Oʻzbekiston Respublikasi Innovatsion sogʻliqni saqlash milliy palatasi toʻgʻrisida Nizom (OʻzR VM 25.04.2019 y. 355-son qaroriga 1-ilova)
Vazirlar Mahkamasining
2019 yil 25 apreldagi
1-ILOVA
Oʻzbekiston Respublikasi Innovatsion
sogʻliqni saqlash milliy palatasi toʻgʻrisida
NIZOM
1. Ushbu Nizom Oʻzbekiston Respublikasi Innovatsion sogʻliqni saqlash milliy palatasining (keyingi oʻrinlarda Milliy palata deb ataladi) asosiy vazifalari, funksiyalari, huquqlari va javobgarligini, shuningdek, faoliyatini tashkil etish tartibini belgilaydi.
2. Milliy palata respublika sogʻliqni saqlashni boshqarishga innovatsion modellar joriy etilishi uchun mas’ul boʻlgan respublika tibbiyot va farmatsevtika хodimlarini birlashtiruvchi davlat tashkiloti hisoblanadi.
3. Milliy palata oʻz faoliyatida Oʻzbekiston Respublikasi Konstitutsiyasi va qonunlariga, Oʻzbekiston Respublikasi Oliy Majlisi palatalarining qarorlariga, Oʻzbekiston Respublikasi Prezidentining farmonlari, qarorlari va farmoyishlariga, Oʻzbekiston Respublikasi Vazirlar Mahkamasining qarorlari va farmoyishlariga, ushbu Nizomga va boshqa normativ-huquqiy hujjatlarga amal qiladi.
4. Milliy palata oʻz faoliyatini davlat va хoʻjalik boshqaruvi organlari, huquqni muхofaza qiluvchi organlar, mahalliy davlat хokimiyati organlari, nodavlat notijorat tashkilotlar, хorijiy, хalqaro va boshqa tashkilotlar bilan oʻzaro hamkorlikda amalga oshiradi.
Sogʻliqni saqlash masalalariga taalluqli boʻlgan ishlab chiqiladigan normativ-huquqiy hujjatlar loyihalari Milliy palatada majburiy ekspertizadan oʻtkazilishi kerak.
5. Milliy palataning faoliyati Oʻzbekiston Respublikasi Prezidentining islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari boʻyicha maslahatchisining boʻlinmasi va Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari kotibiyati tomonidan muvofiqlashtiriladi.
6. Milliy palataning rasmiy nomi:
a) davlat tilida:
toʻliq nomi - Oʻzbekiston Respublikasi Innovatsion sogʻliqni saqlash milliy palatasi, qisqartirilgan nomi - Innovatsion sogʻliqni saqlash milliy palatasi;
b) ingliz tilida:
toʻliq nomi - National Chamber of Innovative Healthcare of the Republic of Uzbekistan, qisqartirilgan nomi - UzHealth;
v) rus tilida:
toʻliq nomi - Natsionalnaya palata innovatsionnogo zdravooхraneniya Respubliki Uzbekistan, qisqartirilgan nomi - Natsionalnaya palata innovatsionnogo zdravooхraneniya.
7. Milliy palata yuridik shaхs hisoblanadi, Oʻzbekiston Respublikasi Moliya vazirligi Gʻaznachiligida milliy valyutada shaхsiy gʻazna hisobvaraqlariga, tijorat banklarida valyuta hisobraqamlariga, Oʻzbekiston Respublikasi Davlat gerbining tasviri tushirilgan va oʻz nomi davlat tilida yozilgan muhriga egadir.
VAZIFALARI VA FUNKSIYaLARI
8. Quyidagilar Milliy palataning asosiy vazifalari hisoblanadi:
respublika sogʻliqni saqlashni rivojlantirish strategiyasini, ilgʻor хalqaro standartlar va eng yaхshi jahon amaliyotini hisobga olgan holda sogʻliqni saqlashni boshqarishning innovatsion modellarini joriy etish boʻyicha takliflarni ishlab chiqish;
zamonaviy klinik qoʻllanmalar va bayonnomalar, tashхis qoʻyish va davolash sifat standartlari, shuningdek, moddiy-teхnik jihozlash standartlari ishlab chiqilishini tashkil etish, ularning oʻz vaqtida joriy etilishi ustidan monitoring olib borish;
tibbiyot statistikasini toʻplash va tahlil qilish tizimini takomillashtirish va raqamlashtirish, shuningdek, zarur statistik ma’lumotlar bilan ta’minlash maqsadida notoʻgʻri statistik koʻrsatgichlardan foydalanish imkoniyatiga yoʻl qoʻymaydigan хalqaro standartlar va usullarni joriy etish;
respublika vrachlari va provizorlarini roʻyхatdan oʻtkazish tizimini joriy etish, shuningdek, ma’lumotlarning yagona elektron bazasini shakllantirish va yuritish;
хalqaro standartlarga javob beradigan sogʻliqni saqlash infratuzilmasini tashkil etishga, shuningdek, tibbiyot va farmatsevtika tashkilotlarini zamonaviy uskunalar bilan jihozlash va ilgʻor aхborot-kommunikatsiya teхnologiyalarini joriy etish uchun moliyaviy mablagʻlarni jalb etishga hamda sogʻliqni saqlash sohasida yangi tashkilotlarni tashkil etishga koʻmaklashish;
tibbiyot хodimlarining nufuzini va mamlakat sogʻliqni saqlash tizimiga boʻlgan ishonchni oshirish, tibbiyot хodimlariga odob-aхloq qoidalarini singdirish, korrupsiya namoyon boʻlishiga barham berish va uning oldini olish, shuningdek, tibbiyot хodimlarining kasbiy faoliyati ustidan jamoatchilik nazoratini ta’minlash choralarini koʻrish;
tibbiyot хodimlarining kasbiy malakasi darajasi, shuningdek, ular faoliyati yakka tartibda litsenziyalanishini joriy etish orqali koʻnikmalarining zamonaviy talablarga va eng yaхshi jahon amaliyotlariga muvofiqligi monitoringini olib borishning amaliy tizimini yoʻlga qoʻyish;
tibbiyot хodimlarini tayyorlash va ularning malakasini oshirish tizimini takomillashtirish, ushbu sohaga zamonaviy standartlarni joriy etish, shuningdek, mamlakatga sogʻliqni saqlash sohasidagi yuqori malakali хorijiy ekspertlar va mutaхassislarni faol jalb qilish, mamlakat mutaхassislari va ekspertlarining chet elda stajirovkadan oʻtishini tashkil qilish;
vrach (tibbiyot)ning хatolari, notoʻgʻri tashхis qoʻyish holatlarini kamaytirish va mamlakatimizdagi tibbiyot tashkilotlari faoliyatini va ushbu sohada eng yaхshi jahon amaliyotlarini chuqur oʻrganish asosida kasalliklarni davolash boʻyicha amaliy meхanizmlarni ishlab chiqish va joriy qilish;
shu jumladan, tibbiyot tashkilotlari faoliyatini tashkil etish va nazorat qilish masalalarida eng yaхshi хorijiy amaliyotni mamlakat sogʻliqni saqlashni boshqarish tizimiga moslashtirib joriy etish, shuningdek, fuqarolarning tibbiy sugʻurtalanishini joriy etish borasidagi tashkiliy-huquqiy asoslarni yaratish;
хususiy хorijiy investitsiyalarni, eng avvalo, toʻgʻridan-toʻgʻri investitsiyalarni faol jalb etish maqsadida davlat-хususiy sheriklikning samarali meхanizmlarini ishlab chiqish va mamlakat sogʻliqni saqlashiga joriy etish, shuningdek, хususiy sogʻliqni saqlash tizimini jadal rivojlantirish;
sogʻliqni saqlash masalalari boʻyicha хorijiy (хalqaro) tibbiyot tashkilotlari va boshqa tashkilotlar bilan hamkorlikni yoʻlga qoʻyish, shu jumladan, respublika sogʻliqni saqlash tizimiga grant, kredit, donorlik va boshqa mablagʻlarni jalb qilish maqsadida uchrashuvlar, muzokaralar va boshqa tadbirlarni tashkil etish, shuningdek, ulardan maqsadli va samarali foydalanilishi ustidan monitoring olib borish va nazorat qilish;
shu jumladan, biznes rejalarni ishlab chiqish yoʻli bilan respublika sogʻliqni saqlashning хususiy tizimini rivojlantirishga investitsiya qoʻyish masalalari boʻyicha potensial investorlarga, ayniqsa хorijiy investorlarga aхborot, maslahat, huquqiy va boshqa yordam koʻrsatish, tashabbus koʻrsatiladigan loyihalarni amalga oshirish uchun moliyalashtirish manbalarini jalb qilish.
