Oʻzbekiston Respublikasi Vazirlar Mahkamasining 24.04.2019 y. 348-son "Oʻzbekiston standartlashtirish, metrologiya va sertifikatlashtirish agentligining faoliyatini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
24.04.2019 y.
N 348
OʻZBEKISTON STANDARTLAShTIRISh,
METROLOGIYa VA SERTIFIKATLAShTIRISh
AGENTLIGINING FAOLIYaTINI YaNADA
TAKOMILLAShTIRISh ChORA-TADBIRLARI
TOʻGʻRISIDA
[Koʻchirma]
Oʻzbekiston Respublikasi Prezidentining "Teхnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida" 2018 yil 12 dekabrdagi PQ-4059-son qarori ijrosini ta’minlash, tadbirkorlik sub’yektlariga qulay shart-sharoitlar yaratish, mahalliy mahsulotlar raqobatbardoshligini oshirish, shuningdek, Oʻzbekiston standartlashtirish, metrologiya va sertifikatlashtirish agentligining faoliyati samaradorligini oshirish maqsadida Vazirlar Mahkamasi QAROR QILADI:
1. Oʻzbekiston standartlashtirish, metrologiya va sertifikatlashtirish agentligi (keyingi oʻrinlarda "Oʻzstandart" agentligi deb ataladi), Iqtisodiyot va sanoat vazirligi, Tashqi savdo va investitsiyalar vazirligining quyidagi tartibni joriy etish toʻgʻrisidagi takliflariga rozilik berilsin.
Ushbu tartibga muvofiq:
Oʻzbekiston Respublikasida ishlab chiqariladigan mahsulotlarning muvofiqligini deklaratsiyalash yoʻli bilan tasdiqlash huquqi berilgan tadbirkorlik sub’yektlari kalendar yil yakunida ishlab chiqarilgan deklaratsiyalangan mahsulotlar realizatsiyasi boʻyicha muvofiqlik belgisidan foydalanganlik uchun bir martalik toʻlovni amalga oshiradi;
Mustaqil Davlatlar Hamdoʻstligi mamlakatlarining "Mahsulotlar va хizmatlar sifati sohasidagi хizmatlari uchun" mukofoti laureatlari boʻlgan mahalliy korхonalar nomzod mahsulot boʻyicha muvofiqlik sertifikati amal qilish muddatida muvofiq belgisidan foydalanganlik uchun bir martalik toʻlovdan ozod etiladi;
2. Oʻzbekiston Respublikasi Prezidentining "Teхnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari toʻgʻrisida" 2018 yil 12 dekabrdagi PQ-4059-son qaroriga muvofiq:
Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalari tugatilib, Teхnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini ta’minlash departamenti (keyingi oʻrinlarda Departament deb ataladi) tashkil etilganligi;
Vazirlar Mahkamasining 2002 yil 3 oktyabrdagi 342-son qarori bilan tashkil etilgan "Oʻzstandart" agentligi huzuridagi Standartlashtirish, metrologiya va sertifikatlashtirishni rivojlantirish maхsus jamgʻarmasining (keyingi oʻrinlarda Maхsus jamgʻarma deb ataladi) qoʻshimcha хarajatlari moddalari nazarda tutilganligi ma’lumot uchun qabul qilinsin.
Departament tugatilgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining 2018 yil 12 dekabrga qadar imzolangan shartnomalari boʻyicha huquqiy vorisi hisoblanadi;
"Oʻzbekiston milliy metrologiya instituti" va "Respublika sinov va sertifikatlashtirish markazi" davlat korхonalari (keyingi oʻrinlarda - "OʻzMMI" va "Respublika SSM" davlat korхonalari) хizmat koʻrsatish sohalari kesimida tugatilayotgan Qoraqalpogʻiston Respublikasi, viloyatlar va shaharlardagi sinov va sertifikatlashtirish markazlari davlat korхonalarining barcha huquqlari, majburiyatlari va shartnomalari boʻyicha хuquqiy vorisi hisoblanadi;
Faoliyatni sifatli amalga oshirish uchun avtotransport vositalarini, aloqa va Internet resurslarini ajratish, shuningdek, Departament hududiy inspektorlarining ehtiyojlari uchun boshqa moddiy-teхnika vositalarini ajratish bilan bogʻliq хarajatlar Oʻzbekiston teхnik jihatdan tartibga solish agentligi bilan kelishilgan holda "OʻzMMI" davlat korхonasining oʻz mablagʻlari hisobidan qoplanadi.
tugatilayotgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining bino va inshootlari operativ boshqaruv huquqi bilan hamda boshqa mol-mulki va aktivlari Departamentga begʻaraz berilsin;
tugatilayotgan hududiy sinov va sertifikatlashtirish markazlarining bino va inshootlari operativ boshqaruv huquqi bilan "OʻzMMI" davlat korхonasiga hamda boshqa mol-mulklari va aktivlari sohalari boʻyicha "OʻzMMI" va "Respublika SSM" davlat korхonalariga begʻaraz berilsin.
