OʻZBEKISTON RESPUBLIKASI

VAZIRLAR MAHKAMASINING

QARORI

20.04.2019 y.

N 342

JAMIYaTDA HUQUQIY MADANIYaTNI

YuKSALTIRISh BOʻYIChA TADBIRLARNI

MONITORING QILISh VA BAHOLASh

TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Jamiyatda huquqiy ong va huquqiy madaniyatni yuksaltirish tizimini tubdan takomillashtirish toʻgʻrisida" 2019 yil 9 yanvardagi PF-5618-son Farmoni ijrosini ta’minlash hamda jamiyatda huquqiy madaniyatni yuksaltirish boʻyicha tadbirlarni tahlil qilish maqsadida Vazirlar Mahkamasi QAROR QILADI:

1. Jamiyatda huquqiy madaniyatni yuksaltirish boʻyicha tadbirlarni monitoring qilish va baholash toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Adliya vazirligi:

jamiyatda huquqiy madaniyatni yuksaltirish boʻyicha tadbirlarni tizimli ravishda monitoring qilib borsin, bunda davlat organlari va tashkilotlar tomonidan huquqiy targʻibot va ma’rifat boʻyicha olib borilgan ishlarni oʻrganib, ularning ushbu yoʻnalishdagi faoliyatini takomillashtirishga doir takliflar tayyorlanishini ta’minlasin;

jamiyatda huquqiy madaniyatni yuksaltirish boʻyicha tadbirlar tashkil qilinishida davlat organlari va tashkilotlarga doimiy ravishda amaliy yordam berib borsin;

jamiyatda huquqiy madaniyatni yuksaltirish boʻyicha tadbirlarni monitoring qilish va baholash natijalari toʻgʻrisida Vazirlar Mahkamasiga har olti oyda tahliliy aхborot kiritib borsin.

3. Mazkur qarorning bajarilishini nazorat qilish Oʻzbekiston Respublikasi adliya vaziri R.Q. Davletov zimmasiga yuklansin.

Oʻzbekiston Respublikasining Bosh vaziri                                                   A. Aripov

Qonun hujjatlari ma’lumotlari milliy bazasi (www.lex.uz),

2019 yil 22 aprel