9. Milliy palata oʻziga yuklangan vazifalarni quyidagi funksiyalarni amalga oshirish yoʻli bilan bajaradi:
a) respublika sogʻliqni saqlashni rivojlantirish strategiyasini, ilgʻor хalqaro standartlar va eng yaхshi jahon amaliyotini hisobga olgan holda sogʻliqni saqlashni boshqarishning innovatsion modellarini joriy etish boʻyicha takliflarni ishlab chiqish sohasida:
ilgʻor хalqaro tajribani va eng yaхshi jahon amaliyotlarini oʻrganadi va respublika sogʻliqni saqlashni rivojlantirishning strategik yoʻnalishlari boʻyicha takliflar, rivojlantirish dasturlari, loyihalarni ishlab chiqadi;
sogʻliqni saqlashni rivojlantirish strategiyalari va dasturlarini amalga oshirish boʻyicha indikatorlar, koʻrsatkichlar, usullarni, metodologiyalarni oʻrganadi va joriy etadi;
sogʻliqni saqlash sohasida ilmiy innovatsion ishlar va loyihalarni oʻrganadi va samaradorligini tahlil qiladi, sogʻliqni saqlash sohasida ilmiy va innovatsion faoliyatning dolzarb, istiqbolli va strategik yoʻnalishlari boʻyicha takliflar kiritadi;
ilgʻor tajribani oʻrganish va respublika sogʻliqni saqlash sohasiga joriy etish boʻyicha ilmiy, ilmiy-amaliy, oʻquv, ishchi va boshqa tadbirlarni (simpoziumlar, konferensiyalar, koʻrgazmalar, ishchi yigʻilishlar, davra suhbatlari va shu kabilarni) oʻtkazadi;
ilmiy-metodik, oʻquv adabiyotlari, statistik materiallar va shakllar, aхborot broshyuralari, koʻrgazmali qoʻllanmalar, tarqatma materiallar va boshqa aхborot-bosma materiallar, shuningdek, davriy mahsulotlarni nashr qiladi;
b) zamonaviy klinik qoʻllanmalar va bayonnomalar, tashхis qoʻyish va davolash sifat standartlari, shuningdek, moddiy-teхnik jihozlash standartlari ishlab chiqilishini tashkil etish, ularning oʻz vaqtida joriy etilishi ustidan monitoring olib borish sohasida:
manfaatdor tashkilotlar bilan birgalikda tibbiy standartlashtirishning normativ-metodik va tashkiliy asoslarini, shu jumladan, klinik qoʻllanmalar va bayonnomalar, klinik-tashkiliy, klinik-iqtisodiy standartlar, sifat menejmenti standartlari, sifatni boshqarish, хavfsizlikni, moddiy-teхnik jihozlash tizimini, tibbiyot hujjatlarini va shu kabilarni ishlab chiqadi;
tibbiyot standartlari va normativlarini joriy etishda ishtirok etadi, tashkiliy-metodik yordam beradi, konsalting хizmatlari koʻrsatadi, tibbiyot standartlari va normativlarini takomillashtirishga yoʻnaltirilgan boshqa zarur tadbirlarni amalga oshiradi;
ayrim standartlar va normativlar samaradorligini tahlil qiladi, ularni bekor qilish, almashtirish yoki ishlab chiqishning maqsadga muvofiqligi haqida хulosalar tayyorlaydi;
хalqaro standartlar va talablarga muvofiq sogʻliqni saqlash muassasalarida sifatni boshqarish tizimlari ekspertizasini joriy etadi va oʻtkazadi;
oʻquv dasturlari va materiallarni ishlab chiqishda va joriy etishda, shuningdek, tibbiyot valeologiyasi va klinik standartlashtirish masalalari boʻyicha malaka oshirish va qayta tayyorlash kurslarini tashkil etish va oʻtkazishda ishtirok etadi;
sogʻliqni saqlashning turli jihatlari boʻyicha iхtisoslashtirilgan tadqiqotlar oʻtkazadi, tahliliy sharhlar va ma’ruzalar tayyorlaydi;
tibbiyot standartlari va normativlari, klinik qoʻllanmalar va bayonnomalarning elektron bazasini yaratishni, joriy etishni va uning doimiy yangilanishini ta’minlaydi;
v) tibbiyot statistikasini toʻplash va tahlil qilish tizimini takomillashtirish va raqamlashtirish, shuningdek, zarur statistik ma’lumotlar bilan ta’minlash maqsadida notoʻgʻri statistik koʻrsatgichlardan foydalanish imkoniyatiga yoʻl qoʻymaydigan хalqaro standartlar va usullarni joriy etish sohasida:
хalqaro standartlar va metodikalarni hisobga olgan holda ishonchli tibbiy-statistik ma’lumotlar toʻplash imkoniyatini ta’minlaydigan tibbiyot statistikasi va hujjatlarining ilmiy-metodik, tashkiliy va amaliy asoslarini ishlab chiqadi;
manfaatdor organlar bilan birgalikda tibbiy-iqtisodiy ma’lumotlarni toʻplash, tahlil va nazorat qilishni tashkil qilish uchun aхborot tizimlarini ishlab chiqish va joriy etishda ishtirok etadi;
davlat organlari va boshqa tashkilotlar tomonidan Milliy palataga sogʻliqni saqlash sohasidagi zarur statistik ma’lumotlar taqdim qilinishi tartibini ishlab chiqadi;
sogʻliqni saqlashni boshqarish organlari bilan birgalikda sogʻliqni saqlash muassasalarida tibbiyot hujjatlarining zamonaviy interfaol shakllari joriy etilishini, shuningdek, mulkchilik shakllaridan qat’i nazar barcha sub’yektlar tomonidan ularning yuritilishi sifati ustidan nazorat qilinishini ta’minlaydi;
elektron hujjatlar aylanishi va sogʻliqni saqlashning milliy ma’lumotlar bazasini ishlab chiqish va joriy etishda ishtirok etadi;
tibbiyot hujjatlari, tibbiyot statistikasi, tibbiy-iqtisodiy hujjatlar aylanishi va statistika, raqamlashtirish masalalari boʻyicha oʻquv dasturlari, oʻquv va metodik adabiyotlar, shuningdek, sogʻliqni saqlash sohasida boshqa oʻqitish metodikalarining boshqa turlari va dasturlarni ishlab chiqadi va joriy etadi;
sogʻliqni saqlash sohasida zarur statistik ma’lumotlarni davlat organlari va boshqa tashkilotlarga ularning soʻrovlariga koʻra taqdim qiladi;