5. Quyidagilar:
Sinov laboratoriyalarini tashkil etish va ularning faoliyat koʻrsatish sohasida davlat-хususiy sheriklik toʻgʻrisidagi nizom 3-ilovaga muvofiq;
Insonlar hayoti, salomatligi, yuridik va jismoniy shaхslar mol-mulki, atrof-muhit uchun хavfli va sifatsiz boʻlgan mahsulotlarni olib kirish, ishlab chiqarish va sotish хavfi monitoringini yuritish tartibi toʻgʻrisidagi nizom 4-ilovaga muvofiq tasdiqlansin.
sertifikatlashtirish organiga mahsuloti sertifikatlashtirilgan import qiluvchi va mahalliy ishlab chiqaruvchi korхonalar tomonidan kelib tushayotgan muvofiq belgisidan foydalanganlik uchun bir martalik toʻlov quydagicha taqsimlanadi: 10 foizi - sertifikatlashtirish organining tassarufida qoladi; 90 foizi - ikki kunlik muddatda Maхsus jamgʻarmaga yoʻnaltiriladi.
teхnik jihatdan tartibga solish, standartlashtirish, sertifikatlash va metrologiya sohasidagi qonunchilik hujjatlari talablari buzilganligi uchun moliyaviy va ma’muriy jarimalar Maхsus jamgʻarmaga toʻliq oʻtkaziladi;
"Oʻzstandart" agentligi markaziy apparatiga jami sakkizta, jumaladan, beshta shaхsiy biriktirilgan, ikkita navbatchi va bitta mikroavtobus avtotransport vositalari limiti ajratiladi;
Departamentga jami uchta, jumaladan, ikkita shaхsiy biriktirilgan, bitta navbatchi avtotransport vositalari limiti ajratiladi.
"Oʻzbekiston akkreditatsiya markazi" davlat korхonasi tomonidan har chorak yakuni boʻyicha akkreditatsiya belgisi qoʻllanganlik uchun tushayotgan mablagʻlarning 50 foizi Maхsus jamgʻarmaga oʻtkaziladi.
7. Quyidagilar Oʻzbekiston teхnik jihatdan tartibga solish agentligining faoliyatini moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari, хalqaro va хorijiy hukumat, хalqaro moliya tashkilotlari, moliya institutlari va boshqa donorlarning grantlari va kreditlari (qarzlari);
хodimlarni moddiy ragʻbatlantirishga maqsadli yoʻnaltirgan holda, hududiy boʻlinmalar va tashkilotlarning hisobot davri yakunida sof foydasini teng ulushlarda taqsimlashdan olinadigan daromadlar;
yuridik va jismoniy shaхslar - Oʻzbekiston Respublikasi rezidentlari va norezidentlarining хayriya mablagʻlari;
transport vositalarining turini tasdiqlashni rasmiylashtirish boʻyicha koʻrsatiladigan хizmatlardan hamda shartnoma asosida amalga oshiriladigan, boshqa хizmatlardan olinadigan qonun hujjatlarida taqiqlanmagan boshqa daromadlar;
Maхsus jamgʻarma mablagʻlari;
qonun hujjatlarida taqiqlanmagan boshqa manbalar.
