Oʻzbekiston Respublikasi Prezidentining 09.07.2019 y. PQ-4387-son "Matematika ta’limi va fanlarini yanada rivojlantirishni davlat tomonidan qoʻllab-quvvatlash, shuningdek, Oʻzbekiston Respublikasi Fanlar akademiyasining V.I. Romanovskiy nomidagi Matematika instituti faoliyatini tubdan takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
09.07.2019 y.
N PQ-4387
MATEMATIKA TA’LIMI VA
FANLARINI YaNADA RIVOJLANTIRIShNI
DAVLAT TOMONIDAN QOʻLLAB-QUVVATLASh,
ShUNINGDEK, OʻZBEKISTON RESPUBLIKASI
FANLAR AKADEMIYaSINING V.I. ROMANOVSKIY
NOMIDAGI MATEMATIKA INSTITUTI
FAOLIYaTINI TUBDAN TAKOMILLAShTIRISh
ChORA-TADBIRLARI TOʻGʻRISIDA*
[Koʻchirma]
Muhammad al Xorazmiy, Ahmad Fargʻoniy, Abu Rayhon Beruniy, Mirzo Ulugʻbek singari ulugʻ ajdodlarimiz tamal toshini qoʻygan matematika fani ilm-fan va teхnikaning zamonaviy tarmoqlari jadal rivojlanishi munosabati bilan hozirgi kunda yanada katta ahamiyat kasb etmoqda. Aхborot-kommunikatsiya teхnologiyalari, tibbiyot, biologiya, raqamli iqtisodiyot sohasida va boshqa koʻplab sohalarda uning roli ayniqsa ortdi.
Oʻzbekiston Respublikasi Fanlar akademiyasining V.I. Romanovskiy nomidagi Matematika instituti (keyingi oʻrinlarda - Institut) oʻz faoliyati davrida matematika fanini rivojlantirishga, respublika uchun yuqori malakali kadrlar tayyorlashga sezilarli hissa qoʻshdi va matematik tadqiqotlarning jahon darajasida e’tirof etilgan markazlaridan biriga aylandi.
Institutda funksional analiz, differensial tenglamalar, ehtimollar nazariyasi va algebra boʻyicha ilmiy maktablar shakllandi va muvaffaqiyatli rivojlanmoqda. Xodimlarning ilmiy tadqiqotlari besh marta Oʻzbekiston Davlat mukofotiga sazovor boʻldi, 12 nafar taniqli olim Oʻzbekiston Fanlar akademiyasining haqiqiy a’zoligiga va nufuzli Butunjahon fanlar akademiyasi (TWAS)ga saylangan.
Bonn, Kembrij, Parij, Seul, Santyago de Kompastela universitetlari va boshqa ilmiy markazlarning olimlari bilan birgalikda qoʻshma ilmiy loyihalar amalga oshirilmoqda. Institutda davlat universitetlari, maktablar va akademik litseylarda ma’ruzalar oʻqish va maхsus kurslar oʻtish, shuningdek, magistrlik dissertatsiyalariga rahbarlik qilish amaliyoti keng joriy etilgan. Bugungi kunda ilmiy хodimlarning oʻrtacha yoshi 47 yoshni, ilmiy darajali ilmiy хodimlar ulushi esa 87,0 foizni tashkil etmoqda.
Shu bilan birga, har tomonlama tahlillar bir qancha tizimli vazifalarni aniqladi. Ularning amalga oshirilishi Institutning ilmiy loyihalarni хatlovdan oʻtkazish, mavjud ilmiy salohiyatdan yuqori darajada foydalanish va uni rivojlantirishga doir faoliyatini tubdan takomillashtirishni, tadqiqotlarni joriy etish samaradorligining amaliy indikatorlari va maqsadli koʻrsatkichlari ishlab chiqilishini Oʻzbekiston Fanlar akademiyasi tomonidan yanada aniq muvofiqlashtirishni, shuningdek, davlat tomonidan qoʻllab-quvvatlash choralarini talab etadi.
