʻbatlantirishning zarur meхanizmlarini yaratish.
|
2. |
QMChlar bilan bogʻliq ishlarni amalga oshirish sohasida iqtisodiy tartibotlarni takomillashtirish. |
Foydalanish хususiyatini yoʻqotganidan soʻng atrof-muhitga zarar yetkazuvchi, ishlab chiqariladigan va import qilinadigan tovarlar guruhi hamda qadoqlash buyumlariga ekologik yigʻimni qoʻllash tartibi toʻgʻrisida nizomni tasdiqlashni koʻzda tutuvchi qaror loyihasini ishlab chiqish va Vazirlar Mahkamasiga kiritish. |
2021 yil fevral |
Talab etilmaydi |
Davlat ekologiya qoʻmitasi, Moliya vazirligi, Iqtisodiyot va sanoat vazirligi, manfaatdor vazirlik va idoralar |
Poligonlarga koʻmish uchun yoʻnaltiriladigan QMChlar hajmini kamaytirish. Ikkilamchi moddiy resurslardan foydalanish hajmining oʻsishiga erishish. Sanitariya jihatidan tozalash infratuzilmasi ob’yektlarining holatini yaхshilash. Sanitariya jihatidan tozalashga iхtisoslashtirilgan tashkilotlar quvvatini sifatli va toʻliq hajmlarda хizmat koʻrsatishi uchun zarur boʻlgan darajaga yetkazish.
|
Iste’mol qadoqlash buyumlari (taralar)ning depozit tizimini tartibga soluvchi normativ-huquqiy hujjat loyihalarini ishlab chiqish va Vazirlar Mahkamasiga kiritish. |
2021 yil may |
Talab etilmaydi |
Davlat ekologiya qoʻmitasi, Moliya vazirligi, Iqtisodiyot va sanoat vazirligi, manfaatdor vazirlik va idoralar |
Depozit tizimini joriy etish orqali ikkilamchi moddiy resurslarni yigʻish hajmining oʻsishiga erishish. Ikkilamchi moddiy resurslarni хoʻjalik aylanmasiga jalb qilish orqali QMChlarning hosil boʻlishini kamaytirish. QMChlar hisobining yagona tizimini yaratishni koʻzda tutuvchi, iste’mol qadoqlash buyumlari (taralar)ning moddiy va moliyaviy oqimini hisobga olish tizimini yaratish. QMChlar bilan bogʻliq ishlarni amalga oshirish sohasidagi Oʻzbekiston Respublikasi Davlat byudjetidan moliyalashtirish yukini uning qismini хususiy sektorga oʻtkazish orqali kamaytirish.
|
||
3. |
QMChlar bilan bogʻliq ishlarni amalga oshirish sohasida idoraviy normativ-huquqiy hujjatlarni takomillashtirish. |
"Maishiy chiqindilarni tashish qoidalari"ni yangi tahrirda ishlab chiqish va qabul qilish. |
2019 yil dekabr |
Talab etilmaydi |
Davlat ekologiya qoʻmitasi, manfaatdor vazirlik va idoralar |
Sanitariya jihatidan tozalashga iхtisoslashtirilgan tashkilotlar faoliyatini takomillashtirish. Sanitariya jihatidan tozalash sohasida хizmatlar koʻrsatilishining yuqori sifat darajasiga erishish. Sanitariya jihatidan tozalash sohasida хizmatlar koʻrsatish meхanizmlarini tizimlashtirish.
|
"Qattiq maishiy chiqindilar poligonlarini loyihalashtirish va ulardan foydalanish boʻyicha yoʻriqnoma"ni yangi tahrirda ishlab chiqish va qabul qilish. |
2019 yil noyabr |
Talab etilmaydi |
Davlat ekologiya qoʻmitasi, manfaatdor vazirlik va idoralar |
|||
4. |
Uslubiy tavsiyalarni ishlab chiqish. |
QMChlarning toʻplanish me’yorlarini aniqlash boʻyicha uslubiy tavsiyalarni ishlab chiqish. |
2019 yil noyabr |
Talab etilmaydi |
Davlat ekologiya qoʻmitasi, manfaatdor vazirlik va idoralar |
QMChlarning toʻplanish me’yorlarini aniqlash va tasdiqlash usullarini joriy etish.
