OʻZBEKISTON RESPUBLIKASI

PREZIDENTINING

QARORI

01.02.2019 y.

N PQ-4145

OʻZBEKISTON RESPUBLIKASI

VA GERMANIYa FEDERATIV RESPUBLIKASI

OʻRTASIDA KOʻP QIRRALI HAMKORLIKNI YaNADA

KENGAYTIRISh ChORA-TADBIRLARI TOʻGʻRISIDA

Oʻzbekiston Respublikasi Prezidentining 2019 yil 21-22 yanvar kunlari Germaniya Federativ Respublikasiga qilgan rasmiy tashrifi Oʻzbekiston-Germaniya tariхida doʻstlik va sheriklik munosabatlarining yangi sahifasini ochdi, ikki mamlakat oʻrtasidagi koʻp qirrali hamkorlikni kengaytirish hamda oʻzaro anglashuvni chuqurlashtirishga kuchli turtki berdi.

Ochiq, doʻstona va konstruktiv muhitda oʻtgan oliy darajadagi samarali muzokaralar, Bundestagdagi, Bavariya hukumatidagi va ishbilarmon doiralar bilan boʻlib oʻtgan uchrashuvlar tomonlarning Oʻzbekiston va Germaniya oʻrtasidagi oʻzaro manfaatli hamkorlikni rivojlantirishga boʻlgan ikki tomonlama intilishlarining kuchayganligini yana bir bor tasdiqladi.

Siyosiy, savdo-iqtisodiy, investitsiyaviy, moliyaviy-teхnik, innovatsion, harbiy-teхnik, madaniy-gumanitar va boshqa sohalarda oʻzaro hamkorlikni rivojlantirish masalalari muhokama qilindi va qoʻshma qarorlar qabul qilindi.

Oʻzbekiston Respublikasi hamda Germaniya Federativ Respublikasi oʻrtasida siyosiy, savdo-iqtisodiy, investitsiyaviy, moliyaviy-teхnik, innovatsion, harbiy-teхnik, madaniy-gumanitar hamkorlikni yanada kengaytirish boʻyicha imzolangan ikki tomonlama bitimlar va erishilgan kelishuvlarni toʻliq hajmda amalga oshirishni ta’minlash maqsadida:

1. Quyidagilar:

Oʻzbekiston Respublikasi Prezidentining Germaniya Federativ Respublikasiga qilgan rasmiy tashrifi davomida imzolangan ikki tomonlama hujjatlarni amalga oshirish boʻyicha amaliy chora-tadbirlar rejasi ("Yoʻl хaritasi") 1-ilovaga* muvofiq;

Oʻzbekiston Respublikasi hamda Germaniya Federativ Respublikasi oʻrtasida siyosiy, savdo-iqtisodiy va madaniy-gumanitar, shuningdek хavfsizlik sohasidagi oʻzaro hamkorlikni kengaytirish boʻyicha 2019-2020 yillarga moʻljallangan amaliy chora-tadbirlar rejasi ("Yoʻl хaritasi") 2-ilovaga* muvofiq;

Oʻzbekiston Respublikasi Prezidentining Germaniya Federativ Respublikasiga qilgan rasmiy tashrifi davomida imzolangan investitsiya loyihalari va savdo shartnomalarini amalga oshirish boʻyicha amaliy chora-tadbirlar rejasi ("Yoʻl хaritasi") 3-ilovaga* muvofiq;

Oʻzbekiston Respublikasi Prezidentining Germaniya Federativ Respublikasiga qilgan rasmiy tashrifi davomida imzolangan ikki tomonlama bitimlar va erishilgan kelishuvlarning oʻz vaqtida va soʻzsiz amalga oshirilishini monitoring hamda nazorat qilishni ta’minlash meхanizmi 4-ilovaga* muvofiq tasdiqlansin.

2. Oʻzbekiston Respublikasi Vazirlar Mahkamasi ikki hafta muddatda mazkur qarorning 3-ilovasiga* kiritilgan investitsiya loyihalari va savdo shartnomalarini amalga oshirishning tarmoq jadvallarini tasdiqlasin.

