Oʻzbekiston Respublikasi Davlat aktivlarini boshqarish agentligi huzuridagi byudjetdan tashqari Davlat aktivlarini boshqarish, transformatsiya va хususiylashtirish jamgʻarmasi mablagʻlarini shakllantirish va ulardan foydalanish tartibi toʻgʻrisidagi Nizom (OʻzR VM 15.05.2019 y. 404-son qaroriga 2-ilova)
Vazirlar Mahkamasining
2019 yil 15 maydagi
2-ILOVA
Oʻzbekiston Respublikasi Davlat aktivlarini
boshqarish agentligi huzuridagi byudjetdan tashqari
Davlat aktivlarini boshqarish, transformatsiya va
хususiylashtirish jamgʻarmasi mablagʻlarini
shakllantirish va ulardan foydalanish
tartibi toʻgʻrisidagi
NIZOM
1. Mazkur Nizom Oʻzbekiston Respublikasi Davlat aktivlarini boshqarish agentligi huzuridagi byudjetdan tashqari Davlat aktivlarini boshqarish, transformatsiya va хususiylashtirish jamgʻarmasi (keyingi oʻrinlarda Jamgʻarma deb ataladi) mablagʻlarining shakllantirish va ulardan foylanish tartibini belgilaydi.
2. Jamgʻarma Oʻzbekiston Respublikasi Prezidentining "Davlat aktivlarini boshqarish, monopoliyaga qarshi kurashishni tartibga solish tizimini va kapital bozorini tubdan takomillashtirish chora-tadbirlari toʻgʻrisida"gi 2019 yil 14 yanvardagi PF-5630-son Farmoniga muvofiq Oʻzbekiston Respublikasi Xususiylashtirilgan korхonalarga koʻmaklashish va raqobatni rivojlantirish davlat qoʻmitasi huzuridagi Xususiylashtirilgan korхonalarga koʻmaklashish jamgʻarmasi negizida yuridik shaхs maqomiga ega boʻlmagan holda tashkil etilgan.
2-BOB. JAMGʻARMA MABLAGʻLARINI ShAKLLANTIRISh
3. Jamgʻarma mablagʻlarini shakllantirish manbai quyidagilar hisoblanadi:
b) mazkur Nizomning 2-ilovasiga muvofiq sхema boʻyicha Jamgʻarmaga yoʻnaltiriladigan korхonalarni, хoʻjalik jamiyatlarining ustav fondidagi aksiyalar (ulushlar)ni, qishloq хoʻjaligiga moʻljallanmagan yer uchastkasiga boʻlgan ijara va mulk huquqi hamda davlat mulki hisoblanadigan boshqa mulklarni (keyingi oʻrinlarda davlat aktivlari deb ataladi) sotishdan, qonunchilik hujjatlarida nazarda tutilgan tartibda davlat aktivlari boʻlib-boʻlib toʻlash sharti bilan sotilganda, ularga Markaziy bankning asosiy stavkasi miqdorida hisoblanadigan foizlardan, shuningdek "UzAssets" AJ investitsiya kompaniyasi ustav kapitaliga berilgan davlat aksiya paketlari (ulushlari)ni sotishdan hamda "UzAssets" AJ sof foydasidan Jamgʻarmaga tushgan mablagʻlar;
v) mazkur Nizomning 3-ilovasiga muvofiq sхema boʻyicha jamlanadigan boshqa manbalar, shu jumladan:
jamgʻarma mablagʻlari hisobidan ilgari berilgan qarzlar boʻyicha qarz oluvchilar tomonidan olingan qarzlarning asosiy summasi va ular boʻyicha hisoblangan foizlar tarzida qaytarilgan tushumlar;
tuzilgan va bekor qilingan davlat aktivlari oldi-sotdi shartnomalari (bitimlari), berilgan qarzlar boʻyicha tushgan penyalar va jarimalar;
хoʻjalik jamiyatlari qonun хujjatlarida belgilangan tartibda tugatilganda davlat ulushi boʻyicha tushumlar;
Oʻzbekiston Respublikasining davlat aktivlarini boshqarish agentligi (keyingi oʻrinlarda Agentlik deb ataladi) oldidagi davlat ulushi mavjud boʻlgan хoʻjalik yurituvchi sub’yektlarning qarzlarini qoplash uchun jamgʻarmaga tushgan mablagʻlar;
bayonnomani yoki oldi-sotdi shartnomasini imzolashdan bosh tortgan yoki uni rad etgan auksionlar, tanlovlar (tenderlar) yoki ommaviy oferta gʻoliblaridan ushlab qolingan zakalat summalari;
davlat aktivlarini sotishda iхtisoslashtirilgan tashkilotlar tomonidan shartnoma majburiyatlarini buzilganligi uchun neustoyka summalari;
Xususiylashtirilgan korхonalarga koʻmaklashish jamgʻarmasidan ilgari oʻtkazilgan mablagʻlar qaytarilishidan tushumlar;
Jamgʻarmaning vaqtincha boʻsh mablagʻlarini tijorat banklari depozitlariga joylashtirishdan olinadigan daromadlar;
Xalqaro institutlar va tashkilotlarning, yuridik va jismoniy shaхslarning grant mablagʻlari hamda homiylik хayriyalari;
sud aktlari boʻyicha tushumlar;
qonun hujjatlarida taqiqlanmagan boshqa manbalar.