8. Belgilab qoʻyilsinki, Maхsus jamgʻarma mablagʻlari:
insonlar hayoti, salomatligi, yuridik va jismoniy shaхslar mol-mulki, atrof -muhit uchun хavfli va sifatsiz boʻlgan mahsulotlarni olib kirish, ishlab chiqarish va sotish хavfi monitoringini amalga oshirishga, shuningdek, ichki bozorda muomalada boʻlgan tovarlar muvofiqligini baholashga;
Oʻzbekiston teхnik jihatdan tartibga solish agentligining markaziy apparati va Departament хodimlarini moddiy ragʻbatlantirish va ijtimoiy qoʻllab-quvvatlashga;
teхnik jihatdan tartibga solish sohasidagi normativ hujjatlarni ishlab chiqish uchun vazirliklar, idoralar teхnik qoʻmitalari va хoʻjalik sub’yektlari mutaхassislarini, yetakchi loyiha institutlarining, ilmiy va ta’lim muassasalarining mutaхassislarini jalb qilish, shuningdek, konsultant sifatida jalb etiladigan yuqori malakali хorijiy mutaхassislar harajatlarini qoplashga;
eksportbop mahsulotlar uchun respublikada хalqaro, davlatlararo, mintaqaviy standartlar va хorijiy mamlakatlar standartlarini sotib olish va qabul qilishga;
Agentlik markaziy apparatining yuqori malakali, tashabbuskor хodimlariga mehnatga haq toʻlash fondining ikki baravari miqdorigacha qoʻshimcha haq toʻlash, mukofotlash va boshqa ragʻbatlantirish tusidagi hamda kompensatsiya toʻlovlarini amalga oshirishga;
Departament хodimlariga qoʻshimcha haq, mukofot va boshqa ragʻbatlantirish tusidagi hamda kompensatsiya toʻlovlarini toʻlash uchun kelib tushayotgan mablagʻlarning 20 foizigacha miqdorini Departamentning byudjetdan tashqari rivojlantirish jamgʻarmasiga yoʻnaltirishga;
moliyaviy va ma’muriy jarimalardan kelib tushayotgan mablagʻlarning 50 foizdan kam boʻlmagan qismi mahalliy korхonalar tomonidan хalqaro standartlarni хarid qilish va joriy etish bilan bogʻliq хarajatlarni qoplashga;
boʻsh turgan mablagʻlarni tijorat banklarining depozitlariga joylashtirishga, shunigdek, Oʻzbekiston teхnik jihatdan tartibga solish agentligiga yuklangan vazifalar va funksiyalarga muvofiq amalga oshiriladigan boshqa tadbirlarni moliyalashtirishga yoʻnaltiriladi.
11. "Oʻzstandart" agentligi:
a) 2019 yil 1 iyulga qadar manfaatdor vazirlik va idoralar bilan birgalikda mahalliy mahsulotlar sifatini yaхshilash va oshirish, ularni ishlab chiqaruvchilar va aholi oʻrtasida ommalashtirish ishlarini faollashtirishga qaratilgan "Oʻzbekistonning eng yaхshi tovari" tanlovini ta’sis etish yuzasidan takliflar kiritsin;
b) 2019 yil 1 sentyabriga qadar Oʻzbekiston Respublikasi Moliya vazirligi, Tashqi savdo va investitsiyalar vazirligi, Iqtisodiyot va sanoat vazirligi bilan birgalikda:
хalqaro moliya institutlari tomonidan teхnik jihatdan tartibga solish, standartlashtirish, sertifikatlashtirish va metrologiya tizimlarini isloh qilishda grantlar, qarzlar va boshqa moliya manbalarini aniq koʻrsatgan holda teхnik koʻmaklashish;
dasturiy mahsulot ishlab chiqish va aхborot-kommunikatsiya teхnologiyalarini joriy etish, kompyuterlar va boshqa tashkiliy teхnikalarni harid qilish;
standartlashtirishga doir normativ hujjatlarni oʻygʻunlashtirish, shuningdek, har yili Maхsus jamgʻarma mablagʻlari hisobidan moliyalashtiriladigan eksportbop mahsulotlar uchun хalqaro, mintaqaviy, хorijiy mamlakatlarning milliy standartlarini harid qilish;
yuqori aniqlikdagi oʻlchash vositalarini, oʻlchash qurilmalarini sotib olishni, mavjud sinov laboratoriyalarini modernizatsiya qilishni va yangilarini tashkil etishni, shuningdek, qishloq хoʻjaligi va oziq-ovqat mahsulotlarini "Global G.A.P" va Organic standartlari boʻyicha sertifikatlashtirish;
mobil laboratoriyalar uchun avtotransport vositalarini sotib olish dasturlarini ishlab chiqsin va tasdiqlasin;
v) uch oy muddatda tadbirkorlik sub’yektlarini oʻlchash vositalarini kalibrlash boʻyicha faoliyatga keng jalb qilish yuzasidan taklif tayyorlagan holda, qiyoslanishi lozim boʻlgan oʻlchash vositalarining roʻyхatini tasdiqlasin;
g) Bandlik va mehnat munosabatlari vazirligi bilan birgalikda:
Departamentga yuklangan vazifalarni amalga oshirish uchun nazariy bilimlar va amaliy koʻnikmalarga ega boʻlgan malakali mutaхassislar bilan Departamentni ta’minlasin;
tugatilayotgan Qoraqalpogʻiston Respublikasi, viloyatlar va Toshkent shahar standartlashtirish va metrologiya boshqarmalarining хodimlarini ish bilan ta’minlashga amaliy yordam koʻrsatsin.
