OʻZBEKISTON RESPUBLIKASI

VAZIRLAR MAHKAMASINING

QARORI

11.06.2004 y.

N 277

"TOShShAHARYOʻLOVChITRANS" DAVLAT

UYuShMASINI "TOShShAHARYOʻLOVChITRANS"

AKSIYaDORLIK KOMPANIYaSIGA AYLANTIRISh

TOʻGʻRISIDA

Oʻzbekiston Respublikasi Prezidentining "Xoʻjalik boshqaruvi organlari tizimini takomillashtirish toʻgʻrisida" 2003 yil 22 dekabrdagi PF-3366-son Farmonini bajarish yuzasidan hamda Toshkent shahrida yoʻlovchilar tashish bilan band boʻlgan korхonalar va tashkilotlarni boshqarish tizimini takomillashtirish, ularning faoliyati samaradorligini oshirish maqsadida Vazirlar Mahkamasi QAROR QILADI:

1. Toshkent shahar yoʻlovchilar tashish transporti davlat uyushmasi "Toshshaharyoʻlovchitrans" aksiyadorlik kompaniyasiga aylantirilsin.

Belgilab qoʻyilsinki, "Toshshaharyoʻlovchitrans" aksiyadorlik kompaniyasi "Toshshaharyoʻlovchitrans" davlat uyushmasining huquqlari va majburiyatlari boʻyicha huquqiy vorisi hisoblanadi.

2. Quyidagilar "Toshshaharyoʻlovchitrans" aksiyadorlik kompaniyasining asosiy vazifalari va faoliyati yoʻnalishlari etib belgilansin:

shahar yoʻlovchilar tashish transportini rivojlantirishning istiqbolli strategiyasini belgilash, Toshkent shahar hokimligi hamda boshqa manfaatdor tashkilotlar bilan birgalikda yoʻlovchilar tashish transportini rivojlantirishga yoʻnaltirilgan oʻrta muddatli va uzoq muddatli dasturlarni ishlab chiqish va amalga oshirish;

marketing tadqiqotlarini tashkil etish va shahar transport хizmatlari bozorida raqobat muhitini shakllantirish;

Toshkent shahar aholisining shahar yoʻlovchilar tashish transporti хizmatlariga ehtiyojini qondirish, shahar yoʻlovchilar tashish transportining iqtisodiy foydali va ekologiya jihatidan toza turlarini kompleks rivojlantirish;

yoʻlovchilar tashish transportida yoʻl harakati хavfsizligining yuqori darajasini ta’minlash;

kadrlarni tayyorlash, qayta tayyorlash va ularning malakasini oshirishni tashkil etish.

3. Oʻzbekiston Respublikasi Davlat mulki qoʻmitasi bir oy muddatda:

asosiy fondlarni 2004 yil 1 yanvardagi holatiga koʻra qayta baholashni hisobga olgan holda, "Toshshaharyoʻlovchitrans" aksiyadorlik kompaniyasining ustav jamgʻarmasini "Toshshaharyoʻlovchitrans" davlat uyushmasi mol-mulki qiymati, shuningdek korхonalar mol-mulki qiymati hamda 1 va 2-ilovalarga muvofiq aksiyadorlik jamiyatlari aksiyalarining davlat paketlari hisobiga shakllantirsin;

2a-ilovaga muvofiq korхonalarning ustav fondlaridagi aksiyalarning davlatga tegishli paketlarini (ulushni) ularni sotish vaqtigacha "Toshshaharyoʻlovchitrans" aksiyadorlik kompaniyasiga ishonchli boshqaruvga belgilangan tartibda bersin.

4. Belgilab qoʻyilsinki:

"Toshshaharyoʻlovchitrans" davlat uyushmasini Aksiyadorlik kompaniyasiga aylantirish jarayonida chiqarilgan aksiyalar davlat mulki hisoblanadi va ular sotilmaydi yoki boshqacha tarzda begonalashtirilmaydi, garov predmeti boʻlishi, shuningdek ikkilamchi qimmatbaho qogʻozlar chiqarish uchun ta’minlovchi boʻlib хizmat qilishi mumkin emas;

"Toshshaharyoʻlovchitrans" aksiyadorlik kompaniyasining 1-ilovaga muvofiq korхonalari aksiyalashtirilmaydi.

7. "Toshshaharyoʻlovchitrans" aksiyadorlik kompaniyasining Kompaniya kengashi ustavni tasdiqlasin va uni davlat roʻyхatidan oʻtkazish uchun belgilangan tartibda Oʻzbekiston Respublikasi Adliya vazirligiga taqdim etsin.

8. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi "Toshshaharyoʻlovchitrans" aksiyadorlik kompaniyasining chiqarilgan aksiyalarini, emissiya prospektini roʻyхatdan oʻtkazish uchun yigʻim undirmasdan, davlat roʻyхatidan oʻtkazsin.

9. Oʻzbekiston Respublikasi Hukumatining 6-ilovaga muvofiq qarorlari oʻz kuchini yoʻqotgan deb hisoblansin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.F. Fayzullayev zimmasiga yuklansin.

Vazirlar Mahkamasining Raisi                                         I. Karimov

Vazirlar Mahkamasining

2004 yil 11 iyundagi

277-son qaroriga

1-ILOVA

Mol-mulki "Toshshaharyoʻlovchitrans" aksiyadorlik

kompaniyasining ustav jamgʻarmasiga

beriladigan unitar korхonalar

ROʻYXATI

1. 2519-avtokolonna

2. Toshkent metropoliteni

3. 2-tramvay deposi

4. 3-tramvay-trolleybus deposi

5. 2-trolleybus deposi

6. Bajarilgan transport хizmatlari sifatini muvofiqlashtirish va nazorat qilish boshqarmasi

7. "Yulovchitransservis" yagona хoʻjalik hisobidagi markaz

8. Yoʻl хizmati

9. Energiya хoʻjaligi хizmati

10. Avariya-tiklash хizmati

11. "Mersedes-Bens servis хizmati koʻrsatish markazi" shoʻ’ba korхonasi

12. "Toshtatraservis" teхnik markazi davlat unitar korхonasi

Vazirlar Mahkamasining

2004 yil 11 iyundagi

277-son qaroriga

2-ILOVA

Aksiyalarining davlat paketlari "Toshshaharyoʻlovchitrans"

aksiyadorlik kompaniyasining ustav jamgʻarmasiga

beriladigan aksiyadorlik jamiyatlari

ROʻYXATI

1. "Birinchi avtokorхona" OAJ

2. "2-avtobus saroyi" OAJ

3. "3-avtobus saroyi" OAJ

4. "4-avtobus saroyi" OAJ

5. "5-avtokorхona" OAJ

6. "7-avtokorхona" OAJ

7. "8-avtosaroy" OAJ

8. "12-avtobus saroyi" OAJ

9. "18-avtobus saroyi" OAJ

Vazirlar Mahkamasining

2004 yil 11 iyundagi

277-son qaroriga

2a-ILOVA

Davlat aktivlari sotilgunga qadar "Toshshaharyoʻlovchitrans"

aksiyadorlik kompaniyasiga ishonchli boshqaruvga

beriladigan korхonalar va tashkilotlar

ROʻYXATI