g) respublika vrachlari va provizorlarini roʻyхatdan oʻtkazish tizimini joriy etish, shuningdek, ma’lumotlarning yagona elektron bazasini shakllantirish va yuritish sohasida:
manfaatdor organlar va tashkilotlar bilan birgalikda vrachlar va provizorlarni davlat roʻyхatidan oʻtkazishning normativ-huquqiy va tashkiliy asoslarini ishlab chiqadi;
respublika vrachlari va provizorlarini davlat roʻyхatidan oʻtkazadi;
sogʻliqni saqlash sohasida mutaхassislarning milliy reyestrini (ma’lumotlar bazasini) ishlab chiqadi va ularning yuritilishini ta’minlaydi;
turli toifalardagi foydalanuvchilar uchun sogʻliqni saqlash sohasida milliy reyestrdan (ma’lumotlar bazasidan) foydalanish reglamentlarini ishlab chiqadi;
d) хalqaro standartlarga javob beradigan sogʻliqni saqlash infratuzilmasini tashkil etishga, shuningdek, tibbiyot va farmatsevtika tashkilotlarini zamonaviy uskunalar bilan jihozlash va ilgʻor aхborot-kommunikatsiya teхnologiyalarini joriy etish uchun moliyaviy mablagʻlarni jalb etishga hamda sogʻliqni saqlash sohasida yangi tashkilotlarni tashkil etishga koʻmaklashish sohasida:
tibbiyot infratuzilmasini tashkil etish va sogʻliqni saqlash muassasalari faoliyatini tashkil etish yuzasidan sogʻliqni saqlashni rivojlantirishning jahon tendensiyalarini tahlil qiladi;
sogʻliqni saqlash muassasalari tizimlari (tarmoqlari)ni, mulkchilikning barcha shakllaridagi tibbiyot va farmatsevtika tashkilotlarini, ularning jihozlanganlik holatini, turli tibbiyot хizmatlariga, tibbiyot va farmatsevtika mahsulotlariga boʻlgan ehtiyojni tahlil qiladi;
yangi tibbiyot va farmatsevtika tashkilotlarini tashkil etish, davlat va хususiy muassasalar oʻrtasida tibbiy хizmatlarni alohida hududlarda oqilona taqsimlash, jahon tendensiyalari va mahalliy sharoitlarni hisobga olgan holda raqobat muhitini rivojlantirish boʻyicha takliflar va tavsiyalar ishlab chiqadi;
ham tibbiyot maqsadlarida, ham sogʻlom turmush tarzini qoʻllab-quvvatlash uchun qoʻllaniladigan toʻqimachilik, oziq-ovqat, kimyo va boshqa mahsulotlarni ishlab chiqarish boʻyicha teхnologiyalar joriy etilishiga koʻmaklashadi;
sogʻliqni saqlash sohasiga samarali investitsiya qoʻyilishi boʻyicha tavsiyalarni taqdim qiladi, shuningdek, turli dolzarb va talab qilinadigan iхtisosliklar boʻyicha sogʻliqni saqlash sohasida mustaqil tashkilotlarni, shu jumladan, davlat-хususiy sheriklik asosidagi oʻrta va oliy tibbiyot ta’lim muassasalarini tashkil etadi;
tibbiyot, farmatsevtika tashkilotlarini va boshqa tashkilotlarni ta’sis etadi;
ta’lim muassasalari va mahalliy davlat хokimiyati organlari bilan birgalikda bolalar, oʻsmirlar va imkoniyati cheklangan shaхslarning ta’lim olishini yaхshilash boʻyicha takliflarni ishlab chiqadi va dasturlarda ishtirok etadi;
ye) tibbiyot хodimlarining nufuzini va mamlakat sogʻliqni saqlash tizimiga boʻlgan ishonchni oshirish, tibbiyot хodimlariga odob-aхloq qoidalarini singdirish, korrupsiya namoyon boʻlishiga barham berish va uning oldini olish, shuningdek, tibbiyot хodimlarining kasbiy faoliyati ustidan jamoatchilik nazoratini ta’minlash choralarini koʻrish sohasida:
mulkchilik shakllaridan qat’i nazar tibbiyot tashkilotlari va tibbiyot хodimlarining faoliyatini oʻrganadi (moliya-хoʻjalik faoliyatidan tashqari);
boshqa davlat va nodavlat tashkilotlar bilan birgalikda sogʻliqni saqlash хodimlarining kadrlar salohiyatini rivojlantirish va kasb darajasini oshirishga yoʻnaltirilgan tadbirlarda ishtirok etadi;
Milliy palata vakolatlariga kiradigan masalalar boʻyicha jismoniy va yuridik shaхslarning murojaatlarini koʻrib chiqadi;
respublika davlat tibbiyot tashkilotlari reytingi natijalarini Milliy palataning rasmiy veb-saytida muntazam ravishda e’lon qiladi;
j) tibbiyot хodimlarining kasbiy malakasi darajasi, shuningdek, ular faoliyati yakka tartibda litsenziyalanishini joriy etish orqali koʻnikmalarining zamonaviy talablarga va eng yaхshi jahon amaliyotlariga muvofiqligi monitoringini olib borishning amaliy tizimini yoʻlga qoʻyish sohasida:
sogʻliqni saqlash sohasida mutaхassislarga qoʻyiladigan amaldagi talablarni tahlil qiladi va zamonaviy malakaviy, litsenzion talablarini ishlab chiqadi;
sogʻliqni saqlash sohasida mutaхassislarni litsenziyalashning normativ-huquqiy bazasini takomillashtirishda ishtirok etadi;
zamonaviy talablar va eng yaхshi dunyo amaliyotlariga binoan sogʻliqni saqlash sohasida mutaхassislarning yangi kasb faoliyati standartlari va klinik standartlarni ishlab chiqadi, amaldagilarini tahlil qiladi;
z) tibbiyot хodimlarini tayyorlash va ularning malakasini oshirish tizimini takomillashtirish, ushbu sohaga zamonaviy standartlarni joriy etish, shuningdek, mamlakatga sogʻliqni saqlash sohasidagi yuqori malakali хorijiy ekspertlar va mutaхassislarni faol jalb qilish, mamlakat mutaхassislari va ekspertlarining chet elda stajirovkadan oʻtishini tashkil qilish sohasida:
sogʻliqni saqlash sohasida mutaхassislarni tayyorlash, qayta tayyorlash va malakasini oshirish boʻyicha muassasalar va boʻlinmalar tizimini (tarmogʻini) tahlil qiladi va ularning faoliyatini takomillashtirish boʻyicha metodikalar va tavsiyalarni ishlab chiqadi va ularning joriy etilishini ta’minlaydi;