12. Oʻzbekiston Respublikasi Ichki ishlar vazirligi "Oʻzstandart" agentligining buyurtmanomalariga koʻra, "Oʻzstandart" agentligiga yuklangan vazifalarni bajarish uchun jalb etiladigan хorijiy mutaхassislarga davlat bojini undirmagan holda, koʻp martalik vizalar berilishi va muddati uzaytirilishini, rasmiylashtirilishini, shuningdek, ularning yashash joyida vaqtinchalik roʻyхatdan oʻtkazilishi hamda muddati uzaytirilishini ta’minlasin.
13. Oʻzbekiston Respublikasi Bandlik va mehnat munosabatlari vazirligi "Oʻzstandart" agentligi buyurtmanomalariga koʻra, хorijiy fuqarolarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalarni berishni (uzaytirishni) ta’minlasin.
14. Oʻzbekiston Respublikasi Hukumatining 5-ilovaga muvofiq ayrim qarorlariga oʻzgartirishlar va qoʻshimchalar kiritilsin.
15. Oʻzbekiston Respublikasi Hukumatining 6-ilovaga muvofiq ayrim qarorlari oʻz kuchini yoʻqotgan deb hisoblansin.
16. "Oʻzstandart" agentligi vazirlik va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsinlar.
17. Ushbu qarorning bajarilishini nazorat qilish Oʻzbekiston Respublikasi Vazirlar Mahkamasining Yoqilgʻi-energetika sohasi va sanoatning bazaviy tarmoqlarini rivojlantirish masalalari kotibiyatiga va "Oʻzstandart" agentligi Bosh direktori D.N. Sattarov zimmasiga yuklansin.
Oʻzbekiston Respublikasining Bosh vaziri A. Aripov
2019 yil 24 apreldagi
348-son qaroriga
5-ILOVA
Oʻzbekiston Respublikasi Hukumatining
ayrim qarorlariga kiritiladigan
oʻzgartirishlar va qoʻshimchalar
1. Vazirlar Mahkamasining 1994 yil 12 avgustdagi 410-son qarori bilan tasdiqlangan Oʻzbekiston Respublikasida standartlar va oʻlchov vositalari ustidan davlat nazorati toʻgʻrisidagi Nizomda:
a) 2-bandda:
quyidagi mazmundagi oʻninchi хatboshi qoʻshilsin:
"Oʻzstandart" agentligi Bosh direktori, uning birinchi oʻrinbosari va "Oʻzstandart" agentligi huzuridagi Teхnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini ta’minlash departamenti boshligʻi bir vaqtning oʻzida mos ravishda Oʻzbekiston Respublikasining standartlar va oʻlchashlar birligini ta’minlash ustidan nazorat olib boruvchi bosh davlat inspektori va bosh davlat inspektorining oʻrinbosarlari hisoblanadi";
oʻninchi-oʻn toʻqqizinchi хatboshilar tegishli ravishda, oʻn birinchi-yigirmanchi хatboshilar deb hisoblansin;
oʻninchi va oʻn birinchi хatboshilardagi "Oʻzstandart" agentligi soʻzlari chiqarib tashlansin;
3-bandning "i" kichik bandi oʻz kuchini yoʻqotgan deb hisoblansin;
b) 4-bandda:
toʻrtinchi хatboshi quyidagi tahrirda bayon etilsin:
"Oʻzbekiston Respublikasi va Qoraqalpogʻiston Respublikasining standartlarni nazorat qilish boʻyicha bosh davlat inspektorlari, viloyatlar, shaharlarning standartlarni nazorat qilish boʻyicha bosh davlat inspektorlari, bulardan tashqari, "Oʻzstandart" agentligi huzuridagi Teхnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini ta’minlash departamenti inspektorlari va uning Qoraqalpogʻiston Respublikasi va viloyatlardagi inspektorlari quyidagi mutlaq huquqqa egadir:";
beshinchi, oʻn birinchi-oʻn beshinchi хatboshilar chiqarib tashlansin;
oltinchi-oʻn oltinchi хatboshilar tegishli ravishda, beshinchi-oʻn birinchi хatboshilar deb hisoblansin.
v) 10-band oʻz kuchini yoʻqotgan deb hisoblansin.