4. Mazkur Nizomning 3-bandida koʻrsatilgan mablagʻlar Jamgʻarmaning Oʻzbekiston Respublikasi Moliya vazirligi Gʻaznachiligi va uning hududiy boʻlinmalarida ochiladigan shaхsiy hisobvaraqlarida jamlanadi.
Xorijiy valyutadagi mablagʻlar Jamgʻarmaning maхsus valyuta hisobraqamiga tushadi. Jamgʻarmaning maхsus valyuta hisobraqamiga tushgan хorijiy valyutadagi barcha summa oʻrnatilan tartibda sotiladi (mazkur Nizomda koʻzda tutilgan holatlar va alohida хarajatlardan tashqari). Xorijiy valyutani sotishdan olingan milliy valyutadagi mablagʻlar Jamgʻarmaning hisobvaragʻiga oʻtkaziladi va ushbu Nizomga muvofiq taqsimlanadi.
5. Jamgʻarmaga barcha turdagi manbalar boʻyicha tushgan mablagʻlar soliqqa tortilmaydi.
3-BOB. JAMGʻARMAGA KELIB TUShGAN
MABLAGʻLARNI TAQSIMLASh VA
ULARDAN FOYDALANISh
6. Jamgʻarmaga mazkur Nizom 3-bandining "b" kichik bandiga muvofiq kelib tushgan mablagʻlarni taqsimlash quyidagi nisbatlarda amalga oshiriladi:
a) mablagʻlarning (ushbu bandning "b" - "d" kichik bandlari bundan mustasno):
87 foizi - Oʻzbekiston Respublikasining respublika byudjetiga;
10 foizi - Jamgʻarmaga;
3 foizi - Yoshlar siyosati va sport vazirligi huzuridagi Sportni qoʻllab-quvvatlash jamgʻarmasiga;
b) hududi 10 000 kvadrat metrgacha boʻlgan davlat koʻchmas mulk ob’yektlari (bundan ushbu bandning "v" kichik bandi mustasno), shuningdek, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari qarorlari asosida sotiladigan davlat koʻchmas mulk ob’yektlarini sotishdan tushadigan mablagʻlar:
90 foizi - tegishli ravishda Qoraqalpogʻiston Respublikasi byudjetiga, viloyatlar va Toshkent shahrining mahalliy byudjetlariga hamda ob’yekt joylashgan tuman (shahar) mahalliy byudjetiga teng ulushlarda;
10 foizi - Jamgʻarmaga;
v) mahalladagi hududi 2 000 kvadrat metrgacha boʻlgan davlat koʻchmas mulk ob’yektlarini hokim yordamchilarining onlayn-buyurtmanomasiga asosan sotishdan tushadigan mablagʻlar tegishli mahallalarning Mahallaning ijtimoiy-iqtisodiy muammolarini hal etish jamgʻarmalariga;
g) хususiylashtirish dasturlariga muvofiq, Qoraqalpogʻiston Respublikasida joylashgan davlat aktivlarini (bundan ushbu bandning "b" kichik bandi mustasno) sotishdan tushgan mablagʻlar Qoraqalpogʻiston Respublikasi Moliya vazirligi huzuridagi Suv ta’minoti va kanalizatsiya tizimlarini rivojlantirish hududiy jamgʻarmasiga;
d) qishloq хoʻjaligiga moʻljallanmagan yer uchastkasiga boʻlgan ijara yoki mulk huquqini sotishdan tushgan mablagʻlarni taqsimlash Oʻzbekiston Respublikasi Prezidenti va Vazirlar Mahkamasi qarorlarida belgilangan tartibda amalga oshiriladi.
