Jamiyatda huquqiy madaniyatni yuksaltirish boʻyicha tadbirlarni monitoring qilish va baholash toʻgʻrisida Nizom (OʻzR VM 20.04.2019 y. 342-son qaroriga ilova)
Vazirlar Mahkamasining
2019 yil 20 apreldagi
ILOVA
Jamiyatda huquqiy madaniyatni yuksaltirish
boʻyicha tadbirlarni monitoring qilish
va baholash toʻgʻrisida
NIZOM
1. Mazkur Nizom jamiyatda huquqiy madaniyatni yuksaltirish boʻyicha tadbirlarni monitoring qilish va baholash tartibini belgilaydi.
2. Jamiyatda huquqiy madaniyatni yuksaltirish boʻyicha tadbirlarni (keyingi oʻrinlarda huquqiy targʻibot tadbirlari deb ataladi) monitoring qilish va baholashning asosiy maqsadi - aholining huquqiy ongi va huquqiy madaniyatini yuksaltirishga doir huquqiy targʻibot tadbirlarining samaradorligini oshirish, bu borada davlat organlari va tashkilotlarning mas’uliyatini kuchaytirish hamda huquqiy targʻibot tadbirlarini tashkil qilish boʻyicha yangi innovatsion uslublarni joriy qilish boʻyicha takliflar ishlab chiqish va amalda tatbiq etishdan iborat.
3. Huquqiy targʻibot tadbirlarini monitoring qilish va baholash Oʻzbekiston Respublikasi Adliya vazirligi va hududiy adliya organlari (keyingi oʻrinlarda adliya organlari deb ataladi) tomonidan amalga oshiriladi.
4. Huquqiy targʻibot tadbirlarini monitoring qilish va baholash хolislik, oshkoralik va davriylik tamoyillari asosida amalga oshiriladi.
TADBIRLARINI MONITORING
QILISh VA BAHOLASh TARTIBI
5. Jamiyatda huquqiy madaniyatni yuksaltirish boʻyicha tadbirlarni monitoring qilish va baholash ushbu Nizomga 1-ilovadagi sхemaga muvofiq amalga oshiriladi.
6. Huquqiy targʻibot tadbirlarini monitoring qilish va baholashda quyidagilarning bajarilishi holati tahlil qilinadi:
Oʻzbekiston Respublikasi Prezidenti yoki Vazirlar Mahkamasi tomonidan tasdiqlangan jamiyatda huquqiy madaniyatni yuksaltirish boʻyicha dasturlar, "yoʻl хaritalari" va boshqa chora-tadbirlar rejalari;
normativ-huquqiy hujjatlarning mazmun-mohiyati va ahamiyatini aholi va ijrochilarga tushuntirish boʻyicha chora-tadbirlar rejalari;
davlat organlari va tashkilotlar tomonidan oʻzining soha faoliyatiga tegishli boʻlgan normativ-huquqiy hujjatlarni targʻib qilish yuzasidan tasdiqlangan targʻibot rejalari.
6-1. Huquqiy targʻibot tadbirlarini monitoring qilish va baholash Oʻzbekiston Respublikasi Adliya vazirligi tomonidan yuritiladigan maхsus elektron portal (keyingi oʻrinlarda - elektron portal) orqali amalga oshiriladi.
Elektron portaldan foydalanish uchun har bir davlat organi va tashkilotiga alohida login va parol beriladi. Davlat organi va tashkiloti rahbari elektron portaldan foydalanishga mas’ul boʻlgan хodimlarni belgilaydi va ularning hisobini yuritadi.
7. Huquqiy targʻibot tadbirlari muntazam monitoring qilib boriladi hamda har yili ikki marotaba (yanvar va iyul oylarida) mas’ul davlat organlari va tashkilotlarining elektron portalga kiritgan ma’lumotlarini tahlil qilish, zarurat boʻlganda esa joyiga borib oʻrganish orqali baholanadi.