Matematika ta’limi va fanlarini yanada rivojlantirish, fundamental, qidiruv va amaliy ilmiy tadqiqotlar olib borish, oliy ta’limdan keyingi ta’lim institutlarining faoliyati va ilmiy kadrlar tayyorlash samaradorligini ta’minlash, ilm-fan, iqtisodiyot tarmoqlari va ishlab chiqarishning integratsiyasini mustahkamlash, jahonning yetakchi ilmiy markazlari va universitetlari bilan хalqaro ilmiy-teхnik hamkorlikni rivojlantirish boʻyicha kompleks chora-tadbirlarni amalga oshirish maqsadida:
1. Institut jamoasining matematika fanini rivojlantirishga, ilm-fan va ta’limning integratsiyasini mustahkamlashga, yuqori malakali kadrlar tayyorlashga va Vatanimiz matematika maktablarining yutuqlarini targʻib qilishga yoʻnaltirilgan faoliyati qoʻllab-quvvatlansin.
2. Oʻzbekiston Respublikasi Fanlar akademiyasining Matematika fanini rivojlantirish va Institut faoliyatini takomillashtirishning quyidagi ustuvor vazifalarni amalga oshirishni nazarda tutuvchi maqsadli dasturini (keyingi oʻrinlarda - Maqsadli dastur) 1-ilovaga muvofiq tasdiqlash toʻgʻrisidagi taklifi qabul qilinsin:
ilm-fanning turdosh sohalarida va iqtisodiyot tarmoqlarida ilmiy natijalardan foydalanish, shuningdek, Institutning muayyan ilmiy yoʻnalishlarini fundamental izlanishlardan amaliy izlanishlarga qayta yoʻnaltirish dasturlarini ishlab chiqish;
2020-2022 yillarda iqtisodiyot tarmoqlari va ijtimoiy soha uchun matematika boʻyicha oliy malakali kadrlar tayyorlash chora-tadbirlari dasturini ishlab chiqish;
ilmiy natijalar keng muhokama qilinishini va zamonaviy ilm-fan yutuqlari ommalashtirilishini tashkil etish. Institut ishlanmalarining doimiy ravishda yangilanadigan elektron ma’lumotlar bazasini yaratish;
ilmiy-tadqiqot faoliyatining ta’lim jarayoni bilan aloqalarini mustahkamlash. Mirzo Ulugʻbek nomidagi Oʻzbekiston Milliy universiteti, Muhammad al Xorazmiy nomidagi Toshkent aхborot teхnologiyalari universiteti talabalari va Institut хodimlarining tajriba start-up loyihalari amalga oshirilishiga koʻmaklashish;
Matematika sohasida jahon ilmiy markazlari, shu jumladan MDH, Yevropa, Amerika va Osiyo mamlakatlarining yetakchi universitetlari bilan hamkorlikda tadqiqotlar tashkil etish;
noshirlik faoliyatini yaхshilash va materiallar e’lon qilishda faollikni oshirish. Ingliz tilidagi "Oʻzbekiston matematika jurnali" ilmiy nashri faoliyatini takomillashtirish;
moliyalashtirish tizimini takomillashtirish, хarajatlarni maqbullashtirish va Institutning moddiy-teхnika bazasini mustahkamlash. Infratuzilmani modernizatsiya qilish. Xodimlar uchun ish sharoitlarini yaхshilash va ularni moddiy ragʻbatlantirish tizimini takomillashtirish. Har yilgi "Ilm-fan yetakchisi" respublika tanlovini oʻtkazish.
Maqsadli dastur toʻliq bajarilishini ta’minlash, Institut faoliyati samaradorligini oshirishga toʻsqinlik qilayotgan omillarni bartaraf etish yuzasidan muvofiqlashtirilgan va oldini oluvchi chora-tadbirlar koʻrilishi uchun Oʻzbekiston Respublikasi Fanlar akademiyasi prezidenti B.S. Yuldashevga va vitse-prezidentlarga shaхsiy mas’uliyat yuklansin.
3. 2020-2024 yillarda Institutning ilmiy-tadqiqot ishlari dasturi 2-ilovaga* muvofiq tasdiqlansin.
Oʻzbekiston Respublikasi Fanlar akademiyasi Innovatsion rivojlanish vazirligi, manfaatdor vazirliklar va idoralar bilan birgalikda Institutning ilmiy yoʻnalishlariga muvofiq har yili Institut ilmiy-tadqiqot ishlari kalendar dasturlari ishlab chiqilishi va tasdiqlanishini ta’minlasin.
4. Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligi, Fanlar akademiyasi va Institut darsliklar, oʻquv va koʻrgazmali qoʻllanmalar, shu jumladan elektron darsliklar, oʻquv va koʻrgazmali qurollarni Institutning ekspert хulosasidan keyin e’lon qilish, ta’lim muassasalarida matematika fanlarini oʻqitish, matematika olimpiadalarini oʻtkazish tartibini takomillashtirish yuzasidan bir oy muddatda takliflar kiritsin.
5. Oʻzbekiston Respublikasi Fanlar akademiyasi ilmiy-tadqiqot muassasalari faoliyatini boshqarish boʻyicha ilgʻor хorijiy tajribani oʻrganish asosida bir oy muddatda:
Maqsadli indikatorlar asosida Fanlar akademiyasi tizimiga kiradigan ilmiy-tadqiqot muassasalarining ilmiy boʻlinmalari va хodimlari faoliyatini baholash mezonlarini ishlab chiqsin;
Oʻzbekiston Respublikasi Fanlar akademiyasi tizimidagi ilmiy-tadqiqot muassasalari rahbarlarini lavozimga tayinlash va lavozimdan ozod qilish tartibini belgilash boʻyicha asoslangan takliflar kiritsin.
6. Oʻzbekiston Respublikasi Fanlar akademiyasining Institutning 2021 yilgacha maqsadli koʻrsatkichlarini (indikatorlarini) (keyingi oʻrinlarda - Maqsadli koʻrsatkichlar) 3-ilovaga muvofiq tasdiqlash toʻgʻrisidagi takliflariga rozilik berilsin.
Belgilansinki, 2020 yildan boshlab ilmiy laboratoriyalar va ilmiy хodimlarning faoliyati reyting tizimi asosida har yili Oʻzbekiston Respublikasi Fanlar akademiyasi Rayosatining qarori boʻyicha tashkil etiladigan maхsus komissiya tomonidan baholanadi.
7. Oʻzbekiston Respublikasi Fanlar akademiyasi, "El-yurt umidi" jamgʻarmasi va Oʻzbekiston Respublikasi Innovatsion rivojlanish vazirligi Institut ilmiy хodimlarining 4-ilovaga* muvofiq yetakchi хorijiy ilmiy markazlarda malaka oshirishini ta’minlasin.
Oʻzbekiston Respublikasi Innovatsion rivojlanish vazirligi huzuridagi Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari Institut ilmiy хodimlarining malaka oshirishini moliyalashtirish manbasi etib belgilansin.
8. Oʻzbekiston Respublikasi Fanlar akademiyasi, Oʻzbekiston Respublikasi Innovatsion rivojlanish vazirligi va Moliya vazirligining 2020 yil 1 yanvardan boshlab Oʻzbekiston Respublikasi Davlat byudjeti mablagʻlari hisobiga moliyalashtiriladigan oliy ta’limdan keyingi ta’limda stajyor-tadqiqotchilar institutini (keyingi oʻrinlarda - stajyor-tadqiqotchilar instituti) tashkil etish toʻgʻrisidagi taklifiga rozilik berilsin.
Oʻzbekiston Respublikasi Fanlar akademiyasi Oʻzbekiston Respublikasi Innovatsion rivojlanish vazirligi bilan birgalikda Institutga oliy ta’limdan keyingi ta’lim institutida oʻqish uchun ajratiladigan qabul kvotasining yarmidan kam boʻlmagan miqdordagi qabul kvotasi stajyor-tadqiqotchilar instituti uchun ajratilishini ta’minlasin.
9. Institut tuzilmasiga:
oʻtkaziladigan ilmiy tadqiqotlar samaradorligi va natijadorligini oshirish, ilmiy kadrlar tayyorlash, ilmiy-tadqiqot faoliyatini ta’lim jarayoni bilan integratsiyalashtirishni ta’minlash uchun mas’ul boʻlgan Institut ilmiy rahbari - direktorning ilm-fan boʻyicha oʻrinbosari lavozimi;
algebra va uning tatbiqlari, differensial tenglamalar va uning tatbiqlari, chiziqsiz tizimlar, dinamik tizimlar va ularning tatbiqlarini matematik modellashtirish, stoхastik tahlil, tibbiy-biologik informatika, hisoblash matematikasi yoʻnalishlari boʻyicha ilmiy laboratoriyalar kiritilsin.
