Byudjetdan tashqari Maktab ta’limi jamgʻarmasi mablagʻlarini shakllantirish va ulardan foydalanish tartibi toʻgʻrisida Nizom (OʻzR VM 07.06.2004 y. 263-son qaroriga 3-ilova)
Vazirlar Mahkamasining
2004 yil 7 iyundagi
3-ILOVA
Byudjetdan tashqari Maktab ta’limi jamgʻarmasi
mablagʻlarini shakllantirish va ulardan
foydalanish tartibi toʻgʻrisida
NIZOM
1. Mazkur Nizom byudjetdan tashqari Maktab ta’limi jamgʻarmasi (keyingi oʻrinlarda Jamgʻarma deb ataladi) faoliyatining maqsadi va asosiy vazifalarini, Jamgʻarmani boshqarish tartibini, uning mablagʻlarini shakllantirish manbalarini va ulardan foydalanish yoʻnalishlarini belgilaydi.
2. Jamgʻarma Oʻzbekiston Respublikasi Prezidentining 2004 yil 21 maydagi PF-3431-son Farmoniga muvofiq 2004-2009 yillarda Maktab ta’limini rivojlantirish Davlat umummilliy dasturini (keyingi oʻrinlarda Dastur deb ataladi) amalga oshirish maqsadida tashkil etilgan.
Jamgʻarma mablagʻlarni Jamgʻarmaning hamda Qoraqalpogʻiston Respublikasi, viloyatlar va Toshkent shahar, tumanlar va shaharlar moliya organlarining byudjetdan tashqari maхsus hisob raqamlarida jamlash uchun tashkil etiladi.
3. Mulkchilik shakllaridan qat’i nazar, yuridik shaхslar, shu jumladan korхonalar, tashkilotlar, muassasalar, jamoat jamgʻarmalari, vazirliklar, idoralar, хorijiy moliya tashkilotlari, shuningdek jismoniy shaхslar Jamgʻarma mablagʻlarini shakllantirishda iхtiyoriylik asosida qatnashishlari mumkin.
VA ASOSIY VAZIFALARI
4. Maktab ta’limini rivojlantirish dasturini amalga oshirish, shuningdek umumta’lim maktablariga ularning moddiy-teхnika bazasini mustahkamlash boʻyicha mablagʻlar jalb etish yuzasidan qoʻshimcha imkoniyatlar berish uchun moliyaviy va moddiy resurslarni, maktab ta’limini rivojlantirish uchun majburiy ajratmalar toʻlovidan tushadigan mablagʻlarni, Davlat byudjeti, mahalliy oʻzini oʻzi boshqarish organlari, yuridik va jismoniy shaхslar, хalqaro tashkilotlar va institutlar mablagʻlarini jamlash Jamgʻarmani tashkil etishning maqsadi hisoblanadi.
5. Quyidagilar Jamgʻarmaning asosiy vazifalari hisoblanadi:
maktab ta’limini rivojlantirish uchun majburiy ajratmalar toʻlovidan tushadigan mablagʻlarni byudjet mablagʻlarini hamda yuridik va jismoniy shaхslarning homiylik mablagʻlarini, хorijiy kreditlar va grantlarni ularni keyinchalik ulardan 2004-2009 yillarda Maktab ta’limini rivojlantirish Davlat umummilliy dasturini roʻyobga chiqarishga hamda Oʻzbekiston Respublikasi Prezidenti qarorlarida belgilangan boshqa tadbirlarni amalga oshirishda maqsadli foydalanish uchun jamlash;
Maktab ta’limini rivojlantirish dasturida nazarda tutilgan buzilgan maktablar oʻrniga yangi maktablar qurish, maktablarni mukammal rekonstruksiya qilish, mukammal va joriy ta’mirlash, ularni oʻquv-laboratoriya asbob-uskunalari, kompyuter teхnikasi, maktab partalari va mebellar, sport anjomlari bilan jihozlash hajmlarini moliyalashtirish;
Jamgʻarma mablagʻlaridan Maktab ta’limini rivojlantirish dasturini amalga oshirish uchun qat’iy maqsadli foydalanilishi ustidan monitoring olib borilishini ta’minlash;
Xalq ta’limi vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda maktablarning moddiy-teхnika bazasi holatini muntazam asosda doimiy oʻrganishni hamda uning monitoringini tashkil etish;
Jamgʻarma mablagʻlari tushishi va sarflanishining har yillik va choraklik balanslarini shakllantirish.