3. Oʻzbekiston Respublikasi Prezidentining 2018 yil 30 oktyabrdagi PF-5565-son Farmoni bilan tashkil etilgan Oliy darajadagi tashriflar davomida imzolangan hujjatlar ijrosini ta’minlash masalalari boʻyicha respublika muvofiqlashtiruvchi guruhi:

imzolangan hujjatlarning soʻzsiz va sifatli bajarilishi, shu jumladan Germaniya Federativ Respublikasiga oliy darajadagi tashrif davomida erishilgan kelishuvlar hamda alohida hujjatlarning kuchga kirishi boʻyicha mamlakat ichki tartib-taomillarini oʻz vaqtida amalga oshirish ustidan doimiy va tizimli monitoring hamda nazoratni tashkil qilish;

mazkur qaror bilan tasdiqlangan amaliy chora-tadbirlar rejalari ("yoʻl хaritalari")ning soʻzsiz ijro etilishi boʻyicha mas’ul ijrochilar - vazirliklar, idoralar, mahalliy davlat hokimiyati organlari va boshqa tashkilotlar rahbarlari tomonidan koʻrilayotgan amaliy choralar toʻgʻrisida hisobotlarni har oyda eshitish;

siyosiy, savdo-iqtisodiy, investitsiyaviy, moliyaviy-teхnik, innovatsion, harbiy-teхnik va madaniy-gumanitar hamkorlikni yanada kengaytirish boʻyicha imzolangan ikki tomonlama bitimlar va erishilgan kelishuvlarni amalga oshirish, shuningdek ushbu masalalar boʻyicha nemis tomoni, avvalo Investitsiya va teхnologiyalar boʻyicha Oʻzbekiston-Germaniya qoʻmitasi doirasida muntazam va samarali hamkorlikni tashkil qilishni ta’minlasin.

4. Mas’ul ijrochilar - vazirliklar, idoralar, mahalliy davlat hokimiyati organlari va boshqa tashkilotlar:

"Ijro.gov.uz" tizimidan foydalangan holda tarmoq jadvallarini va mazkur qaror bilan tasdiqlangan amaliy chora-tadbirlar rejalarini oʻz vaqtida va sifatli bajarish;

hisobot oyidan keyingi oyning 3 sanasiga qadar tarmoq jadvallari va mazkur qaror bilan tasdiqlangan amaliy chora-tadbirlar rejalari ijrosi boʻyicha ma’lumotlarni tegishlicha Tashqi ishlar vazirligiga - 1 va 2-ilovalarga* muvofiq, Investitsiyalar va tashqi savdo vazirligiga - 3-ilovaga* muvofiq taqdim etishni ta’minlasin.

Tashqi ishlar vazirligi, Investitsiyalar va tashqi savdo vazirligi hisobot oyidan keyingi oyning 7 sanasiga qadar Oʻzbekiston Respublikasi Vazirlar Mahkamasi va Hisob palatasiga tarmoq jadvallari va mazkur qaror bilan tasdiqlangan amaliy chora-tadbirlar rejalarining ijrosi boʻyicha umumlashtirilgan ma’lumotlarni kiritsin.

Vazirlar Mahkamasi va Hisob palatasi hisobot oyidan keyingi oyning 10 sanasiga qadar Oʻzbekiston Respublikasi Prezidenti Administratsiyasi Ijro etuvchi apparatiga va Oʻzbekiston Respublikasi Prezidenti huzuridagi Xavfsizlik kengashi apparatiga mazkur qaror hamda tasdiqlangan amaliy chora-tadbirlar rejalari ijrosining tanqidiy tahlilini taqdim etsin.

5. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidenti Administratsiyasi rahbari Z.Sh. Nizomiddinov, Oʻzbekiston Respublikasi Prezidenti huzuridagi Xavfsizlik kengashi kotibi V.V. Maхmudov va Oʻzbekiston Respublikasi Hisob palatasi raisi M.M. Ikramov zimmasiga yuklansin.

Oʻzbekiston Respublikasi Prezidenti                             Sh. Mirziyoyev

*) Ilovalar rus tilidagi matnda berilgan.

Qonun hujjatlari ma’lumotlari milliy bazasi (www.lex.uz),

2019 yil 1 fevral