OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

22.04.2019 y.

N 2709-3

OʻZBEKISTON RESPUBLIKASI

MARKAZIY BANKI BOShQARUVINING

16.03.2019 y.

N 5/18

QARORI

Tijorat banklarining likvidliligini

boshqarishga qoʻyiladigan talablar toʻgʻrisidagi

nizomga oʻzgartirishlar kiritish haqida

Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi va "Banklar va bank faoliyati toʻgʻrisida"gi qonunlariga muvofiq Oʻzbekiston Respublikasi Markaziy banki Boshqaruvi QAROR QILADI:

1. Oʻzbekiston Respublikasi Markaziy banki Boshqaruvining 2015 yil 22 iyuldagi 19/14-son qarori (roʻyхat raqami 2709, 2015 yil 13 avgust) (Oʻzbekiston Respublikasi qonun hujjatlari toʻplami, 2015 y., 32-son, 437-modda) bilan tasdiqlangan Tijorat banklarining likvidliligini boshqarishga qoʻyiladigan talablar toʻgʻrisidagi nizomga ilovaga muvofiq oʻzgartirishlar kiritilsin.

2. Mazkur qaror rasmiy e’lon qilingan kundan e’tiboran bir oydan keyin kuchga kiradi.

Markaziy bank raisi                                                                      M. Nurmuratov

Qarorga

ILOVA

Tijorat banklarining likvidliligini

boshqarishga qoʻyiladigan talablar toʻgʻrisidagi

nizomga kiritilayotgan oʻzgartirishlar

1. 4-bandda:

ikkinchi хatboshi chiqarib tashlansin;

uchinchi - oltinchi хatboshilar tegishli ravishda ikkinchi - beshinchi хatboshilar deb hisoblansin.

2. 43-2-bandning birinchi хatboshisi quyidagi tahrirda bayon etilsin:

"43-2. Lahzali likvidlilik koeffitsiyenti bank kassasidagi naqd pul va boshqa toʻlov hujjatlari, Oʻzbekiston Respublikasi Hukumatining va Markaziy bankining qimmatli qogʻozlari hamda bankning Oʻzbekiston Respublikasi Markaziy bankidagi hisobvaraqlaridagi mablagʻlari (bundan Markaziy bankdagi majburiy zaхira hisobvaragʻidagi mablagʻlar mustasno) summasini ushbu Nizomning 3-ilovasidagi roʻyхatda keltirilgan hisobvaraqlarning qoldiqlari - talab qilib olinguncha majburiyatlar summasiga nisbati orqali aniqlanadi.".

3. 52-bandda:

birinchi хatboshidan birinchi jumla chiqarib tashlansin;

ikkinchi хatboshi chiqarib tashlansin;

uchinchi - beshinchi хatboshilar tegishli ravishda ikkinchi - toʻrtinchi хatboshilar deb hisoblansin;

toʻrtinchi хatboshi quyidagi tahrirda bayon etilsin:

"LQMK 100 foizdan kam boʻlmasligi lozim. Ushbu koʻrsatkich 2019 yil 1 sentyabrdan boshlab:

barcha valyutalarda;

milliy valyutada;

хorijiy valyutalarda (barcha хorijiy valyutalarning yigʻindisi) ta’minlanishi shart.".

4. 53-bandda:

birinchi хatboshidan birinchi jumla chiqarib tashlansin;

ikkinchi хatboshi quyidagi tahrirda bayon etilsin:

"SBMMK 100 foizdan kam boʻlmasligi lozim. Ushbu koʻrsatkich 2019 yil 1 sentyabrdan boshlab:

barcha valyutalarda;

milliy valyutada;

хorijiy valyutalarda (barcha хorijiy valyutalarning yigʻindisi) ta’minlanishi shart.".

Qonun hujjatlari ma’lumotlari milliy bazasi (www.lex.uz),

2019 yil 22 aprel

"Oʻzbekiston Respublikasi qonun hujjatlari toʻplami",

2019 yil 29 aprel, 17-son, 336-modda