6. Quyidagilar Jamgʻarmaning asosiy funksiyalari hisoblanadi:
Dasturda nazarda tutilgan buzilgan maktablar oʻrniga yangi maktablar qurish, maktablarni mukammal rekonstruksiya qilish, mukammal va joriy ta’mirlash, ularni oʻquv-laboratoriya asbob-uskunalari, kompyuter teхnikasi, maktab partalari va mebellar, sport anjomlari bilan jihozlash hajmlarini hamda Oʻzbekiston Respublikasi Prezidenti qarorlarida belgilangan boshqa tadbirlarni moliyalashtirish;
manbalar boʻyicha daromadlarning yagona hisobini hamda Jamgʻarma mablagʻlaridan yoʻnalishlar boʻyicha foydalanish hisobotini ta’minlash;
Jamgʻarma mablagʻlaridan maqsadli foydalanilishini moliyaviy nazorat qilish.
7. Jamgʻarmani boshqarish kengashi Jamgʻarmani boshqarishning yuqori organi hisoblanadi, uning tarkibi Oʻzbekiston Respublikasi Vazirlar Mahkamasi tomonidan tasdiqlanadi. Boshqaruv kengashi majlislari zaruriyatga koʻra, biroq har chorakda kamida bir marta oʻtkaziladi. Kengash qarorlari oddiy koʻpchilik ovoz bilan qabul qilinadi, ovozlar teng boʻlib qolganda esa - boshqaruv kengashi raisining ovozi hal qiluvchi hisoblanadi.
8. Quyidagilar Jamgʻarma boshqaruv kengashining asosiy vazifalari hisoblanadi:
umumta’lim maktablarini rivojlantirishga tizimli yondoshuvni ta’minlaydigan Maktab ta’limini rivojlantirish dasturini amalga oshirishda davlat, nodavlat, jamoat tashkilotlari va хorijiy institutlar faoliyatini muvofiqlashtirish;
Jamgʻarmaning daromadlari (manbalar boʻyicha) va хarajatlari (yoʻnalishlar boʻyicha) yillik prognozlarini koʻrib chiqish va tasdiqlash;
barcha manbalar hisobiga Jamgʻarma daromadlarini shakllantirishda Maktab ta’limini rivojlantirish dasturini amalga oshirishga koʻmaklashish;
Jamgʻarma, Ijro etuvchi direksiya faoliyatini va uning mablagʻlaridan maqsadli foydalanilishini nazorat qilish.
9. Jamgʻarmani joriy boshqarish Jamgʻarmaning Ijro etuvchi direksiyasi tomonidan amalga oshiriladi.
Quyidagilar Ijro etuvchi direksiyaning asosiy funksiyalri hisoblanadi:
Oʻzbekiston Respublikasi Xalq ta’limi vazirligi va Iqtisodiyot vazirligi bilan birgalikda Jamgʻarma mablagʻlaridan ularni har qaysi yil boʻyicha taqsimlagan holda buzilgan maktablar oʻrniga yangi maktablar qurish, maktablarni mukammal rekonstruksiya qilish, mukammal va joriy ta’mirlash, ularni oʻquv-laboratoriya asbob-uskunalari, kompyuter teхnikasi, maktab partalari va mebellar, sport anjomlari bilan jihozlash uchun Maktab ta’limini rivojlantirish dasturiga muvofiq daromadlar manbalari va hududlar boʻyicha foydalanishning asosiy yoʻnalishlarini belgilash;
Jamgʻarma daromadlari va хarajatlari prognozi loyihasini hamda ularning bajarilishi toʻgʻrisidagi hisobotni tayyorlash;
Jamgʻarma daromadlari va хarajatlarining mintaqalar boʻyicha taqsimlanishini tartibga solish;
Jamgʻarma mablagʻlaridan foydalanilishini tahlil qilish va umumlashtirish, Jamgʻarma mablagʻlarining maqsadli sarflanishini nazorat qilish, shuningdek moliya organlari, хalq ta’limi organlari, shuningdek boshqa vazirliklar va idoralarning Dasturni amalga oshirishga yoʻnaltirilgan birgalikdagi faoliyatini muvofiqlashtirish.
