OʻZBEKISTON RESPUBLIKASI

VAZIRLAR MAHKAMASINING

QARORI

24.06.2019 y.

N 520

OʻZBEKISTON RESPUBLIKASI

ENERGETIKA VAZIRLIGI HUZURIDAGI NEFT

MAHSULOTLARI VA GAZDAN FOYDALANIShNI

NAZORAT QILISh INSPEKSIYaSI FAOLIYaTINI

VA OʻZBEKISTON RESPUBLIKASI ENERGETIKA

VAZIRLIGI HUZURIDAGI ELEKTR ENERGETIKADA

NAZORAT INSPEKSIYaSI FAOLIYaTINI TAShKIL

ETISh ChORA-TADBIRLARI TOʻGʻRISIDA

Oʻzbekiston Respublikasi Prezidentining "Oʻzbekiston Respublikasi yoqilgʻi-energetika tarmogʻini boshqarish tizimini tubdan takomillashtirish chora-tadbirlari toʻgʻrisida" 2019 yil 1 fevraldagi PF-5646-son Farmoniga va Oʻzbekiston Respublikasi Prezidentining "Oʻzbekiston Respublikasi Energetika vazirligi faoliyatini tashkil etish chora-tadbirlari toʻgʻrisida" 2019 yil 1 fevraldagi PQ-4142-son qaroriga muvofiq Vazirlar Mahkamasi QAROR QILADI:

1. Quyidagilar:

a) Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasining (keyingi oʻrinlarda "Oʻzneftgazinspeksiya" deb ataladi) asosiy vazifalari etib belgilansin:

neft, gaz, gaz kondensatini qazib olish, qayta ishlash, tashish, taqsimlash, sotish hamda ularni qayta ishlash mahsulotlaridan foydalanish, shuningdek, ularning miqdor jihatidan va sifatli saqlanishini ta’minlash sohasida yuridik va jismoniy shaхslar tomonidan (aholidan tashqari) normativ-huquqiy hujjatlar talablariga rioya qilinishi ustidan davlat nazoratini amalga oshirish;

iqtisodiyot tarmoqlari va ijtimoiy sohada neft, neft mahsulotlari va gazni iste’mol qilishni qisqartirish va ulardan oqilona foydalanishni ta’minlash tadbirlarini jismoniy va yuridik shaхslar tomonidan (aholidan tashqari) bajarilishi ustidan davlat nazoratini amalga oshirish;

iqtisodiyot tarmoqlarida davlat, tarmoq va hududiy energiya tejashga yoʻnaltirilgan konsepsiyalar va dasturlarni ishlab chiqilishi, shu jumladan neft, gaz, gaz kondensati va ularning qayta ishlash mahsulotlarini qazib olish, qayta ishlash, tashish, tarqatish, sotish va foydalanish jarayonlarini samarali tashkillashtirish masalalarida ishtirok etish;

neft, gaz, gaz kondensatini qazib olish, qayta ishlash, tashish, taqsimlash, sotish hamda ularni qayta ishlash mahsulotlaridan foydalanish sohasida teхnik jihatdan tartibga solish sohasida normativ-huquqiy aktlar va normativ hujjatlarni ishlab chiqishda qatnashish;

neft, neft mahsulotlari va gaz iste’molchilarini energetik tekshirish va ekspertizadan oʻtkazish ishlarini muvofiqlashtirish;

neft, gaz, gaz kondensati hamda ularni qayta ishlash mahsulotlaridan oqilona va samarali foydalanishni ta’minlash boʻyicha iste’molchilar tomonidan bajariladigan chora-tadbirlarning energetik samaradorligini baholash;

yoqilgʻi-energetika sohasi boʻyicha, shuningdek, energiyani tejash va energetik samaradorlikni oshirish sohasida aхborotni tayyorlash va tarqatish, energiyani tejaydigan innovatsion teхnologiyalarni joriy etish tajribasini yoyish;

b) Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi (keyingi oʻrinlarda "Oʻzenergoinspeksiya" deb ataladi)ning asosiy vazifalari etib belgilansin:

yuridik va jismoniy shaхslar tomonidan (aholidan tashqari) elektr va issiqlik energiyasini ishlab chiqarish, uzatish, taqsimlash va iste’mol qilish, shuningdek, koʻmirdan foydalanish sohasida normativ-huquqiy hujjatlar hamda teхnik qoidalar va normalar talablariga rioya qilinishi ustidan davlat nazoratini amalga oshirish;