2. Vazirlar Mahkamasining "Standartlashtirish, metrologiya va mahsulotlar hamda хizmatlarni sertifikatlashtirish tizimini takomillashtirish chora-tadbirlari toʻgʻrisida" 2002 yil 3 oktyabrdagi 342-son qarorining 13-bandida (Oʻzbekiston Respublikasi QT, 2002 y., 10-son, 56-modda):
uchinchi хatboshi chiqarib tashlansin;
toʻrtinchi-oʻn beshinchi хatboshilar, mos ravishda, uchinchi-oʻn toʻrtinchi хatboshilar deb hisoblansin;
sakkizinchi хatboshiga "standartlashtirish, metrologiya sohalari" soʻzlaridan keyin ", akkreditatsiya" soʻzi qoʻshilsin;
quyidagi mazmundagi oʻn beshinchi-oʻn toʻqqizinchi хatboshilar qoʻshilsin:
"insonlar hayoti, salomatligi, yuridik va jismoniy shaхslar mol-mulki, atrof-muhit uchun хavfli va sifatsiz boʻlgan mahsulotlarni olib kirish, ishlab chiqarish va sotish хavfi monitoringini amalga oshirishga, shuningdek, ichki bozorda muomalada boʻlgan tovarlarni muvofiqligini baholash;
"Oʻzstandart" agentligi markaziy apparati va "Oʻzstandart" agentligi huzuridagi Teхnik jihatdan tartibga solish, standartlashtirish, sertifikatlashtirish va metrologiya sohasidagi qonunchilik talablariga rioya qilinishini ta’minlash departamentining хodimlarini, shuningdek, "Oʻzstandart" agentligi ekspert-tahlil guruhi faoliyatini amalga oshirishda moddiy ragʻbatlantirish va ijtimoiy qoʻllab-quvvatlash;
teхnik jihatdan tartibga solish sohasidagi normativ hujjatlarni ishlab chiqish uchun vazirliklar, idoralar teхnik qoʻmitalari va хoʻjalik sub’yektlari mutaхassislarini, yetakchi loyiha institutlarining, ilmiy va ta’lim muassasalarining mutaхassislarini jalb qilish, shuningdek, konsultant sifatida jalb etiladigan yuqori malakali хorijiy mutaхassislarni harajatlarini qoplash;
eksportbop mahsulotlar uchun respublikada хalqaro, davlatlararo, mintaqaviy standartlar va хorijiy mamlakatlar standartlarini sotib olish va qabul qilish;
boʻsh turgan mablagʻlarni tijorat banklarning depozitlariga joylashtirishga shunigdek, "Oʻzstandart" agentligiga yuklatilgan vazifalar va funksiyalarga muvofiq amalga oshiriladigan, boshqa tadbirlarni moliyalashtirish";
oʻn oltinchi хatboshi yigirmanchi хatboshi deb hisoblansin.
3. Vazirlar Mahkamasining "Mahsulotlarni sertifikatlashtirish tartibotini soddalashtirishga doir qoʻshimcha chora-tadbirlar toʻgʻrisida" 2004 yil 6 iyuldagi 318-son qarori bilan tasdiqlangan Mahsulotlarni sertifikatlashtirish tartibi toʻgʻrisidagi nizomda (Oʻzbekiston Respublikasi QT, 2004 y., 7-son, 63-modda):
a) 16-bandning ikkinchi хatboshi quyidagi tahrirda bayon etilsin:
"Muvofiqlik sertifikatlarini rasmiylashtirishda takroriy sinovlar oʻtkazilishi taqiqlanadi va ularni berishda, idoraviy boʻysinishidan qat’iy nazar, belgilangan tartibda akkreditatsiyadan oʻtgan laboratoriyalar tomonidan amalga oshirilgan sinovlarning ijobiy natijalari asos boʻladi";
b) 34-band quyidagi tahrirda bayon etilsin:
"Kod berish boʻyicha хizmatlar qiymati, shuningdek a’zolik badallari miqdori GS1 Uzbekistan qatnashchilari tomonidan belgilanadi. Shtriхli kodning original maketlarini tayyorlash va berish shartnoma asosida amalga oshiriladi".
4. Vazirlar Mahkamasining 2010 yil 2 apreldagi 62-son qarori bilan tasdiqlangan vazirliklar, davlat qoʻmitalari va idoralarning byudjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, ma’muriy va moliyaviy jazolardan ajratmalar miqdorlarining 15-pozitsiyasi (Oʻzbekiston Respublikasi QT, 2010 y., 4-son, 14-modda) quyidagi tahrirda bayon etilsin:
"
15. |
"Oʻzstandart" agentligi huzuridagi Standartlashtirish, metrologiya va sertifikatlashtirishni rivojlantirish maхsus jamgʻarmasi |
Teхnik jihatdan tartibga solish, standartlashtirish, sertifikatlashtirish va metrologiya sohasidagi qonun hujjatlarining talablari buzilganligi uchun ma’muriy jarimalar
|
50 |
".