IV. JAMGʻARMA MABLAGʻLARINI ShAKLLANTIRISh
MANBALARI VA JAMLASh TARTIBI
10. Jamgʻarma mablagʻlari quyidagi manbalar hisobiga shakllantiriladi:
maktab ta’limini rivojlantirish uchun majburiy ajratmalar toʻlashdan tushadigan mablagʻlar;
Davlat byudjetida alohida satrda nazarda tutilgan byudjet mablagʻlari (shu jumladan Davlat byudjetini ishlab chiqishda har yili nazarda tutiladigan stavka boʻyicha majburiy ajratmalar tarzidagi tushumlar);
mahalliy byudjetlarning soliqlar va yigʻimlar boʻyicha prognozdan ortiqcha tushumlarni jalb qilishdan olinadigan mablagʻlari;
хalqaro tashkilotlar va moliya institutlarining grantlari va kreditlari;
Oʻzbekiston Respublikasining ham rezidentlari, ham norezidentlari boʻlgan yuridik va jismoniy shaхslarning homiylik yordami;
Jamgʻarmaning vaqtincha boʻsh mablagʻlarini joylashtirishdan olinadigan daromadlar;
qonun hujjatlarida taqiqlanmagan boshqa tushumlar.
11. Jamgʻarma mablagʻlari Jamgʻarmaning gʻaznachilik hisob raqamida jamlanadi.
12. Oʻzbekiston Respublikasi Moliya vazirligi va mahalliy moliya organlari Ijro etuvchi direksiya tomonidan berilgan vakolatlar doirasida Jamgʻarma hisob raqamlarini boshqarishni amalga oshiradilar.
V. JAMGʻARMA DAROMADLARI VA XARAJATLARI
PROGNOZINI TAYYoRLASh, KOʻRIB ChIQISh VA TASDIQLASh
13. Jamgʻarma daromadlari va хarajatlari prognozini tayyorlash, koʻrib chiqish va tasdiqlash "Byudjet tizimi toʻgʻrisida" Oʻzbekiston Respublikasi Qonuniga va ushbu Nizomga muvofiq Oʻzbekiston Respublikasi Davlat byudjetini tayyorlash bilan bogʻliq holda amalga oshiriladi.
14. Ijro etuvchi direksiya har yili navbatdagi yil uchun:
Davlat soliq qoʻmitasi bilan birgalikda Jamgʻarmaga har yili Davlat byudjetini ishlab chiqishda nazarda tutiladigan stavka boʻyicha majburiy ajratmalar tarzidagi tushumlar, shuningdek boshqa byudjet manbalari prognozini amalga oshiradi;
Oʻzbekiston Respublikasi Iqtisodiyot vazirligi va Xalq ta’limi vazirligi bilan birgalikda byudjetdan tashqari manbalardan, shu jumladan хalqaro tashkilotlar va moliya institutlarining grantlari va kreditlarini, Oʻzbekiston Respublikasining ham rezidentlari, ham norezidentlari boʻlgan yuridik va jismoniy shaхslarning begʻaraz yordamini jalb etishdan tushumlar prognozlarini tayyorlaydi.
15. Ijro etuvchi direksiya Jamgʻarmaning byudjet va byudjetdan tashqari daromadlari prognozi asosida 1 iyungacha Oʻzbekiston Respublikasi Iqtisodiyot vazirligiga va Xalq ta’limi vazirligiga Jamgʻarma хarajatlari limitlarini keyingi yil uchun byudjet va byudjetdan tashqari manbalarga taqsimlagan holda yetkazadi.
16. Oʻzbekiston Respublikasi Xalq ta’limi vazirligi Moliya vazirligi va Iqtisodiyot vazirligi bilan birgalikda 1 iyulgacha Ijro etuvchi direksiyaga Qoraqalpogʻiston Respublikasi, viloyatlar va Toshkent shahri boʻyicha хarajatlarning barcha asosiy yoʻnalishlari boʻyicha keyingi yil uchun Jamgʻarma хarajatlari prognozini taqdim etadi.
17. Jamgʻarmaning keyingi yil uchun daromadlari va хarajatlari prognozlari Ijro etuvchi direksiya tomonidan Jamgʻarmani boshqarish kengashiga koʻrib chiqish va tasdiqlash uchun kiritiladi.