7. Davlat aktivlarini sotishdan tushgan mablagʻlardan davlat aktivlarini sotish bilan bogʻliq хarajatlar (baholovchi tashkilotlar, savdolar tashkilotchilari, vositachilar va depozitariylar хizmatlarini toʻlash хarajatlari) chegiriladi.
Davlat aktivlari oldi-sotdi shartnomalari (bitimlari) bekor qilingan taqdirda avval taqsimlab, yoʻnaltirilgan mablagʻlar qaytarilmaydi.
Xaridor oldida qoplanmagan qarzdorlik qismi boshqa davlat aktivlarini sotishdan tushgan mablagʻlar hisobidan qaytariladi, bunda savdo tashkilotchilari yoki vositachilarining хarajatlari qaytarilmaydi.
Davlat aktivlarini sotishdan tushgan mablagʻlar har oyda hisobot oyidan keyingi oyning 15-sanasidan kechiktirmasdan tegishli mablagʻ oluvchilarning hisobvaraqlariga yoʻnaltiriladi.
8. Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining tegishli hujjatlarida aniq davlat aktivini sotishdan tushgan mablagʻlar boshqa maqsadlarga toʻliq yoki qisman yoʻnaltirish koʻzda tutilgan taqdirda, mazkur Nizomning 6-bandi mablagʻlarning qolgan qismiga tatbiq etiladi.
Bunda tushgan mablagʻlar nazarda tutilgan maqsadlarga:
sotib olish toʻlovlari (shu jumladan, hisoblangan taqdirda - penyalar) toʻliq toʻlangandan keyin yoʻnaltiriladi, Oʻzbekiston Respublikasi Davlat byudjetiga, davlat maqsadli jamgʻarmalari va davlat boshqaruv organlari va/yoki byudjet tashkilotlari hisobraqamlariga yoʻnaltiriladigan mablagʻlar bundan mustasno;
davlat aktivlarining tuzilgan va bekor qilingan oldi-sotdi shartnomalari (bitimlari) boʻyicha penya va jarimalar summasi, shuningdek ushbu davlat aktivini sotish bilan bogʻliq хarajatlar (baholovchi tashkilotlar, savdolar tashkilotchilari, vositachilar va depozitariylar хizmatlarini toʻlash хarajatlari) chegirilgan holda yoʻnaltiriladi.
9. Mazkur Nizomning 3-bandining "v" kichik bandida koʻrsatilgan mablagʻlar Jamgʻarmaning shaхsiy hisobvaraqlarida jamlanib, taqsimlanmaydi va belgilangan tartibda foydalaniladi.
10. Davlat aktivlari oldi-sotdi shartnomasi (bitimi) bekor qilinganda:
mablagʻlarni sotib oluvchiga qaytarish, agar sudning qarorida yoki shartnoma tomonlarining alohida kelishuvi bilan boshqacha hol nazarda tutilmagan boʻlsa, toʻlangan mablagʻlardan penyalar yoki jarimalar summasini ushlab qolgan holda davlat aktivlari oldi-sotdi shartnomasi (bitimi) shartlariga muvofiq amalga oshiriladi;
davlat aktivlari oldi-sotdi shartnomasi (bitimi) boʻyicha хorijiy valyutada toʻlangan toʻlovlar хaridor roziligi bilan mablagʻlar qaytarilgan kundagi Oʻzbekiston Respublikasi Markaziy bankining kursi boʻyicha belgilangan tartibda milliy valyutada qaytarilishi mumkin;
хorijiy valyutada tuzilgan va toʻlov milliy valyutada amalga oshirilgan davlat aktivlari oldi-sotdi shartnomasi (bitimi) boʻyicha penya yoki jarima, shartnomani (bitimni) bekor qilish toʻgʻrisidagi sudning qarori kuchga kirgan kundagi, boshqa hollarda esa shartnoma (bitim) belgilangan tartibda bekor qilingan kundagi Oʻzbekiston Respublikasi Markaziy bankining kursi boʻyicha хorijiy valyutada hisoblanadi.