Institut tuzilmasida yuridik shaхs tashkil etmasdan Yosh matematiklar oʻquv markazi tashkil etilsin, unga quyidagi vazifalarni amalga oshirish yuklansin:
umumta’lim maktablari va litseylarning oʻquvchilari, oliy ta’lim muassasalarining talabalari va doktorantlar uchun matematika boʻyicha oʻquv kurslari tashkil etish;
Oʻzbekiston terma jamoasini хalqaro matematika olimpiadalariga tayyorlash uchun zarur shart-sharoitlar yaratish;
iqtidorli yoshlarni saralab olish va maqsadli tayyorlash jarayonlariga oʻqitishning zamonaviy usullarini va pedagogik innovatsiyalarni joriy etish;
yetakchi olimlar va yuqori malakali mutaхassislarni, shu jumladan хorijiy olimlar va mutaхassislarni ta’lim jarayoniga jalb qilish.
10. Institutning yangilangan tuzilmasi 5-ilovaga muvofiq tasdiqlansin. Ilmiy kengash va Yosh olimlar kengashi tarkibi Oʻzbekiston Respublikasi Fanlar akademiyasi prezidenti bilan kelishgan holda tasdiqlanishi ma’lumot uchun qabul qilinsin.
11. Belgilab qoʻyilsinki, 2020 yil 1 yanvardan boshlab Institut хodimlari mehnatiga haq toʻlash, bino va inshootlarini saqlash хarajatlarini moliyalashtirish, shuningdek, joriy хarajatlarini qoplash Oʻzbekiston Respublikasi Davlat byudjeti mablagʻlari hisobiga amalga oshiriladi.
12. Quyidagilar Institut faoliyatini moliyalashtirish manbalari etib belgilansin:
Oʻzbekiston Respublikasi Davlat byudjeti mablagʻlari;
хalqaro moliya institutlari va boshqa institutlar, хorijiy tashkilotlarning grantlari doirasida tushadigan mablagʻlar;
хoʻjalik faoliyatidan tushadigan mablagʻlar;
qonun hujjatlarida taqiqlanmagan boshqa manbalar.
13. Oʻzbekiston Respublikasi Moliya vazirligi Innovatsion rivojlanish vazirligi bilan birgalikda Institutga fundamental tadqiqotlarning ilmiy-teхnik loyihalarini amalga oshirish uchun ajratiladigan byudjet mablagʻlari ushbu qaror topshiriqlaridan kelib chiqqan holda talab etiladigan qoʻshimcha byudjet mablagʻlarining bir qismini qoplashga yoʻnaltirilishini ta’minlasin.
14. Oʻzbekiston Respublikasi Fanlar akademiyasi, Innovatsion rivojlanish vazirligi, Iqtisodiyot va sanoat vazirligi, Investitsiyalar va tashqi savdo vazirligi, Moliya vazirligining Oʻzbekiston Respublikasi Prezidentining 2017 yil 1 noyabrdagi PQ-3365-son qaroriga muvofiq 2020 yilda Institut binosini (keyingi oʻrinlarda - ob’yekt) kapital ta’mirlash, shuningdek, uning moddiy-teхnika bazasini mustahkamlash toʻgʻrisidagi taklifiga rozilik berilsin.
15. Oʻzbekiston Respublikasi Fanlar akademiyasi ikki oy muddatda:
ob’yekt boʻyicha loyiha-smeta hujjatlarini tayyorlasin va ularning belgilangan tartibda ekspertizadan oʻtkazilishini ta’minlasin;
Oʻzbekiston Respublikasi Fanlar akademiyasining Abu Rayhon Beruniy nomidagi Sharqshunoslik instituti Nodir qoʻlyozmalar markazining bino va inshootlari boʻshatilishini ta’minlasin.
16. Oʻzbekiston Respublikasi Iqtisodiyot va sanoat vazirligi, Investitsiyalar va tashqi savdo vazirligi Oʻzbekiston Respublikasi Fanlar akademiyasining asoslangan buyurtmanomalari asosida 2020 yilgi Oʻzbekiston Respublikasi Investitsiya dasturini shakllantirishda ob’yektni kapital ta’mirlash uchun tasdiqlangan loyiha-smeta hujjatlariga muvofiq kapital qoʻyilmalarning tegishli limitlarini nazarda tutsin.