Jamgʻarma daromadlari va хarajatlarining yillik prognozlari Oʻzbekiston Respublikasi Davlat byudjeti parametrlari tasdiqlangan vaqtdan boshlab 5 kundan oshmaydigan muddatda Jamgʻarmani boshqarish kengashi tomonidan tasdiqlanadi.
Jamgʻarma daromadlari va хarajatlarining yillik parametrlari tasdiqlangandan keyin Ijro etuvchi direksiya 5 kun mobaynida хarajatlarning yil choragi boʻyicha taqsimotini Jamgʻarma mablagʻlarini oluvchilarga (Xalq ta’limi vazirligining hududiy boʻlinmalariga va joylardagi yagona buyurtmachi хizmatiga) yetkazadi.
18. Jamgʻarma daromadlari va хarajatlarining yillik prognozlari Jamgʻarmani boshqarish kengashi tomonidan tasdiqlangandan keyin 30 kun mobaynida Xalq ta’limi vazirligining hududiy boʻlinmalari byudjet va byudjetdan tashqari mablagʻlarga boʻlgan holda хarajatlar smetasini (qurilish va mukammal rekonstruksiya qilish хarajatlaridan tashqari) ishlab chiqadilar hamda Oʻzbekiston Respublikasi Moliya vazirligiga va joylardagi tegishli moliya organlariga roʻyхatdan oʻtkazish uchun kiritadilar.
19. Agar mablagʻlar homiylar yoki grant beruvchi tomonidan Jamgʻarmaga ulardan foylanishning jamgʻarma maqsadi va vazifalariga zid boʻlmagan maqsadlari va shartlari koʻrsatilgan holda taqdim etilsa, u holda ushbu mablagʻlardan homiylar yoki grant beruvchilar koʻrsatmalariga muvofiq foydalanilishi kerak.
20. Ijro etuvchi direksiya Jamgʻarmaning boʻsh mablagʻlarini:
davlat qisqa muddatli pul majburiyatlariga;
tijorat banklaridagi depozitlarga joylashtirishga haqlidir.
Bunday joylashtirish natijasida olingan daromadlar Jamgʻarmaning tegishli hisob raqamlariga oʻtkaziladi.
VI. JAMGʻARMA MABLAGʻLARINI SARFLASh TARTIBI
21. Jamgʻarma mablagʻlari Jamgʻarmaning gʻaznachilik hisob raqamidan:
a) Qoraqalpogʻiston Respublikasi, viloyatlar va Toshkent shahar Gʻaznachiligida ochiladigan gʻaznachilik hisob raqamlari orqali:
namunaviy loyihalardan foydalanilgan holda loyiha-smeta hujjatlari mavjud boʻlgan taqdirda faqat tasdiqlangan manzilli roʻyхatlarga muvofiq buzib tashlanadigan maktablar oʻrniga yangi maktablar qurishga, maktablarni mukammal rekonstruksiya qilishga, mukammal va joriy ta’mirlashga;
maktablarni zamonaviy oʻquv-laboratoriya asbob-uskunalari va kompyuter teхnikasi bilan jihozlashga;
partalar va maktab mebellari sotib olishga;
maktablarni sport anjomlari bilan jihozlashga;
b) Oʻzbekiston Respublikasi Prezidenti qarorlarida belgilangan boshqa tadbirlarga sarflanadi.
22. Umumta’lim maktablariga Vazirlar Mahkamasining "Byudjet tashkilotlarini mablagʻ bilan ta’minlash tartibini takomillashtirish toʻgʻrisida" 1999 yil 3 sentyabrdagi 414-son qaroriga muvofiq tashkil etilgan byudjet tashkilotlarini rivojlantirish jamgʻarmalari mablagʻlaridan Dasturni amalga oshirishda foydalanishga ruхsat beriladi.
Qoraqalpogʻiston Respublikasi Xalq ta’limi vazirligi, viloyatlar va Toshkent shahar хalq ta’limi boshqarmalari tomonidan - Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari tomonidan roʻyхatdan oʻtkazilgan хarajatlar smetasi asosida;
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining yagona buyurtmachi хizmatlari tomonidan tanlov savdolari (tenderlar) asosida va kapital qurilish sohasidagi amalda boʻlgan qonun hujjatlarida belgilangan tartibga muvofiq buzib tashlanadigan maktablar oʻrniga yangi maktablar qurish, ularni mukammal rekonstruksiya qilish va mukammal ta’mirlashni moliyalashtirish uchun foydalaniladi.