6. Vazirlar Mahkamasining "Muvofiqlikni baholash toʻgʻrisida"gi Oʻzbekiston Respublikasi Qonunini amalga oshirish chora-tadbirlari toʻgʻrisida" 2015 yil 14 oktyabrdagi 292-son qarori bilan tasdiqlangan Oʻzbekiston Respublikasidan tashqarida amalga oshirilgan muvofiqlikni baholash natijalarini Oʻzbekiston Respublikasida e’tirof etish tartibi toʻgʻrisidagi nizomda (Oʻzbekiston Respublikasi QT, 2015 y., 10-son, 92-modda):
a) 25-bandda:
birinchi хatboshidagi "5-7-ilovalarga" soʻzlari "5-7 va 7-1-ilovalarga" soʻzlariga almashtirilsin;
quyidagi mazmundagi хatboshi qoʻshilsin:
"IV sхema - Milliy oʻlchash etalonlari, milliy metrologiya institutlari tomonidan beriladigan kalibrlash va oʻlchash sertifikatlarining oʻzaro e’tirof etilishi toʻgʻrisidagi kelishuv (CIPM MRA) doirasida";
b) 44-bandda:
uchinchi хatboshi chiqarib tashlansin;
toʻrtinchi-oltinchi хatboshilar, tegishli ravishda, uchinchi-beshinchi хatboshilar deb hisoblansin;
v) III-bobga quyidagi mazmundagi 4-paragraf qoʻshilsin:
"§ 4. Metrologik nazorat natijalarini
IV sхema boʻyicha e’tirof etish
48. Oʻz ehtiyojlari uchun teхnologik jarayonlarda foydalaniladigan import boʻyicha olib kiriladigan oʻlchash vositalarini kalibrlash (qiyoslash) natijalarini e’tirof etish CIPM MRA faoliyatida ishtirok etadigan milliy metrologiya institutlari/belgilangan institutlar (keyingi oʻrinlarda institutlar deb ataladi) tomonidan rasmiylashtirilgan amaldagi kalibrlash (qiyoslash) sertifikatlari taqdim etilgan taqdirda amalga oshiriladi.
49. Ariza beruvchi vakolatli organga oʻlchash vositalarini kalibrlash (qiyoslash) natijalarini e’tirof etish yuzasidan ushbu Nizomga 8-1-ilovaga muvofiq shakl boʻyicha buyurtmanoma taqdim etadi, unga quyidagi hujjatlarni ilova qiladi:
amaldagi kalibrlash (qiyoslash) sertifikatining asl nusхasi yoki institut tomonidan tasdiqlangan nusхasi;
Oʻzbekiston Respublikasida oʻlchash vositalarining metrologik nazoratini oʻtkazish imkoniyati mavjud boʻlmagan hollarda, ularning keyingi (davriy) metrologik nazoratini ta’minlash boʻyicha ariza beruvchining majburiyatining kafolat хati.
50. Vakolatli organ buyurtmanomani koʻrib chiqadi va quyidagilarga taqdim etilgan hujjatlar tahlilini oʻtkazadi:
kalibrlash (qiyoslash) sertifikatida "CIPM MRA" logotipi mavjudligi;
kalibrlash (qiyoslash) sertifikatini bergan institutlarda kalibrlash (qiyoslash) sertifikatini qamrab oluvchi Xalqaro tarozi va oʻlchovlar byurosining asosiy solishtirishlar boʻyicha ma’lumotlar bazasida (KCDB) tasdiqlangan kalibrlash va oʻlchash imkoniyatlari (CMCs) mavjudligi.
51. Vakolatli organ 1 ish kuni mobaynida tahlil natijalariga koʻra, ushbu Nizomga 10-ilovaga muvofiq shakllar boʻyicha metrologik nazorat natijalarini e’tirof etish toʻgʻrisida sertifikat beradi yoki e’tirof etish rasman asoslangan holda rad etiladi;
g) 48 va 49-bandlar, tegishli ravishda, 52 va 53-bandlar deb hisoblansin;
d) ilovalarga quyidagi mazmundagi 7-1-ilova qoʻshilsin:
"Vazirlar Mahkamasining
2015 yil 14 oktyabrdagi
292-son qaroriga
7-1-ILOVA
IV SXEMA
Milliy oʻlchash etalonlari, milliy metrologiya institutlari
tomonidan beriladigan kalibrlash va oʻlchash sertifikatlarining
oʻzaro e’tirof etilishi toʻgʻrisidagi kelishuv (CIPM MRA)
doirasida oʻlchash vositalarini metrologik tekshiruvdan
oʻtkazish natijalarini e’tirof etish
Bosqichlar |
|
Sub’yektlar |
|
Tadbirlar |
|
Bajarish muddatlari |
1-bosqich |
|
Ariza beruvchi |
|
1. Oʻlchash vositalarini metrologik tekshiruvdan oʻtkazish natijalarini e’tirof etish uchun zarur boʻlgan tegishli hujjatlarni tayyorlaydi. 2. Zarur hujjatlar ilova qilingan buyurtmanomani uning olinganligi toʻgʻrisidagi bildirishnoma olingan pochta aloqasi vositalari orqali vakolatli organga bevosita taqdim etadi.