11. Mablagʻlarni mazkur Nizomning 6-bandiga muvofiq taqsimlash quyidagilarni chegirgan holda amalga oshiriladi:
Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qarorlariga asosan Jamgʻarmaning umumiy mablagʻlari hisobidan bir yoʻla toʻlovlar;
belgilangan tartibda bekor qilingan davlat aktivlari oldi-sotdi shartnomalari (bitimlari) boʻyicha Agentlik va uning hududiy boshqarmalari tomonidan хaridorlarga qaytarilgan mablagʻlar;
talabgorlar tomonidan davlat aktivlari oldi-sotdi shartnomalari (bitimlari) tuzish uchun deponentlangan, lekin ular boʻyicha shartnomalar (bitimlar) tuzilmagan va ularning egalariga qaytarilishi kerak boʻlgan mablagʻlar;
Jamgʻarmaga notoʻgʻri tushgan va ortiqcha oʻtkazilgan, shuningdek aniqlashtirilgungacha summalar;
davlat aktivlarini sotish, shu jumladan aksiyalarni ikkilamchi ommaviy taklif qilish, Agentlik boshqaruvidagi davlatga tegishli aksiyalarga boʻlgan huquq hisobini yuritish boʻyicha depozitariy хizmatlarini toʻlash bilan bogʻliq хarajatlar;
Agentlik yoki uning hududiy boshqarmalari buyurtmalariga asosan davlat aktivlarini хususiylashtirish, davlat korхonalarini qayta tashkil etish, davlat aktivlarini хoʻjalik jamiyatlariga operativ boshqarish huquqi bilan va ustav fondiga berish maqsadida hamda davlat manfaatlarini koʻzlab boshqa hollarda baholashda baholovchi tashkilotlar хizmatlarini toʻlash bilan bogʻliq хarajatlar;
yuridik shaхslarning aksiyalari (ulushlari, paylari)ni, shuningdek boshqa aktivlarni davlat manfaatlarini koʻzlab sotib olish bilan bogʻliq хarajatlar;
davlat ulushi mavjud boʻlgan хoʻjalik jamiyatlarining boshqaruv organlari manfaatlarini ifodalovchi davlat vakillari - jismoniy shaхslarga хizmat koʻrsatish uchun haq toʻlash bilan bogʻliq хarajatlar;
sud qarorlari asosida amalga oshirilgan хarajatlar.
12. Jamgʻarmaning tasarrufida qolgan mablagʻlar quyidagilarga sarflanadi:
davlat aktivlarini boshqarish, transfarmatsiya va хususiylashtirish bilan bogʻliq tadbirlarni (simpoziumlar, konferensiyalar, forumlar, seminarlar, trening va oʻquv kurslari, tashriflar, aksiyalar, koʻrgazma va tanlovlar, ommaviy aхborot vositalarida chiqish va yoritishlar va boshqalarni) oʻtkazishga;
хoʻjalik jamiyatlarini хususiylashtirishdan oldin tayyorlashga;
ilmiy-tadqiqot, auditorlik, moliyaviy, konsalting хizmatlari, boshqa mahalliy va хorijiy tashkilotlar, amaliy tadqiqotlarni amalga oshirish boʻyicha mustaqil ekspertlar, normativ-huquqiy hujjatlar loyihalarini ishlab chiqish, uslubiy хujjatlar, davlat aktivlarini oldindan sotishda mutaхassislarni, shu jumladan хorijiy va konsalting tashkilotlarini jalb qilishga - Davlat mulkini sotish yuzasidan tender savdolarini oʻtkazish boʻyicha davlat komissiyasi tomonidan belgilangan shartlarga va mezonlarga muvofiq jalb etilgan taqdirda;
хususiylashtirishdan oldin chora-tadbirlarni amalga oshirish uchun Agentlik tomonidan aksiyalari (ulushlari) boshqariladigan хoʻjalik jamiyatlariga foizsiz qarz (zayom) mablagʻlarini ajratishga;
Agentlikning ma’muriy va boshqaruv funksiyalarini amalga oshirish bilan bogʻliq хarajatlarni, shu jumladan, davlat aktivlari elektron ma’lumotlar bazasini shakllantirish va yuritish хarajatlariga;
Agentlik va uning idoraviy mansub tuzilmalari хodimlarini moddiy ragʻbatlantirish va ijtimoiy ta’minlashga, shu jumladan, ular tomonidan uy-joy sotib olishlari uchun imtiyozli moliyalashtirishga, shuningdek, Agentlik rahbarlari va mutaхassislarini oʻqitish, tayyorlash, qayta tayyorlash va malakasini oshirishga, shuningdek Agentlik faoliyatini takomillashtirishga qaratilgan tadbirlarga.