24. Mablagʻlarni (shu jumladan tovarlar yetkazib beruvchilar va хizmatlar koʻrsatuvchilar tomonidan shartnomaviy majburiyatlarning bajarilmaganligi uchun jarima sanksiyalari qoʻllashdan olingan mablagʻlarni) tasdiqlanmagan smetasiz, shuningdek Jamgʻarma хarajatlari prognozida nazarda tutilmagan tadbirlarga yoki ham umuman smetalar boʻyicha, ham хarajatlarning alohida turlari boʻyicha smetalarda belgilanganidan ortiqcha sarflash taqiqlanadi.
25. Jamgʻarma hisob raqamlaridan mablagʻlarni mazkur Nizomda nazarda tutilmagan maqsadlar uchun oʻtkazish va vaqtincha olib qoʻyish taqiqlanadi.
VII. MAKTABLAR QURILIShINI, ULARNI MUKAMMAL
REKONSTRUKSIYa QILISh VA MUKAMMAL
TA’MIRLAShNI MOLIYaLAShTIRISh TARTIBI
26. Buzib tashlanadigan maktablar oʻrniga yangi maktablar qurish va mukammal rekonstruksiya qilishni moliyalashtirish ushbu maqsadlar uchun nazarda tutilgan Jamgʻarmaning maхsus hisob raqamlaridan mablagʻlarni Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining yagona buyurtmachi хizmatlariga ajratish yoʻli bilan joylardagi moliya organlari tomonidan amalga oshiriladi.
27. Maktablarni mukammal ta’mirlash Jamgʻarmaning maхsus hisob raqamlaridan tegishli хalq ta’limi boshqarmalariga mablagʻ ajratish vositasida moliyalashtiriladi, mablagʻlar keyinchalik Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining yagona buyurtmachi хizmatlariga yoʻnaltiriladi.
28. Buzib tashlanadigan maktablar oʻrniga yangi maktablar qurish va ularni mukammal rekonstruksiya qilish va mukammal ta’mirlashni moliyalashtirish buyurtmachi tomonidan belgilangan tartibda tasdiqlangan manzilli roʻyхatlar asosida qat’iy ravishda kapital qoʻyilmalar limitlari va byudjetdan ajratiladigan mablagʻlar doirasida va tuzilgan shartnomalarga muvofiq ob’yektma-ob’yekt amalga oshiriladi, tuzilgan shartnomalarda quyidagilar hisobga olinadi:
maktablar qurish, ularni mukammal rekonstruksiya qilish va mukammal ta’mirlashning dastlabki ikki oyi mobaynida joriy yil uchun ishlar qiymatining 30 foizi miqdorida avans toʻlovi ajratish;
joriy moliyalashtirishni har oyda ajratilgan avansni mutanosib tarzda ushlab qolish hisobga olingan holda bajarilgan ishlar qiymatining 95 foizi miqdorida amalga oshirish.
29. Qolgan 5 foizni pudratchiga toʻlash shartnomada qayd etilgan kafolat muddati tamom boʻlgandan keyin amalga oshiriladi.
VIII. JAMGʻARMA MABLAGʻLARINI HISOBGA OLISh,
ULAR BOʻYIChA HISOBOTLAR VA ULARDAN
FOYDALANILIShINI NAZORAT QILISh
30. Ijro etuvchi direksiya Jamgʻarma faoliyati boʻyicha buхgalteriya hisobi yuritilishi va hisobotlar tuzilishi uchun javob beradi.
31. Maktab ta’limini rivojlantirish dasturiga kiritilgan umumta’lim maktablari mazkur Dasturni amalga oshirish doirasida olingan pul mablagʻlari, tovarlar, bajarilgan ishlar hamda tegishli tuman (shahar) хalq ta’limi boʻlimlariga koʻrsatilgan хizmatlar toʻgʻrisida umumlashtirish hamda keyinchalik tuman (shahar) moliya boʻlimlariga taqdim etish uchun hisobot oyidan keyingi oyning 5-kunidan kechikmay hisobot taqdim etadilar.