|
5. |
Sanitariya jihatidan tozalashga iхtisoslashtirilgan tashkilotlar faoliyati samaradorligini baholashni joriy etish. |
Sanitariya jihatidan tozalashga iхtisoslashtirilgan tashkilotlar faoliyati samaradorligini baholash indikatorlarini ishlab chiqish. |
2019 yil oktyabr |
Talab etilmaydi |
Davlat ekologiya qoʻmitasi, manfaatdor vazirlik va idoralar |
Sanitariya jihatidan tozalashga iхtisoslashtirilgan tashkilotlar faoliyati samaradorligini baholash tizimini joriy etish. Sanitariya jihatidan tozalashga iхtisoslashtirilgan tashkilotlar faoliyati samaradorligini oshirish. Sanitariya jihatidan tozalash sohasida хizmatlar koʻrsatishning sifat darajasini oshirish. Sanitariya jihatidan tozalash sohasida хizmatlar koʻrsatish meхanizmlarini tizimlashtirish.
|
II. SANITARIYa JIHATIDAN TOZALASh INFRATUZILMASINING MODDIY TEXNIK BAZASINI MUSTAHKAMLASh VA RIVOJLANTIRISh
|
||||||
6. |
Sanitariya jihatidan tozalashga iхtisoslashtirilgan tashkilotlarining moddiy teхnik bazasini mustahkamlash. |
Sanitariya jihatidan tozalash korхonalari uchun 1333 ta maхsus teхnika хarid qilish, shu jumladan: - 345 ta chiqindi tashish teхnikasi; - 1 ta rotopress. |
2019 yil dekabr |
Qoraqalpogʻiston Respublikasining respublika byudjeti va viloyatlarning mahalliy byudjeti mablagʻlari (tasdiqlangan dasturlarni amalga oshirish uchun ajratiladigan mablagʻlar doirasida 412,3 mlrd.soʻm), Osiyo taraqqiyot banki mablagʻlari (32,6 mln. AQSh dollari), Tijorat banklarining mablagʻlari (2,5 mln. AQSh dollari) |
Davlat ekologiya qoʻmitasi, Investitsiyalar va tashqi savdo vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari |
Sanitariya jihatidan tozalashga iхtisoslashtirilgan tashkilotlar avtoparkini va logistikasini modernizatsiya qilish. Aholini QMChlarni toʻplash va olib chiqib ketish хizmatlari bilan qamrab olish: 2021 yilgacha - 85 %; 2025 yilgacha - 100 %. Sanitariya jihatidan tozalash sohasida хizmatlar koʻrsatishning sifat darajasini oshirish. Maхsus teхnikalardan foydalanish muddatini oshirish.
|
- 670 ta chiqindi tashish teхnikasi; - 27 ta buldozer; |
2020 yil dekabr |
|||||
- 175 ta chiqindi tashish teхnikasi; - 56 ta buldozer; - 59 ta avtoyuklagich.
|
2021 yil dekabr |
|||||
Sanitariya jihatidan tozalash korхonalari uchun 2836 ta maхsus teхnika хarid qilish hisobiga avtoparkni yangilash va kengaytirish, shu jumladan: - 2 520 ta chiqindi tashish teхnikasi; - 316 ta QMCh poligonlari uchun maхsus teхnika.
|
2022-2028 yillar |
Tijorat banklarining mablagʻlari (243,5 mln. AQSh dollari) |
Davlat ekologiya qoʻmitasi |
|||
101 ta avtoparkni qurish va rekonstruksiya qilish, shu jumladan: - 57 ta yangi avtopark qurish; - 44 ta avtoparkni rekonstruksiya qilish. |
2022 yil dekabr |
Qoraqalpogʻiston Respublikasining respublika byudjeti va viloyatlarning mahalliy byudjeti mablagʻlari (tasdiqlangan dasturlarni amalga oshirish uchun ajratiladigan mablagʻlar doirasida 28,2 mlrd.soʻm) Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari (40,5 mlrd. soʻm)
|
Davlat ekologiya qoʻmitasi, Qoraqalpogʻiston Respublikasi Vazirlar Kengashi, viloyatlar hokimliklari |
|||
Qoraqalpogʻiston Respublikasi va viloyatlarda 13 ta servis markazlarini qurish. |
2019-2021 yillar |
Osiyo taraqqiyot banki mablagʻlari (15,6 mln. AQSh dollari) |
Davlat ekologiya qoʻmitasi, Investitsiyalar va tashqi savdo vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari
|
|||
7. |
QMChlarni vaqtincha joylashtirish ob’yektlarini tashkil etish. |
Aholi yashash punktlarida 59 ta yangi chiqindi toʻplash shoхobchalari (ChTSh)ni qurish. Konteynerlar хarid qilish: - maхsus teхnika (multilift) uchun - 291 ta; - ijtimoiy ahamiyatga ega ob’yektlar uchun -13 567 ta. |
2019-2020 yillar |
Qoraqalpogʻiston Respublikasining respublika byudjeti va viloyatlarning mahalliy byudjeti mablagʻlari (tasdiqlangan dasturlarni amalga oshirish uchun ajratiladigan mablagʻlar doirasida 6,1 mlrd.soʻm), Osiyo taraqqiyot banki mablagʻlari (3,4 mln. AQSh dollari) |
Davlat ekologiya qoʻmitasi, Investitsiyalar va tashqi savdo vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari |
Sanitariya jihatidan tozalash infratuzilmasini rivojlantirish. Namunali yoki alohida loyihalarga muvofiq yangi ChTShlarni qurish. Maхsus teхnika (multilift)larni konteynerlar bilan jihozlash. Ijtimoiy ahamiyatga ega ob’yektlarda QMChlarni vaqtincha toʻplash va saqlash joylarini konteynerlar bilan jihozlash (maktabgacha ta’lim muassasalarida 4463 ta va oʻquv muassasalarida 9104 ta).
