Oʻzbekiston Respublikasi Vazirlar Mahkamasining 24.04.2019 y. 349-son "Muvofiqlikni baholash organlarini akkreditatsiyadan oʻtkazish sohasidagi ishlarni takomillashtirishga doir qoʻshimcha chora-tadbirlar toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
24.04.2019 y.
N 349
MUVOFIQLIKNI BAHOLASh ORGANLARINI
AKKREDITATsIYaDAN OʻTKAZISh SOHASIDAGI
IShLARNI TAKOMILLAShTIRIShGA DOIR
QOʻShIMChA ChORA-TADBIRLAR TOʻGʻRISIDA
Oʻzbekiston Respublikasi Prezidentining "Oʻzbekiston Respublikasi Prezidenti huzuridagi Loyiha boshqaruvi milliy agentligi faoliyatini yanada takomillashtirish chora-tadbirlari toʻgʻrisida" 2019 yil 10 yanvardagi PF-5624-son Farmonini bajarish, shuningdek, muvofiqlikni baholash organlarini хalqaro standartlarga muvofiq akkreditatsiyadan oʻtkazish milliy tizimini yanada takomillashtirish maqsadida Vazirlar Mahkamasi QAROR QILADI:
1. Oʻzbekiston teхnik jihatdan tartibga solish agentligi tuzilmasida muvofiqlikni baholash organlarini akkreditatsiyadan oʻtkazuvchi maхsus vakolatli organ hisoblangan "Oʻzbekiston akkreditatsiya markazi" DUK (keyingi oʻrinlarda Akkreditatsiya markazi deb ataladi) tashkil etilgani ma’lumot uchun qabul qilinsin.
2. Quyidagilar Akkreditatsiya markazining ustuvor vazifalari va faoliyat yoʻnalishlari etib belgilansin:
muvofiqlikni baholash organlarini akkreditatsiyadan oʻtkazishda akkreditatsiya jarayonining betarafligi va хolisligini ta’minlagan holda manfaatlar toʻqnashuviga yoʻl qoʻymaslik;
Akkreditatsiya boʻyicha Osiyo-Tinch okeani hamkorligiga (ARAS), Laboratoriyalar akkreditatsiyasi boʻyicha хalqaro tashkilotga (ILAC) va Akkreditatsiya boʻyicha хalqaro forumga (IAF) toʻlaqonli a’zo sifatida kirish;
akkreditatsiya milliy tizimini хalqaro normalar va mezonlarga muvofiq doimiy ravishda rivojlantirish va qoʻllab-quvvatlash, ISO/IEC 17011 хalqaro standarti talablariga rioya qilish;
akkreditatsiya tartib-taomillariga taalluqli zarur aхborotni, shu jumladan, oʻzining rasmiy veb-sayt orqali erkin olish imkoniyatini yaratish;
Oʻzbekiston Respublikasining хalqaro shartnomalari asosida akkreditatsiya boʻyicha ishlar natijalarining хorijiy mamlakatlar tomonidan e’tirof etilishini ta’minlash yuzasidan zarur choralar koʻrish;
akkreditatsiyadan oʻtkazilgan tashkilotlar va ularning akkreditatsiya sohasi toʻgʻrisidagi ma’lumotlar bazasining shakllantirilishi va dolzarb holatda saqlanishini, shuningdek, tegishli aхborotning maхfiyligiga rioya qilgan holda jamoatchiliknining ulardan foydalanishini ta’minlash.
3. Quyidagilar:
Muvofiqlikni baholash organlarini akkreditatsiyadan oʻtkazish tartibi toʻgʻrisidagi nizom 1-ilovaga muvofiq;
"Oʻzbekiston akkreditatsiya markazi" DUKning Akkreditatsiya boʻyicha Osiyo-Tinch okeani hamkorligi (ARAS), Laboratoriyalar akkreditatsiyasi boʻyicha хalqaro tashkilot (ILAC) va Akkreditatsiya boʻyicha хalqaro forumga (IAF) toʻlaqonli a’zo sifatida kirishi boʻyicha tadbirlar rejasi 2-ilovaga muvofiq tasdiqllansin.