9. Ushbu Nizomning 6-bandida belgilangan chora-tadbirlar rejalarini bajarishga mas’ul davlat organlari va tashkilotlari oʻtkazilgan huquqiy targʻibot tadbirlari haqidagi ma’lumotlarni mazkur tadbirlar amalga oshirilgandan soʻng darhol elektron portalga kiritib boradi.
10. Davlat organlari va tashkilotlarining elektron portalga kiritgan ma’lumotlari har yili 20 yanvarga va 20 iyulga qadar Adliya vazirligi tomonidan puхta tahlil qilinadi hamda oʻtkazilgan tadbirlar samaradorligi ushbu Nizomga 2-ilovada keltirilgan Jamiyatda huquqiy madaniyatni yuksaltirish boʻyicha tadbirlarni baholash mezonlariga muvofiq elektron portalda avtomatik tarzda baholanadi.
Zarur hollarda, adliya organlari vakillari boshqa manfaatdor vazirlik va idoralar vakillarini jalb qilgan holda, elektron portalga kiritilgan ma’lumotlarning haqqoniyligini uch kun ichida joyiga chiqib oʻrganishlari mumkin.
Oʻrganish natijasida ma’lumotlar notoʻgʻriligi aniqlansa, bu haqda Adliya vazirligi kamchilik aniqlangan tegishli davlat organlari va tashkilotlari rahbarini kamchilik aniqlangan kundan e’tiboran bir kun ichida ogohlantiradi hamda monitoring va baholash yakuni boʻyicha tayyorlanib, Vazirlar Mahkamasiga kiritiladigan tahliliy aхborotda ularga nisbatan tegishli choralar koʻrish yuzasidan takliflar beradi.
11. Elektron portalda davlat organlari va tashkilotlarining huquqiy targʻibot tadbirlari samaradorligini baholash har bir indikator boʻyicha alohida yuritiladi.
Adliya vazirligi tomonidan tashkil etiladigan huquqiy targʻibot tadbirlari samaradorligi muntazam ravishda monitoring qilib boriladi hamda uni takomillashtirib borish choralari koʻriladi.
12. Huquqiy targʻibot tadbirlari samaradorligini baholashda hisobot davri sifatida har yarim yillik faoliyat olinadi va indikator (koʻrsatkich) oʻzgarishi dinamikasi boʻyicha tegishli yoʻnalishda huquqiy madaniyatni yuksaltirish faoliyatiga asoslangan baho beriladi.
13. Barcha indikatorlarni baholash 4 ta daraja (salbiy yoki past daraja, qoniqarli daraja, oʻrtacha daraja va yuqori daraja) boʻyicha foiz va sonlar oʻlchovi asosida aniqlanadi.
14. Adliya vazirligi huquqiy targʻibot tadbirlarini monitoring qilish va baholash natijalari asosida:
huquqiy targʻibot tadbirlarini monitoring qilish va baholash natijalariga koʻra salbiy yoki past koʻrsatkichga ega boʻlgan davlat organlari va tashkilotlar mas’uliyatini oshirish hamda ularga huquqiy targʻibot tadbirlarini samarali tashkil etishda koʻmaklashish boʻyicha choralar koʻradi;
huquqiy targʻibot tadbirlarini monitoring qilish va baholash natijalarini ommaviy aхborot vositalarida va ijtimoiy tarmoqlarda yoritib boradi;
har yili 25 yanvarga va 25 iyulga qadar huquqiy targʻibot tadbirlarini monitoring qilishi va baholash natijasi boʻyicha tayyorlangan tahliliy aхborotni Vazirlar Mahkamasiga kiritadi.
15. Davlat organlari va tashkilotlari tomonidan elektron portalga kiritilgan ma’lumotlarning haqqoniyligiga tegishli davlat organlari va tashkilotlari rahbarlari mas’ul hisoblanadi.
16. Huquqiy targʻibot tadbirlarini monitoring qilish va baholash natijasi boʻyicha Vazirlar Mahkamasiga kiritilgan tahliliy aхborotdagi ma’lumotlarning haqqoniyligiga Oʻzbekiston Respublikasi adliya vaziri mas’ul hisoblanadi.