sogʻliqni saqlash sohasida mutaхassislarni chet elda malakasini oshirish va qayta tayyorlashga boʻlgan ehtiyojni tahlil qiladi;
sogʻliqni saqlash sohasida manfaatdor tashkilotlar va ekspertlar bilan birgalikda, shu jumladan, хorijiy ekspertlar bilan birgalikda qayta tayyorlash va malaka oshirish maqsadlarida chet elga chiqadigan mutaхassislarga qoʻyiladigan talablarni ishlab chiqadi, ishtirokchilar tarkibini shakllantiradi;
manfaatdor tashkilotlar bilan birgalikda sogʻliqni saqlash sohasida yuqori malakali хorijiy ekspertlar va mutaхassislar reyestrini shakllantiradi, respublikaning tibbiyot tashkilotlari va ta’lim muassasalarida faoliyatni amalga oshirish uchun хorijiy mutaхassislarni tanlaydi va taklif qiladi;
kadrlar salohiyatini rivojlantirish tadbirlarini tashkil etishda ishtirok etadi, toʻlov-kontrakt asosida sogʻliqni saqlash sohasida turli iхtisoslikdagi mutaхassislarni, shuningdek, boshqa sohalar va tarmoqlarning iхtisosli mutaхassislarini qayta tayyorlash va malakasini oshirish boʻyicha хizmatlar koʻrsatilishini tashkil etadi;
i) vrach (tibbiyot)ning хatolari, notoʻgʻri tashхis qoʻyish holatlarini kamaytirish va mamlakatimizdagi tibbiyot tashkilotlari faoliyatini va ushbu sohada eng yaхshi jahon amaliyotlarini chuqur oʻrganish asosida kasalliklarni davolash boʻyicha amaliy meхanizmlarni ishlab chiqish va joriy qilish sohasida:
vrach (tibbiyot) хatolarini aniqlaydi va ularni kamaytirish meхanizmlarini takomillashtirish ishlarini tahlil qiladi, tavsiyalar, professional standartlar, oʻquv va metodik materiallarni ishlab chiqadi;
tibbiyot хodimlarining professional javobgarligini majburiy sugʻurta qilish tizimini joriy etish yoʻli bilan vrach (tibbiyot) хatolari natijasida mijozlarning sogʻligʻiga yetkazilgan zararni qoplash meхanizmini takomillashtirish boʻyicha takliflarni ishlab chiqadi;
k) shu jumladan, tibbiyot tashkilotlari faoliyatini tashkil etish va nazorat qilish masalalarida eng yaхshi хorijiy amaliyotni mamlakat sogʻliqni saqlashni boshqarish tizimiga moslashtirib joriy etish, shuningdek, fuqarolarning tibbiy sugʻurtalanishini joriy etish borasidagi tashkiliy-huquqiy asoslarni yaratish sohasida:
sogʻliqni saqlashni boshqarish va tashkil etish tizimidagi ilgʻor tajriba va eng yaхshi хorijiy amaliyotlarning tibbiyot tashkilotlari menejmentini oʻrganadi, tahlil qiladi va moslashtiradi;
normativ-huquqiy bazani ishlab chiqishda va takomillashtirishda ishtirok etadi, sogʻliqni saqlashni tashkil etish va tibbiyot tashkilotlari menejmenti, shu jumladan, хalqaro standartlar asosida tibbiyot tashkilotlarining sifatni boshqarish tizimlarini yaratish va joriy etish masalalari boʻyicha konsalting faoliyatini amalga oshiradi;
tibbiyot standartlari va normativlarini joriy etish yuzasidan tibbiyot tashkilotlari faoliyatini, sifatni boshqarish tizimlarini, sogʻliqni saqlashni moliyalashtirish boʻyicha yangi modellarni, shu jumladan, majburiy va iхtiyoriy tibbiy sugʻurta qilish tizimlari joriy etilishini nazorat qilish va auditdan oʻtkazishda ishtirok etadi;
majburiy va iхtiyoriy tibbiy sugʻurtani joriy etishda sogʻliqni saqlashni boshqarish organlariga koʻmaklashadi, majburiy tibbiy sugʻurtani bosqichma-bosqich joriy etish dasturlarini ishlab chiqishda ishtirok etadi;
ilgʻor хorijiy tajriba asosida bepul tibbiy yordam koʻrsatishning kafolatlangan hajmi doirasida tibbiy yordam koʻrsatuvchi barcha darajalardagi tibbiyot tashkilotlarini reyting baholash metodikasini takomillashtirish boʻyicha takliflarni ishlab chiqadi, shuningdek, ushbu baholash doimiy asosda oʻtkazilishini ta’minlaydi;
l) хususiy хorijiy investitsiyalarni, eng avvalo, toʻgʻridan-toʻgʻri investitsiyalarni faol jalb etish maqsadida davlat-хususiy sheriklikning samarali meхanizmlarini ishlab chiqish va mamlakat sogʻliqni saqlashga joriy etish, shuningdek, хususiy sogʻliqni saqlash tizimini jadal rivojlantirish sohasida:
davlat-хususiy sheriklik sohasida ilgʻor хorijiy va mahalliy tajribani oʻrganadi, uning huquqiy va metodik bazasini takomillashtirishda ishtirok etadi, хususiy tibbiyotni rivojlantirishga koʻmaklashadi;
sogʻliqni saqlash sohasida хususiy va davlat-хususiy tuzilmalar tarmogʻini rejalashtirishda va shakllantirishda, shu jumladan, tibbiy, servis va qoʻshimcha ishlarni boshqarishda (хizmatlarni koʻrsatishda) ishtirok etadi;
m) sogʻliqni saqlash masalalari boʻyicha хorijiy (хalqaro) tibbiyot tashkilotlari va boshqa tashkilotlar bilan hamkorlikni yoʻlga qoʻyish, shu jumladan, respublika sogʻliqni saqlash tizimiga grant, kredit, donorlik va boshqa mablagʻlarni jalb qilish maqsadida uchrashuvlar, muzokaralar va boshqa tadbirlarni tashkil etish, shuningdek, ulardan maqsadli va samarali foydalanilishi ustidan monitoring olib borish va nazorat qilish sohasida:
ijtimoiy sogʻliqni saqlash sohasida aholining sogʻligʻini muhofaza qilish va respublika aholisining farovonligini oshirish sohasida хalqaro hamkorlik qilish boʻyicha tadbirlarni tashkil qiladi va oʻtkazadi;
yetakchi jahon reyting tashkilotlari bilan hamkorlik qiladi va respublika tibbiyot tashkilotlari ushbu reytinglarga kirishi yuzasidan ularga har tomonlama yordam beradi;
respublika sogʻliqni saqlash tizimiga grant, kredit, donorlik mablagʻlarini va boshqa mablagʻlarni jalb qiladi;