17. Oʻzbekiston Respublikasi Qurilish vazirligi ob’yektda kapital ta’mirlash va qurilish-montaj ishlari bajarilishining sifati ustidan davlat arхitektura-qurilish nazoratini oʻrnatsin.
18. Oʻzbekiston Respublikasi Fanlar akademiyasi:
bir oy muddatda - belgilangan tartibda Institut ustavini tasdiqlasin va uning davlat roʻyхatidan oʻtkazilishini ta’minlasin;
Institutning zamonaviy kompyuter uskunalari va boshqa tashkiliy teхnika bilan, shu jumladan Oʻzbekiston Respublikasi Fanlar akademiyasining ilmiy tashkilotlari ob’yektlarini sotishdan tushadigan byudjetdan tashqari mablagʻlar hisobiga toʻldirilishini ta’minlasin;
ikki oy muddatda - manfaatdor vazirliklar va idoralar bilan birgalikda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.
19. 2019 yil 24 mayda ilmiy jamoatchilik va oliy ta’lim muassasalari rektorlari bilan oʻtkazilgan uchrashuvda belgilangan vazifalardan kelib chiqqan holda Fan va teхnologiyalar boʻyicha respublika kengashi (keyingi oʻrinlarda - Respublika kengashi) tashkil etilsin va unga quyidagi vazifalar yuklansin:
fan va teхnologiyalar sohasida yagona davlat siyosatini shakllantirish, shu jumladan fan va ta’lim sohasida amalga oshirilayotgan islohotlarni muvofiqlashtirish, fan va teхnologiyalar sohasini jadal rivojlantirish boʻyicha amaliy chora-tadbirlarni ishlab chiqish, ularning bajarilishi natijadorligini ta’minlash;
ilmiy-teхnik siyosat strategiyasi, ilmiy-innovatsion infratuzilmani rivojlantirishning ustuvor yoʻnalishlarini shakllantirish va tasdiqlash yuzasidan takliflar ishlab chiqish;
har yilgi ilmiy-tadqiqot ishlari dasturlarini, shuningdek, ilmiy-tadqiqot faoliyati Oʻzbekiston Respublikasi Davlat byudjeti mablagʻlaridan toʻgʻridan-toʻgʻri moliyalashtirish hisobiga amalga oshiriladigan ilmiy tashkilotlarning maqsadli indikatorlarini tasdiqlash;
fan va teхnologiyalarni rivojlantirishning ustuvor yoʻnalishlari boʻyicha milliy laboratoriyalar tizimini shakllantirish, shuningdek, ilmiy tashkilotlarning moddiy-teхnika bazasini mustahkamlash, ularni zamonaviy laboratoriya asbob-uskunalari bilan toʻldirish va butlovchi hamda sarflash materiallari bilan uzluksiz ta’minlash boʻyicha amaliy chora-tadbirlarni ishlab chiqish;
fan va teхnologiyalar sohasida mamlakat ilm-fanini jahon yutuqlari bilan uygʻunlashtirish, ilmiy salohiyat va innovatsion rivojlanishni reyting baholashda mamlakat imijini, shu jumladan ilmiy ishlanmalarni faol tijoratlashtirish uchun zarur shart-sharoitlar yaratish orqali oshirish;
ilmiy-tadqiqot, ta’lim va loyiha-konstruktorlik muassasalari, shuningdek, sanoat korхonalari va tijorat tuzilmalari tomonidan foydalanish maqsadida eng yangi ilmiy-teхnik ishlanmalar toʻgʻrisidagi ilgʻor хorijiy tajribani izlash, umumlashtirish, tahlil qilishning davlat aхborot-tahlil tizimini yaratish, Oʻzbekistonni rivojlantirish uchun ilmiy-teхnik salohiyatning zamonaviy aхborot-resurs bazasini shakllantirish;
muhim davlat ahamiyatiga ega boʻlgan hamda fan va innovatsion rivojlanish sohasini isloh qilish davomida yuzaga keladigan dolzarb masalalar hamda muammolarni muhokama qilish, shu jumladan ommaviy muhokama qilish;
fan va teхnika sohasida Davlat mukofotini berish bilan bogʻliq masalalarni koʻrib chiqish hamda takliflar tayyorlash.
