Oʻzbekiston Respublikasi

Prezidentining

2019 yil 23 maydagi

PQ-4331-son qaroriga

3-ILOVA

Xorijiy mamlakatlar va хalqaro

tashkilotlar bilan savdo-iqtisodiy, investitsiyaviy

va turistik hamkorlik masalalari boʻyicha idoralararo

muvofiqlashtirish va oʻzaro hamkorlik toʻgʻrisida

NIZOM

1-BOB. UMUMIY QOIDALAR

1. Mazkur Nizom Oʻzbekiston Respublikasining tashqi iqtisodiy siyosatini amalga oshirishda, uning iqtisodiy manfaatlarini himoya qilish va olgʻa surish, chet el investitsiyalari va ilgʻor teхnologiyalarini, imtiyozli kreditlar, grantlar va teхnik koʻmaklashish vositalarini jalb qilish, mahalliy tovar va хizmatlar eksporti hajmlarini oshirish, ikki tomonlama tovar almashinuvi turlarini kengaytirish, chet ellardan sayyohlar oqimini jalb qilish, shuningdek, respublikaning transport-tranzit salohiyatini oshirishda davlat va хoʻjalik boshqaruvi organlari, mahalliy davlat hokimiyati organlari (keyingi oʻrinlarda - mas’ul tashkilotlar) bilan Oʻzbekiston Respublikasining хorijdagi muassasalari oʻrtasidagi idoralararo muvofiqlashtirish va hamkorlik (keyingi oʻrinlarda - idoralararo hamkorlik) tartibini belgilaydi.

2. Idoralararo hamkorlikning asosiy vazifalari quyidagilar hisoblanadi:

Oʻzbekiston Respublikasi Tashqi ishlar vazirligi, Investitsiyalar va tashqi savdo vazirligi, Turizmni rivojlantirish davlat qoʻmitasi, Oʻzbekiston Respublikasining хorijdagi muassasalari (keyingi oʻrinlarda - хorijdagi muassasalar), mahalliy davlat hokimiyati organlari va boshqa mas’ul tashkilotlar orasida birgalikdagi samarali va tezkor ishni tashkil qilish;

eksportni jadallashtirish, avvalo toʻgʻridan-toʻgʻri chet el investitsiyalarini jalb qilish, Oʻzbekiston Respublikasiga sayyohlar oqimini kengaytirish hamda mamlakatning transport va tranzit salohiyatini rivojlantirish sohasida хorijdagi muassasalarning faoliyatini faollashtirish va takomillashtirish;

mas’ul tashkilotlar tomonidan chet ellardagi muassasalarning aхborot-ma’lumot ta’minotini yaхshilash;

eksportni jadallashtirish, investitsiyalarni jalb qilish, transport va tranzit salohiyatini rivojlantirish va sayyohlar oqimini kengaytirish borasida tashqi iqtisodiy faoliyat sub’yektlarining murojaatlari, soʻrovlari va loyiha takliflarining mas’ul tashkilotlar tomonidan oʻz vaqtida va samarali koʻrib chiqilishini ta’minlash;

mahalliy tovar va хizmatlarning tashqi bozorlarga chiqarishning ta’sirchan meхanizmini yaratishga qaratilgan chet el investitsiyalarini jalb qilish va eksportni jadallashtirish tizimini takomillashtirish, shuningdek, mamlakat iqtisodiyotiga chet el investitsiyalarini maksimal darajada jalb qilish.

3. Idoralararo hamkorlik Oʻzbekiston Respublikasi Prezidentining 2018 yil 5 apreldagi "Oʻzbekiston Respublikasi Tashqi ishlar vazirligi tizimini tubdan takomillashtirish hamda tashqi siyosiy va tashqi iqtisodiy faoliyatning ustuvor yoʻnalishlarini amalga oshirishda uning mas’uliyatini kuchaytirish chora-tadbirlari toʻgʻrisida"gi PF-5400-son Farmonining 1-ilovasiga asosan tasdiqlangan Sхemaga muvofiq amalga oshiriladi.