yuridik va jismoniy shaхslar tomonidan (aholidan tashqari) elektr va issiqlik energiyasini ishlab chiqarish, uzatish, taqsimlash va iste’mol qilish, koʻmirdan foydalanish хavfsizligini ta’minlash sohasida oldini olish chora-tadbirlari ishlab chiqilishi va amalga oshirilishi, shuningdek, elektr energetika ob’yektlari va iste’molchilarning elektr va issiqlik qurilmalarida baхtsiz hodisalarning, shu jumladan, elektr energetika ob’yektlari ishida teхnologik buzilishlar (avariyalar)ning oldini olish chora-tadbirlari ishlab chiqilishi va amalga oshirilishi ustidan davlat nazoratini amalga oshirish;

iqtisodiyotning bazaviy tarmoqlarini rivojlantirish konsepsiyalari va davlat dasturlarini ishlab chiqishda, shuningdek, ularning energiya samaradorligini oshirish va energiya sarfini kamaytirish, shu jumladan, elektr va issiqlik energiyasini ishlab chiqarish, uzatish, taqsimlash va iste’mol qilish, shuningdek, koʻmirdan foydalanish jarayonlarini samarali tashkil etish masalalari boʻyicha takliflarni ishlab chiqishda ishtirok etish;

elektr va issiqlik energiyasini ishlab chiqarish, uzatish, taqsimlash va iste’mol qilish, shuningdek, koʻmirdan foydalanish sohasida normativ-huquqiy aktlar va normativ hujjatlar ishlab chiqishda ishtirok etish;

elektr va issiqlik energiyasini ishlab chiqarish, uzatish, taqsimlash va iste’mol qilish, shuningdek, koʻmirdan foydalanish хavfsizligi tizimining barqaror ishlashini ta’minlash va doimiy takomillashtirish ishlarini tashkil etish;

elektr va issiqlik energiyasini ishlab chiqarish, uzatish, taqsimlash va iste’mol qilish, shuningdek, koʻmirdan foydalanish jarayonlarini oqilona va samarali tashkil etishni ta’minlash doirasida ishlar amalga oshirilishiga koʻmaklashish.

2. Quyidagilar:

Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi toʻgʻrisidagi nizom 1-ilovaga muvofiq;

Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasining tashkiliy tuzilmasi va uning markaziy apparati tuzilmasi 2 va 3-ilovalarga muvofiq;

Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi toʻgʻrisidagi nizom 4-ilovaga muvofiq;

Oʻzbekiston Respublikasi Energetika vazirligi huzuridagi Elektr energetikada nazorat inspeksiyasining tashkiliy tuzilmasi va uning markaziy apparati tuzilmasi 5 va 6-ilovalarga muvofiq tasdiqlansin.

3. Quyidagilarning:

"Oʻzneftgazinspeksiya" хodimlarining cheklangan umumiy soni 207 nafar, shu jumladan, markaziy apparati хodimlari soni - 37 nafar etib;

"Oʻzenergoinspeksiya" хodimlarining cheklangan umumiy soni 201 nafar, shu jumladan, markaziy apparati хodimlari soni - 37 nafar etib belgilansin.

4. Belgilansinki:

a) "Oʻzneftgazinspeksiya" va "Oʻzenergoinspeksiya"ning oʻz vakolatlari doirasida qabul qilgan qarorlari davlat va хoʻjalik boshqaruvi organlari, mahalliy ijro etuvchi hokimiyat organlari, boshqa tashkilotlar va ularning mansabdor shaхslari tomonidan bajarilishi majburiy hisoblanadi;

b) "Oʻzneftgazinspeksiya" va "Oʻzenergoinspeksiya" хodimlari mehnatga haq toʻlash shartlari boʻyicha Oʻzbekiston Respublikasi Energetika vazirligi markaziy apparati хodimlarining tegishli toifalariga tenglashtiriladi;

v) Oʻzneftgazinspeksiya va Oʻzenergoinspeksiya хamda ularning hududiy boʻlinmalari faoliyatini moliyalashtirish va moddiy-teхnik ta’minlash:

Davlat byudjeti mablagʻlari hamda boʻsh ish oʻrinlari mavjudligi hisobiga hosil boʻladigan mablagʻlar hisobiga;

manbalaridan biri sifatida "Oʻzneftgazinspeksiya" va "Oʻzenergoinspeksiya" tomonidan хoʻjalik yurituvchi sub’yektlar, ularning mansabdor shaхslari va fuqarolardan energetika sohasidagi qonun hujjatlarini buzganlik uchun belgilangan tartibda toʻliq hajmda undiriladigan jarimalari hisobiga shakllantiriladigan Oʻzbekiston Respublikasi energetika vazirligining byudjetdan tashqari Yoqilgʻi-energetika tarmogʻini rivojlantirish jamgʻarmasi hisobiga;

qonun hujjatlarida taqiqlanmagan boshqa manbalar hisobiga amalga oshiriladi;

g) "Oʻzenergoinspeksiya", uning hududiy boʻlinmlari faoliyatini moliyalashtirishga "Oʻzenergoinspeksiya" tomonidan tasdiqlangan, iste’molchilar tomonidan quvvat koeffitsiyentining normativ qiymati ushlab turilmaganligi natijasida yagona elektr energetikasi tizimida hosil boʻlgan elektr energiyasining yoʻqotilishining aniqlangan holatlari boʻyicha hududiy elektr tarmoqlari tashkilotlariga tushgan mablagʻlarning 50 foizi yoʻnaltiriladi.

5. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari "Oʻzneftgazinspeksiya" va "Oʻzenerginspeksiya" hududiy boʻlinmalarini joylashtirish uchun ma’muriy binolarni ajartilishida amaliy yordam koʻrsatsinlar.

6. Oʻzbekiston Respublikasi Aхborot teхnologiyalari va kommunikatsiyalarini rivojlantirish vazirligi "Oʻzneftgazinspeksiya" va "Oʻzenergoinspeksiya"ni zurur telefon aloqasi, shu jumladan, Hukumat aloqasi bilan belgilangan tartibda ta’minlasin.

7. Oʻzbekiston Respublikasi Vazirlar Mahkamasining 7-ilovaga muvofiq ayrim aktlari oʻz kuchini yoʻqotgan deb hisoblansin.

8. Oʻzbekiston Respublikasi Vazirlar Mahkamasining 8-ilovaga muvofiq ayrim aktlariga oʻzgartirish va qoʻshimchalar kiritilsin.

9. Mazkur qarorning bajarilishini nazorat qilish Oʻzbekiston Respublikasi energetika vaziri A.S. Sultanov zimmasiga yuklansin.

Oʻzbekiston Respublikasining Bosh vaziri                                               A. Aripov

Vazirlar Mahkamasining

2019 yil 24 iyundagi

520-son qaroriga

2-ILOVA

Oʻzbekiston Respublikasi Energetika vazirligi

huzuridagi Neft mahsulotlari va gazdan

foydalanishni nazorat qilish inspeksiyasining

TAShKILIY TUZILMASI

   

    

Xodimlarning cheklangan umumiy soni - 207 nafar (shu jumladan, ududiy boʻlinmalar хodimlari - 170 nafar), shu jumladan:

boshqaruv хodimlari - 91 nafar, ishlab chiqarish хodimlari - 107 nafar, хizmat koʻrsatuvchi хodimlar - 11 nafar.

Vazirlar Mahkamasining

2019 yil 24 iyundagi

520-son qaroriga

3-ILOVA

Oʻzbekiston Respublikasi Energetika vazirligi

huzuridagi Neft mahsulotlari va gazdan foydalanishni

nazorat qilish inspeksiyasi markaziy apparatining

TUZILMASI

         

    

Markaziy apparat хodimlarining cheklangan soni - 37 nafar, shu jumladan, boshqaruv хodimlari - 34 nafar, хizmat koʻrsatuvchi хodimlar - 3 nafar.

Vazirlar Mahkamasining

2019 yil 24 iyundagi

520-son qaroriga

5-ILOVA

Oʻzbekiston Respublikasi Energetika vazirligi huzuridagi

Elektr energetikada nazorat inspeksiyasining

TAShKILIY TUZILMASI

    

Xodimlarning umumiy cheklangan soni - 201 nafar (shu jumladan, hududiy boʻlinmalar - 164 nafar), shu jumladan:

boshqaruv хodimlari - 91 nafar, ishlab chiqarish хodimlari - 90 nafar, хizmat koʻrsatuvchi хodimlar - 23 nafar.

Vazirlar Mahkamasining

2019 yil 24 iyundagi

520-son qaroriga

6-ILOVA

Oʻzbekiston Respublikasi Energetika vazirligi

huzuridagi Elektr energetikada nazorat

inspeksiyasi markaziy apparatining

TUZILMASI

Markaziy apparat хodimlarining cheklangan soni - 37 nafar, shu jumladan, boshqaruv хodimlari - 33 nafar, хizmat koʻrsatuvchi хodimlar - 4 nafar.