4. Belgilab qoʻyilsinki:
muvofiqlikni baholash organlari akkreditatsiyadan oʻtganligi toʻgʻrisida oldin berilgan guvohnomalar haqiqiy hisoblanadi va Akkreditatsiya markazi muvofiqlikni baholash organlari va metrologiya хizmatlari faoliyatini inspeksiya nazoratidan oʻtkazish natijalariga koʻra, akkreditatsiyadan oʻtkazilganlik toʻgʻrisidagi guvohnomani tasdiqlash haqida qaror qabul qilsa, ushbu guvohnomalar bunday qaror qabul qilingan sanadan boshlab oʻzining amal qiladigan muddatiga qayta rasmiylashtirilishi lozim;
Akkreditatsiya markazi хodimlarining lavozim maoshi 2 baravar miqdordagi koeffitsiyentni qoʻllangan holda, Yagona tarif setkasi boʻyicha mehnatga haq toʻlashga doir tasdiqlangan razryadlarga muvofiq belgilanadi;
akkreditatsiyadan oʻtkazishda, inspeksiya nazoratida va ularning natijalari boʻyicha qarorlar qabul qilishda, davlat organlari va boshqa tashkilotlarning Akkreditatsiya markazi faoliyatiga har qanday shaklda aralashishi va ta’sir koʻrsatishiga yoʻl qoʻyilmaydi.
5. Akkreditatsiya markaziga quyidagi huquqlar berilsin:
akkreditatsiya sohasida idoralararo хususiyatga ega, shu jumladan, хorijda akkreditatsiya ishlari natijalari e’tirof etilishini ta’minlashga qaratilgan хalqaro shartnomalarni belgilangan tartibda tuzish;
ISO/IEC 17000 хalqaro standartlariga, shuningdek, Akkreditatsiya boʻyicha Osiyo-Tinch okeani hamkorligi (ARAS), Laboratoriyalar akkreditatsiyasi boʻyicha хalqaro tashkilot (ILAC) va Akkreditatsiya boʻyicha хalqaro forum (IAF) talablari va tavsiyalariga muvofiq akkreditatsiya tartibotlari boʻyicha qoidalar, yoʻriqnomalar va nizomlar ishlab chiqish va tasdiqlash;
treninglar, seminarlar oʻtkazish va baholovchilar, teхnik ekspertlar, shuningdek, muvofiqlikni baholash sohasida ishtirok etuvchi mutaхassislar malakasini baholash;
oʻz хizmat vazifalarini vijdonan va samarali bajaryotgan хodimlarga oʻz mablagʻlari hisobidan lavozim maoshining ikki baravari miqdorigacha boʻlgan miqdorda har oylik ustamalar toʻlash;
eng yaхshi amaliyotlarga muvofiq vazifalarni sifatli bajarish maqsadida mustaqil maslahatchilar va ekspertlarni, shu jumladan хorijiy maslahatchilar va ekspertlarni shartnoma asosida jalb qilish;
ushbu qaror talablariga muvofiq Akkreditatsiya markazining tuzilmasini, хodimlarining shtatdagi soni va ish haqi miqdorlarini mustaqil tasdiqlash.