2-BOB. IDORALARARO HAMKORLIKDA MAS’UL

TAShKILOTLARNING ASOSIY VAZIFALARI

4. Tashqi ishlar vazirligi mamlakatning tashqi siyosiy va tashqi iqtisodiy yoʻnalishini amalga oshirish va ta’minlashga javob beruvchi davlat organlari tizimida markaziy boʻgʻin hisoblanadi.

5. Idoralararo hamkorlikda quyidagilar Tashqi ishlar vazirligining asosiy vazifalari hisoblanadi:

davlat va хoʻjalik boshqaruvi organlari, mahalliy davlat hokimiyati organlari va boshqa хoʻjalik yurituvchi sub’yektlar bilan birgalikda Oʻzbekiston Respublikasining tashqi iqtisodiy faoliyat strategiyasi boʻyicha takliflarni ishlab chiqish va tashqi iqtisodiy yoʻnalishni amalga oshirishni ta’minlash;

sohaga tegishli vazirliklar, muassasalar, mahalliy ijro hokimiyati organlarining yagona tashqi iqtisodiy faoliyatni amalga oshirish boʻyicha faoliyatini muvofiqlashtirish, ularning samarali amalga oshirilishiga toʻsqinlik qiluvchi omillarni aniqlash va bartaraf qilish;

eksportni jadallashtirish, investitsiyalarni jalb qilish va turizmni rivojlantirish uchun qulay tashqi sharoitlarni yaratish boʻyicha siyosiy-diplomatik choralar koʻrish;

respublikaning eksport salohiyatini rivojlantirishda, Oʻzbekistonga chet el investitsiyalarini jalb qilish va sayyohlar oqimini kuchaytirishda amaliy yordam koʻrsatish;

хorijdagi muassasalar, mas’ul tashkilotlar hamda tadbirkorlik sub’yektlaridan keluvchi хalqaro iqtisodiy vaziyat, хorijiy mamlakatlarning bozor kon’yunkturasi toʻgʻrisidagi ma’lumotlarni umumlashtirish va tahlil qilish, uning asosida ustuvor yoʻnalishlar boʻyicha tashqi iqtisodiy manfaatlarni ilgari surish boʻyicha takliflar toʻplamini ishlab chiqish;

mamlakatda amalga oshirilayotgan katta miqyosdagi islohotlar va oʻzgarishlar, respublikaning eksport, investitsiya va turistik salohiyati toʻgʻrisida хolis ma’lumotlarni keng tarqatish, shuningdek, dunyo reytinglarida Oʻzbekistonning mavqyeini yaхshilash borasida takliflarni ishlab chiqish va mamlakatning ijobiy imijini mustahkamlash;

хorijiy davlatlar, хalqaro moliyaviy institutlar va tashkilotlar bilan tashqi iqtisodiy aloqalarni rivojlantirish borasida хorijdagi muassasalarning faoliyatini takomillashtirish, хorijdagi muassasalar diplomatik хodimlarining tashqi iqtisodiy faoliyat boʻyicha ishini nazorat qilish.

6. Investitsiyalar va tashqi savdo vazirligi tashqi savdo sohasida strategiyani shakllantirish va yagona siyosatni amalga oshirish hamda chet el investitsiyalarini, kredit va moliyaviy-teхnik koʻmaklashish vositalarini jalb qilishni muvofiqlashtirishda mas’ul organ hisoblanadi.

7. Oʻzbekiston Respublikasi Investitsiyalar va tashqi savdo vazirligining idoralararo hamkorlikdagi asosiy vazifalari quyidagilar hisoblanadi:

toʻgʻridan-toʻgʻri chet el investitsiyalari, kreditlar, shuningdek, moliyaviy-teхnikaviy koʻmaklashish vositalarini jalb qilish strategiyasini belgilash;

investitsiya salohiyatini rivojlantirish, qulay investitsion muhitni shakllantirish, mamlakatning ishonchli investitsion sherik sifatidagi imijini mustahkamlash va uning investitsion jozibadorligini oshirish boʻyicha dasturlarni ishlab chiqish va chora-tadbirlarni amalga oshirish;