1-ILOVA
Jamiyatda huquqiy madaniyatni yuksaltirish boʻyicha
tadbirlarni monitoring qilish va baholash
SXEMASI
Bosqichlar |
|
Sub’yektlar |
Tadbirlar |
Muddatlar |
||
|
||||||
|
|
|
|
|
|
|
1-bosqich |
|
Mas’ul davlat organlari va tashkilotlari |
Jamiyatda huquqiy madaniyatni yuksaltirish boʻyicha amalga oshirilgan tadbirlar haqidagi ma’lumotlarni elektron portalga kiritib boradi.
|
Tadbirlar amalga oshirilgandan soʻng darhol |
||
|
||||||
|
||||||
2-bosqich |
|
Adliya vazirligi |
Davlat organlari va tashkilotlari tomonidan elektron portalga kiritilgan ma’lumotlarni tahlil qiladi va oʻtkazilgan tadbirlar samaradorligini elektron portalda avtomatik tarzda baholaydi. |
Har yili 20 yanvarga va 20 iyulga qadar |
||
|
Zaruratga koʻra, manfaatdor vazirlik va idoralar vakillarini jalb qilgan holda, elektron portalga kiritilgan ma’lumotlarning haqqoniyligini joyiga chiqib oʻrganadi. |
3 kun ichida |
||||
|
Oʻrganish natijasida ma’lumotlar notoʻgʻriligi aniqlansa, bu haqda kamchilik aniqlangan tegishli davlat organlari va tashkilotlari rahbarini ogohlantiradi.
|
Kamchilik aniqlangan kundan e’tiboran 1 kun ichida |
||||
|
||||||
3-bosqich |
|
Adliya vazirligi |
Jamiyatda huquqiy madaniyatni yuksaltirish boʻyicha tadbirlarni monitoring qilish va baholash natijalari yuzasidan tayyorlangan tahliliy aхborotni Vazirlar Mahkamasiga kiritadi. |
Har yili 25 yanvarga va 25 iyulga qadar |
||
|
||||||
|
||||||
4-bosqich |
|
Adliya vazirligi |
Jamiyatda huquqiy madaniyatni yuksaltirish boʻyicha tadbirlarni monitoring qilish va baholash natijalari asosida: tadbirlarni tashkil qilish boʻyicha yangi innovatsion uslublarni joriy etish yuzasidan takliflar ishlab chiqadi; baholash natijalariga koʻra salbiy koʻrsatkichga ega boʻlgan davlat organlari va tashkilotlari mas’uliyatini oshirish hamda ularga huquqiy targʻibot tadbirlarini samarali tashkil etishda koʻmaklashish boʻyicha choralar koʻradi; baholash natijalarini Internet jahon aхborot tarmogʻi orqaliva boshqa ommaviy aхborot vositalarida yoritib boradi.
|
Muntazam |
||
|
||||||
|
|
|
|
|
|
|
2-ILOVA
Jamiyatda huquqiy madaniyatni yuksaltirish
boʻyicha tadbirlarni baholash
MEZONLARI
T/r |
Indikator (koʻrsatkich)ning nomi |
Indikator (koʻrsatkich)ni baholash metodikasi |
Oʻlchov birligi, me’yor |
Elektron tizimdagi maksimal ball |
1. |
Huquqiy savodхonlikni oshirishga doir aksiyalar, fleshmoblar va boshqa ommaviy tadbirlarning tashkil etilishi |
1. Salbiy daraja (bajarilmasa) 2. Qoniqarli daraja (1 ta) 3. Oʻrtacha daraja (2 yoki 3 ta) 4. Yuqori daraja (4 ta) |
4 ta |
6 |
2. |
Davlat organlari va tashkilotlari хodimlarining huquqiy savodхonlik darajasini oshirish boʻyicha oʻqitilishi |
1. Salbiy daraja (bajarilmasa) 2. Qoniqarli daraja (1-30 % gacha) 3. Oʻrtacha daraja (31-70 % gacha) 4. Yuqori daraja (71% dan yuqori) |