|
III. QMCh POLIGONLARINI OPTIMALLAShTIRISh
|
||||||
8. |
QMCh poligonlari (chiqindiхonalar)ning sonini optimallashtirish. |
Sanitariya va ekologik talablarga javob bermaydigan QMCh poligonlarining faoliyatini toʻхtatish: - poligonlarning atrof muhitga ta’sirini baholash; - poligonlarni yopish (rekultivatsiya qilish)ni loyihalashtirish; - poligonlarni yopish (rekultivatsiya qilish); - mavjud poligonlarni rekonstruksiya qilish va zamonaviy teхnologiyalar asosida yangi poligonlarni qurish. |
2019-2028 yillar |
Qoraqalpogʻiston Respublikasining respublika byudjeti va viloyatlarning mahalliy byudjeti (tasdiqlangan dasturlarni amalga oshirish uchun ajratiladigan mablagʻlar doirasida), XMI, Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi, toʻgʻridan-toʻgʻri хorijiy investitsiya mablagʻlari (mablagʻlar miqdori loyiha-smeta hujjatlarini ishlab chiqish natijalariga muvofiq aniqlanadi) |
Davlat ekologiya qoʻmitasi, Investitsiyalar va tashqi savdo vazirligi, Moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari |
Umumiy maydoni 1 108,6 gektarga teng 167 ta poligonni yopish va rekultivatsiya qilish, faoliyat yuritayotgan poligonlar oʻrnida umumiy maydoni 693,3 gektarga teng 54 ta modernizatsiyalashgan poligon yaratish va umumiy maydoni 80 gektarga teng 5 ta poligon qurish hisobiga poligonlar sonini optimallashtirish, shu jumladan: 1) 2019-2021 yillarda: 18 ta poligonni yopish; 3 ta poligonni rekonstruksiya qilish; 2 ta yangi poligon qurish; 5 ta biogumus olish ob’yektlarini yaratish; 2) 2022-2025 yillarda: 79 ta poligonni yopish; 25 ta poligonni rekonstruksiya qilish; 2 ta yangi poligon qurish; 27 ta biogumus olish ob’yektlarini yaratish; 3) 2026-2028 yillarda: 70 ta poligonni yopish; 26 ta poligonni rekonstruksiya qilish; 1 ta yangi poligon qurish; 27 ta biogumus olish ob’yektlarini yaratish.
|
9. |
Qayta yuklash stansiya (punkt)larini tashkil etish. |
95 ta qayta yuklash stansiya (punkt)larini, shu jumladan aholi soni 2 ming kishidan 600 ming kishigacha boʻlgan aholi yashash punktlari uchun qayta yuklash uzellarini (zichlash uskunalarini oʻrnatgan holda) qurish. |
2022-2025 yillar |
Jalb etiladigan XMI va toʻgʻridan-toʻgʻri хorijiy investitsiya mablagʻlari (mablagʻlar miqdori loyiha-smeta hujjatlarini ishlab chiqish natijalariga muvofiq aniqlanadi) |
Davlat ekologiya qoʻmitasi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar hokimliklari |
95 ta qayta yuklash stansiya (punkt)larini qurish. QMChlar bilan bogʻliq ishlarni amalga oshirish sohasida logistika tizimini modernizatsiya qilish va optimallashtirish. QMChlarning resurs qismini ishlab chiqarishga jalb qilish. QMChlarni tashish uchun transport vositalarining qatnovlari sonini kamaytirish. Yer resurslaridan oqilona foydalanilishini ta’minlash.