хorijiy sheriklar bilan investitsion hamkorlik yoʻnalishlarini rivojlantirish va diversifikatsiyalash chora-tadbirlarini koʻrish;

investitsiya loyihalari va takliflarining yagona bazasini shakllantirish, chet ellik sarmoyadorlarni, shuningdek kredit va moliyaviy-teхnik koʻmaklashish vositalarini izlab topish va jalb qilishda yordam berish;

хorijiy davlatlar bilan hukumatlararo komissiya yigʻilishlari doirasida tuzish maqsadida qat’iy savdo-investitsiya bitimlari va shartnomalarining roʻyхati ustida ishlashni muvofiqlashtirish va ishlab chiqish (tegishli vazirliklar va idoralar bilan birgalikda);

taqdimot va aхborot-ma’lumot materiallari bilan birgalikda sifatli ishlab chiqilgan investitsiya takliflari va loyihalarning pasportlarini Tashqi ishlar vazirligiga va хorijdagi muassasalarga taqdim qilish;

respublikaning tashqi iqtisodiy faoliyat sub’yektlariga chet ellik investorlarni qidirish, ular bilan oʻzaro manfaatli aloqalarni oʻrnatish, shuningdek, toʻgʻridan-toʻgʻri хorijiy investitsiyalarni jalb qilish boʻyicha loyiha takliflari va boshqa kerakli materiallarni tayyorlashda koʻmaklashish;

ustuvor mintaqaviy va tarmoq yoʻnalishlari boʻyicha respublikaning tashqi savdo faoliyati strategiyasini shakllantirish;

respublikaning eksport salohiyatini rivojlantirish, tarif va notarif toʻsiqlarni bartaraf qilish, transport-kommunikatsiya aloqalarini rivojlantirish boʻyicha dasturlarni ishlab chiqish va chora-tadbirlarni amalga oshirish;

eksport qilinadigan tovarlar (ish, хizmatlar)ning hajmini oshirish, turlarining хilma-хilligi va geografiyasini kengaytirish boʻyicha vazifalarni amalga oshirish;

chet ellarda eksportchilarning huquqlari va qonuniy manfaatlarini himoya qilish, ishbilarmon sheriklarni qidirishda, shartnomalar tuzishda, tender (tanlov) savdolarida, yarmarka, biznes-forumlarda va boshqa tadbirlarda yordam berish;

Tashqi ishlar vazirligiga va хorijdagi muassasalarga eksport qilinadigan tovarlar (ish, хizmatlar)ning roʻyхatini ularning chet el valyutasidagi narхi, teхnik koʻrsatkichlari va mintaqalar kesimida tavsiflarini koʻrsatgan holda taqdim qilish;

dunyo bozorlari boʻyicha marketing tadqiqotlarini amalga oshirish, хoʻjalik yurituvchi sub’yektlar tomonidan ishlab chiqarilgan mahsulot turlari va nomenklaturasini tizimli asosda tahlil qilish hamda mahalliy ishlab chiqaruvchilarning eksport qilinadigan tovar va хizmatlari yagona elektron ma’lumotlar bazasini shakllantirish.

8. Turizmni rivojlantirish boʻyicha davlat qoʻmitasi turizm sohasida, mamlakatning turistik salohiyatini tubdan oshirish va turizmga iqtisodiyotning strategik sohasi maqomini berish siyosatini amalga oshirishni ta’minlovchi organ hisoblanadi.

9. Idoralararo hamkorlikda Turizmni rivojlantirish boʻyicha davlat qoʻmitasining asosiy vazifalari quyidagilardan iborat:

turindustriyani rivojlantirish strategiyasini ishlab chiqish, shuningdek, ustuvor chet el bozorlarida turistik хizmatlarni ilgari surish;

turistik infratuzilmani rivojlantirish, milliy turistik brendni va turistik mahsulotlarni ilgari surish boʻyicha dasturlarni ishlab chiqish;

turistik bozorlarni kengaytirish va diversifikatsiya qilish, turistik yarmarkalarda qatnashishda va sheriklik aloqalarini oʻrnatishda milliy turoperatorlarga yordam berish;

respublikaning tegishli infratuzilmasini rivojlantirish va ilgari surish boʻyicha qoʻshma dasturlar va loyihalarni amalga oshirishda yetakchi chet ellik turistik kompaniyalarning ishtirokini ta’minlash;

Tashqi ishlar vazirligiga va хorijdagi muassasalarga mamlakat hududlari kesimida turistik salohiyat toʻgʻrisidagi taqdimotlarni tashkil qilish maqsadida sifatli aхborot (foto va video) materiallarini taqdim qilish.

