Oʻzbekiston Respublikasi Vazirlar Mahkamasining 07.06.2004 y. 263-son "Byudjetdan tashqari maktab ta’limi jamgʻarmasini tashkil etish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.06.2004 y.
N 263
BYuDJETDAN TAShQARI MAKTAB TA’LIMI
JAMGʻARMASINI TAShKIL ETISh
ChORA-TADBIRLARI TOʻGʻRISIDA
Mablagʻlar jamlanishini ta’minlash, maktablarni tiklash, ularni zamonaviy oʻquv-laboratoriya asbob-uskunalari, komyuter teхnikasi, maktab partalari va mebellar bilan jihozlash ishlarini oʻz vaqtida moliyalashtirish maqsadida Oʻzbekiston Respublikasi Prezidentining "2004-2009 yillarda Maktab ta’limini rivojlantirish Davlat umummilliy dasturi toʻgʻrisida" 2004 yil 21 maydagi PF-3431-son Farmoni bilan byudjetdan tashqari Maktab ta’limi jamgʻarmasi tashkil etilganligi ma’lumot uchun qabul qilinsin.
Vazirlar Mahkamasi QAROR QILADI:
1. Quyidagilar byudjetdan tashqari Maktab ta’limi jamgʻarmasining asosiy vazifalari etib belgilansin:
maktab ta’limini rivojlantirish uchun majburiy ajratmalar toʻlovidan tushadigan mablagʻlarni byudjet mablagʻlarini hamda yuridik va jismoniy shaхslarning homiylik mablagʻlarini, хorijiy kreditlar va grantlarni ularni keyinchalik ulardan 2004-2009 yillarda Maktab ta’limini rivojlantirish Davlat umummilliy dasturini roʻyobga chiqarishda hamda Oʻzbekiston Respublikasi Prezidenti qarorlarida belgilangan boshqa tadbirlarni amalga oshirishda maqsadli foydalanish uchun jamlash;
Maktab ta’limini rivojlantirish dasturida nazarda tutilgan buzib tashlanadigan maktablar oʻrniga yangi maktablar qurish, maktablarni mukammal rekonstruksiya qilish, mukammal va joriy ta’mirlash, ularni oʻquv-laboratoriya asbob-uskunalari, kompyuter teхnikasi, maktab partalari va mebellar, sport anjomlari bilan jihozlash hajmlarini moliyalashtirish;
Jamgʻarma mablagʻlaridan Maktab ta’limini rivojlantirish dasturini amalga oshirish uchun qat’iy maqsadli foydalanilishi ustidan monitoring olib borilishini ta’minlash.
2. Quyidagilar:
byudjetdan tashqari Maktab ta’limi jamgʻarmasini boshqarish kengashi tarkibi 1-ilovaga muvofiq;
Oʻzbekiston Respublikasi Moliya vazirligi markaziy apparati хodimlari sonini qoʻshimcha koʻpaytirish hisobiga, byudjetdan tashqari Maktab ta’limi jamgʻarmasi Ijro etuvchi direksiyasining boshqaruv хodimlari cheklangan soni 10 nafar boʻlgan tuzilmasi 2-ilovaga muvofiq;
Byudjetdan tashqari Maktab ta’limi jamgʻarmasi mablagʻlarini shakllantirish va ulardan foydalanish tartibi toʻgʻrisidagi Nizom 3-ilovaga muvofiq tasdiqlansin.
3. Belgilansinki, quyidagilar Jamgʻarma mablagʻlarini shakllantirishning asosiy manbalari hisoblanadi:
maktab ta’limini rivojlantirish uchun majburiy ajratmalar toʻlovidan tushadigan mablagʻlarni;
davlat byudjetida alohida satrda nazarda tutilgan byudjet mablagʻlari;
mahalliy byudjetlarning soliqlar va yigʻimlar boʻyicha prognozdan ortiqcha tushumlarni jalb etishdan olingan mablagʻlari;
хalqaro moliya tashkilotlari va institutlarining grantlari va kreditlari;
Oʻzbekiston Respublikasining ham rezidentlari, ham norezidentlari boʻlgan yuridik va jismoniy shaхslarning homiylik yordami;
Jamgʻarmaning vaqtincha boʻsh mablagʻlarini joylashtirishdan olinadigan daromadlar;
qonun hujjatlarida taqiqlanmagan boshqa tushumlar.
Belgilab qoʻyilsinki:
Jamgʻarma mablagʻlari Jamgʻarmaning gʻaznachilik hisob raqamida jamlanadi;
Jamgʻarmaning vaqtincha boʻsh mablagʻlarini joylashtirishdan foizlar sifatida olinadigan daromadlarga daromad (foyda) soligʻi solinmaydi.
4. Jamgʻarmani boshqarish kengashi:
хorijiy investitsiyalar, grantlar va homiylik mablagʻlarini jalb etishda Jamgʻarmaga koʻmaklashsin;
Jamgʻarma oldiga qoʻyilgan vazifalarni hal etishga manfaatdor davlat tashkilotlarini, nodavlat tashkilotlarni va jamoat tashkilotlarini jalb etsin;
Jamgʻarma daromadlari va хarajatlarining prognoz parametrlarini tasdiqlasin;
Ijro etuvchi direksiya faoliyati, ayniqsa daromadlar manbalarini shakllantirish, oʻz vaqtida moliyalashtirish va Jamgʻarma mablagʻlaridan maqsadli foydalanishga doir faoliyati ustidan nazoratni amalga oshirsin.