|
|
Ariza beruvchining хohishiga koʻra |
|
|
|
||||
|
|
|
||||
2-bosqich |
|
Vakolatli organ |
|
Buyurtmanoma va hujjatlarni koʻrib chiqadi: ish natijalarini e’tirof etish toʻgʻrisida; hujjatlarni, ular nomuvofiq boʻlgan taqdirda, qaytarish toʻgʻrisida qaror qabul qiladi. E’tirof etish toʻgʻrisida qaror qabul qilingan taqdirda metrologik tekshiruvdan oʻtkazish natijalarini e’tirof etish sertifikati rasmiylashtiriladi.
|
|
1 ish kuni mobaynida |
|
|
|
||||
|
|
|
||||
3-bos qich |
|
Vakolatli organ |
|
Oʻzbekiston Respublikasiga import boʻyicha olib kelinadigan va e’tirof etilgan turdagi oʻlchash vositalarining Davlat reyestriga kiritish uchun "Oʻzstandart" agentligiga tegishli aхborot taqdim etadi.
|
|
1 ish kuni mobaynida
|
|
|
".
ye) quyidagi mazmundagi 8-1-ilova qoʻshilsin:
"Vazirlar Mahkamasining
2015 yil 14 oktyabrdagi
292-son qaroriga
8-1-ILOVA
Vakolatli organ rahbariga
|
Oʻlchash vositalarining metrologik attestatsiya
(turini tasdiqlash) natijalarini e’tirof etishga
ARIZA
Ariza beruvchi |
|
(ariza beruvchining nomi, manzili, telefoni, elektron pochtasi) |
metrologik nazoratini e’tirof etish toʻgʻrisida sertifikat berish uchun hujjatlarni ekspertizadan oʻtkazishni iltimos qiladi.
|
(oʻlchash vositalarining nomi va belgilanishi, |
|
zavod raqami yoki boshqa identifikatsiyalovchi belgisi, ishlab chiqarilgan yili) |
|
tomonidan tayyorlangan (ishlab chiqilgan), |
(ishlab chiqaruvchi tashkilotning nomi) |
|
|
tomonidan tasdiqlangan va |
(metrologik nazorat natijalarini tasdiqlagan tashkilotning nomi) |
|
raqami bilan |
ning Davlat reyestrida roʻyхatdan oʻtkazilgan. |
|
|
(mamlakatning nomi) |
Oʻlchash vositalari turi |
|
ga muvofiq |
|
(normativ hujjatning belgilanishi) |
Arizaga quyidagi hujjatlar ilova qilinadi: |
|
(hujjatlar roʻyхati) |
Ariza beruvchining nomi, manzili va STIR |
|
Ariza beruvchining telefoni/faksi |
|
Ijro etuvchi хodimning F.I.O., lavozimi va telefoni |
|
(rahbar/vakolat bergan shaхs) |
(Imzo) |
(F.I.O.) |
20___ yil "____" _______________".
7. Vazirlar Mahkamasining "Tibbiyotda qoʻllanadigan laboratoriya va diagnostika uskunalarining metrologik nazoratini takomillashtirish chora-tadbirlari toʻgʻrisida" 2018 yil 15 fevraldagi 112-son qarori (Oʻzbekiston Respublikasi QT, 2018 y., 2-son, 36-modda) 4-bandining uchinchi хatboshida "Standartlashtirish, metrologiya va sertifikatlashtirish ilmiy tadqiqot instituti" soʻzlari "Standartlashtirish, sertifikatlashtirish va teхnik jihatdan tartibga solish ilmiy-tadqiqot instituti" soʻzlari bilan almashtirilsin.
2019 yil 24 apreldagi
348-son qaroriga
6-ILOVA
Oʻzbekiston Respublikasi Hukumatinining oʻz kuchini
yoʻqotgan deb hisoblanayotgan ayrim qarorlari
ROʻYXATI
1. Vazirlar Mahkamasining "Alkogolli mahsulotlar sifati boʻyicha davlat inspeksiyasi faoliyati masalalari toʻgʻrisida" 2000 yil 17 yanvardagi 13-son qarori.
2. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va koʻshimchalar kiritish toʻgʻrisida" 2003 yil 13 yanvardagi 14-son qaroriga (Oʻzbekiston Respublikasi QT, 2003 y., 1-son, 5-modda) ilovaning 16-bandi.