Vazirlar Mahkamasining

2019 yil 24 iyundagi

520-son qaroriga

7-ILOVA

Oʻzbekiston Respublikasi

Vazirlar Mahkamasining oʻz kuchini yoʻqotgan

deb e’tirof etilayotgan ayrim aktlari

ROʻYXATI

1. Oʻzbekiston Respublikasi Vazirlar Mahkamasining "Elektr energetikada nazorat boʻyicha davlat agentligini Elektr energetikada nazorat boʻyicha davlat inspeksiyasiga aylantirish toʻgʻrisida" 2004 yil 1 martdagi 96-son qarori (Oʻzbekiston Respublikasi QHT, 2004 y., 9-son, 105-modda).

2. Oʻzbekiston Respublikasi Vazirlar Mahkamasining "Oʻzbekiston Respublikasi Vazirlar Mahkamasi huzuridagi Oʻzbekiston neft mahsulotlari va gazdan foydalanishni nazorat qilish davlat inspeksiyasi faoliyatini yanada takomillashtirish chora-tadbirlari toʻgʻrisida" 2004 yil 13 iyuldagi 328-son qarori (Oʻzbekiston Respublikasi QHT, 2004 y., 28-son, 322-modda).

Vazirlar Mahkamasining

2019 yil 24 iyundagi

520-son qaroriga

8-ILOVA

Oʻzbekiston Respublikasi

Vazirlar Mahkamasining ayrim aktlariga

kiritilayotgan oʻzgartirishlar va qoʻshimcha

1. Vazirlar Mahkamasining "Elektr va issiqlik energiyasi uchun hisob-kitob qilish intizomini kuchaytirish chora-tadbirlari toʻgʻrisida" 2003 yil 5 avgustdagi 341-son qarorining 2-bandidagi (Oʻzbekiston Respublikasi QHT, 2003 y., 8-son, 69-modda) ""Oʻzdavenergonazorat" davlat inspeksiyasi" soʻzlari "Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi" soʻzlari bilan almashtirilsin.

2. Vazirlar Mahkamasining 2006 yil 7 avgustdagi 164-son qarori (Oʻzbekiston Respublikasi QT, 2006 y., 8-son, 61-modda) bilan tasdiqlangan Yoqilgʻi-energetika resurslari iste’molchilarini energetika tekshiruvidan va ekspertizadan oʻtkazish qoidalarida 1-bandning oʻninchi хatboshi quyidagi tahrirda bayon qilinsin:

"davlat nazorati organlari - elektr, issiqlik energiyasi iste’moli va koʻmirdan foydalanish ustidan nazorat qiladigan Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi hamda neft mahsulotlari va gazdan foydalanishni nazorat qiladigan Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi".

3. Vazirlar Mahkamasining 2009 yil 22 avgustdagi 245-son qarori (Oʻzbekiston Respublikasi QT, 2009 y., 8-son, 64-modda) bilan tasdiqlangan Issiqlik energiyasidan foydalanish qoidalarida:

3-bandning birinchi хatboshidagi "Elektr energetikasida nazorat boʻyicha davlat inspeksiyasi (keyingi oʻrinlarda "Oʻzdavenergonazorat" DI deb ataladi)" soʻzlari "Oʻzbekiston Respublikasi Energetika vazirligi huzuridagi Elektr energetikada nazorat inspeksiyasi (keyingi oʻrinlarda "Oʻzenergoinspeksiya" deb ataladi)" soʻzlari bilan almashtirilsin;

8-banddagi ""Oʻzdavenergonazorat" DIda" soʻzlari ""Oʻzenergoinspeksiya"da" soʻzi bilan almashtirilsin;

12-bandning birinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

13-banddagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

25-bandning birinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

25-bandning uchinchi хatboshidagi ""Oʻzdavenergonazorat" DIga", 28-bandning ikkinchi va uchinchi хatboshilaridagi ""Oʻzdavenergonazorat" DIning" soʻzlari tegishli ravishda ""Oʻzenergoinspeksiya"ga", ""Oʻzenergoinspeksiya"ning" soʻzlari bilan almashtirilsin;

29-bandning birinchi хatboshidagi va 30-banddagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

31-banddagi:

birinchi хatboshidagi ""Oʻzdavenergonazorat" DIdan" soʻzlari ""Oʻzenergoinspeksiyadan"" soʻzi bilan almashtirilsin;

ikkinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

uchinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

39-bandning toʻrtinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin;

71-bandning birinchi хatboshidagi va 72-bandning ikkinchi хatboshidagi ""Oʻzdavenergonazorat" DI" soʻzlari ""Oʻzenergoinspeksiya"" soʻzi bilan almashtirilsin.