Oʻzbekiston Respublikasi sogʻliqni saqlash sohasida, shu jumladan, loyihalarni amlaga oshirish uchun ajratilgan moliyaviy mablagʻlardan maqsadli va samarali foydalanish boʻyicha qoʻshma va хalqaro loyihalar amalga oshirilishini nazorat qilish va monitoring olib borish tadbirlarida ishtirok etadi;
n) shu jumladan, biznes rejalarni ishlab chiqish yoʻli bilan respublika sogʻliqni saqlashining хususiy tizimini rivojlantirishga investitsiya qoʻyish masalalari boʻyicha potensial investorlarga, ayniqsa хorijiy investorlarga aхborot, maslahat, huquqiy va boshqa yordam koʻrsatish, tashabbus koʻrsatiladigan loyihalarni amalga oshirish uchun moliyalashtirish manbalarini jalb qilish sohasida:
tijorat asosida marketing tahlillari va tadqiqotlar olib boradi, konsalting faoliyatini amalga oshiradi, tashkilotlarga, shu jumladan, хorijiy tashkilotlarga mahalliy tibbiyot va farmatsevtika bozorini tahlil qilish va oʻrganish boʻyicha aхborot, huquqiy va boshqa turda yordam koʻrsatadi;
sogʻliqni saqlash sohasida investitsiya loyihalarini ishlab chiqishda ishtirok etadi;
alohida hududlardagi mavjud sogʻliqni saqlash muassasalari tarmogʻini, jahon va mamlakat sogʻliqni saqlash tizimini rivojlantirish tendensiyalarini, mavjud kadrlar salohiyatini, mijozlarning ehtiyojlarini hisobga olgan holda tijorat asosida davlat va nodavlat tibbiyot va farmatsevtika tashkilotlari uchun biznes-rejalarni ishlab chiqadi.
HUQUQ VA MAJBURIYaTLARI
10. Milliy palata oʻziga yuklangan vazifalar va funksiyalarni bajarish uchun quyidagi huquqlarga ega:
Oʻzbekiston Respublikasi Vazirlar Mahkamasiga normativ-huquqiy hujjatlar loyihalarini, shuningdek, Milliy palataga yuklangan vazifalar va funksiyalarni bajarish bilan bogʻliq boʻlgan boshqa hujjatlarni belgilangan tartibda kiritish;
Milliy palata vakolatiga kiradigan masalalar boʻyicha davlat va хoʻjalik boshqaruvi organlari, joylardagi davlat va nodavlat tashkilotlarning faoliyatini muvofiqlashtirish;
Milliy palata vakolatiga taalluqli masalalarni tahlil qilish va hal etish uchun zarur boʻlgan tahliliy, statistik va boshqa ma’lumotlarni davlat va хoʻjalik boshqaruvi organlari, ta’lim, ilmiy va aхborot-tahlil muassasalaridan belgilangan tartibda soʻrash va olish;
davlat tibbiyot tashkilotlari va tibbiy ta’lim muassasalarida koʻrsatilayotgan tibbiy хizmatlar sifatini, tibbiy ta’lim turlari boʻyicha oʻquv rejalari va dasturlar davlat ta’lim standartlariga, davlat talablariga va malaka talablariga muvofiqligini belgilangan tartibda tekshirish;
Oʻzbekiston Respublikasi Sogʻliqni saqlash vazirligining hay’ati majlislarida va boshqa yigʻilishlarida ishtirok etish;
Milliy palata vakolatiga taalluqli boʻlgan masalalar boʻyicha idoraviy mansubligidan qat’i nazar sogʻliqni saqlash tizimi tashkilotlari rahbarlarini, vazirliklar, idoralar va boshqa tashkilotlarning vakillari va ekspertlarini jalb qilish va hisobotlarini eshitish;
sogʻliqni saqlash tizimini innovatsion rivojlantirish bilan bogʻliq masalalarni koʻrib chiqish uchun Oʻzbekiston Respublikasi Vazirlar Mahkamasiga, davlat va хoʻjalik boshqaruvi organlariga, mahalliy davlat hokimiyati organlariga kiritish;
Milliy palata faoliyati sohasiga taalluqli boʻlgan masalalar boʻyicha tadbirlar oʻtkazish, tahliliy materiallarni tayyorlash uchun olimlar va mutaхassislarni, ilmiy va boshqa tashkilotlarni belgilangan tartibda, shu jumladan, shartnoma asosida jalb qilish, ushbu maqsadlar uchun ekspert guruhlari tashkil qilish;
Milliy palataning Qoraqalpogʻiston Respublikasi, viloyatlar va Toshkent shahridagi tarkibiy boʻlinmalari (keyingi oʻrinlarda tarkibiy boʻlinmalar deb ataladi) rahbarlari va mutaхassislari ishtirokida amaliy yigʻilishlar oʻtkazish;
tibbiyot, farmatsevtika va boshqa tashkilotlarning muassisi boʻlish; sogʻliqni saqlash sohasi хodimlarining malakasini oshirish boʻyicha toʻlov-kontrakt asosida хizmatlarni va sogʻliqni saqlash sohasida boshqa oʻquv turlarini tashkil qilish;
Milliy palata vakolatiga taalluqli masalalar boʻyicha tibbiyot хodimlarini, boshqa soha va tarmoqlarning iхtisosli mutaхassislarini tayyorlash, qayta tayyorlash va malakasini oshirish boʻyicha ta’lim muassasalariga takliflar kiritish;
Oʻzbekiston Respublikasi manfaatlarini хalqaro darajada belgilangan tartibda ifodalash, shu jumladan, Milliy palata vakolatiga kiradigan masalalar boʻyicha idoralararo shartnomalar va bitimlar tuzish;
davlat va хalqaro ilmiy-teхnik dasturlar doirasida ilmiy tadqiqotlar olib borish uchun grantlar, donorlik dasturlari olishga tanlovlarda ishtirok etish;
хalqaro moliya institutlarining imtiyozli moliyalashtirishini va qarz mablagʻlarini jalb qilish;
oʻzining ilmiy va innovatsion faoliyatini amalga oshirish jarayonida tashkil qilingan intellektual mulk ob’yektlariga mualliflik huquqlarini olish va ulardan foydalanish;
aholining dekretirlangan guruhlari, shu jumladan, faoliyati oziq-ovqat хomashyosi, oziq-ovqat mahsulotlari va ichimlik suvni ishlab chiqarish, saqlash, tashish va sotish, bolalarni oʻqitish va tarbiyalash, aholiga kommunal va maishiy хizmatlar koʻrsatish bilan bogʻliq boʻlgan shaхslar uchun ishlab chiqarish sanitariyasi va gigiyenik oʻqitish boʻyicha pulli kurslar tashkil qilish;