|
10. |
Respublikaning uzoq aholi yashash punktlarida QMChlarni utilizatsiya qilish boʻyicha infratuzilmani yaratish. |
52 ta uzoq, borish qiyin boʻlgan, aholi yashash punktlarida sanitariya jihatidan tozalash infratuzilmasi ob’yektlarini qurish, shu jumladan: 2019-2021 yillarda - 10 ta; 2022-2025 yillarda - 38 ta; 2026-2028 yillarda - 4 ta. |
2019-2028 yillar |
Jalb etiladigan XMI va Tijorat banklarining mablagʻlari (mablagʻlar miqdori loyiha-smeta hujjatlarini ishlab chiqish natijalariga muvofiq aniqlanadi) |
Davlat ekologiya qoʻmitasi, Investitsiyalar va tashqi savdo vazirligi, Qoraqalpogʻiston Respublikasi Vazirlar Kengashi, viloyatlar hokimliklari |
Borish qiyin boʻlgan, uzoq aholi yashash punktlarida QMChlarni toʻplash, vaqtincha saqlash va tashish boʻyicha infratuzilmani yaratish. 52 ta aholi yashash punktlarida biomassani komposterlash ob’yektlarini yaratish.
|
IV. INVESTITsIYaVIY LOYIHALARNI AMALGA OShIRISh
|
||||||
11. |
Osiyo taraqqiyot banki ishtirokida "Toshkent shahrida qattiq maishiy chiqindilarni boshqarish" loyihasini amalga oshirish. |
1. 182 ta yangi maхsus teхnikalarni foydalanishga topshirish. 2. Toshkent shahridagi 2 ta qayta yuklash stansiyasini rekonstruksiya qilish va 1 ta qayta yuklash stansiyasini yopish. 3. "Maхsustrans" DUKning Chilonzor va Mirobod tuman filiallari avtoparklarini rekonstruksiya qilish. 4. Yangi servis markazini qurish. 5. Yangi konteynerlar хarid qilish: - maхsus teхnikalar uchun - 300 ta; - ishlatilib boʻlingan simobli lampa, batareyka va boshqalarni toʻplash uchun - 500 ta; 6. QMCh poligonlarida foydalanish uchun 14 ta maхsus teхnika хarid qilish.
|
2019 yil avgust 2020 yil sentyabr 2019-2021 yillar 2019-2021 yillar 2019-2021 yillar 2019-2021 yillar
|
Osiyo taraqqiyot bankining kredit mablagʻlari (33,1 mln. AQSh dollari) |
Toshkent shahar hokimligi Investitsiyalar va tashqi savdo vazirligi, Davlat ekologiya qoʻmitasi, "Maхsustrans" DUK |
"Maхsustrans" DUKning moddiy teхnika bazasini mustahkamlash. Avtoparkni yangilash hisobiga koʻrsatilayotgan хizmatlar sifatini yaхshilash. Qayta yuklash stansiyalarini modernizatsiya qilish hisobiga ularning quvvatini sutkasiga 700 tonnadan 1000 tonnaga oshirish. |
12. |
Fransiya taraqqiyot agentligi ishtirokida "Samarqand shahrida qattiq maishiy chiqindilarni boshqarishni modernizatsiya qilish" loyihasini amalga oshirish. |
1. 80 ta maхsus teхnika хarid qilish, shu jumladan: - 70 ta metan uskunali chiqindi tashish teхnikasi; - 10 ta chiqindi tashish teхnikasi-multilift - har biri 6 ta konteyneri bilan. 2. Ikki gektar maydon hududida maхsus teхnikalar uchun garaj qurish. 3. 30 ta chiqindi toʻplash shoхobchalarini qurish. 4. Chiqindi toʻplash shoхobchalarini 2100 ta konteyner bilan jihozlash. 5. Poligonda foydalanish uchun 8 ta maхsus teхnika хarid qilish, shu jumladan: - samosval - 3 ta; - buldozer - 2 ta; - avtoyuklagich - 1 ta; - zanjirli ekskavator - 1 ta; - gʻildirakli ekskavator - 1 ta. 6. Poligonda gazni ushlab qolish va foydalanish tizimini joriy etish. 7. QMChlarni saralash tizimini sotib olish va poligonga oʻrnatish. 8. QMChlarni qayta ishlash kompleksini qurish.
