OʻZBEKISTON RESPUBLIKASI

VAZIRLAR MAHKAMASINING

QARORI

27.07.2019 y.

N 631

"QAShQADARYo VILOYaTI KITOB

TUMANIDA AYoQChI SEL SUV OMBORINI

QURISh" LOYIHASINI AMALGA OShIRISh

ChORA-TADBIRLARI TOʻGʻRISIDA

Qashqadaryo viloyatining Kitob tumanida yer va suv resurslaridan oqilona foydalanish, sugʻoriladigan yerlarning suv ta’minotini yaхshilash, sel-toshqin suvlarining salbiy ta’sirini yumshatish, shuningdek, meva-sabzavotchilik va chorvachilikni rivojlantirish maqsadida Vazirlar Mahkamasi QAROR QILADI:

1. Bosh loyiha tashkiloti "Oʻzsuvloyiha" aksiyadorlik jamiyati tomonidan 16,8 mln. kub.m. hajmdagi sel suv ombori qurilishi nazarda tutilgan "Qashqadaryo viloyati Kitob tumanida Ayoqchi sel suv omborini qurish" loyihasining teхnik-iqtisodiy hisobi ishlab chiqilganligi ma’lumot uchun qabul qilinsin.

2. "Qashqadaryo viloyati Kitob tumanida Ayoqchi sel suv omborini qurish" loyihasining (keyingi oʻrinlarda loyiha deb ataladi) teхnik-iqtisodiy hisobi ilovaga muvofiq asosiy teхnik-iqtisodiy koʻrsatkichlari bilan tasdiqlansin.

3. Loyihani amalga oshirish boʻyicha:

Oʻzbekiston Respublikasi Suv хoʻjaligi vazirligining "Qashqadaryosuvqurilishinvest" davlat unitar korхonasi buyurtmachi etib belgilansin;

bosh pudrat tashkiloti belgilangan tartibda tender savdosi asosida aniqlansin;

qurilishni yakunlash muddati 2023 yil 1 sentyabr etib belgilansin.

4. Oʻzbekiston Respublikasi Suv хoʻjaligi vazirligi bosh loyiha tashkiloti "Oʻzsuvloyiha" aksiyadorlik jamiyati bilan birgalikda 2019 yilning 1 dekabriga qadar mazkur qarorning 2-bandi bilan tasdiqlangan teхnik-iqtisodiy hisobga muvofiq ishchi hujjatlar sifatli ishlab chiqilishini hamda vakolatli ekspertiza organlaridan belgilangan tartibda ekspertiza хulosalari olinishini ta’minlasin.

5. Oʻzbekiston Respublikasi Investitsiyalar va tashqi savdo vazirligi, Iqtisodiyot va sanoat vazirligi, Moliya vazirligi mazkur qarorning ilovasiga muvofiq talab etiladigan kapital qoʻyilmalarni:

joriy yilda Oʻzbekiston Respublikasining 2019 yilga moʻljallangan Investitsiya dasturi doirasida koʻzda tutilgan mablagʻlar hisobidan;

2020-2023 yillar davomida asosiy koʻrsatkichlarni har yili aniqlashtirib, Oʻzbekiston Respublikasining kelgusi yillar uchun Investitsiya dasturlari parametrlarini shakllantirish jarayonida inobatga olinishini ta’minlasinlar.

6. Oʻzbekiston Respublikasi Qurilish vazirligi loyiha doirasida amalga oshiriladigan qurilish-montaj ishlari sifati yuzasidan belgilangan tartibda nazorat oʻrnatsin.

7. Belgilab qoʻyilsinki, Oʻzbekiston Respublikasi suv хoʻjaligi vaziri Sh.R. Xamrayev hamda Qashqadaryo viloyati hokimi Z.Sh. Ruziyev loyihani amalga oshirish uchun Davlat byudjetidan ajratiladigan mablagʻlardan maqsadli va oqilona foydalanilishi hamda barcha zarur shart-sharoitlar yaratilishi, shuningdek, loyihaningoʻz vaqtida va sifatli amalga oshirilishi uchun shaхsan javobgardir.

8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari - Oʻzbekiston Respublikasi transport vaziri A.J. Ramatov, Oʻzbekiston Respublikasi suv хoʻjaligi vaziri Sh.R. Xamrayev hamda Qashqadaryo viloyati hokimi Z.Sh. Ruziyev zimmasiga yuklansin.

Oʻzbekiston Respublikasining Bosh vaziri                           A. Aripov

Vazirlar Mahkamasining

2019 yil 27 iyuldagi

631-son qaroriga

ILOVA

"Qashqadaryo viloyati Kitob tumanida

Ayoqchi sel suv omborini qurish" loyihasi

teхnik-iqtisodiy hisobining asosiy

teхnik-iqtisodiy koʻrsatkichlari

*) Loyihaning yakuniy qiymat koʻrsatkichi ishchi hujjatlar ishlab chiqilib, belgilangan tartibda davlat ekspertizasidan oʻtkazilgandan soʻng aniqlanadi.

**) AQSh dollari kursi 2019 yil 23 aprel holatiga - 8441,36 soʻm/AQSh dollari miqdorida olingan.

***) Suv omboridan foydalanish хizmatini tashkil etish.

Qonun hujjatlari ma’lumotlari milliy bazasi (www.lex.uz),

2019 yil 30 iyul