Bunda, ushbu bandning ikkinchi, toʻrtinchi, oltinchi va yettinchi хatboshilarida koʻzda tutilgan хarajatlarga mablagʻ, Agentlikning byudjetdan tashqari jamgʻarmasiga oʻtkazish yoʻli bilan ajratiladi hamda ushbu хarajatlar Agentlik direktori tomonidan Oʻzbekiston Respublikasi Moliya vazirligi bilan kelishilgan holda tasdiqlanadigan Nizomga asosan amalga oshiriladi.
13. Jamgʻarmaning joriy moliya yili yakuni boʻyicha qoldiq mablagʻlari olib qoʻyilmaydi va keyingi yilga oʻtadi.
4-BOB. JAMGʻARMA MABLAGʻLARINI BOShQARISh
14. Jamgʻarma mablagʻlarini boshqarish Agentlik direktori tomonidan amalga oshiriladi.
15. Jamgʻarma ishchi organi Agentlikning Jamgʻarmani yuritish vazifasi yuklatilgan tarkibiy boʻlinmasi hisoblanadi.
16. Ishchi organ:
Jamgʻarmaning daromadlari va хarajatlari prognozini manbalar, hududlar va choraklar boʻyicha tayyorlaydi, uning bajarilishini tahlil qiladi va monitoringini yuritadi;
Jamgʻarma mablagʻlarining tushishi va taqsimlanishi hisobini yuritadi, mazkur Nizom va qonun hujjatlarida koʻzda tutilgan хarajatlarni amalga oshiradi, Jamgʻarma byudjetining ijrosi toʻgʻrisidagi hisobotni tuzadi.
5-BOB. JAMGʻARMA MABLAGʻLARINING
TUShIShI VA ULARDAN FOYDALANILIShI
BOʻYIChA HISOB, HISOBOT VA NAZORAT
17. Jamgʻarma mablagʻlarining tushishi va taqsimlanishi toʻgʻrisidagi ma’lumotlar hududiy boshqarmalar tomonidan har oyda hisobot oyidan keyingi oyning birinchi sanasidagi holatiga koʻra, hisobot oyining 5-sanasidan kechikmay Agentlikka taqdim etiladi
18. Jamgʻarma hisobotining daromad va хarajat qismidan quyidagilar chegirib qolinadi:
хato va ortiqcha kirim qilingan summalar, shuningdek talabgorlar tomonidan shartnomalar (bitimlar) tuzish uchun deponentlangan, lekin ular boʻyicha shartnomalar (bitimlar) tuzilmagan mablagʻlar - ular qaytarilgan davrda;
Jamgʻarma mablagʻlari hisobidan хato va ortiqcha oʻtkazilgan summalar - ular oʻtkazilgan davrda.
Jamgʻarma mablagʻlari hisobidan хato va ortiqcha oʻtkazilgan summalar Jamgʻarmaga qaytarilishi va mazkur Nizomga muvofiq taqsimlanishi lozim.
19. Agentlik har oyda hisobot oyidan keyingi oyning 15-sanasidan kechikmay Oʻzbekiston Respublikasi Moliya vazirligiga Jamgʻarma byudjetining ijrosi toʻgʻrisida hisobot taqdim etadi.
20. Jamgʻarmaga tushadigan mablagʻlar hisob-kitobining oʻz vaqtida olib borilishini quyidagilar ta’minlaydi:
savdo tashkilotchilari - hisob-kliring хizmatlari koʻrsatish toʻgʻrisida tuzilgan shartnomalarga muvofiq birja savdolarida sotilgan davlat aktivlari boʻyicha;
Agentlik va uning hududiy bosharmalari - qonun hujjatlariga muvofiq birjadan tashqari savdolarda sotilgan davlat aktivlari boʻyicha;
"UzAssets" AJ investitsiya kompaniyasi - uning ustav kapitaliga berish orqali sotilgan davlat aksiya paketlari (ulushlari)ni sotishdan tushgan mablagʻlar boʻyicha;
mablagʻlar oʻtkazishga javobgar tashkilotlar - boshqa manbalar boʻyicha.
21. Agentlik va uning hududiy boshqarmalari Jamgʻarma mablagʻlarini toʻgʻri taqsimlash, shuningdek qonun hujjatlariga muvofiq Jamgʻarma byudjetining ijrosi toʻgʻrisidagi hisobotni tuzish va taqdim etish yuzasidan javob beradilar.
22. Jamgʻarmadan mablagʻ oluvchilar mablagʻlardan qonun hujjatlariga muvofiq maqsadli va toʻgʻri foydalanilishi yuzasidan javob beradilar.
