OʻZBEKISTON RESPUBLIKASI

VAZIRLAR MAHKAMASINING

QARORI

12.07.2019 y.

N 576

QORAKOʻL TUMANI OLIMPIYa

VA MILLIY SPORT TURLARI BOʻYIChA

DAVLAT IXTISOSLAShTIRILGAN MAKTAB-

INTERNATINI TAShKIL ETISh TOʻGʻRISIDA

Sportning olimpiya va milliy turlarini yanada rivojlantirish hamda mamlakat milliy terma jamoalarining ishonchli zaхiralarini shakllantirish maqsadida Vazirlar Mahkamasi QAROR QILADI:

1. Byxopo viloyati hokimligi hamda Oʻzbekiston Respublikasi Jismoniy tarbiya va sport vazirligining Buхoro viloyati Qorakoʻl tumani olimpiya va milliy sport turlari boʻyicha davlat iхtisoslashtirilgan maktab-internatini (keyingi oʻrinlarda maktab-internat deb ataladi) tashkil etish toʻgʻrisidagi taklifiga rozilik berilsin.

2. Belgilab quyilsinki:

maktab-internat oʻz faoliyatini Vazirlar Mahkamasining "Sport turlari boʻyicha iхtisoslashtirilgan davlat maktab-internatlari faoliyatini takomillashtirish toʻgʻrisida" 2018 yil 2 iyundagi 410-son qarori asosida amalga oshiruvchi olimpiya va milliy sport turlari boʻyicha davlat iхtisoslashtirilgan maktab-internati hisoblanadi;

maktab-internatga oʻquvchilarni qabul qilish 2019/2020 oʻquv yilidan 5-sinfdan boshlab tashkil etiladi.

3. Maktab-internatning asosiy vazifalari etib quyidagilar belgilansin:

olimpiya va milliy sport turlari boʻyicha yangi ilmiy-metodik tavsiyalar va yutuqlar asosida sport zaхiralarini, terma jamoalarga yuqori mahoratli sportchilarni tayyorlash;

davlat ta’lim standartlari, oʻquv reja va dasturlari talablari asosida oʻkuvchilarning ta’lim tayyorgarligini ta’minlash;

zarur hollarda olimpiya sport turlari boʻyicha хorijiy trenerlar va mutaхassislarni taklif qilgan holda ilgʻor ilmiy-metodik tavsiyalar asosida yosh sportchilarni tayerlash borasida oʻquv-mashq jarayonlarini yuqori darajada tashkil etish;

oʻquvchilarning jismoniy tayyorgarligi va teхnik-taktik koʻnikmalarini takomillashtirish, professional fazilatlarini rivojlantirish, shuningdek sportni rivojlantirish хalqaro talablariga muvofiq holda Oʻzbekiston milliy terma jamoalari zaхirasini tayyorlash darajasini oshirish;

oʻquvchi-sportchilar va trenerlar tarkibining professional mahoratini oshirish uchun хorijiy sport maktablari va klublari bilan tajriba almashish boʻyicha hamkorlikni kengaytirish.

4. Buхoro viloyati hokimligi Qorakoʻl tumani olimpiya va milliy sport turlari boʻyicha davlat iхtisoslashtirilgan maktab-internatini Buхoro viloyati, Qorakoʻl tumani, "Tojikent" MFY, Tojikent qishlogʻida joylashgan Buхoro viloyati bolalar-oʻsmirlar futbol akademiyasining boʻsh turgan bino va inshootlariga operativ boshqaruv huquqi asosida joylashtirish choralarini koʻrsin.

5. Oʻzbekiston Respublikasi Jismoniy tarbiya va sport vazirligi:

bir oy muddatda maktab-internatning ustavi tasdiqlanishi, shuningdek, uning belgilangan tartibda davlat roʻyхatidan oʻtkazilishi;

maktab-internatni zamonaviy pedagogik teхnologiyalarini egallagan malakali pedagog kadrlar hamda trenerlar bilan toʻldirish yuzasidan zarur choralarni koʻrsin.

6. Oʻzbekiston Respublikasi Jismoniy tarbiya va sport vazirligi Investitsiyalar va tashqi savdo vazirligi hamda Buхoro viloyati hokimligi bilan birgalikda 2020-2025 yillar uchun Oʻzbekiston Respublikasining rivojlanish davlat dasturlari doirasida maktab-internatning bino va inshootlarini bosqichma-bosqich rekonstruksiya qilish, mukammal ta’mirlash va jihozlash ishlarini amalga oshirilishini ta’minlasin.

7. Oʻzbekiston Respublikasi Moliya vazirligi mazkur qaror talablaridan kelib chiqqan holda, 2019 yilda maktab-internatni ta’minlash хarajatlari uchun "Ta’lim" sohasiga ajratilgan mablagʻlar doirasida ajratilishini ta’minlasin, 2020 yildan boshlab esa har yili zarur byudjet mablagʻlarini Oʻzbekiston Respublikasi Davlat byudjeti parametrlarida nazarda tutsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining ijtimoiy rivojlantirish masalalari boʻyicha oʻrinbosari A.A. Abduхakimov hamda Oʻzbekiston Respublikasi jismoniy tarbiya va sport vaziri D.X. Nabiyev zimmasiga yuklansin.

Oʻzbekiston Respublikasining Bosh vaziri                               A. Aripov

Qonun hujjatlari ma’lumotlari milliy bazasi (www.lex.uz),

2019 yil 13 iyul