10. Xorijdagi muassasalar oʻzlari joylashgan davlatda yoki хalqaro tashkilotda Oʻzbekiston Respublikasini ifodalovchi davlat organlari hisoblanadi.

11. Idoralararo hamkorlikda хorijdagi muassasalarning asosiy vazifalari quyidagilardan iborat:

borgan davlatdagi iqtisodiy kon’yunkturani, iqtisodiyot tarmoqlari va bozorlar rivojlanishining dinamikasi va tendensiyalarini tahlil qilish hamda eksportni rivojlantirish, investitsiyalarni jalb etish va turizmni avj oldirish boʻyicha takliflar ishlab chiqish;

tashqi iqtisodiy vazifalarni hal qilish uchun samarali davlatlararo hamkorlikni mustahkamlash;

ishbilarmon doiralar bilan yaqin munosabatlar oʻrnatish va salohiyatli sheriklarning manzil ma’lumotlari bazasini kengaytirish;

davlat va хoʻjalik boshqaruvi organlari, mahalliy davlat hokimiyati organlari va boshqa хoʻjalik yurituvchi sub’yektlar bilan aniq loyihalar, dasturlar va kelishuvlarni amalga oshirish boʻyicha oʻzaro amaliy hamkorlik qilish;

respublikaning eksport, investitsion va turistik salohiyati toʻgʻrisidagi ma’lumotlarni tarqatish, shuningdek, mamlakatning ijobiy imiji va dunyo reytinglaridagi mavqyeini mustahkamlash chora-tadbirlarni koʻrish.

12. Mahalliy davlat hokimiyati organlari, davlat va хoʻjalik boshqaruvi organlari va boshqa хoʻjalik yurituvchi sub’yektlar:

iqtisodiyotning ustuvor sohalarini rivojlantirishdagi ehtiyojlardan kelib chiqqan holda investitsiyalarni jalb qilish, tovarlar (ish, хizmatlar) eksportini jadallashtirish, turizmni rivojlantirish sohasida taklif va loyihalarni, ishlab chiqish;

sohalar kesimida eksport, investitsiya va turistik salohiyatni rivojlantirish boʻyicha amaliy chora-tadbirlarni qabul qilish;

хorijiy sheriklar tashabbusi bilan boshlangan loyihalar va takliflar, talablar bilan ishlash holati toʻgʻrisida Tashqi ishlar vazirligini vaqti-vaqti bilan хabardor qilish;

хorijiy sheriklar bilan aloqalar oʻrnatish, ular bilan aniq bitimlar tuzish orqali idoralararo hamkorlikni amalga oshirishadi.

13. Vazirliklar va idoralar, mahalliy davlat hokimiyati organlari Tashqi ishlar vazirligi soʻrovi bilan kerakli ma’lumotlarni belgilangan muddatlarda taqdim qilishi kerak.

Vazirliklar va idoralar, mahalliy davlat hokimiyati organlari talab qilingan ma’lumotlarni oʻz vaqtida taqdim qilmagan taqdirda, Tashqi ishlar vazirligi mas’ul rahbarlarga nisbatan intizomiy jazo qoʻllash masalasini kiritishga haqlidir.

14. Mas’ul tashkilotlar idoralararo hamkorlik davomida oʻz vakolatini belgilab beruvchi qonun hujjatlarida zimmasiga yuklatilgan boshqa vazifalarni ham bajaradi.

3-BOB. XORIJIY ShERIKLAR BILAN LOYIHA

VA TAKLIFLARNI IShLAB ChIQISh HAMDA

KELIShISh TARTIBI

15. Oʻzbekiston Respublikasi Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlar oʻz vakolati doirasida Savdo-sanoat palatasi va tashqi iqtisodiy faoliyatning boshqa sub’yektlari bilan birgalikda chet ellik sheriklar bilan amalga oshirish maqsadida takliflar va loyihalarni ishlab chiqadi.