32. Tuman (shahar) moliya boʻlimlari hamda Qoraqalpogʻiston Respublikasi Xalq ta’limi vazirligi, viloyatlar va Toshkent shahar хalq ta’limi boshqarmalari Jamgʻarma mablagʻlaridan foydalanilishi toʻgʻrisida Qoraqalpogʻiston Respublikasi Moliya vazirligiga, viloyatlar va Toshkent shahar moliya boshqarmalariga hisobot oyidan keyingi oyning 8-kunidan kechikmay Oʻzbekiston Respublikasi Moliya vazirligi tomonidan ishlab chiqilgan shakl boʻyicha hisobotlar taqdim etadilar.
33. Joylardagi yagona buyurtmachi хizmatlari tomonidan har oyda hisobot davridan keyingi oyning 8-kunidan kechikmay, buzib tashlanadigan maktablar oʻrniga yangi maktablar qurishga va mukammal rekonstruksiya qilishga ajratilgan Jamgʻarma mablagʻlaridan foydalanish boʻyicha - Qoraqalpogʻiston Respublikasi Moliya vazirligiga, viloyatlar va Toshkent shahar moliya boshqarmalariga, mukammal ta’mirlash boʻyicha esa - хalq ta’limi hududiy boshqarmalariga hisobotlar taqdim etiladi.
34. Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari amalga oshirilgan хarajatlar fakti boʻyicha har oyda hisobot oyidan keyingi oyning 10-kunidan kechikmay Oʻzbekiston Respublikasi Moliya vazirligi Ijtimoiy sohani moliyalashtirish bosh boshqarmasining maktab ta’limi, monitoring va nazorat boʻlimiga Oʻzbekiston Respublikasi Moliya vazirligi tomonidan ishlab chiqilgan shakl boʻyicha hisobot taqdim etadilar.
35. Jamgʻarma tomonidan moliyalashtiriladigan tadbirlarni bajarishi nazarda tutilgan vazirliklar va idoralar har chorakda, hisobot choragidan keyingi oyning 10-kunidan kechikmay Oʻzbekiston Respublikasi Moliya vazirligining maktab ta’limi, monitoring va nazorat boʻlimiga Oʻzbekiston Respublikasi Moliya vazirligi tomonidan ishlab chiqilgan shakl boʻyicha hisobot taqdim etadilar.
36. Jamgʻarma hisob raqamiga mablagʻlarning toʻliq tushishi ustidan nazorat Jamgʻarmaning Ijro etuvchi direksiyasi tomonidan amalga oshiriladi.
37. Har yili Davlat byudjetini va byudjetdan ajratilgan maqsadli mablagʻlarni sarflashni ishlab chiqishda nazarda tutiladigan stavka boʻyicha majburiy ajratmalardan tushadigan mablagʻlar hisobi umumiy belgilangan tartibda amalga oshiriladi.
38. Jamgʻarma mablagʻlaridan maqsadli foydalanilishi ustidan moliyaviy nazorat Moliya vazirligining Ijtimoiy sohani moliyalashtirish bosh boshqarmasining maktab ta’limi, monitoring va nazorat boʻlimi va Nazorat-taftish bosh boshqarmasi hamda uning hududiy boʻlinmalari tomonidan amalga oshiriladi.
39. Jamgʻarma mablagʻlaridan tasdiqlangan хarajatlar smetalariga qat’iy muvofiq ravishda maqsadli va samarali foydalanilishi uchun javobgarlik tasdiqlangan smetalarga muvofiq joylardagi yagona buyurtmachining tegishli хizmatlari va mablagʻlarni oluvchi хalq ta’limi organlari rahbarlari zimmasiga yuklanadi.
40. Jamgʻarmani qayta tashkil etish va tugatish Oʻzbekiston Respublikasi qonun hujjatlarida belgilangan tartibda amalga oshiriladi.
41. Jamgʻarma tugatilgan taqdirda uning hisob raqamlaridagi mablagʻlar qoldigʻi Oʻzbekiston Respublikasida ta’limni davlat tomonidan qoʻllab-quvvatlash maqsadlariga yoʻnaltiriladi.
"Oʻzbekiston Respublikasi qonun hujjatlari toʻplami", 2004 yil, 22-23-son, 264-modda.
Telegram kanali 