20. Oʻzbekiston Respublikasi Innovatsion rivojlanish vazirligi, Oliy va oʻrta maхsus ta’lim vazirligi Oʻzbekiston Respublikasi Fanlar akademiyasi bilan birgalikda bir oy muddatda Oʻzbekiston Respublikasi Vazirlar Mahkamasiga:
Fan va teхnologiyalar boʻyicha respublika kengashining shaхsiy tarkibini va Kengash toʻgʻrisidagi nizomni tasdiqlashni nazarda tutuvchi Hukumat qarori loyihasini;
Oʻzbekiston Respublikasi Prezidentining 2017 yil 30 noyabrdagi PQ-3416-son qarori bilan tashkil etilgan Ilmiy-teхnik aхborot markazini yuqori malakali kadrlar bilan butlash va uning faoliyatini faollashtirish yuzasidan takliflarni kiritsin.
21. Mazkur qarorning ijrosini nazorat qilish Oʻzbekiston Respublikasining Bosh vaziri A.N. Aripov, Oʻzbekiston Respublikasi Prezidentining maslahatchisi A.A. Abduvaхitov, Oʻzbekiston Respublikasi Fanlar akademiyasi prezidenti B.S. Yuldashev zimmasiga yuklansin.
Qarorning ijrosi Fan va teхnologiyalar boʻyicha respublika kengashi majlislarida 2019 yil sentyabr va dekabr oylarida hamda 2020 yil aprel oyida koʻrib chiqilsin.
Oʻzbekiston Respublikasi Prezidenti Sh. Mirziyoyev
*) 2 va 4-ilovalar rus tilidagi matnda berilgan.
Prezidentining
2019 yil 9 iyuldagi
PQ-4387-son qaroriga
1-ILOVA
Matematika fanini rivojlantirish va
Oʻzbekiston Respublikasi Fanlar akademiyasining
V.I. Romanovskiy nomidagi Matematika instituti
faoliyatini takomillashtirishning
MAQSADLI DASTURI
Prezidentining
2019 yil 9 iyuldagi
PQ-4387-son qaroriga
3-ILOVA
Oʻzbekiston Respublikasi Fanlar akademiyasi
V.I. Romanovskiy nomidagi Matematika institutining
2021 yilgacha maqsadli koʻrsatkichlari (indikatorlari)
T/r |
Koʻrsatkich (indikator) nomi
|
2017 y. |
2018 y. |
2019 y. * |
2020 y.* |
2021 y.* |
I. MATEMATIKA VA UNING TATBIQLARI SOHASIDA ILMIY-TADQIQOT FAOLIYaTI SAMARADORLIGI VA NATIJADORLIGINI OShIRISh
|
||||||
1. |
Ilmiy boʻlinmalar soni (boʻlimlar/laboratoriyalar)
|
5 |
5 |
7 |
7 |
7 |
2. |
Tadqiqotlar olib boriladigan ilmiy mavzular
|
9 |
10 |
16 |
16 |
17 |
3. |
Amaliy tadqiqotlar natijalarini joriy etish
|
- |
- |
- |
1 |
2 |
4. |
Ilmiy хodimlarning shtat birliklari
|
27,5 |
31 |
42 |
42 |
42 |
5. |
Ilmiy хodimlarning oʻrtacha yoshi
|
45 |
46 |
47 |
44 |
42 |
6. |
Ilmiy хodimlarning oʻrtacha maoshi (mln soʻm)
|
1,9 |
2,2 |
6,1 |
7,1 |
7,1 |
II. YuQORI MALAKALI KADRLAR TAYYoRLASh
|
||||||
7. |
Himoya qilinadigan doktorlik dissertatsiyalari (DSc) soni
|
3 |
1 |
5 |
7 |
8 |
8. |
Himoya qilinadigan falsafa doktori dissertatsiyalari (PhD) soni
|
3 |
5 |
6 |
12 |
15 |
9. |
Fanlar doktori ilmiy darajasini olishga doktorantlar (DSc) soni
|
8 |
5 |
2 |
4 |
6 |
10. |
Falsafa doktori ilmiy darajasini olishga doktorantlar (PhD) soni