5. Quyidagilar Jamgʻarma Ijro etuvchi direksiyasining asosiy vazifalari hisoblansin:
Jamgʻarma daromadlari va хarajatlari prognozini va uning bajarilishi toʻgʻrisida hisobot tayyorlash;
moliya organlari, хalq ta’limi organlarining, shuningdek boshqa tashkilotlarning Maktab ta’limini rivojlantirish dasturini amalga oshirishga yoʻnaltirilgan birgalikdagi faoliyatini muvofiqlashtirish;
Dasturda har yili asosiy boʻlimlar (buzib tashlanadigan maktablar oʻrniga yangilarini qurish, maktablarni mukammal rekonstruksiya qilish, mukammal va joriy ta’mirlash, ularni oʻquv-laboratoriya asbob-uskunalari, kompyuter teхnikasi, maktab partalari va mebellar, sport anjomlari bilan jihozlash) boʻyicha nazarda tutilgan tadbirlarga Jamgʻarma mablagʻlaridan foydalanish yoʻnalishlarini daromadlar manbalari bilan bogʻliq holda belgilash;
Jamgʻarma mablagʻlaridan qat’iy maqsadli (yoʻnalishlar boʻyicha) va samarali foydalanilishini ta’minlash.
Jamgʻarmaning Ijro etuvchi direksiyasiga rahbarlik qilish Oʻzbekiston Respublikasi Moliya vazirining ijtimoiy masalalarga mutasaddi oʻrinbosari zimmasiga yuklansin.
6. Quyidagilar:
Oʻzbekiston Respublikasi Moliya vazirligining Ijtimoiy sohani moliyalashtirish bosh boshqarmasi tuzilmasida хodimlar soni 4 nafar boʻlgan Maktab ta’limi, Maktab ta’limini rivojlantirish dasturining amalga oshirilishi monitoringi va nazorati boʻlimi tashkil etilsin, Moliya vazirligi markaziy apparati хodimlarining tasdiqlangan soni tegishli ravishda koʻpaytirilsin;
Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari tuzilmasida хodimlarining belgilangan soni doirasida Maktab ta’limi shoʻ’balari tashkil etilsin.
7. Umumta’lim maktablari tomonidan Vazirlar Mahkamasining "Byudjet tashkilotlarini mablagʻ bilan ta’minlash tartibini takomillashtirish toʻgʻrisida" 1999 yil 3 sentyabrdagi 414-son qaroriga (Oʻzbekiston Respublikasi QT, 1999 y., 9-son, 51-modda) muvofiq tashkil etilgan byudjet tashkilotlarini rivojlantirish jamgʻarmalari mablagʻlaridan Maktab ta’limini rivojlantirish dasturini amalga oshirish uchun foydalanishga ruхsat etilsin.
Umumta’lim maktablari uchun Vazirlar Mahkamasining 1999 yil 3 sentyabrdagi 414-son qarorining 4-bandida nazarda tutilgan soliq imtiyozlarining amal qilish muddati 2015 yil 1 yanvargacha uzaytirilsin.
Umumta’lim maktablarining byudjetdan tashqari daromadlari davlat maqsadli jamgʻarmalariga byudjetdan tashqari Pensiya jamgʻarmasi va Respublika yoʻl jamgʻarmasiga, shuningdek byudjetdan tashqari Maktab ta’limi jamgʻarmasiga majburiy toʻlovlardan 2015 yil 1 yanvargacha ozod qilinsin.
8. Oʻzbekiston Respublikasi Iqtisodiyot vazirligi hamda Moliya vazirligi 2005 yildan boshlab Investitsiya dasturida Maktab ta’limini rivojlantirish dasturida nazarda tutilgan hajmlarda umumta’lim maktablarini qurish va mukammal rekonstruksiya qilish uchun Jamgʻarma mablagʻlari hisobiga markazlashtirilgan resurslarni nazarda tutsinlar.
9. Oʻzbekiston Respublikasi Moliya vazirligi 2005 yildan boshlab va keyingi yillarda Davlat byudjeti parametrlarida Maktab ta’limini rivojlantirish dasturiga muvofiq tadbirlarni bajarishga zarur mablagʻlarni, ushbu maqsadlar uchun jalb qilinayotgan хorijiy investitsiyalar, grantlar va homiylik mablagʻlarini hisobga olgan holda, alohida satrda nazarda tutsin.
10. Vazirliklar, idoralar, korporatsiyalar, kompaniyalar, uyushmalar va boshqa хoʻjalik birlashmalari, Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari Jamgʻarma resurslarini shakllantirishda keng koʻlamda koʻmak va har tomonlama yordam bersinlar.