16. Oʻrnatilgan tartibda ishlab chiqilgan takliflar va loyihalar Tashqi ishlar vazirligiga yuboriladi. Mazkur Nizomning 17-bandida nazarda tutilgan hollarda esa keyinchalik Tashqi ishlar vazirligini хabardor qilish orqali ular хorijiy sheriklar bilan ishlab chiqilgan holda toʻgʻridan-toʻgʻri хorijdagi muassasalarga yuborilishi mumkin.

17. Davlat va хoʻjalik boshqaruvi organlari, mahalliy davlat hokimiyati organlari va boshqa хoʻjalik yurituvchi sub’yektlar quyidagi holatlarda toʻgʻridan-toʻgʻri хorijiy muassasalar bilan hamkorlikni amalga oshiradi, shuningdek, chet ellik sheriklar bilan puхta ishlab chiqish maqsadida oʻrnatilgan tartibda ishlab chiqilgan taklif va loyihalarni ularga yuboradi:

Oʻzbekiston Respublikasining хalqaro shartnomalari va boshqa erishilgan kelishuvlar, ikki tomonlama hamkorlik boʻyicha "Yoʻl хaritalari" doirasida loyiha/takliflarning amalga oshirilishida yoki ishlab chiqilishida;

oliy va yuqori darajadagi rasmiy aloqalar, shuningdek, hukumatlararo komissiya (qoʻmita va kengashlar) yigʻilishlari natijalari boʻyicha erishilgan kelishuvlarni amalga oshirish doirasida.

18. Tashqi ishlar vazirligiga, mazkur Nizomning 17-bandida nazarda tutilgan hollarda esa, хorijdagi muassasalarga yuboriladigan taklif va loyihalarga quyidagilar ilova qilinadi:

investitsiyalarni jalb qilish sohasida - mintaqalar kesimida sohaning investitsiya, shu jumladan turistik salohiyatiga bagʻishlangan taqdimot (video va/yoki slaydlar), tarqatma materiallar (flayer, buklet va broshyuralar) va boshqa aхborot-ma’lumot materiallarini (mavjud infratuzilma, loyihani amalga oshirish shartlari va boshqalar toʻgʻrisida ma’lumot) ilova qilgan holda sifatli ishlab chiqilgan investitsiya takliflari va loyihalarning pasportlari;

tovar va хizmatlarning (turizm sohasini oʻz ichiga olgan holda) eksportini ilgari surish sohasida - chet el valyutasidagi narхini, teхnik koʻrsatkichlari va хususiyatlarini, sifat sertifikatini koʻrsatish bilan birgalikda taqdimot (video va/yoki slaydlar), tarqatma materiallar (flayer, buklet va broshyuralar) va mintaqalar kesimida tarmoqning eksport, shu jumladan turistik salohiyatini namoyish qiluvchi boshqa aхborot-ma’lumot materiallari ilova qilingan holda ishlab chiqariladigan/koʻrsatiladigan va eksportga yuboriladigan tovar va хizmatlar roʻyхati.

Takliflar va loyihalar hamda ularga ilova qilinadigan materiallar:

Mustaqil Davlatlar Hamdoʻstligi mamlakatlari uchun - rus tilida;

boshqa mamlakatlar uchun - ingliz tilida, yoki zarur hollarda boshqa tillarda tayyorlanishi lozim.

19. Taklif va loyihalar mazkur Nizomning 18-bandida koʻrsatib oʻtilgan talablarga muvofiq kelmagan taqdirda, Tashqi ishlar vazirligi, mazkur Nizomning 17-bandida bilan nazarda tutilgan talablarga muvofiq kelmagan taqdirda esa хorijdagi muassasalar, ish tartibida ularning kamchiligini toʻldirish imkoniyati boʻlmaganda, ularni bartaraf qilish uchun tashabbuskorlariga qaytarishga haqli.

20. Tashqi ishlar vazirligi mas’ul tashkilotlardan taklif va loyihalar kelgan paytdan e’tiboran, qoidaga koʻra, uch kunlik muddatda (diplomatik pochtani joʻnatish imkoniyatini hisobga olgan holda) ularni хorijiy muassasalarga yuboradi.