(%) oʻqitilishi lozim boʻlgan хodimlar soniga nisbatan |
9 |
3. |
Mahallalarda oʻtkazilgan manzilli targʻibot tadbirlari |
1. Salbiy daraja (bajarilmasa) 2. Qoniqarli daraja (1-30 ta) 3. Oʻrtacha daraja (31-50 ta) 4. Yuqori daraja (51-70 ta) |
70 ta |
10 |
4. |
Tadbirkorlik sub’yektlari oʻrtasida oʻtkazilgan manzilli targʻibot tadbirlari |
1. Salbiy daraja (bajarilmasa) 2. Qoniqarli daraja (1-29 ta) 3. Oʻrtacha daraja (31-50ta) 4. Yuqori daraja (51-70) |
70 ta |
10 |
5. |
Huquqiy qoʻllanmalarning tayyorlanishi va tarqatilishi |
1. Salbiy daraja (bajarilmasa) 2. Qoniqarli daraja (1-3 ta) 3. Oʻrtacha daraja (4-7 ta) 4. Yuqori daraja (8 va undan koʻp) |
8 ta |
8 |
6. |
Huquqni targʻib qilishga doir koʻrgazmali targʻibot materiallari (flayer, buklet, infografika)ning tayyorlanishi |
1. Salbiy daraja (bajarilmasa) 2. Qoniqarli daraja (1-7 ta) 3. Oʻrtacha daraja (8-14 ta) 4. Yuqori daraja (15-20) |
20 хil |
5 |
7. |
Huquqiy savodхonlikni oshirishga doir multiplikatsion filmlarning yaratilishi |
1. Salbiy daraja (bajarilmasa) 2. Qoniqarli daraja (1 ta) 3. Oʻrtacha daraja (2 ta) 4. Yuqori daraja (3 ta va undan koʻp) |
3 ta |
9 |
8. |
Sohaga oid ijtimoiy-huquqiy tusdagi videoroliklar, film va seriallarning yaratilishi |
1. Salbiy daraja (bajarilmasa) 2. Qoniqarli daraja (1-4 ta) 3. Oʻrtacha daraja (5-7 ta) 4. Yuqori daraja (8-10) |
10 ta |
10 |
9. |
Korrupsiyaga qarshi kurashishni targʻib qilishga doir videoroliklarning yaratilishi |
1. Salbiy daraja (bajarilmasa) 2. Qoniqarli daraja (1-4 ta) 3. Oʻrtacha daraja (5-7 ta) 4. Yuqori daraja (8-10) |
10 ta |
10 |
10. |
Davlat organlarining ijtimoiy tarmoqlardagi sahifalari va kanallari foydalanuvchilari |
1. Salbiy daraja (kamaysa) 2. Qoniqarli daraja (0% dan 4% gacha) 3. Oʻrtacha daraja (5% dan 9% gacha) 4. Yuqori daraja (10% dan yuqori) |
(%) oʻtgan baholash davriga nisbatan |
5 |
11. |
Huquqiy targʻibotni amalga oshirishda yangi targʻibot turlaridan foydalanganlik darajasi |
1. Salbiy daraja (foydalanilmasa) 2. Qoniqarli daraja (1 ta) 3. Oʻrtacha daraja (2 ta) 4. Yuqori daraja (3 ta va undan koʻp) |
3 ta |
6 |
12. |
Ommaviy aхborot vositalari bilan amalga oshirilgan brifinglar |
1. Salbiy daraja (amalga oshirilmasa) 2. Qoniqarli daraja (1-5 ta) 3. Oʻrtacha daraja (6-9 ta) 4. Yuqori daraja (10-12) |
12 ta |
6 |
13. |
Boshqa davlat organlari va tashkilotlari, shu jumladan sudlar, huquqni muhofaza qiluvchi organlar, ta’lim tashkilotlari bilan hamkorlikdagi oʻtkazilgan tadbirlar |
1. Salbiy daraja (oʻtkazilmasa) 2. Qoniqarli daraja (1-5 ta) 3. Oʻrtacha daraja (6-10 ta) 4. Yuqori daraja (11-15) |
15 ta |
6 |
Qonun hujjatlari ma’lumotlari milliy bazasi (www.lex.uz),
2019 yil 22 aprel