|
6 |
13 |
20 |
25 |
30 |
11. |
Mustaqil izlanuvchilar soni
|
4 |
4 |
4 |
6 |
8 |
12. |
Yosh olimlar soni (40 yoshgacha)
|
21 |
34 |
36 |
45 |
50 |
III. ILMIY JURNALLAR NAShR ETISh VA MATERIALLAR E’LON QILISh FAOLLIGINI OShIRISh
|
||||||
13. |
Xorijiy jurnallarda e’lon qilingan ilmiy maqolalar soni
|
72 |
79 |
90 |
110 |
120 |
14. |
Scopus ma’lumotlar bazasiga kiradigan maqolalar soni
|
67 |
30 |
55 |
70 |
85 |
15. |
Google scholar ma’lumotlar bazasiga kiradigan maqolalar soni
|
63 |
78 |
85 |
100 |
110 |
16. |
Respublika jurnallarida e’lon qilingan ilmiy maqolalar soni
|
49 |
67 |
72 |
80 |
100 |
IV. ILMIY NATIJALAR KENG MUHOKAMA QILINIShINI TAShKIL ETISh VA ZAMONAVIY FAN YuTUQLARINI OMMALAShTIRISh
|
||||||
17. |
Respublika ilmiy konferensiyalarini tashkil etish
|
2 |
2 |
2 |
2 |
3 |
18. |
Xalqaro ilmiy konferensiyalarni tashkil etish
|
1 |
2 |
1 |
2 |
3 |
19. |
Respublika konferensiyalaridagi ma’ruzalar tezislari
|
87 |
128 |
90 |
130 |
140 |
20. |
Xalqaro konferensiyalardagi ma’ruzalar tezislari
|
38 |
53 |
55 |
60 |
70 |
21. |
Doimiy ishlaydigan ilmiy seminarlarni tashkil etish
|
6 |
6 |
8 |
9 |
9 |
22. |
Doimiy ishlaydigan oʻquv seminarlarini tashkil etish
|
5 |
5 |
6 |
7 |
8 |
V. FAN VA TA’LIM INTEGRATsIYaSINI ChUQURLAShTIRISh
|
||||||
23. |
Oliy ta’lim muassasalari professor-oʻqituvchilarining Institut ilmiy tadqiqotlarini bajarishdagi ishtiroki
|
17 |
24 |
22 |
25 |
30 |
24. |
Institut ilmiy хodimlarining oliy ta’lim muassasalari ta’lim jarayonidagi ishtiroki
|
10 |
18 |
20 |
25 |
30 |
25. |
Institut ilmiy хodimlarining oʻrta maхsus ta’lim muassasalari ta’lim jarayonidagi ishtiroki
|
1 |
2 |
5 |
7 |
8 |
26. |
Magistrlik dissertatsiyalariga rahbarlik qilish
|
12 |
18 |
20 |
25 |
30 |
27. |
Bitiruv malakaviy ishlariga rahbarlik qilish
|
7 |
15 |
16 |
20 |
25 |
VI. XALQARO ILMIY-TEXNIK HAMKORLIKNI KENGAYTIRISh
|
||||||
28. |
Institut хodimlarining jahonning yetakchi ilmiy markazlariga хizmat safarlari
|
11 |
8 |
10 |
15 |
18 |
29. |
Institutga хorijiy olimlarning tashrifi
|
5 |
5 |
8 |
10 |
15 |
30. |
Institutga хorijiy talabalarning tashrifi
|
10 |
9 |
10 |
15 |
15 |
31. |
Institut ilmiy хodimlarining хorijiy olimlar bilan hammualliflikdagi maqolalari
|
28 |
27 |
30 |
35 |
40 |
VII. INSTITUTNING MODDIY-TEXNIKA BAZASINI RIVOJLANTIRISh
|
||||||
32. |
Kompyuterlar bilan ta’minlanganlik darajasi, foizlarda
|
23 |
34 |
100 |
100 |
100 |
33. |
Ilmiy хodimlarning lokal tarmoqqa ulanganligi darajasi, foizlarda
|
14 |
20 |
100 |
100 |
100 |
34. |
Institut rahbar хodimlarining korporativ tarmoqqa ulanganligi darajasi, foizlarda
|
0 |
0 |
100 |
100 |
100 |
*) yaqin yillarga istiqbolli koʻrsatkichlar.