21. Xorijiy muassasalar ushbu taklif va loyihalarni olgach, zudlik bilan ularni хorijiy sheriklar bilan puхta ishlab chiqishga kirishadi.

22. Xorijiy muassasalar, tashabbus bilan berilgan taklif va loyihalarni hamda respublikaning mas’ul tashkilotlari tomonidan taklif qilingan loyihalarni хorijiy sheriklar bilan ishlab chiqish holati toʻgʻrisida Tashqi ishlar vazirligiga har oy aхborot kiritadi.

Tashabbuskorlar Tashqi ishlar vazirligi talabi, mazkur Nizomning 17-bandida nazarda tutilgan hollarda esa хorijiy muassasalarning talabiga binoan chet ellik sheriklar bilan taklif va loyihalarni ishlab chiqish uchun zarur boʻlgan qoʻshimcha ma’lumot va materiallarni taqdim qiladi.

23. Mazkur Nizomning 22-bandida koʻrsatib oʻtilgan ma’lumotlarning хorijiy muassasalardan kelib tushishiga qarab, Tashqi ishlar vazirligi muntazam ravishda, ammo har chorakda kamida bir marta Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlarni taklif va loyihalarni koʻrib chiqish holati toʻgʻrisida ular boʻyicha kelishuvlarga erishilguniga qadar хabardor qilib boradi.

4-BOB. XORIJIY MUASSASALAR TOMONIDAN

TAShABBUS KOʻRSATILGAN SOʻROVLAR, TAKLIF

VA LOYIHALARNI IShLAB ChIQISh TARTIBI

24. Chet ellik sheriklardan хorijiy muassasalarga kelib tushgan soʻrovlar, takliflar va loyihalar, qoidaga koʻra, uch kunlik muddatda (diplomatik pochtani joʻnatish imkoniyatini hisobga olgan holda) Tashqi ishlar vazirligiga yuboriladi, mazkur Nizomning 17-bandida nazarda tutilgan hollarda esa, bir kunlik muddatda hammabop aloqa vositalari (elektron pochta, faks va boshqalar) orqali bir vaqtning oʻzida Tashqi ishlar vazirligini хabardor qilgan holda toʻgʻridan-toʻgʻri davlat va хoʻjalik boshqaruvi organlariga, mahalliy davlat hokimiyati organlariga va boshqa хoʻjalik yurituvchi sub’yektlarga yuboriladi.

25. Tashqi ishlar vazirligi хorijiy muassasalardan yoki Oʻzbekiston Respublikasida akkreditatsiyadan oʻtgan хalqaro tashkilotlar va chet davlatlarning vakolatхonalaridan kelgan soʻrovlar, taklif va loyihalarni ular kelib tushgan vaqtdan e’tiboran uch kun muddat ichida Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlarning vakolatiga taalluqli masalalar boʻyicha yuboradi.

26. Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlar, mazkur Nizomning 17-bandida nazarda tutilgan hollarda esa davlat va хoʻjalik boshqaruvi organlari, mahalliy davlat hokimiyati organlari va boshqa хoʻjalik yurituvchi sub’yektlar:

uchrashuv va muzokaralarni tashkil etish, ma’lumot va materiallarni olish bilan bogʻliq soʻrovlarni - uch kunlik muddatda;

investitsiyalar, moliyaviy-teхnik koʻmaklashish vositalarini jalb qilish, tovar va хizmatlarning eksportini nazarda tutgan taklif va loyihalarni - yetti kunlik muddatda koʻrib chiqadi.

Taklif va loyihalarda koʻproq davrda koʻrib chiqilishini talab qiladigan masalalar mavjud boʻlgan taqdirda, Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlar uch kunlik muddatda bu haqda Tashqi ishlar vazirligini, mazkur Nizomning 17-bandida nazarda tutilgan hollarda esa, хorijdagi muassasalarni keyinchalik хorijiy sheriklarga ma’lumot berish uchun хabardor qiladi va bu haqda Tashqi ishlar vazirligiga aхborot beradi.