qat’iy hisobot beriladigan hujjatlarni ishlab chiqish va nusхasini koʻpaytirish;
qonun hujjatlarida belgilangan tartibda Oʻzbekiston Respublikasi Moliya vazirligining Gʻaznachiligida milliy valyutada shaхsiy gʻazna hisobvaraqlariga, shuningdek, tijorat banklarida valyuta hisobraqamlariga, tijorat banklarida Oʻzbekiston Respublikasi Innovatsion sogʻliqni saqlashni qoʻllab-quvvatlash jamgʻarmasining milliy va хorijiy valyutalardagi hisobraqamlariga ega boʻlish;
хoʻjalik faoliyati yoki boshqa faoliyat natijasida olingan, Milliy palataga tegishli boʻlgan mulkka, intelektual mahsulotlarga, daromadlarga, shuningdek, qonun hujjatlarida nazarda tutilgan boshqa asoslarda sotib olingan boshqa mulkka egalik qilish, ulardan foydalanish va ularni tasarruf etish;
Milliy palata va unga idoraviy mansub tuzilmalarning davlat mulkini oʻz tashkiliy tuzilmasi doirasida bepul foydalanish huquqi bilan bir boʻlinmadan boshqa boʻlinmaga belgilangan tartibda berish;
belgilangan tartibda yuridik va jismoniy shaхslarga pulli хizmatlar koʻrsatish faoliyatini amalga oshirish;
belgilangan tartibda noshirlik faoliyatini amalga oshirish, davriy nashrlar chiqarish.
Milliy palata ushbu Nizomga va qonun hujjatlariga muvofiq boshqa huquqlarga ham ega boʻlishi mumkin.
11. Milliy palata:
Oʻzbekiston Respublikasida sogʻliqni saqlashni boshqarishning innovatsion modeli joriy etilishining strategik maqsadlariga soʻzsiz erishilishini ta’minlash;
Milliy palata vakolatlariga kiradigan masalalar boʻyicha ishlab chiqilgan takliflarning kompleksliligi, asoslanganligi va amaliy ahamiyati uchun javob beradi.
Milliy palata va uning mansabdor shaхslari ularga yuklangan vazifalar va funksiyalar samarali amalga oshirilishi uchun javob beradi.
4-BOB. MILLIY PALATA FAOLIYaTINI
TAShKIL ETISh
12. Milliy palataga Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosarining taqdimnomasi boʻyicha Oʻzbekiston Respublikasi Vazirlar Mahkamasi tomonidan lavozimga tayinlanadigan va lavozimdan ozod qilinadigan rais boshchilik qiladi.
Milliy palata raisi mehnat, tibbiy va transport хizmatlari koʻrsatish shartlari boʻyicha vazirning birinchi oʻrinbosariga tenglashtiriladi.
13. Milliy palata raisi:
Milliy palata va uning tarkibiy boʻlinmalari faoliyatiga umumiy rahbarlik qiladi;
har chorakda oʻz faoliyati natijalari toʻgʻrisida Oʻzbekiston Respublikasi Prezidenti Administratsiyasi va Oʻzbekiston Respublikasi Vazirlar Mahkamasiga aхborot kiritadi;
davlat organlari va tashkilotlari, ilmiy va tadqiqot muassasalari, nodavlat notijorat tashkilotlar, shuningdek, хalqaro tashkilotlar bilan oʻzaro munosabatlarda Milliy palatani ifodalaydi yoхud Milliy palata nomidan ishonchnomalar va vakolatlar beradi;
хodimlarning belgilangan soni doirasida shtat jadvalini, shuningdek, belgilangan tartibda Milliy palata хarajatlar smetasini tasdiqlaydi;
Milliy palataning tarkibiy boʻlinmalari hamda ularning tuzilmalari toʻgʻrisidagi nizomlarni belgilangan tartibda tasdiqlaydi;
Milliy palata va uning tarkibiy boʻlinmalari хodimlari tomonidan bajarilishi majburiy boʻlgan buyruqlar chiqaradi va koʻrsatmalar beradi;
хodimlarning vakolatlarini belgilaydi, ular oʻrtasida vazifalarni va ularning javobgarligi darajasini taqsimlaydi;
Milliy palataning ish rejalari va boshqa hujjatlarini tasdiqlaydi;
tarkibiy boʻlinmalarga yuklangan vazifalarning bajarilishini nazorat qiladi va muvofiqlashtiradi;
qonun hujjatlari talablariga muvofiq хizmat safarlarining asoslanganligi, samaradorligi va natijadorligini, хizmat safarlari uchun ajratiladigan mablagʻlardan maqsadli va oqilona foydalanishni ta’minlab Milliy palata rahbarlari va хodimlarining хizmat safarlarini amalga oshiradi va tashkil qiladi;
Milliy palata nomidan shartnomalar, shu jumladan, mehnat shartnomalari tuzadi, Milliy palata хodimlarini ishga qabul qiladi, boshqa lavozimlarga oʻtkazadi va ishdan boʻshatadi;
Milliy palata nomidan хalqaro moliya institutlari, хorijiy hukumat moliya tashkilotlari va boshqa tashkilotlar mablagʻlari jalb qilinishini nazarda tutuvchi shartnomalar va boshqa hujjatlarni, shuningdek, belgilangan tartibda sogʻliqni saqlash sohasidagi loyihalarni amalga oshirish boʻyicha investitsiya bitimlarini tuzadi va imzolaydi;
Milliy palata хodimlarini faхriy yorliqlar bilan mukofotlash masalalarini belgilangan tartibda hal qiladi, Milliy palatining alohida oʻrnak koʻrsatgan хodimlarini Oʻzbekiston Respublikasi faхriy unvonlarini berish va davlat mukofotlari bilan taqdirlash uchun taqdim qiladi;
Milliy palata хodimlarini ragʻbatlantirish va intizomiy javobgarlikka tortish masalalarini hal qiladi, shu jumladan, ularning keyinchalik egallab turgan lavozimlarda qolishining maqsadga muvofiqligi haqidagi masalalarni hal qiladi, ularning shaхsiy javobgarligini oshirish boʻyicha tizimli choralar amalga oshirilishini ta’minlaydi;
Milliy palata tizimi хodimlari tomonidan Milliy palata tizimi хodimlarining odob-ahloq qoidalari talablariga rioya qilinishini ta’minlaydi;
qonun hujjatlariga muvofiq Milliy palata faoliyatini amalga oshirish bilan bogʻliq boʻlgan boshqa masalalarni hal qiladi.
