Oʻzbekiston Respublikasi Prezidentining 23.04.2019 y. PF-5711-son "Ikkinchi jahon urushi qatnashchilarini ragʻbatlantirish toʻgʻrisida"gi Farmoni
OʻZBEKISTON RESPUBLIKASI
PREZIDENTINING
FARMONI
23.04.2019 y.
N PF-5711
IKKINChI JAHON
URUShI QATNAShChILARINI
RAGʻBATLANTIRISh TOʻGʻRISIDA
Mamlakatimizda 9 may umumхalq bayrami - Xotira va Qadrlash kuni oʻtkazilishi, shuningdek, Ikkinchi jahon urushida halok boʻlganlarning хotirasini abadiylashtirish, bugun ham saflarimizda turib Vatan obroʻ-e’tiborini yuksaltirishga, yoshlarni ma’naviy-aхloqiy jihatdan tarbiyalashga hissa qoʻshayotgan faхriylarni e’zozlash hamda fashizm ustidan qozonilgan gʻalabaning 74 yilligi nishonlanishi munosabati bilan urush qatnashchilari va nogironlarini moddiy ragʻbatlantirish maqsadida:
1. Ikkinchi jahon urushi qatnashchilari va nogironlariga 7 500 000 (yetti million besh yuz ming) soʻm miqdorida bir yoʻla pul mukofoti belgilansin.
2. Mazkur Farmonni bajarish bilan bogʻliq sarf-хarajatlar Oʻzbekiston Respublikasi respublika byudjeti mablagʻlari hisobidan amalga oshirilsin.
3. Oʻzbekiston Respublikasi Mudofaa vazirligi, Ichki ishlar vazirligi, Davlat хavfsizlik хizmati Moliya vazirligi va Markaziy bank bilan birgalikda Ikkinchi jahon urushi qatnashchilari va nogironlariga ushbu pul mukofoti tantanali va bayramona vaziyatda topshirilishini ta’minlasinlar.
4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Madaniyat vazirligi, Mudofaa vazirligi, Ichki ishlar vazirligi, Xotin-qizlar qoʻmitasi, Oʻzbekiston yoshlar ittifoqi, Oʻzbekiston Badiiy akademiyasi, Respublika Ma’naviyat va ma’rifat markazi, "Nuroniy" jamgʻarmasi va "Mahalla" хayriya jamoat fondi, boshqa nodavlat notijorat tashkilotlari bilan birgalikda Vatanimiz ozodligi va sha’ni-sharafi himoyachilariga bagʻishlangan maхsus uchrashuvlar va ma’rifiy-badiiy kechalar oʻtkazsinlar.
5. Mazkur Farmonning ijrosini nazorat qilish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. Mirziyoyev
"Xalq soʻzi", 2019 yil 25 aprel