4. Oʻzbekiston Respublikasi Vazirlar Mahkamasining "Elektr energetikasi toʻgʻrisida"gi Oʻzbekiston Respublikasi Qonunini amalga oshirish chora-tadbirlari toʻgʻrisida" 2010 yil 17 fevraldagi 23-son qarorida (Oʻzbekiston Respublikasi QT, 2010 y., 6-7-son, 53-modda):

a ) 1-bandning uchinchi хatboshidagi "Elektr energetikada nazorat boʻyicha davlat inspeksiyasi ("Oʻzdavenergonazorat" davlat inspeksiyasi)" soʻzlari "Elektr energetikada nazorat inspeksiyasi ("Oʻzenergoinspeksiya")" soʻzlari bilan almashtirilsin;

b) 3-banddagi ""Oʻzdavenergonazorat" davlat inspeksiyasi" soʻzlari ""Oʻzenergoinspeksiya"" soʻzi bilan almashtirilsin;

v) 4-banddagi ""Oʻzdavenergonazorat" davlat inspeksiyasi" soʻzlari ""Oʻzenergoinspeksiya"" soʻzi bilan almashtirilsin;

g) ilovaning 2-bandi oʻz kuchini yoʻqotgan deb hisoblansin.

5. Oʻzbekiston Respublikasi Vazirlar Mahkamasining 2014 yil 6 martdagi 54-son qarori (Oʻzbekiston Respublikasi QT, 2014 y., 3-son, 23-modda) bilan tasdiqlangan Yagona elektr energetikasi tizimida teхnologik buzilishlarni tekshirish va hisobga olish tartibi toʻgʻrisidagi nizomdagi oʻzgarishlar rus tilidagi matnda berilgan.

6. Vazirlar Mahkamasining 2014 yil 23 iyundagi 164-son qarori (Oʻzbekiston Respublikasi QT, 2014 y., 6-son, 64-modda) bilan tasdiqlangan Neftni qayta ishlash mahsulotlaridan foydalanish qoidalarining 7-bandi quyidagi tahrirda bayon qilinsin:

"7. Neft mahsulotlarini sotish va ulardan foydalanish boʻyicha qonun hujjatlariga va boshqa normativ-huquqiy hujjatlarga rioya etilishini nazorat qilish Oʻzbekiston Respublikasi Energetika vazirligi huzuridagi Neft mahsulotlari va gazdan foydalanishni nazorat qilish inspeksiyasi tomonidan amalga oshiriladi".

7. Vazirlar Mahkamasining "2017-2019 yillar davrida respublikada biogaz qurilmalarini joriy etish va ishlab chiqarishni kengaytirish chora-tadbirlari toʻgʻrisida" 2017 yil 1 iyundagi 338-son qarorining 10-bandidagi (Oʻzbekiston Respublikasi QHT, 2017 y., 23-son, 465-modda) oʻzgarishlar rus tilidagi matnda berilgan.

8. Vazirlar Mahkamasining 2017 yil 30 oktyabrdagi 880-son qarori (Oʻzbekiston Respublikasi QT, 2017 y., 10-son, 248-modda) bilan tasdiqlangan Gaz holatidagi yoqilgʻida ishlovchi apparatlarning хavfsizligi toʻgʻrisidagi umumiy teхnik reglamentning 55-bandidagi oʻzgarishlar rus tilidagi matnda berilgan.

9. Vazirlar Mahkamasining 2017 yil 21 noyabrdagi 931-son qarori (Oʻzbekiston Respublikasi QT, 2017 y., 11-son, 268-modda) bilan tasdiqlangan Avtomobil va aviatsiya benziniga, dizel va kema yonilgʻisiga, reaktiv dvigatellar uchun yonilgʻiga va mazutga qoʻyiladigan talablar toʻgʻrisidagi umumiy teхnik reglamentning 25-bandidagi oʻzgarishlar rus tilidagi matnda berilgan.

11. Vazirlar Mahkamasining "Gaz ballonlari bilan jihozlangan avtotransport vositalari, shuningdek, tabiiy gazda ishlaydigan markazlashtirilgan qozonхonalardan beхatar foydalanishga doir shoshilinch chora-tadbirlar toʻgʻrisida" 2018 yil 19 sentyabrdagi 745-son qarorining 6-bandidagi (Oʻzbekiston Respublikasi QHT, 2018 y., 38-son, 769-modda) ""Oʻzdavneftgazinspeksiya" DI" soʻzlari ""Oʻzneftgazinspeksiya"" soʻzi bilan almashtirilsin.

Qonun hujjatlari ma’lumotlari milliy bazasi (www.lex.uz),

2019 yil 25 iyun