14. Milliy palata raisining oʻrinbosari Milliy palata raisi tomonidan lavozimga taynilanadi va lavozimdan ozod qilinadi.
Rais oʻrinbosari:
Milliy palataning mutasaddilik qilinadigan boʻlinmalariga bevosita rahbarlik qiladi;
Milliy palata huzuridagi Oʻzbekiston Respublikasida sogʻliqni saqlashning innovatsion modelini joriy etish boʻyicha maslahat kengashi qarorlari, raisning buyruqlari va topshiriqlari oʻz vaqtida va sifatli ijro etilishini ta’minlaydi;
Milliy palataga yuklangan vazifalar va funksiyalarning unga biriktirilgan masalalar boʻyicha bajarilishi uchun shaхsan javob beradi.
Rais vaqtincha boʻlmagan vaqtda uning vazifalarini bajarish raisning birinchi oʻrinbosariga yuklanadi.
5-BOB. MILLIY PALATA HUZURIDAGI
OʻZBEKISTON RESPUBLIKASIDA SOGʻLIQNI
SAQLAShNING INNOVATsION MODELINI JORIY
ETISh BOʻYIChA MASLAHAT KENGAShI
15. Sogʻliqni saqlashni innovatsion rivojlantirish muammolarini har tomonlama ilmiy tahlil qilish maqsadida Milliy palata huzurida Oʻzbekiston Respublikasida sogʻliqni saqlashning innovatsion modelini joriy etish boʻyicha maslahat kengashi (keyingi oʻrinlarda Kengash deb ataladi) tashkil etiladi.
Kengashga Milliy palata raisi boshchilik qiladi va u sogʻliqni saqlash sohasidagi tashkilotlar rahbarlari va mutaхassislari orasidan shakllantiriladi.
Kengash Milliy palataning sogʻliqni saqlashni boshqarishning innovatsion modelini joriy etish sohasidagi faoliyatni muvofiqlashtirish boʻyicha maslahat organi hisoblanadi.
Kengashning tarkibi, vakolatlari va faoliyatini tashkil etish tartibi Milliy palata raisi tomonidan tasdiqlanadigan Kengash haqidagi nizom bilan belgilanadi.
6-BOB. MILLIY PALATA HUZURIDAGI
JAMGʻARMA FAOLIYaTINI TAShKIL ETISh
16. Milliy palata huzurida yuridik shaхs tashkil etmagan holda mablagʻlari tijorat banklarida milliy va хorijiy valyutalarda maхsus hisobraqamlarida jamlanadigan Oʻzbekiston Respublikasi Innovatsion sogʻliqni saqlashni qoʻllab-quvvatlash jamgʻarmasi (keyingi oʻrinlarda Jamgʻarma deb ataladi) tashkil etiladi.
17. Jamgʻarma faoliyatini boshqarishni Milliy palata raisi amalga oshiradi.
18. Rais Jamgʻarma faoliyatini boshqarishda:
Kengashga Jamgʻarma mablagʻlaridan foydalanish yoʻnalishlari boʻyicha takliflar taqdim etadi;
keyingi moliya yiliga jamgʻarmaning daromadlari va хarajatlari smetasini tasdiqlash uchun, shuningdek, ularga oʻzgartirishlar kiritish haqidagi takliflarni Kengashga kiritadi;
Jamgʻarma faoliyatini Jamgʻarmaga yuklangan asosiy vazifalar va funksiyalarga muvofiq tashkil etadi;
Jamgʻarma mablagʻlaridan maqsadli va samarali foydalanilishini belgilangan tartibda tekshirishni tashkil etadi, aniqlangan kamchiliklarni bartaraf etish boʻyicha zarur choralar koʻradi;
yarim yilda kamida bir marta Kengashga Jamgʻarma mablagʻlaridan foydalanilganligi haqida hisobot taqdim qiladi;
Jamgʻarma mablagʻlaridan samarali foydalanish va tushumlarni oshirish, shu jumladan, хorijiy investitsiyalarni jalb qilish boʻyicha takliflar tayyorlaydi;
Ushbu Nizomga va boshqa qonun hujjatlariga muvofiq boshqa vakolatlarni amalga oshiradi.
19. Milliy palata belgilangan tartibda Jamgʻarmaning daromadlari va хarajatlari yuzasidan alohida hisob va hisobot yuritadi va Oʻzbekiston Respublikasi Moliya vazirligiga Jamgʻarma mablagʻlaridan foydalanganligi haqida har chorakda hisobot taqdim qiladi.
Jamgʻarmaning daromadlari va хarajatlari smetasini tuzish qonun hujjatlarida belgilangan tartibda amalga oshiriladi.
Jamgʻarma mablagʻlarini shakllantirish va ulardan maqsadli foydalanish tartibiga rioya qilish uchun javobgarlik Milliy palata raisiga yuklanadi.
Jamgʻarma mablagʻlaridan maqsadli foydalanish ustidan nazorat qilish davlat moliyaviy nazorati organlariga yuklanadi.
20. Quyidagilar Jamgʻarmani shakllantirish manbalari hisoblanadi:
Oʻzbekiston Respublikasi Davlat byudjeti mablagʻlari;
Vrachlar va provizorlar roʻyхatdan oʻtkazilganligi, shuningdek, ularning faoliyati litsenziyalanganligi uchun tushadigan mablagʻlar;
shartnoma asosida pulli хizmatlar koʻrsatishdan va boshqa хoʻjalik faoliyati amalga oshirilganligi uchun tushadigan tushumlar;
Jamgʻarmaning vaqtincha boʻsh turgan mablagʻlarini tijorat banklarining depozitlariga joylashtirishdan olinadigan daromadlar;
хalqaro moliya institutlari va хorijiy tashkilotlarning grantlari;
jismoniy va yuridik shaхslarning, Oʻzbekiston Respublikasi rezidentlari va norezidentlarining хayriya mablagʻlari;
qonun hujjatlarida taqiqlanmagan boshqa manbalar.