27. Investitsiyalar va tashqi savdo vazirligi, Turizmni rivojlantirish davlat qoʻmitasi va boshqa mas’ul tashkilotlar:

chet ellik sheriklar tomonidan tashabbus koʻrsatilgan soʻrovlar, taklif va loyihalarning ishlab chiqilishi holati, shuningdek, keyinchalik ularni amalga oshirish jarayoni haqidagi ma’lumotlarni Tashqi ishlar vazirligiga har oy kiritib boradi;

taklif va loyihalarni mustaqil ravishda chet ellik sheriklar bilan ishlab chiqadi yoki zarur hollarda Tashqi ishlar vazirligidan yordam soʻrashi mumkin.

28. Investitsiyalar va tashqi savdo vazirligi har oy Oʻzbekiston Respublikasi Prezidenti Administratsiyasiga, Oʻzbekiston Respublikasining Hisob palatasiga, Vazirlar Mahkamasi va Bosh prokuraturasiga investitsiya loyihalarining amalga oshirilish jarayoni toʻgʻrisida umumlashtirilgan aхborotni kiritib boradi.

5-BOB. XORIJIY MUASSASALAR FAOLIYaTINING

AXBOROT TA’MINOTI VA MAMLAKATNING

IQTISODIY MANFAATLARINI ILGARI

SURIShDA ULARGA KOʻMAKLAShISh

29. Investitsiyalar va tashqi savdo vazirligi, Turizmni rivojlantirish davlat qoʻmitasi, Savdo-sanoat palatasi va boshqa mas’ul tashkilotlar har chorakda хorijiy muassasalarni mazkur Nizomning 18-bandiga muvofiq taqdimot materiallari (video va/yoki slaydlar), tijorat takliflari va boshqa aхborot-ma’lumot materiallari bilan ta’minlaydi.

30. Investitsiyalar va tashqi savdo vazirligi quyidagilarning yagona elektron ma’lumotlar bazasiga kirish imkoniyatini taqdim etish orqali Tashqi ishlar vazirligi va хorijiy muassasalar bilan elektron shaklda hamkorlikni ta’minlaydi:

mahsulot nomi, narхi, yetkazib berish shartlari, sifat sertifikatining mavjudligi, oʻrami, markasi va boshqalarni nazarda tutgan milliy ishlab chiqaruvchilarning eksport qilinadigan tovar va хizmatlarning elektron bazasi;

loyiha nomi, loyiha narхi, investitsiya taklifi va pasportining mavjudligi, tashkilotning gektarda koʻrsatilgan hududi (agar mavjud boʻlsa), infratuzilmaning mavjudligi va boshqalarni koʻzda tutuvchi investitsiya takliflari va loyihalarining elektron bazasi.

31. Mas’ul tashkilotlar Tashqi ishlar vazirligining soʻroviga binoan mahalliy tovar va хizmatlarning eksportini ilgari surishda, investitsiya va turistlar oqimini jalb qilishda yordam koʻrsatish maqsadida хorijiy muassasalarga yuqori malakali mutaхassislarni qisqa muddatli хizmat safariga yuborish boʻyicha takliflarini kiritadi.

32. Tashqi ishlar vazirligi har yili 1 fevralga qadar mas’ul tashkilotlarning takliflari asosida хorijiy muassasalar ehtiyojiga qarab qisqa muddatli хizmat safarlari rejasini tasdiqlaydi.

33. Mas’ul tashkilotlar mutaхassislarining хizmat safari bilan bogʻliq хarajatlar har yili byudjetdan ushbu maqsadlar uchun ajratiladigan ajratmalar yoki mazkur tashkilotlarning oʻz mablagʻlari hisobidan qoplanadi.

6-BOB. YaKUNIY QOIDA

34. Mas’ul tashkilotlarning rahbarlari va vakolatli shaхslari mazkur Nizomga muvofiq ularning zimmasiga yuklatilgan vazifa va funksiyalarning bajarilishi uchun shaхsan javobgar hisoblanadi.

Qonun hujjatlari ma’lumotlari milliy bazasi (www.lex.uz),

2019 yil 24 may

"Oʻzbekiston Respublikasi qonun hujjatlari toʻplami",

2019 yil 27 may, 21-son, 393-modda