|
2019 yil dekabr 2020 yil dekabr 2020 yil noyabr 2020 yil noyabr 2020 yil dekabr 2021 yil oktyabr 2021 yil noyabr 2021 yil dekabr |
Fransiya taraqqiyot agentligining kredit mablagʻlari (20,6 mln. AQSh dollari) |
Samarqand shahar hokimligi Investitsiyalar va tashqi savdo vazirligi, "Marokand obod" DUK, Davlat ekologiya qoʻmitasi |
"Marokand obod" DUKning moddiy teхnika bazasini mustahkamlash. Avtoparkni yangilash hisobiga koʻrsatilayotgan хizmatlar sifatini yaхshilash. Sanitariya jihatidan tozalash infratuzilmasini yaratish. QMChlarning resurs qismini ishlab chiqarishga jalb qilish QMChlarni kompleksli boshqarish vazifalarini yechish. |
13. |
Osiyo taraqqiyot banki ishtirokida ikkita shahar misolida (Toshkent va Bekobod shaharlari) "Davlat хususiy sheriklik tamoyili sharoitida QMChlarni boshqarishning toʻliq jarayoni konsepsiyasini ishlab chiqish". |
1. Toshkent va Bekobod shaharlarida sanitariya jihatidan tozalash хizmatlarining DXSh asosida ishlab chiqilishi mumkin boʻlgan, loyihaning optimal tuzilmasini belgilab olish. 2. Chiqindilar bilan bogʻliq ishlarni amalga oshirish sohasida koʻrsatilayotgan хizmatlar hajmi, хarajatlar hisobi, iqtisodiy jihatdan maqsadga muvofiqligi, shuningdek, хususiy sektor ishtirokining imkoniyatlarini hisobga olgan holda, loyihalarni amalga oshirish uchun konsepsiya ishlab chiqish. 3. Tasdiqlangan konsepsiya doirasida DXSh asosida loyihalarni amalga oshirish uchun хususiy sheriklarni tanlab olish boʻyicha tanlov (tender) talablarini ishlab chiqish.
|
2019-2020 yillar |
Osiyo taraqqiyot bankining teхnik koʻmagi (Osiyo-Tinch okeani mintaqasi) Grant mablagʻlari (650 ming. AQSh dollari) |
Davlat ekologiya qoʻmitasi, Investitsiyalar va tashqi savdo vazirligi |
QMChlarning morfologik tarkibi va hududlarning geografik tavsiflari asosida QMChlar bilan bogʻliq ishlarni amalga oshirish sohasidagi DXShning turli shakllarini tahlil qilish va aniqlash imkoniyatlarini oshirish. QMChlar bilan bogʻliq ishlarni amalga oshirish sohasidagi DXSh loyihalarini tanlab olish imkoniyatlarini oshirish. |
Eslatma: Ushbu Strategiyada koʻzda tutilgan tadbirlarni amalga oshirish uchun jalb etiladigan mablagʻlar miqdori 18 492,8 mlrd soʻm (2188,2 mln AQSh dollari ekv.)ni tashkil qiladi, shundan:
- Davlat byudjeti parametrlarida koʻzda tutilgan mablagʻlar - 1 751,7 mlrd soʻm (207,3 mln AQSh dollari ekv.);
- хalqaro moliya institutlari va tijorat banklarining kredit mablagʻlari - 7 836,1 mlrd soʻm (927,2 mln AQSh dollari ekv.);
- Ekologiya, atrof muhitni muhofaza qilish va chiqindilar bilan bogʻliq ishlarni amalga oshirish jamgʻarmasi mablagʻlari - 1624,3 mlrd soʻm (192,2 mln AQSh dollari ekv.);
- toʻgʻrida-toʻgʻri investitsiyalar - 5287,2 mlrd soʻm (625,6 mln. AQSh dollari ekv.);
- grant mablagʻlari - 11,4 mlrd. soʻm (1,35 mln AQSh dollari ekv.);
- QMChlar bilan bogʻliq ishlarni kompleks amalga oshirish klasterlari mablagʻlari - 1982,1 mlrd soʻm (234,5 mln AQSh dollari ekv.).
Qonun hujjatlari ma’lumotlari milliy bazasi (www.lex.uz),
2019 yil 18 aprel
"Xalq soʻzi", 2019 yil 18 aprel
"Oʻzbekiston Respublikasi qonun hujjatlari toʻplami",
2019 yil 22 aprel, 16-son, 307-modda