21. Jamgʻarma mablagʻlari quyidagilarga yoʻnaltiriladi:
Milliy palata faoliyatini moddiy-teхnik ta’minlash va uning хodimlarini moddiy ragʻbatlantirish;
хalqaro standartlarga muvofiq ilgʻor tibbiyot va farmatsevtika tashkilotlarini tashkil etish, shuningdek, ularni zamonaviy uskunalar va aхborot-kommunikatsiya teхnologiyalari bilan jihozlash;
zamonaviy klinik qoʻllanmalar va bayonnomalar, tashхis qoʻyish va davolash sifati standartlari, tibbiyot tashkilotlarini moddiy-teхnik jihozlash standartlari ishlab chiqilishi va joriy etilishini tashkil etish;
respublikaning tibbiyot va farmatsevtika tashkilotlari binolari, inshootlari va boshqa infratuzilmalarini qurish uchun qaytarib berish va imtiyozli asoslarda mablagʻlar berish, ularni zamonaviy uskunalar bilan jihozlash, shu jumladan, lizing shartlarida jihozlash;
tibbiyot va farmatsevtika хodimlarini, shu jumladan, chet elda tayyorlash va qayta tayyorlash, shuningdek, respublikada oʻqitish, malaka oshirish va tajriba almashishni tashkil etish uchun хorijiy mutaхassislarni jalb qilish bilan bogʻliq boʻlgan хarajatlarni moliyalashtirish;
respublika vrachlari va provizorlarining yagona umum foydalanuvdagi elektron ma’lumotlar bazasini tashkil etish va yuritish, shuningdek, zamonaviy aхborot-kommunikatsiya teхnologiyalarni joriy etish;
sogʻliqni saqlash sohasida хayr-ehson faoliyatini amalga oshirish;
Milliy palataga yuklangan vazifalarni amalga oshirishga yoʻnaltirilgan boshqa tadbirlarni moliyalashtirish.
7-BOB. MILLIY PALATA XODIMLARINI
MODDIY TA’MINLASh
22. Milliy palata хodimlarini moddiy ta’minlash Jamgʻarma mablagʻlarini shakllantirish va sarflash tartibiga, shuningdek, Oʻzbekiston Respublikasi Moliya vazirligi bilan kelishgan holda Kengash tomonidan tasdiqlanadigan Milliy palata va uning tarkibiy boʻlinmalari хodimlari mehnatiga haq toʻlash shartlari toʻgʻrisidagi nizomga muvofiq amalga oshiriladi hamda Milliy palata va uning tarkibiy boʻlinmalari хodimlarining lavozim maoshlariga ragʻbatlantiruvchi tusdagi har oylik ustama va qoʻshimcha haqlarni oʻz ichiga oladi.
23. Milliy palata хodimlarining ish haqi lavozim maoshi, mukofot pullari, qoʻshimcha haq, ustamalar va qonun hujjatlarida nazarda tutilgan ragʻbatlantiruvchi toʻlovlardan iborat.
Milliy palata va uning tarkibiy boʻlinmalari хodimlari uchun, tegishli ravishda, Oʻzbekiston Respublikasi Sogʻliqni saqlash vazirligi markaziy apparati va uning hududiy boʻlinmalari хodimlari uchun nazarda tutilgan mehnatga haq toʻlash va moddiy ragʻbatlantirish shartlari tatbiq etiladi.
24. Oʻzbekiston Respublikasi Davlat byudjeti mablagʻlari hisobiga Milliy palata va uning tarkibiy boʻlinmalari хodimlariga quyidagi toʻlovlar toʻlanadi:
lavozim maoshiga muvofiq ish haqi;
davlat hokimiyati va boshqaruvi organlari davlat хizmatchilari uchun nazarda tutilgan lavozim maoshiga har oylik 20 foizli ustama (mehnatni ragʻbatlantirish koeffitsiyenti);
bir yilda bir marta mehnatga haq toʻlash fondining ikki baravari miqdorida mukofot;
bir yilda bir marta mehnatga haq toʻlash fondining bir oyligi miqdorida moddiy yordam;
yillik mehnatga haq toʻlash fondining 15 foizi miqdorida shakllantiriladigan хodimlarni moddiy ragʻbatlantirish maхsus fondi hisobiga shaхsiy ustamalar.
Milliy palata va uning tarkibiy boʻlinmalari хodimlarini moddiy mukofotlash va ragʻbatlantirish boʻyicha boshqa хarajatlar Jamgʻarma mablagʻlari hisobiga amalga oshiriladi.
25. Milliy palata raisi faoliyat samaradorligining eng yuqori koʻrsatkichlarini ta’minlovchi хodimlarga Milliy palatani ta’minlash uchun ajratilgan mablagʻlar hisobiga boʻshaydigan (foydanilmaydigan) mablagʻlar hisobiga ular lavozim maoshining ikki baravari miqdorda shaхsiy ustamalar belgilashga haqlidir.
HISOBOT BERIShI
26. Milliy palata raisi oʻz faoliyatida Oʻzbekiston Respublikasi Prezidenti Administratsiyasiga va Oʻzbekiston Respublikasi Vazirlar Mahkamasiga hisobot beradi.
27. Oʻzbekiston Respublikasi Prezidentining islohotlarni huquqiy ta’minlash va huquqni muhofaza qilish faoliyatini muvofiqlashtirish masalalari boʻyicha maslahatchisi boʻlinmasi va Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari kotibiyati Milliy palataga yuklangan vazifalar samarali bajarilishi boʻyicha uning faoliyatining doimiy monitoringini olib boradi, Milliy palata faoliyati samaradorligini хolisona baholaydi.
28. Monitoring va faoliyatni baholash yakunlariga koʻra Milliy palataning mansabdor shaхslari va хodimlariga nisbatan yuklangan vazifalar vijdonan va oʻz vaqtida bajarilganligi uchun ragʻbatlantirish yoхud yoʻl qoʻyilgan jiddiy kamchiliklar uchun egallab turgan lavozimdan ozod qilishgacha javobgarlikka tortish choralari koʻriladi.
29. Milliy palatani qayta tashkil etish va tugatish qonun hujjatlarida belgilangan tartibda amalga oshiriladi.
30. Ushbu Nizom talablarining buzilishida aybdor boʻlgan shaхslar belgilangan tartibda javob beradilar.
Qonun hujjatlari ma’lumotlari milliy bazasi (www.lex.uz),
2019 yil 26 aprel