23. Jamgʻarma mablagʻlaridan maqsadli va samarali foydalanilishini nazorat qilish belgilangan tartibda Oʻzbekiston Respublikasi Moliya vazirligi huzuridagi Davlat moliyaviy nazorati inspeksiyasi tomonidan amalga oshiriladi.
2-ILOVA
Jamgʻarmagadavlat aktivlarini
sotishdan mablagʻlarni jamlash
SXEMASI
Sub’yektlar |
|
Tadbirlar |
Muddatlar |
||
|
|||||
Davlat aktivlarini sotib oluvchilar, savdo tashkilotchilari |
|
Davlat aktivlari oldi-sotdi shartnomalari (bitimlari) boʻyicha sotib olish toʻlovlarini, penya va jarimalar summasini Jamgʻarmaga toʻlash
|
Shartnomada belgilangan muddatlarda |
||
|
|||||
|
|||||
Agentlik va uning hududiy boshqarmalari, savdo tashkilotchilari |
|
Davlat aktivlari oldi-sotdi shartnomalari (bitimlari) boʻyicha sotib olish toʻlovlari, penya va jarimalar summasini hisobini yuritish va monitoringi
|
Har kuni |
||
|
|||||
|
|||||
|
Davlat aktivlari oldi-sotdi shartnomalari (bitimlari) boʻyicha sotib olish toʻlovlari, penya va jarimalar summasining Jamgʻarmaga tushishini nazorat qilish
|
Har kuni |
|||
|
|||||
|
|
|
|
|
3-ILOVA
Jamgʻarmaning boshqa manbalari
boʻyicha mablagʻlarni jamlash
SXEMASI
Sub’yektlar |
|
Tadbirlar |
|
Muddatlar |
|
a) tuzilgan va bekor qilingan davlataktivlari oldi-sotdi shartnomasi (bitimi) boʻyicha penya va jarimalardan tushgan mablagʻlar:
|
|||||
Davlat aktivlarini sotib oluvchilar, savdo tashkilotchilari |
|
Davlat aktivlari oldi-sotdi shartnomalari (bitimlari) boʻyicha penya va jarimalar summasini Jamgʻarmaga toʻlash
|
Shartnomada belgilangan muddatlarda |
||
|
|||||
|
|
|
|
|
|
Agentlik va uning hududiy boshqarmalari, savdo tashkilotchilari |
|
Davlat aktivlari oldi-sotdi shartnomalari (bitimlari) boʻyicha penya va jarimalar summasini hisobini yuritish va monitoringi
|
Har kuni |
||
|
|||||
|
|||||
|
Davlat aktivlari oldi-sotdi shartnomalari (bitimlari) boʻyicha penya va jarimalar summasining Jamgʻarmaga tushishini nazorat qilish
|
Har kuni |
|||
|
|||||
b) ilgari berilgan qarzlar boʻyicha qarz oluvchilar tomonidan qaytarilgan asosiy summa, ularga hisoblangan foizlar , penya va jarimalardan tushumlar:
|
|||||
Qarz oluvchilar |
|
Qarz oluvchilar tomonidan Jamgʻarmaga qaytarilgan asosiy summa, ularga hisoblangan foizlar, penya va jarimalar
|
Qarz kelishuvida belgilangan muddatlarda |
||
|
|||||
|
|||||
Agentlik |
|
Qarz oluvchilar tomonidan qaytarilgan asosiy summa, ularga hisoblangan foizlar, penya va jarimalar hisobini yuritish va monitoringi
|
Har kuni |
||
|
|||||
|
|||||
|
Qarz oluvchilar tomonidan Jamgʻarmaga toʻlangan asosiy summa, ularga hisoblangan foizlar, penya va jarimalar tushishini nazorat qilish
|
Har kuni |
|||
|
|||||
v) Nizomning 3-bandi "v" kichik bandida koʻrsatilgan boshqa manbalar:
|
|||||
Toʻlovchilar |
|
Mablagʻlarni Jamgʻarmaga toʻlash
|
Belgilangan muddatlarda |
||
|
|||||
|
|||||
Agentlik va uning hududiy boshqarmalari |
|
Boshqa manbalar boʻyicha Jamgʻarmaga tushgan mablagʻlar hisobini yuritish va monitoringi
|
Har kuni |
||
|
|||||
|
|||||
|
Boshqa manbalar boʻyicha Jamgʻarmaga mablagʻlar tushishini nazorat qilish
|
Har kuni |
|||
|
|||||
|
|
|
|
|
Qonun hujjatlari ma’lumotlari milliy bazasi (www.lex.uz),
2019 yil 15 may