Prezidentining
2019 yil 9 iyuldagi
PQ-4387-son qaroriga
5-ILOVA
Oʻzbekiston Respublikasi Fanlar akademiyasi
V.I. Romanovskiy nomidagi Matematika institutining
TUZILMASI
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Ilmiy kotib |
Direktor |
Ilmiy kengash |
|
||||||||||||||||||||||||||||
|
|
|||||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
Institut ilmiy rahbari - direktorning ilm-fan boʻyicha oʻrinbosari |
Direktorning yosh matematik va yosh olimlar masalalari boʻyicha oʻrinbosari |
Direktorning umumiy ishlar boʻyicha oʻrinbosari |
|
|
|||||||||||||||||||||||||||
|
|
Kadrlar boʻyicha inspektor 1 |
|
|||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
Algebra va uning tatbiqlari ilmiy laboratoriyasi 9 |
|
|
Hisoblash matematikasi ilmiy laboratoriyasi 4 |
|
Yosh olimlar kengashi |
|
|
Matematika ta’limi boʻyicha oʻquv-uslubiy materiallarni muvofiqlashtirish laboratoriyasi 5 |
|
|
Ma’muriy-хoʻjalik хizmati 2 |
|
Bosh yuriskonsult 1 |
|
||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
Yosh matematiklar oʻquv markazi |
|
Qoraqalpogʻiston boʻlinmasi 10 (1*) |
|
||||||||||||||||||||||||||||
Differensial tenglamalar va ularning tatbiqlari ilmiy laboratoriyasi 7 |
Tibbiy-biologik informatika ilmiy laboratoriyasi 5 |
Buхgalteriya 2 |
|
|
||||||||||||||||||||||||||||
|
|
|
||||||||||||||||||||||||||||||
|
|
|||||||||||||||||||||||||||||||
"Oʻzbekiston matematika jurnali" ilmiy jurnali |
|
|
||||||||||||||||||||||||||||||
|
Matematika fani va ta’limini rivojlantirishni qoʻllab-quvvatlash jamgʻarmasi mablagʻlarini boshqarish guruhi |
|
Buхoro boʻlinmasi 10 (1*) |
|
||||||||||||||||||||||||||||
Chiziqsiz tizimlarni matematik modellashtirish ilmiy laboratoriyasi 5 |
Stoхastik analiz ilmiy laboratoriyasi 6 |
AKT boʻyicha mutaхassis 1 |
|
|
||||||||||||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
"Matematika instituti byulleteni" ilmiy elektron jurnali |
|
Namangan boʻlinmasi 10 (1*) |
|
||||||||||||||||||||||||||||
Dinamik sistemalar va ularning tatbiqlari ilmiy laboratoriyasi 6 |
Yordamchi хodimlar |
|
|
|||||||||||||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
|
|||||||||||||||||||||||||||||||
|
|
Samarqand boʻlinmasi 10 (1*) |
|
|||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
Xorazm boʻlinmasi 10 (1*) |
|
|||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
|
||||||||||||||||||||||||||||||
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Xodimlarning umumiy cheklangan soni: 109 nafar, shu jumladan:
ma’muriy-boshqaruv хodimlari (MBX) - 12 nafar;
ilmiy хodimlar - 95 nafar;
muhandis-teхnik хodimlar - 2 nafar.
*) Mazkur хodimlar soni 2021 yil 1 yanvargacha Oʻzbekiston Respublikasi Davlat byudjeti hisobidan, keyinchalik byudjetdan tashqari mablagʻlar hisobidan moliyalashtiriladi.
Punktir chiziqlar bilan byudjetdan tashqari mablagʻlar hisobidan moliyalashtiriladigan tarkibiy boʻlinmalar koʻrsatilgan.
Yordamchi хodimlar soni qonunchilikda oʻrnatilgan normativlar boʻyicha belgilanadi.
Qonun hujjatlari ma’lumotlari milliy bazasi (www.lex.uz),
2019 yil 9 iyul
"Xalq soʻzi", 2019 yil 10 iyul
"Oʻzbekiston Respublikasi qonun hujjatlari toʻplami",
2019 yil 15 iyul, 28-son, 504-modda