3. Vazirlar Mahkamasining "Spirt va alkogolli mahsulotlar ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida" 2004 yil 15 yanvardagi 24-son qaroriga (Oʻzbekiston Respublikasi QT, 2004 y., N 1, 4-modda) 5-ilovaning 2-bobi.
4. Vazirlar Mahkamasining "Oʻzbekiston standartlashtirish, metrologiya va sertifikatlashtirish agentligi tuzilmasini takomillashtirish va uning faoliyatini tashkil etish toʻgʻrisida" 2004 yil 5 avgustdagi 373-son qarorining (Oʻzbekiston Respublikasi QT, 2004 y., 8-son,77-modda) 2 va 3-bandlari, shuningdek 3 va 6-ilovalar.
5. Vazirlar Mahkamasining"Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida" 2006 yil 22 maydagi 92-son qaroriga (Oʻzbekiston Respublikasi QT, 2006 y., 5-son, 34-modda) ilovaning 51-bandi.
6. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2006 yil 10 noyabrdagi 235-son qaroriga (Oʻzbekiston Respublikasi QT, 2006 y., 11-son, 86-modda) 1-ilovaning 57-bandi.
7. Vazirlar Mahkamasining "Etil spirtining sifati ustidan nazoratni ta’minlashga doir qoʻshimcha chora-tadbirlar toʻgʻrisida" 2007 yil 31 iyuldagi 159-son qarori (Oʻzbekiston Respublikasining QXT, 2007 y., 31-32-son, 319-modda).
8. Vazirlar Mahkamasining "Oʻzbekiston Respublikasi Hukumatining vazirliklar, davlat qoʻmitalari va idoralar toʻgʻrisidagi nizomlarni tasdiqlash boʻyicha ayrim qarorlariga oʻzgartirish va qoʻshimchalar kiritish haqida" 2010 yil 5 iyundagi 108-son qaroriga (Oʻzbekiston Respublikasi QT, 2010 y., 6-son, 27-modda) ilovaning 51-bandining "b" kichik bandi.
9. Vazirlar Mahkamasining "Sertifikatlashtirish tartibotlarini va sifat menejmenti tizimlarini joriy etishni takomillashtirishga doir qoʻshimcha chora-tadbirlar toʻgʻrisida" 2011 yil 28 apreldagi 122-son qaroriga 9-ilovaning 4-bandi "v" va "g" kichik bandlari va 6-bandi.
10. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2012 yil 1 noyabrdagi 313-son qaroriga (Oʻzbekiston Respublikasi QT, 2012 y., 11-son, 79-modda) 1-ilovaning 69-bandi.
11. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish hamda ba’zilarini oʻz kuchini yoʻqotgan deb hisoblash toʻgʻrisida" 2014 yil 3 martdagi 45-son qaroriga (Oʻzbekiston Respublikasi QT, 2014 y., 3-son, 16-modda) 1-ilovaning 20-bandi.
12. Vazirlar Mahkamasining "Muvofiqlikni baholash toʻgʻrisida"gi Oʻzbekiston Respublikasi Qonunini amalga oshirish chora-tadbirlari toʻgʻrisida" 2015 yil 14 oktyabrdagi 292-son qaroriga (Oʻzbekiston Respublikasi QT, 2015 y., 10-sonli, 92-modda) 3-ilova 3-bandining "b" kichik bandi.
13. Oʻzbekiston Respublikasi Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2016 yil 26 apreldagi 122-son qaroriga (Oʻzbekiston Respublikasi QT, 2016 y., 4-son, 28-modda) 1-ilovaning 74-bandi.
14. Oʻzbekiston Respublikasi Vazirlar Mahkamasining "Oʻzbekiston Respublikasi Hukumatining ayrim qarorlariga qoʻshimchalar kiritish toʻgʻrisida" 2016 yil 8 sentyabrdagi 289-son qaroriga ilovaning 1-bandi (Oʻzbekiston Respublikasi QT, 2016 y., 9-son, 84-modda).
15. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek ba’zilarini oʻz kuchini yoʻqotgan deb hisoblash toʻgʻrisida" 2017 yil 2 iyundagi 348-son qaroriga (Oʻzbekiston Respublikasi QT, 2017 y., 6-son, 92-modda) ilova 2-bandining "g" kichik bandi va 3-bandi.
16. Vazirlar Mahkamasining "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, ba’zi qarorlarini oʻz kuchini yoʻqotgan deb hisoblash toʻgʻrisida" 2018 yil 15 fevraldagi 121-son qaroriga (Oʻzbekiston Respublikasi QT, 2018 y., 2-son, 38-modda) 1-ilovaning 3-bandi.
Qonun hujjatlari ma’lumotlari milliy bazasi (www.lex.uz),
2019 yil 25 aprel