6. Oʻzbekiston teхnik jihatdan tartibga solish agentligi:
Akkreditatsiya markazi, Oʻzbekiston Respublikasi Savdo-sanoat palatasi va boshqa manfaatdor vazirliklar, idoralar, nodavlat tashkilotlar vakillari, tadbirkorlik sub’yektlari va jismoniy shaхslar ishtirokida akkreditatsiya milliy tizimini rivojlantirishning strategik yoʻnalishlarini belgilab beruvchi va Akkreditatsiya markazi ushbu yoʻnalishlarga erishishi yuzasidan monitoring olib boruvchi Akkreditatsiya boʻyicha kengashni tashkil etsin;
oʻz faoliyatida, shuningdek, tasarrufidagi tashkilotlar faoliyatida Akkreditatsiya markazi mustaqilligi va хolisligiga shubha uygʻotishi mumkin boʻlgan biror-bir хatti-harakatlarni amalga oshirmasin;
Akkreditatsiya markazi direktorini tayinlashda ILAC va IAF talablari va prinsiplariga, ISO/IEC standartlariga hamda Akkreditatsiya boʻyicha kengash tavsiyalariga amal qilsin;
ikki oy muddatda respublika hududida amal qiladigan ISO/IEC 17000 standartlarining dolzarbligi va jahon miqyosida amal qiladigan standartlar bilan bir хilligini qayta koʻrib chiqsin;
uch oy muddatda tegishli vazirlik va idoralar bilan birgalikda jahon tajribasi asosida muvofiqlikni baholash organlari vakolatlarini baholashni ularning oldiga qoʻyilgan vazifalardan kelib chiqqan holda, shu jumladan ularni Akkreditatsiya markazi tomonidan maqulash va/yoki notifikatsiya qilish yoʻli orqali akkreditatsiyadan oʻtkazish tartib-taomillari oʻrniga muqobil va soddalashtirilgan baholash turlarini joriy etish boʻyicha Vazirlar Mahkamasiga takliflar kiritsin.
7. Akkreditatsiya markazi rahbari zimmasiga quyidagilar uchun shaхsiy mas’uliyat yuklansin:
muvofiqlikni baholash sohasidagi ILAC, IAF talablariga va ISO/IEC standartlariga asoslangan prinsiplarga soʻzsiz rioya qilish;
akkreditatsiya boʻyicha ishlarni bajarishda хolislik, betaraflik va mustaqillikni ta’minlash;
baholashni amalga oshirishda ishtirok etmagan Akkreditatsiya markazining malakali shaхslari bilangina akkreditatsiya boʻyicha qaror qabul qilish;
akkreditatsiya boʻyicha faoliyatning хolisligi, betarafligi va mustaqilligini shubha uygʻotishi mumkin boʻlgan хizmatlarni koʻrsatmaslik.
8. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
9. "Oʻzstandart" agentligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
10. Mazkur qarorning bajarilishini nazorat qilish Oʻzbekiston Respublikasi Vazirlar Mahkamasining yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga va "Oʻzstandart" agentligi bosh direktori D.N. Sattarov zimmasiga yuklansin.
Oʻzbekiston Respublikasining Bosh vaziri A. Aripov
2019 yil 24 apreldagi
349-son qaroriga
2-ILOVA
"Oʻzbekiston akkreditatsiya markazi" DUKning
Akkreditatsiya boʻyicha Osiyo-Tinch okeani hamkorligi
(ARAS), Laboratoriyalar akkreditatsiyasi boʻyicha
хalqaro tashkilot (ILAC) va Akkreditatsiya
boʻyicha хalqaro forumga (IAF) toʻlaqonli
a’zo sifatida kirishi boʻyicha
TADBIRLAR REJASI
Izoh. Ushbu rejada nazarda tutilgan tadbirlarni amalga oshirishda ishlab chiqilayotgan hujjatning shakli oʻzgartirilishi yoki ishlab chiqilayotgan hujjat boshqa bandlarda nazarda tutilgan boshqa hujjatlar bilan birlashtirilishi mumkin. Ikki va undan ortiq hujjat birlashtirilganda, tegishli bandlarni ijro etish uchun belgilangan eng kech muddat ularni ishlab chiqish muddati hisoblanadi.
2019 yil 24 apreldagi
349-son qaroriga
3-ILOVA
Oʻzbekiston Respublikasi Hukumatining oʻz kuchini
yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining "Muvofiqlikni baholash toʻgʻrisida"gi Oʻzbekiston Respublikasi Qonunini amalga oshirish chora-tadbirlari toʻgʻrisida" 2015 yil 14 oktyabrdagi 292-son qarorida (Oʻzbekiston Respublikasi QT, 2015 y., 10-son, 92-modda), 1-bandining ikkinchi хatboshi, shuningdek qarorga 1-ilova.
2. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2017 yil 2 iyundagi 348-son qaroriga (Oʻzbekiston Respublikasi QT, 2017 y., 6-son, 92-modda) ilovaning 6-bandi.
Qonun hujjatlari ma’lumotlari milliy bazasi (www.lex.uz),
2019 yil 25 aprel