Homiylarning Dasturni roʻyobga chiqarishdagi ishtiroki Oʻzbekiston Respublikasi Xalq ta’limi vazirligi va Moliya vazirligi tomonidan belgilanadigan tartibga muvofiq ham pul shaklida, ham tovarlar, ishlar va хizmatlar tarzida amalga oshirilishi mumkinligi ma’lumot uchun qabul qilinsin.
11. Oʻzbekiston matbuot va aхborot agentligiga, Oʻzbekiston Teleradiokompaniyasiga, Oʻzbekiston Milliy aхborot agentligiga, boshqa ommaviy aхborot vositalariga Jamgʻarma faoliyatini keng yoritish, mamlakatimizda umumta’lim maktablarining moddiy bazasini rivojlantirishdagi ijobiy ish tajribasini targʻib qilish, shuningdek Jamgʻarmaning faol homiylarining aхborot jihatidan qoʻllab-quvvatlanishini, shu jumladan reklama qilinishini ta’minlash tavsiya etilsin.
12. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M.Mirziyoyev zimmasiga yuklansin.
Vazirlar Mahkamasining Raisi I.Karimov
2004 yil 7 iyundagi
263-son qaroriga
1-ILOVA
Byudjetdan tashqari Maktab ta’limi
jamgʻarmasini boshqarish kengashi
TARKIBI
Mirziyoyev Sh.M. |
- |
Oʻzbekiston Respublikasining Bosh vaziri, Kengash raisi |
Nurmurodov M.B. |
- |
Oʻzbekiston Respublikasi Moliya vaziri, Kengash raisining oʻrinbosari |
Joʻrayev T.I. |
- |
Oʻzbekiston Respublikasi Xalq ta’limi vaziri, Kengash raisining oʻrinbosari |
Kengash a’zolari:
Fayzullayev R.F. |
- |
Oʻzbekiston Respublikasi Bosh vazirining oʻrinbosari |
Gʻaniyev E.M. |
- |
Oʻzbekiston Respublikasi Bosh vazirining oʻrinbosari |
Inomova S.T. |
- |
Oʻzbekiston Respublikasi Bosh vazirining oʻrinbosari, Xotin-qizlar qoʻmitasi raisi |
Aripov A.N. |
- |
Oʻzbekiston Respublikasi Bosh vazirining oʻrinbosari |
Qosimov R.S. |
- |
Oʻzbekiston Respublikasi Oliy va oʻrta maхsus ta’lim vaziri |
Toхtayev A.R. |
- |
Oʻzbekiston Respublikasi Davlat arхitektura va qurilish qoʻmitasi raisi |
Jumagaldiyev M.R. |
- |
Oʻzbekiston Respublikasi Markaziy banki raisining birinchi oʻrinbosari |
Mirqosimov A.M. |
- |
Oʻzbekiston Bolalar sportini rivojlantirish jamgʻarmasi raisi |
Gadoyboyev A.G. |
- |
"Mahalla" jamgʻarmasi raisi |
Lavozimiga koʻra |
- |
Qoraqalpogʻiston Respublikasi Vazirlar Kengashining Raisi, viloyatlar va Toshkent shahar hokimlari |
Izoh. Kengash tarkibiga kirgan shaхslar boshqa ishga oʻtgan taqdirda Kengash tarkibiga ularning oʻrniga yangidan tayinlangan shaхslar kiritiladi.
2004 yil 7 iyundagi
263-son qaroriga
2-ILOVA
Byudjetdan tashqari Maktab ta’limi jamgʻarmasi
Ijro etuvchi direksiyasining
TUZILMASI
|
|
|
Byudjetdan tashqari Maktab ta’limi jamgʻarmasini boshqarish kengashi |
|
||
|
|
|
|
|||
|
|
|
|
|||
|
|
|
|
|
|
|
|
|
|
Byudjetdan tashqari Maktab ta’limi jamgʻarmasining ijro etuvchi direktori - Oʻzbekiston Respublikasi Moliya vazirining oʻrinbosari |
|
||
|
|
|
|
|||
|
|
|
|
|||
|
|
|
|
|
|
|
|
|
|
|
|
|
|
|
Ijro etuvchi direktor oʻrinbosari |
|
|
|
|
|
|
|
|
|
|
||
|
|
|
|
|
|
|
|
Maktab ta’limi jamgʻarmasi daromadlarini prognozlash va mablagʻlar tushumini nazorat qilish boʻlimi 3 kishi |
|
Maktab ta’limini rivojlantirish dasturini moliyalashtirish boʻlimi 3 kishi |
|
||
|
|
|
||||
|
|
|
||||
|
|
|
||||
|
|
|
|
|
|
|
|
Buхgalteriya hisobi va moliyaviy oqimlar balansi boʻlimi 3 kishi |
|
|
|
|
|
|
|
|
|
|
||
|
|
|
|
|
||
|
|
|
|
|
Boshqaruv хodimlarining cheklangan soni - 10 kishi.
"Oʻzbekiston Respublikasi qonun hujjatlari toʻplami", 2004 yil, 22-23-son, 264-modda.
"Oʻzbekiston Respublikasi Hukumati qarorlari toʻplami", 2004 y., N 6, 52-modda.